ಬ್ರೇಕಪ್ ವದಂತಿಗೆ ಬ್ರೇಕ್ ಹಾಕಿದ ಸುಶ್ಮಿತಾ ಸೇನ್ ಮತ್ತು ರೋಹ್ಮನ್ ಜೋಡಿ

14-02-21 11:59 am Source: FILMIBEAT Shruthi Gk ಸಿನಿಮಾ

ಮಾಜಿ ಭುವನ ಸುಂದರಿ ಸುಶ್ಮಿತಾ ಸೇನ್ ಮತ್ತು ಬಾಯ್ ಫ್ರೇಂಡ್ ರೋಹ್ಮನ್ ಶಾಲ್ ನಡುವೆ ಬ್ರೇಕಪ್ ಆಗಿದೆ ಎನ್ನುವ ವದಂತಿ ಹಬ್ಬಿತ್ತು

ಮಾಜಿ ಭುವನ ಸುಂದರಿ ಸುಶ್ಮಿತಾ ಸೇನ್ ಮತ್ತು ಬಾಯ್ ಫ್ರೇಂಡ್ ರೋಹ್ಮನ್ ಶಾಲ್ ವಿಚಾರವಾಗಿ ಆಗಾಗ ಸುದ್ದಿಯಲ್ಲಿರುತ್ತಾರೆ. 43 ವರ್ಷದ ನಟಿ ಸುಶ್ಮಿತಾ ಸೇನ್ 29 ವರ್ಷದ ಮಾಡೆಲ್ ರೋಹ್ಮನ್ ಜೊತೆ ಪ್ರೀತಿಯಲ್ಲಿರುವ ವಿಚಾರ ಗುಟ್ಟಾಗಿ ಉಳಿದಿಲ್ಲ. ಇಬ್ಬರು ಸದಾ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿದ್ದ ಈ ಜೋಡಿ ನಡುವೆ ಬ್ರೇಕಪ್ ಆಗಿದೆ ಎನ್ನುವ ವದಂತಿ ಹಬ್ಬಿತ್ತು

ಇದಕ್ಕೆ ಕಾರಣವಾಗಿದ್ದು, ಸುಶ್ಮಿತಾ ಸೇನ್ ಅವರ ಇತ್ತೀಚಿಗಿನ ಪೋಸ್ಟ್. ಸುಶ್ಮಿತಾ ಭಾವನಾತ್ಮಕ ಪೋಸ್ಟ್ ಶೇರ್ ಮಾಡುತ್ತಿದ್ದಂತೆ ರೋಹ್ಮನ್ ಶಾಲ್ ಯಿಂದ ದೂರ ಆಗಿದ್ದಾರೆ, ಇಬ್ಬರು ಬೇರೆ ಬೇರೆ ಆಗಿದ್ದಾರೆ ಎನ್ನುವ ಸುದ್ದಿ ವೈರಲ್ ಆಗಿತ್ತು. ಇದರ ಬೆನ್ನಲ್ಲೇ ಜೋಡಿ ಹಕ್ಕಿಗಳು ಒಟ್ಟಿಗೆ ಕಾಣಿಸಿಕೊಂಡು ಅಚ್ಚರಿ ಮೂಡಿಸಿದ್ದಾರೆ. ಕ್ಯಾಮರಾ ಕಣ್ಣಿಗೆ ಸೆರೆಯಾಗಿರುವ ಈ ಜೋಡಿಗೆ ಅಭಿಮಾನಿಗಳಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

ಈ ಮೂಲಕ ಬ್ರೇಕಪ್ ವದಂತಿಗೆ ಇಬ್ಬರು ಹಾಕಿದ್ದಾರೆ. ಅಂದಹಾಗೆ ಸುಶ್ಮಿತಾ ಸೇನ್ ಪೋಸ್ ನಲ್ಲಿ ಸಮಸ್ಯೆಯೆಂದರೆ ಮಹಿಳೆಯರು ಅವನು ಬದಲಾಗುತ್ತಾನೆ ಎಂದು ಭಾವಿಸುತ್ತಾರೆ. ಆದರೆ ಅವನು ಬದಲಾಗುವುದಿಲ್ಲ. ಅವಳು ಎಂದಿಗೂ ಬಿಟ್ಟುಹೋಗುವುದಿಲ್ಲ ಎಂದು ಪುರುಷರು ಯೋಚಿಸುವುದು ದೊಡ್ಡ ತಪ್ಪು' ಎಂದು ಬರೆದುಕೊಂಡಿದ್ದರು.

ಈ ಪೋಸ್ಟ್ ಇಬ್ಬರ ನಡುವೆ ಬ್ರೇಕಪ್ ವದಂತಿಗೆ ಕಾರಣವಾಗಿತ್ತು. ಅಭಿಮಾನಿಗಳು ಸಹ ನಿರಾಸೆಯ ಕಾಮೆಂಟ್ ಮಾಡುತ್ತಿದ್ದಾರೆ. ಇಬ್ಬರು ಬೇರೆ ಆಗಬೇಡಿ, ಮದುವೆ ಆಗುವುದನ್ನು ಕಾಯುತ್ತಿರುವುದಾಗಿ ಅಭಿಮಾನಿಗಳು ಕಾಮೆಂಟ್ ಮಾಡುತ್ತಿದ್ದಾರೆ. ವದಂತಿಯ ಬೆನ್ನಲ್ಲೇ ಇಬ್ಬರು ಒಟ್ಟಿಗೆ ಕಾಣಿಸಿಕೊಳ್ಳುವ ಮೂಲಕ ಜೊತೆಯಲ್ಲೇ ಇದ್ದೀವಿ ಎನ್ನುವ ಸಂದೇಶ ರವಾನಿಸಿದ್ದಾರೆ.

This News Article is a Copy of FILMIBEAT