Akanksha Death, Punjab, Dharmasthala, Mangalore: ಧರ್ಮಸ್ಥಳ ಮೂಲದ ಏರೋಸ್ಪೇಸ್ ಇಂಜಿನಿಯರ್ ಯುವತಿ ಪಂಜಾಬಿನಲ್ಲಿ ನಿಗೂಢ ಸಾವು ; ಜಪಾನ್ ಉದ್ಯೋಗ ಗಿಟ್ಟಿಸಿದ್ದಾಕೆ ಸಾವಿನ ಹಿಂದೆ ಅನುಮಾನ

ಬ್ರೇಕಿಂಗ್ ನ್ಯೂಸ್

Bangalore Murder, Crime, Wife: ಮನೆ ಕೆಲಸದವಳ ಜೊತೆ ಗಂಡನ ಅಕ್ರಮ ಸಂಬಂಧ ; ಒಂದೇ ಏಟಿಗೆ ಗಂಡ ಫಿನಿಶು, ಶವಕ್ಕೆ ಸ್ನಾನ ಮಾಡಿಸಿ ನಾಟಕ, ಖಾಕಿ ಪ್ರಶ್ನೆಗೆ ಮಳ್ಳಿ ಗಡಗಡ ! | ಮದುವೆಯಾಗದೇ ಅವಳಿ ಮಕ್ಕಳಿಗೆ ಜನ್ಮ ನೀಡಲಿದ್ದಾರೆ ನಟಿ ಭಾವನಾ ; ನಾನೀಗ ಆರು ತಿಂಗಳ ಗರ್ಭಿಣಿ, ಶೀಘ್ರದಲ್ಲೇ ಎರಡು ಪುಟ್ಟ ಆತ್ಮಗಳು ನನ್ನನ್ನು ಅಮ್ಮ ಎನ್ನಲಿವೆ..! | Corruption, SP Srinath Joshi, Lokayukta: ಹಣಕ್ಕಾಗಿ ಸರ್ಕಾರಿ ನೌಕರರನ್ನು ಪೀಡಿಸುತ್ತಿದ್ದ ಪ್ರಕರಣ ; ಬೆಂಗಳೂರು ನಗರ ಲೋಕಾಯುಕ್ತ ಎಸ್ಪಿಯಾಗಿದ್ದ ಶ್ರೀನಾಥ್ ಜೋಷಿ ಭ್ರಷ್ಟಾಚಾರ ಸಾಬೀತು, ಕ್ರಮಕ್ಕೆ ಶಿಫಾರಸು |

Akanksha Death, Punjab, Dharmasthala, Mangalore: ಧರ್ಮಸ್ಥಳ ಮೂಲದ ಏರೋಸ್ಪೇಸ್ ಇಂಜಿನಿಯರ್ ಯುವತಿ ಪಂಜಾಬಿನಲ್ಲಿ ನಿಗೂಢ ಸಾವು ; ಜಪಾನ್ ಉದ್ಯೋಗ ಗಿಟ್ಟಿಸಿದ್ದಾಕೆ ಸಾವಿನ ಹಿಂದೆ ಅನುಮಾನ

18-05-25 12:42 pm Mangalore Correspondent ಕರಾವಳಿ

ಧರ್ಮಸ್ಥಳ ಮೂಲದ ಏರೋಸ್ಪೇಸ್ ಇಂಜಿನಿಯರ್ ಉದ್ಯೋಗಿಯೊಬ್ಬಳು ಪಂಜಾಬ್ ತೆರಳಿದ್ದಾಗ ನಿಗೂಢ ರೀತಿಯಲ್ಲಿ ಸಾವನ್ನಪ್ಪಿದ ಘಟನೆ ನಡೆದಿದ್ದು ಮನೆಯವರು ಶಾಕ್ ಆಗಿದ್ದಾರೆ.

ಮಂಗಳೂರು, ಮೇ 18 : ಧರ್ಮಸ್ಥಳ ಮೂಲದ ಏರೋಸ್ಪೇಸ್ ಇಂಜಿನಿಯರ್ ಉದ್ಯೋಗಿಯೊಬ್ಬಳು ಪಂಜಾಬ್ ತೆರಳಿದ್ದಾಗ ನಿಗೂಢ ರೀತಿಯಲ್ಲಿ ಸಾವನ್ನಪ್ಪಿದ ಘಟನೆ ನಡೆದಿದ್ದು ಮನೆಯವರು ಶಾಕ್ ಆಗಿದ್ದಾರೆ.

ಧರ್ಮಸ್ಥಳ ಗ್ರಾಮದ ಬೋಳಿಯಾರ್ ನಿವಾಸಿಗಳಾದ ಸುರೇಂದ್ರ - ಸಿಂದೂದೇವಿ ದಂಪತಿಯ ಮಗಳು ಆಕಾಂಕ್ಷಾ(22) ಮೃತ ಯುವತಿ. ಮೇ 17 ರಂದು ಘಟನೆ ನಡೆದಿದ್ದು ವಿಷಯ ತಿಳಿದ ಮನೆಯವರು ಪಂಜಾಬ್‌ಗೆ ತೆರಳಿದ್ದಾರೆ. ಪಂಜಾಬಿನ ಫಗ್ವಾರಾದ ಎಲ್ ಪಿಯು ಕಾಲೇಜಿನಲ್ಲಿ ಆರು ತಿಂಗಳ ಹಿಂದೆ ಏರೋಸ್ಪೇಸ್ ಇಂಜಿನಿಯರಿಂಗ್ ಮುಗಿಸಿ ದೆಹಲಿಯಲ್ಲಿ ಉದ್ಯೋಗ ಗಿಟ್ಟಿಸಿಕೊಂಡಿದ್ದರು. ಅಲ್ಲಿದ್ದಾಗಲೇ ಜಪಾನಿನಲ್ಲಿ‌ ಉದ್ಯೋಗ ಗಿಟ್ಟಿಸಿಕೊಂಡಿದ್ದು ಅದಕ್ಕಾಗಿ ಹೆಚ್ಚುವರಿ ಶೈಕ್ಷಣಿಕ ಪ್ರಮಾಣ ಪತ್ರ ಪಡೆಯಲು ಆಕಾಂಕ್ಷಾ ಪಂಜಾಬ್‌ಗೆ ತೆರಳಿದ್ದಳು.

ಶೈಕ್ಷಣಿಕ ಪ್ರಮಾಣ ಪತ್ರ ಪಡೆದು ಮನೆಯವರಿಗೆ ಕರೆ ಮಾಡಿ ಮಾತನಾಡಿದ್ದ ಯುವತಿ ನಿನ್ನೆ ಸಂಜೆ ನಿಗೂಢ ರೀತಿಯಲ್ಲಿ ಸಾವನ್ನಪ್ಪಿದ್ದಾಳೆ. ಜಲಂಧರ್ ಪೊಲೀಸರು ಮನೆಯವರಿಗೆ ವಿಷಯ ಮುಟ್ಟಿಸಿದ್ದು ಮೂರನೇ ಮಹಡಿಯಿಂದ ಬಿದ್ದು ಮೃತಪಟ್ಟಿರುವ ಮಾಹಿತಿ ಇದೆ. ಆದರೆ ಆಕೆಯ ಜೊತೆಗೆ ಯಾರಿದ್ದರು, ಯಾರ ಜೊತೆ ಉಳಿದುಕೊಂಡಿದ್ದಳು ಎನ್ನುವ ಬಗ್ಗೆ ಪೊಲೀಸರು ತನಿಖೆ ನಡೆಸಿದ್ದಾರೆ.

ಮಗಳು ಆತ್ಮಹತ್ಯೆ ಮಾಡಿಕೊಳ್ಳಲು ಸಾಧ್ಯವೇ ಇಲ್ಲವೆಂದು ತಾಯಿ ಸಿಂಧೂದೇವಿ ಹೇಳಿದ್ದು ಘಟನೆ ಬಗ್ಗೆ ಸಮಗ್ರ ತನಿಖೆ ನಡೆಸಬೇಕೆಂದು ಆಗ್ರಹ ಮಾಡಿದ್ದಾರೆ.

A tragic and mysterious incident has occurred involving a young aerospace engineer from Dharmasthala. Akanksha (22), daughter of Surendra and Sindhu Devi of Boliyar in Dharmasthala, passed away under unclear circumstances while she was in Punjab. Akanksha, who had recently secured a job opportunity in Japan, had traveled to Punjab when the incident took place. Her sudden and unexplained death has left her family and the local community in deep shock and grief. Authorities are yet to confirm the exact cause of death, and further investigation is underway.