Upasana Ram Charan: ಪಾಲಕರಾಗಿ ಬಡ್ತಿ ಪಡೆದ ನಟ ರಾಮ್ ಚರಣ್ ತೇಜ, ಉಪಾಸನಾ

ಬ್ರೇಕಿಂಗ್ ನ್ಯೂಸ್

ಬಂಗ್ಲೆಗುಡ್ಡೆ ಕಾಡಿನಲ್ಲಿ 9 ಕಡೆ ಮನುಷ್ಯನ ಎಲುಬು, ಬುರುಡೆಗಳು ಪತ್ತೆ, ಧರ್ಮಸ್ಥಳ ಪ್ರಕರಣಕ್ಕೆ ಮತ್ತೆ ತಿರುವು, ಎಸ್ಐಟಿ ಶೋಧ ಕಾರ್ಯ ಮುಂದುವರಿಕೆಬಂಗ್ಲೆಗುಡ್ಡೆ ಕಾಡಿನಲ್ಲಿ 9 ಕಡೆ ಮನುಷ್ಯನ ಎಲುಬು, ಬುರುಡೆಗಳು ಪತ್ತೆ, ಧರ್ಮಸ್ಥಳ ಪ್ರಕರಣಕ್ಕೆ ಮತ್ತೆ ತಿರುವು, ಎಸ್ಐಟಿ ಶೋಧ ಕಾರ್ಯ ಮುಂದುವರಿಕೆ | Mahesh Shetty Timarodi, Arms, FIR: ಮಹೇಶ್ ಶೆಟ್ಟಿ ತಿಮರೋಡಿ ವಿರುದ್ಧ ಬೆಳ್ತಂಗಡಿಯಲ್ಲಿ ಮತ್ತೊಂದು ಎಫ್ಐಆರ್, ಅಕ್ರಮ ಶಸ್ತ್ರಾಸ್ತ್ರ ಕಾಯ್ದೆಯಡಿ ಕೇಸು ದಾಖಲು | Poonja International Hotel, Prabhakar Poonja Owner death: ಮಂಗಳೂರಿನ ಹೆಸರಾಂತ ಪೂಂಜಾ ಇಂಟರ್ನ್ಯಾಶನಲ್ ಹೊಟೇಲ್ ಮಾಲಕ ಪ್ರಭಾಕರ ಪೂಂಜಾ ನಿಧನ, ಮುಂಬೈ ಬಿಟ್ಟು ಬಂದು ಹೊಟೇಲ್ ಉದ್ಯಮ ಕಟ್ಟಿದ್ದ ಪೂಂಜಾ |

Upasana Ram Charan: ಪಾಲಕರಾಗಿ ಬಡ್ತಿ ಪಡೆದ ನಟ ರಾಮ್ ಚರಣ್ ತೇಜ, ಉಪಾಸನಾ

20-06-23 12:52 pm Source: Vijayakarnataka ಸಿನಿಮಾ

ನಟ ರಾಮ್ ಚರಣ್ ತೇಜ ಹಾಗೂ ಉಪಾಸನಾ ಅವರು ಜೂನ್ 20ರಂದು ಹೆಣ್ಣು ಮಗುವಿನ ಪಾಲಕರಾಗಿ ಬಡ್ತಿ ಪಡೆದಿದ್ದಾರೆ.

ನಟ ರಾಮ್ ಚರಣ್ ತೇಜ ಹಾಗೂ ಉಪಾಸನಾ ಅವರು ಜೂನ್ 20ರಂದು ಹೆಣ್ಣು ಮಗುವಿನ ಪಾಲಕರಾಗಿ ಬಡ್ತಿ ಪಡೆದಿದ್ದಾರೆ. ನಿನ್ನೆಯಷ್ಟೇ ಇವರಿಬ್ಬರು ಹೈದರಾಬಾದ್‌ನ ಅಪೋಲೊ ಆಸ್ಪತ್ರೆಗೆ ತೆರಳಿದ್ದರು. ಆಸ್ಪತ್ರೆಗೆ ಹೋಗಿ ಕೆಲವೇ ಗಂಟೆಗಳು ಕಳೆದ ಬಳಿಕ ಈ ಗುಡ್‌ನ್ಯೂಸ್ ಸಿಕ್ಕಿದೆ. ಸೋಶಿಯಲ್ ಮೀಡಿಯಾದಲ್ಲಿ ಅನೇಕರು ಈ ಜೋಡಿಗೆ ಶುಭಾಶಯ ತಿಳಿಸುತ್ತಿದ್ದಾರೆ.

ಉಪಾಸನಾ-ರಾಮ್ ಚರಣ್ ತೇಜಗೆ ನಾನಾ ಪ್ರಶ್ನೆ

ಮದುವೆಯಾಗಿ 10 ವರ್ಷಗಳ ಬಳಿಕ ಈ ಜೋಡಿ ಮೊದಲ ಮಗು ನಿರೀಕ್ಷೆ ಮಾಡಿತ್ತು. ಇಷ್ಟು ವರ್ಷಗಳ ಕಾಲ ಯಾಕೆ ಉಪಾಸನಾ, ರಾಮ್ ಚರಣ್ ಮಗು ಮಾಡಿಕೊಂಡಿಲ್ಲ? ಮಕ್ಕಳನ್ನು ಹೊಂದಲು ಇಷ್ಟ ಇಲ್ಲವೇ? ಅಥವಾ ಇವರಿಬ್ಬರಿಗೆ ಮಕ್ಕಳು ಆಗೋದಿಲ್ಲವೇ ಅಂತ ಸಾಕಷ್ಟು ಪ್ರಶ್ನೆಗಳು ಉದ್ಭವವಾಗಿತ್ತು. ಆಗಲೂ ಇವರಿಬ್ಬರು ಯಾವುದೇ ಪ್ರತಿಕ್ರಿಯೆ ನೀಡಿರಲಿಲ್ಲ.

A conversation about egg freezing in Indonesia - Health - The Jakarta Post

ಅಂಡಾಣು ಫ್ರೀಜ್ ಮಾಡಿಕೊಂಡಿದ್ದ ಉಪಾಸನಾ, ರಾಮ್ ಚರಣ್

"ನಾನು ಮತ್ತು ರಾಮ್‌ ಚರಣ್ ಮದುವೆಯಾದ ಆರಂಭದಲ್ಲಿಯೇ ಅಂಡಾಣು ಫ್ರೀಜ್‌ ಮಾಡಿ ಸಂಗ್ರಹಿಸಿಡಬೇಕು ಎಂದುಕೊಂಡು ಹಾಗೆ ಮಾಡಿದ್ದೆವು. ನಾವು ಇಷ್ಟು ವರ್ಷಗಳ ಕಾಲ ಕರಿಯರ್‌ ಬಗ್ಗೆ ಗಮನ ನೀಡಿದೆವು. ನಮ್ಮಿಬ್ಬರಿಗೂ ವಂಶಪಾರಂಪರ್ಯವಾಗಿ ಬಂದ ಆಸ್ತಿ ಇದೆ, ಆದರೆ ನಾವು ನಮ್ಮ ಮಗುವಿಗೆ ಏನು ಮಾಡಿದ್ದೇವೆ ಎಂಬ ಪ್ರಶ್ನೆ ಬರುತ್ತದೆ. ಈಗ ನಾವಿಬ್ಬರೂ ನಾವೇ ದುಡಿದು ಸಂಪಾದಿಸಿದ ಹಣದಲ್ಲಿ ನಮ್ಮ ಮಗುವಿನ ಆರೈಕೆ ಮಾಡಲು ಸಮರ್ಥರಾಗಿದ್ದೇವೆ, ನಮ್ಮ ಮಗುವಿಗೆ ಅತ್ಯುತ್ತಮ ಜೀವನಶೈಲಿ ಕಲ್ಪಿಸಲು ರೆಡಿ ಇದ್ದೇವೆ. ಸಮಾಜ, ಕುಟುಂಬ ಅಥವಾ ಹೊರಗಡೆಯವರು ಹೇಳಿದ ಸಮಯಕ್ಕೆ ನಾವು ಮಗು ಮಾಡಿಕೊಂಡಿಲ್ಲ. ನಮಗೆ ಯಾವಾಗ ಬೇಕೋ ಆಗ ಮಗು ಮಾಡಿಕೊಂಡಿದ್ದೇವೆ" ಎಂದು ಉಪಾಸನಾ ಹೇಳಿದ್ದರು.

Ram Charan says 'his baby is bringing luck' as he walks the Oscars 2023 red carpet with pregnant wife Upasana | PINKVILLA

ಸಿನಿಮಾ ಕಾರ್ಯಕ್ರಮಗಳಲ್ಲಿಯೂ ಉಪಾಸನಾ ಭಾಗಿ

ಉಪಾಸನಾ, ರಾಮ್ ಚರಣ್ ಅವರು ಬೇಬಿಮೂನ್ ಆಚರಿಸಿಕೊಂಡಿದ್ದಾರೆ. ಇನ್ನು ಉಪಾಸನಾಗಾಗಿ ದುಬೈನಲ್ಲಿ ಅವರ ಸಹೋದರಿಯರಾದ ಅನುಷ್‌ಪಾಲಾ ಕಾಮಿನೇನಿ ಮತ್ತು ಸಿಂಧೂರಿ ರೆಡ್ಡಿ ಅದ್ದೂರಿ ಬೇಬಿಶವರ್ ಆಯೋಜಿಸಿದ್ದರು. ಪತಿಯ ಜೊತೆ ಉಪಾಸನಾ ಅವರು ಶರ್ವಾನಂದ್ ಅವರ ಆರತಕ್ಷತೆ, ವರುಣ್ ತೇಜ-ಲಾವಣ್ಯಾ ತ್ರಿಪಾಠಿ ಅವರ ನಿಶ್ಚಿತಾರ್ಥಕ್ಕೆ ಆಗಮಿಸಿದ್ದರು. ಗರ್ಭಿಣಿಯಾದಾಗಿನಿಂದಲೂ ಉಪಾಸನಾ ಅವರು ರಾಮ್ ಚರಣ್ ಜೊತೆ ಅನೇಕ ಸಿನಿಮಾ ಸೇರಿದಂತೆ ಬೇರೆ ಕಾರ್ಯಕ್ರಮಗಳಲ್ಲಿ ಕೂಡ ಭಾಗವಹಿಸಿದ್ದರು. RRR ಸಿನಿಮಾದ ನಾಟು ನಾಟು ಹಾಡಿಗೆ ಆಸ್ಕರ್ ಪ್ರಶಸ್ತಿ ಸಿಕ್ಕಿದಾಗಲೂ ಕೂಡ ಉಪಾಸನಾ ಅವರು ರಾಮ್ ಜೊತೆ ಪ್ರಶಸ್ತಿ ಸಮಾರಂಭದಲ್ಲಿ ಭಾಗಿಯಾಗಿದ್ದರು. ಆಗಲೇ ರಾಮ್ ಚರಣ್ "ನಮಗೆ ಮಗು ಅದೃಷ್ಟ ತಂದಿದೆ" ಎಂದಿದ್ದರು.

ರಾಮ್ ಚರಣ್ ತೇಜ, ಉಪಾಸನಾ ಮದುವೆಯಾಗಿದ್ದರು. ಇವರಿಬ್ಬರ ಮದುವೆಗೆ ಕೈಲಾಸ ಸೆಟ್ ಹಾಕಿಸಲಾಗಿತ್ತು. ಈ ಅದ್ದೂರಿ ಮದುವೆಗೆ ಭಾರತೀಯ ಚಿತ್ರರಂಗದ ಗಣ್ಯಾತಿಗಣ್ಯರು ಆಗಮಿಸಿದ್ದರು. ಭಾರತದಲ್ಲಿ ಅಪೋಲೋ ಆಸ್ಪತ್ರೆಗಳ ಸಮೂಹವನ್ನು ಹುಟ್ಟುಹಾಕಿರುವ ಡಾ ಪ್ರತಾಪ್ ಸಿ ರೆಡ್ಡಿ ಅವರ ಮೊಮ್ಮಗಳು ಉಪಾಸನಾ.

Actors Ram Charan Teja and Upasana were promoted as parents of a baby girl on June 20. The duo had gone to The Apollo Hospital in Hyderabad yesterday. The good news came a few hours after he went to the hospital. Many on social media have been wishing the couple.