WhatsApp ಸ್ಟೇಟಸ್‌ಗಳಿಗೆ ಎಮೋಜಿಗಳ ಮೂಲಕ ಪ್ರತಿಕ್ರಿಯಿಸುವ ಆಯ್ಕೆ!

ಬ್ರೇಕಿಂಗ್ ನ್ಯೂಸ್

UT Khader, Mangalore, Tulu Academy: ತುಳು ಕಲಿತ ವಿದ್ಯಾರ್ಥಿಗಳಿಗೆ ಮೀಸಲಾತಿ ; ತುಳು ಸಾಹಿತ್ಯ ಅಕಾಡೆಮಿ ಗೌರವ, ಪುಸ್ತಕ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮದಲ್ಲಿ ಸ್ಪೀಕರ್ ಯುಟಿ ಖಾದರ್ ಆಶಯ | Bangalore crime, Fraud, Bank Manager: ಮನೆ ಮಾರಿ ವೃದ್ಧ ದಂಪತಿಗೆ ಬಂದಿತ್ತು 1 ಕೋಟಿ ; ಅಜ್ಜಿಯನ್ನ ಪುಸಲಾಯಿಸಿ ಅಕೌಂಟ್ ನಿಂದ 50 ಲಕ್ಷ ಎಗರಿಸಿದ ಕಳ್ಳಿ, ಬ್ಯಾಂಕ್‌ ಮ್ಯಾನೇಜರ್ ಸೇರಿ ನಾಲ್ವರು ಪೊಲೀಸರ ಬಲೆಗೆ | Yatnal, Pramod Muthalik: ' ಬಾಂಬ್ ಹಾಕಿ ಹೊಟ್ಟೆ ತುಂಬಿಸಿಕೊಳ್ಳುವ ಸ್ಥಿತಿ ಇದೆ, ಪಾಕಿಸ್ತಾನ ಜೈ ಎನ್ನುವವರು ಅಲ್ಲಿಗೇ ಹೋಗಲಿ ; ದೇಶದ್ರೋಹ ಕಲಿಸುವ ಮದರಸಾಗೆ ಅನುದಾನ ಕೊಟ್ಟಿದ್ದರಿಂದಲೇ ಇಂಥ ಸ್ಥಿತಿಯಾಗಿದೆ ' |

WhatsApp ಸ್ಟೇಟಸ್‌ಗಳಿಗೆ ಎಮೋಜಿಗಳ ಮೂಲಕ ಪ್ರತಿಕ್ರಿಯಿಸುವ ಆಯ್ಕೆ!

03-05-22 07:49 pm Source: Vijayakarnataka ಡಿಜಿಟಲ್ ಟೆಕ್

ಯಾವುದೇ ಎಮೋಜಿಯೊಂದಿಗೆ ಸಂದೇಶಗಳಿಗೆ ಪ್ರತಿಕ್ರಿಯಿಸುವ ಸಾಮರ್ಥ್ಯವನ್ನು ಸೇರಿಸುವ ಮೂಲಕ ಸಂದೇಶ ಪ್ರತಿಕ್ರಿಯೆಗಳ ಹೊಸ ಆವೃತ್ತಿಯನ್ನು ತರುವಲ್ಲಿ WhatsApp...

ವಿಶ್ವದ ಜನಪ್ರಿಯ ಇನ್‌ಸ್ಟಂಟ್ ಮೆಸೇಜಿಂಗ್ ಅಪ್ಲಿಕೇಷನ್ WhatsApp ನಲ್ಲಿ ಬಳಕೆದಾರರ ಅನುಭವವನ್ನು ಸರಳಗೊಳಿಸುವ ಮತ್ತೊಂದು ವಿಶೇಷ ವೈಶಿಷ್ಟ್ಯವು ಅಭಿವೃದ್ಧಿ ಹಂತದಲ್ಲಿದ್ದು, ಇದೀಗ whatsapp status ನಲ್ಲಿ ಎಮೋಜಿಗಳ ಮೂಲಕ ಇನ್‌ಸ್ಟಂಟ್ ಪ್ರತಿಕ್ರಿಯಿಸಬಹುದಾದ ಆಯ್ಕೆಯನ್ನು ತರಲಾಗುತ್ತಿದೆ ಎಂದು ತಿಳಿದುಬಂದಿದೆ. WhatsApp ಸಂದೇಶಗಳಿಗೆ ಎಮೋಜಿಗಳ ಮೂಲಕ ಪ್ರತಿಕ್ರಿಯಿಸುವಂತಹ ವೈಶಷ್ಟ್ಯದಲ್ಲಿ WhatsApp ಕಾರ್ಯನಿರ್ವಹಿಸುತ್ತಿದೆ. ಇದೇ ವೇಳೆಗೆ whatsapp statusನಲ್ಲಿ ಎಮೋಜಿಗಳ ಮೂಲಕ ಇನ್‌ಸ್ಟಂಟ್ ರಿಪ್ಲೆ ಮಾಡಬಹುದಾದ ಆಯ್ಕೆಯನ್ನು ತರಲಾಗುತ್ತಿದೆ ಎಂದು WhatsAppನ ಬೀಟಾ ಟ್ರ್ಯಾಕರ್ WABetaInfo ವರದಿ ಮಾಡಿದೆ.

WABetaInfo ವರದಿ ಮಾಡಿರುವಂತೆ, "ಯಾವುದೇ ಎಮೋಜಿಯೊಂದಿಗೆ ಸಂದೇಶಗಳಿಗೆ ಪ್ರತಿಕ್ರಿಯಿಸುವ ಸಾಮರ್ಥ್ಯವನ್ನು ಸೇರಿಸುವ ಮೂಲಕ ಸಂದೇಶ ಪ್ರತಿಕ್ರಿಯೆಗಳ ಹೊಸ ಆವೃತ್ತಿಯನ್ನು ತರುವಲ್ಲಿ WhatsApp ಕಾರ್ಯನಿರ್ವಹಿಸುತ್ತಿರುವಾಗ, ಕಂಪನಿಯು ಈಗ ಮತ್ತೊಂದು ಹೊಸ ವೈಶಿಷ್ಟ್ಯವನ್ನು ಅಭಿವೃದ್ಧಿಪಡಿಸುತ್ತಿದೆ. ಅದೇ ತ್ವರಿತ ಪ್ರತಿಕ್ರಿಯೆಗಳು.!" WhatsAppನಲ್ಲಿ ಸ್ಟೇಟಸ್ ಅಪ್‌ಡೇಟ್ ವೀಕ್ಷಿಸುವಾಗ ಎಮೋಜಿ ಮೂಲಕ ನಾವು ಪ್ರತಿಕ್ರಿಯಿಸುವ ವೈಶಿಷ್ಟ್ಯವು ಸಿಗಲಿದೆ ಎಂದು ಹೇಳಿದೆ. ಪ್ರಸ್ತುತ Instagram ಸ್ಟೋರಿಗಳಿಗೆ ಎಮೋಜಿಗಳ ಮೂಲಕ ರಿಪ್ಲೇ ಮಾಡಬಹುದಾದ ಆಯ್ಕೆಯ ರೀತಿಯಲ್ಲೇ ಈ ವೈಶಿಷ್ಟ್ಯವು ಕೂಡ ಇರಲಿದೆ ಎಂದು WABetaInfo ತಿಳಿಸಿದೆ.

ಅಭಿವೃದ್ಧಿ ಹಂತದಲ್ಲಿರುವ ಈ ಹೊಸ ವೈಶಿಷ್ಟ್ಯದ ಸ್ಕ್ರೀನ್‌ಶಾಟ್ ಅನ್ನು WABetaInfo ಹಂಚಿಕೊಂಡಿದ್ದು, ಹಂಚಿಕೊಂಡಿರುವ ಸ್ಕ್ರೀನ್‌ಶಾಟ್ ನಲ್ಲಿ ಕಾಣುವಂತೆ WhatsApp ಬಳಕೆದಾರರು WhatsApp status ಗಳನ್ನು ನೋಡುವಾಗ ಕೇವಲ ಟಕ್ಸ್ಟ್ ಬಾಕ್ಸ್‌ನ ಬದಲಿಗೆ ಬಾಕ್ಸ್‌ನ ಮೇಲೆ ಎಮೋಜಿಗಳನ್ನು ಕಾಣುತ್ತಾರೆ. WhatsApp ಡೆಸ್ಕ್‌ಟಾಪ್‌ನಿಂದ whatsapp status ನಲ್ಲಿ ಕಾಣುವಂತೆ WhatsApp 8 ಹೊಸ ಎಮೋಜಿಗಳನ್ನು ಸೇರಿಸಲು ಯೋಜಿಸುತ್ತಿದೆ ಎಂದು ತಿಳಿಯಬಹುದಾಗಿದೆ. ಆದರೆ, ಈ ವೈಶಿಷ್ಟ್ಯವು ಈಗಿನ್ನೂ ಅಭಿವೃದ್ಧಿಯ ಹಂತದಲ್ಲಿದ್ದು, ಈ ವೈಶಿಷ್ಟ್ಯವನ್ನು ಬಿಡುಗಡೆ ಮಾಡುವ ಸಮಯದ ಬಗ್ಗೆ WhatsApp ನಿಂದ ಯಾವುದೇ ಅಧಿಕೃತ ಮಾಹಿತಿಯು ಲಭ್ಯವಿಲ್ಲ.

ಇನ್ನು ಭಾರತದಲ್ಲಿ ತನ್ನ ಪಾವತಿ ಸೇವೆಯನ್ನು ಜನಪ್ರಿಯಗೊಳಿಸುವ ಸಲುವಾಗಿ, ದೇಶದ UPI ಪಾವತಿ ಸೇವೆ ಬಳಕೆದಾರರಿಗೆ ಕ್ಯಾಶ್‌ಬ್ಯಾಕ್ ಬಹುಮಾನಗಳನ್ನು ಪರಿಚಯಿಸಲು WhatsApp ಕೆಲಸ ಮಾಡುತ್ತಿದೆ ಎಂದು ತಿಳಿದುಬಂದಿದೆ. ಭಾರತ ದೇಶದಲ್ಲಿ 100 ಮಿಲಿಯನ್ ಅಥವಾ 10 ಕೋಟಿ ಬಳಕೆದಾರರಿಗೆ ತನ್ನ ಪಾವತಿ ಸೇವೆಯನ್ನು ವಿಸ್ತರಿಸಲು WhatsApp ಸಂಸ್ಥೆ ಇತ್ತೀಚಿಗಷ್ಟೇ ಅನುಮತಿಯನ್ನು ಪಡೆದುಕೊಂಡಿದ್ದು, ಇದರ ಭಾಗವಾಗಿ ಈ ಬೆಳವಣಿಗೆ ಕಂಡುಬಂದಿದೆ ಎನ್ನಲಾಗಿದೆ. ಈ ತಿಂಗಳ ಆರಂಭದಲ್ಲಿ, WhatsApp ಗಾಗಿ ಯೂನಿಫೈಡ್ ಪೇಮೆಂಟ್ಸ್ ಇಂಟರ್ಫೇಸ್ (UPI) ನಲ್ಲಿ ಹೆಚ್ಚುವರಿ 60 ಮಿಲಿಯನ್ ಬಳಕೆದಾರರಿಗೆ ತನ್ನ ಅನುಮತಿಯನ್ನು ನೀಡಿದ್ದನ್ನು ನಾವು ಗಮನಿಸಬಹುದು.