ಆನ್ಲೈನ್ ಬೆಟ್ಟಿಂಗ್ ದಂಧೆ ; ಚಿತ್ರದುರ್ಗದ ಕಾಂಗ್ರೆಸ್ ಶಾಸಕ ಕೆ.ಸಿ.ವೀರೇಂದ್ರಗೆ ಸೇರಿದ 23.35 ಕೋಟಿ ಆಸ್ತಿ ಜಪ್ತಿ, ಬೆಟ್ಟಿಂಗ್ ಏಪ್ ನಲ್ಲಿ 2300 ಕೋಟಿಗೂ ಹೆಚ್ಚು ವಹಿವಾಟು ಪತ್ತೆ

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

ಆನ್ಲೈನ್ ಬೆಟ್ಟಿಂಗ್ ದಂಧೆ ; ಚಿತ್ರದುರ್ಗದ ಕಾಂಗ್ರೆಸ್ ಶಾಸಕ ಕೆ.ಸಿ.ವೀರೇಂದ್ರಗೆ ಸೇರಿದ 23.35 ಕೋಟಿ ಆಸ್ತಿ ಜಪ್ತಿ, ಬೆಟ್ಟಿಂಗ್ ಏಪ್ ನಲ್ಲಿ 2300 ಕೋಟಿಗೂ ಹೆಚ್ಚು ವಹಿವಾಟು ಪತ್ತೆ

27-10-26 09:32 pm HK News Staffer ಕ್ರೈಂ

ಅಕ್ರಮ ಆನ್‌ಲೈನ್ ಬೆಟ್ಟಿಂಗ್ ದಂಧೆ ಪ್ರಕರಣದಲ್ಲಿ ಜಾರಿ ನಿರ್ದೇಶನಾಲಯ (ಇಡಿ) ಮತ್ತೆ ಬಿಗಿ ಕ್ರಮ ಕೈಗೊಂಡಿದೆ. ಚಿತ್ರದುರ್ಗ ಜಿಲ್ಲೆಯ ಮೊಳಕಾಲ್ಮೂರು ಕ್ಷೇತ್ರದ ಕಾಂಗ್ರೆಸ್ ಶಾಸಕ ಕೆ.ಸಿ. ವೀರೇಂದ್ರ ಮತ್ತು ಆತನ ಸಹಚರರಿಗೆ ಸೇರಿದ ರೂ.23.35 ಕೋಟಿ ಮೌಲ್ಯದ ಆಸ್ತಿಯನ್ನು ಬೆಂಗಳೂರು ವಲಯ ಇಡಿ ಅಧಿಕಾರಿಗಳು ಜಪ್ತಿ ಮಾಡಿದ್ದಾರೆ.

ಬೆಂಗಳೂರು, ಅ.27: ಅಕ್ರಮ ಆನ್‌ಲೈನ್ ಬೆಟ್ಟಿಂಗ್ ದಂಧೆ ಪ್ರಕರಣದಲ್ಲಿ ಜಾರಿ ನಿರ್ದೇಶನಾಲಯ (ಇಡಿ) ಮತ್ತೆ ಬಿಗಿ ಕ್ರಮ ಕೈಗೊಂಡಿದೆ. ಚಿತ್ರದುರ್ಗ ಜಿಲ್ಲೆಯ ಮೊಳಕಾಲ್ಮೂರು ಕ್ಷೇತ್ರದ ಕಾಂಗ್ರೆಸ್ ಶಾಸಕ ಕೆ.ಸಿ. ವೀರೇಂದ್ರ ಮತ್ತು ಆತನ ಸಹಚರರಿಗೆ ಸೇರಿದ ರೂ.23.35 ಕೋಟಿ ಮೌಲ್ಯದ ಆಸ್ತಿಯನ್ನು ಬೆಂಗಳೂರು ವಲಯ ಇಡಿ ಅಧಿಕಾರಿಗಳು ಜಪ್ತಿ ಮಾಡಿದ್ದಾರೆ.

ಜಪ್ತಿಯಾದ ಆಸ್ತಿಯಲ್ಲಿ ರೂ.13.76 ಕೋಟಿ ಚರಾಸ್ತಿ ಮತ್ತು ರೂ.9.58 ಕೋಟಿ ಸ್ಥಿರಾಸ್ತಿ ಸೇರಿದೆ. ಪಿಎಂಎಲ್‌ಎ ಕಾಯ್ದೆಯಡಿ ಅ.23ರಂದು ಹೊರಡಿಸಿದ 42/2026ನೇ ಆದೇಶದಂತೆ ಈ ಕ್ರಮ ಜರುಗಿಸಲಾಗಿದೆ. ಕೆ.ಸಿ.ವೀರೇಂದ್ರ ಮತ್ತು ಆತನ ಜಾಲ King567 ಸೇರಿ ಹಲವು ಅಕ್ರಮ ಬೆಟ್ಟಿಂಗ್ ವೆಬ್‌ಸೈಟ್‌ಗಳನ್ನು ನಡೆಸುತ್ತಿದ್ದರು. ಪೇಮೆಂಟ್ ಗೇಟ್‌ವೇ, ನಕಲಿ ಕಂಪನಿಗಳು ಮತ್ತು ಮ್ಯೂಲ್ ಖಾತೆಗಳ ಮೂಲಕ ದೇಶಾದ್ಯಂತ ಹಣ ವರ್ಗಾವಣೆ ಮಾಡಿ, ಆಟಗಾರರಿಂದ ಹಣ ಪಡೆದು ವಂಚಿಸುತ್ತಿದ್ದರು ಎಂದು ತನಿಖೆಯಲ್ಲಿ ಬಯಲಾಗಿದೆ. ಈ ಜಾಲದಿಂದ 2,300 ಕೋಟಿ ರೂಪಾಯಿಗೂ ಅಧಿಕ ಅಕ್ರಮ ಹಣ ಗಳಿಸಿದ್ದಾರೆಂದು ಅಂದಾಜಿಸಲಾಗಿದ್ದು, ಐಷಾರಾಮಿ ಆಸ್ತಿ, ವಿದೇಶಕ್ಕೆ ಅಕ್ರಮ ಹಣ ರವಾನೆ ಮತ್ತು ಹವಾಲಾ ಮೂಲಕ ಕಪ್ಪು ಹಣವನ್ನು ಬಿಳಿಯಾಗಿಸಲು ಯತ್ನಿಸಿದ್ದರು.

ಈ ಹಣದ ಒಂದು ಭಾಗ Fonepaisa Payment Solutions ಕಂಪನಿಯ ಮಾಲೀಕ ಗುಲ್ಷನ್ ಖಟ್ಟರ್ ಬಳಿ ಇತ್ತು. ಬೆಟ್ಟಿಂಗ್ ದಂಧೆಗೆ ಪೇಮೆಂಟ್ ಗೇಟ್‌ವೇ ಸೇವೆ ನೀಡಿ ಕೋಟ್ಯಂತರ ಕಮಿಷನ್ ಪಡೆದಿದ್ದ. ಆತನ ಪತ್ನಿ ನೇಹಾ ಟಂಡನ್ ಹೆಸರಿನಲ್ಲಿದ್ದ SimTech IT Solutions ಕಂಪನಿಯ ಖಾತೆಗಳಿಗೂ King567 ಹಣ ಹರಿದು ಬಂದಿರುವುದು ಪತ್ತೆಯಾಗಿದೆ.
ಇದಕ್ಕೂ ಮೊದಲು ಇಡಿ ಅಧಿಕಾರಿಗಳು ದೇಶಾದ್ಯಂತ 60ಕ್ಕೂ ಹೆಚ್ಚು ಕಡೆ ದಾಳಿ ನಡೆಸಿ ಅಪಾರ ನಗದು, ಚಿನ್ನ, ಬೆಳ್ಳಿ, ವಾಹನಗಳನ್ನು ವಶಪಡಿಸಿಕೊಂಡಿದ್ದು ಕೆ.ಸಿ.ವೀರೇಂದ್ರನನ್ನು ಬಂಧಿಸಿದ್ದರು. ಈಗಾಗಲೇ 177.30 ಕೋಟಿ ಆಸ್ತಿ ಜಪ್ತಿ ಮಾಡಿ ನ್ಯಾಯಾಧಿಕರಣದಿಂದ ದೃಢೀಕರಣ ಪಡೆಯಲಾಗಿದೆ. ಹೊಸ ಜಪ್ತಿ ಸೇರಿ ಒಟ್ಟು ಜಪ್ತಿ ಮೊತ್ತ 343 ಕೋಟಿ ರೂಪಾಯಿ ದಾಟಿದೆ ಎಂದು ಇಡಿ ಪ್ರಕಟಣೆಯಲ್ಲಿ ತಿಳಿಸಿದೆ.