ಜಿಯೋದಿಂದ 259 ರೂ.ಗಳ ಹೊಸ ಪ್ರೀಪೇಡ್ ಪ್ಲ್ಯಾನ್ ಲಾಂಚ್!..ಇದರ ವಿಶೇಷತೆ ಏನು ಗೊತ್ತಾ?

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

ಜಿಯೋದಿಂದ 259 ರೂ.ಗಳ ಹೊಸ ಪ್ರೀಪೇಡ್ ಪ್ಲ್ಯಾನ್ ಲಾಂಚ್!..ಇದರ ವಿಶೇಷತೆ ಏನು ಗೊತ್ತಾ?

28-03-22 09:05 pm Source: Vijayakarnataka ಡಿಜಿಟಲ್ ಟೆಕ್

ಟೆಲಿಕಾಂ ನಿಯಂತ್ರಣ ಮಂಡಳಿ ಟ್ರಾಯ್ ಇತ್ತೀಚಿಗಷ್ಟೇ ಟೆಲಿಕಾಂ ಕಂಪೆನಿಗಳಿಗೆ 30 ದಿನಗಳ ಸೇವಾ ಮಾನ್ಯತೆಯನ್ನು ಹೊಂದಿರುವ ಕನಿಷ್ಟ ಒಂದು ಪ್ರೀಪೇಡ್ ಪ್ಲ್ಯಾನ್ ಅನ್ನು ನೀಡಬೇಕು ಎಂದು...

ಭಾರತದ ನಂ 1 ಟೆಲಿಕಾಂ ಕಂಪೆನಿ ಜಿಯೋ ಇತ್ತೀಚೆಗೆ ಅನೇಕ ಪ್ರಿಪೇಯ್ಡ್ ಯೋಜನೆಗಳನ್ನು ಹೊಸದಾಗಿ ಸೇರಿಸಿದ್ದು, ಜಿಯೋ ಗ್ರಾಹಕರು ಇದೀಗ 30 ದಿನಗಳ ವ್ಯಾಲಿಡಿಟಿ ಅವಧಿಯೊಂದಿಗೆ ಹೊಸದಾಗಿ ಸೇರ್ಪಡೆಗೊಳಿಸಿರುವ 259 ರೂ.ಗಳ ಯೋಜನೆಯನ್ನು ಆಯ್ದುಕೊಳ್ಳಬಹುದಾಗಿದೆ. ಟೆಲಿಕಾಂ ನಿಯಂತ್ರಣ ಮಂಡಳಿ ಟ್ರಾಯ್ ಇತ್ತೀಚಿಗಷ್ಟೇ ಟೆಲಿಕಾಂ ಕಂಪೆನಿಗಳಿಗೆ 30 ದಿನಗಳ ಸೇವಾ ಮಾನ್ಯತೆಯನ್ನು ಹೊಂದಿರುವ ಕನಿಷ್ಟ ಒಂದು ಪ್ರೀಪೇಡ್ ಪ್ಲ್ಯಾನ್ ಅನ್ನು ನೀಡಬೇಕು ಎಂದು ಸೂಚಿಸಿತ್ತು. ಅದರಂತೆ, ಜಿಯೋ ಇದೀಗ 30 ದಿನಗಳ ವ್ಯಾಲಿಡಿಟಿ ಅವಧಿಯೊಂದಿಗೆ 259 ರೂ.ಗಳ ಪ್ರೀಪೇಡ್ ಯೋಜನೆಯನ್ನು ಸೇರಿಸಿದೆ. ಈ ಯೋಜನೆಯು ಜಿಯೋ ಗ್ರಾಹಕರಿಗೆ ಅತ್ಯುತ್ತಮ ಲಾಭವನ್ನು ಒದಗಿಸುವಂತೆ ಕಾಣುತ್ತಿದ್ದು, ಯೋಜನೆಯ ಲಾಭಗಳು ಯಾವುವು ಎಂಬುದನ್ನು ತಿಳಿಯೋಣ ಬನ್ನಿ.

30 ದಿನಗಳ ಸೇವಾ ಮಾನ್ಯತೆಯನ್ನು ಹೊಂದಿರುವ ಜಿಯೋವಿನ ಹೊಸ 259 ರೂ. ಯೋಜನೆಯೊಂದಿಗೆ, ಇದೀಗ ಜಿಯೋ ಬಳಕೆದಾರರು ಪ್ರತಿದಿನ 1.5GB ದೈನಂದಿನ ಡೇಟಾ, ಪ್ರತಿದಿನ 100 SMS ಗಳು ಮತ್ತು ಅನಿಯಮಿತ ಧ್ವನಿ ಕರೆಯ ಲಾಭವನ್ನು ಪಡೆಯಲಿದ್ದಾರೆ. ಈ ಯೋಜನೆಯಲ್ಲಿ ದೈನಂದಿನ ಡೇಟಾದ ಸಂಪೂರ್ಣ ಬಳಕೆಯ ನಂತರ ಇಂಟರ್‌ನೆಟ್ ವೇಗವು 64 Kbps ಗೆ ಇಳಿಯುತ್ತದೆ. ಇವಗಳ ಜೊತೆಯಲ್ಲಿ JioCinema, JioTV, JioCloud ಮತ್ತು JioSecurity ಸೇರಿದಂತೆ Jio ಅಪ್ಲಿಕೇಶನ್‌ಗಳನ್ನು ಬಳಕೆದಾರರಿಗೆ ಬಂಡಲ್‌ನಲ್ಲಿ ನೀಡಲಾಗುತ್ತದೆ. ಈ ಯೋಜನೆಯ ಪ್ರಮುಖ ವಿಶೇಷತೆಯೆಂದರೆ, ಮೊದಲೇ ಹೇಳಿದಂತೆ ಜಿಯೋ ಬಳಕೆದಾರರು ಈ ಯೋಜನೆಯೊಂದಿಗೆ 30 ದಿನಗಳ ಸಂಪೂರ್ಣ ತಿಂಗಳ ವ್ಯಾಲಿಡಿಟಿಯನ್ನು ಪಡೆಯಲಿದ್ದಾರೆ.

Jio Recharge Plans 2021; Latest Jio Dongle Plans, Reliance Jio Prepaid & Postpaid Recharge Plans with price List - News

ಸಂಪೂರ್ಣ 30 ದಿನಗಳ ಸೇವಾ ಮಾನ್ಯತೆಯನ್ನು ಬಯಸುವ ಜಿಯೋ ಬಳಕೆದಾರರಿಗೆ ಇದು ಉತ್ತಮ ಪ್ರಿಪೇಯ್ಡ್ ಯೋಜನೆಯಾಗಿದೆ. ಆದರೆ, ಇದೇ ಪ್ರಯೋಜನಗಳೊಂದಿಗೆ ಮತ್ತು 28 ದಿನಗಳ ಸೇವಾ ಮಾನ್ಯತೆಯೊಂದಿಗೆ ಲಭ್ಯವಿರುವ ಜಿಯೋವಿನ ಯೋಜನೆಯ ಬೆಲೆ ಕಡಿಮೆ ಇರುವುದನ್ನು ನಾವು ನೋಡಬಹುದು. ಪ್ರತಿದಿನ 1.5GB ದೈನಂದಿನ ಡೇಟಾ, ಪ್ರತಿದಿನ 100 SMS ಗಳು ಮತ್ತು ಅನಿಯಮಿತ ಧ್ವನಿ ಕರೆಯ ಲಾಭವನ್ನು ಹೊಂದಿರುವ ಹಾಗು 28 ದಿನಗಳ ಸೇವಾ ಮಾನ್ಯತೆಯೊಂದಿಗೆ ಲಭ್ಯವಿರುವ ಜಿಯೋವಿನ ಯೋಜನೆಗೆ ಬಳಕೆದಾರರು 239 ರೂ.ಗಳನ್ನು ಪಾವತಿಸಬೇಕಾಗುತ್ತದೆ. ಕೇವಲ 20 ರೂ.ಗಳನ್ನು ಹೆಚ್ಚು ಪಾವತಿಸುವ ಮೂಲಕ ಬಳಕೆದಾರರು ಸಂಪೂರ್ಣ 30 ದಿನಗಳವರೆಗೆ ಪ್ರಯೋಜನಗಳನ್ನು ಪಡೆಯುವುದು ಸ್ವಲ್ಪ ಲಾಭದಾಯಕ ಎಂದು ನಾವು ತಿಳಿಯಬಹುದು.

259 ರೂ.ಗಳ ಈ ಹೊಸ ಪ್ರಿಪೇಯ್ಡ್ ಪ್ಲಾನ್ ಜೊತೆಗೆ, ಜಿಯೋ 555 ರೂ.ಗಳ ಪ್ರಿಪೇಯ್ಡ್ ಯೋಜನೆಯೊಂದನ್ನು ಸಹ ಪರಿಚಯಿಸಿದೆ. ಈ 555 ರೂ. ಯೋಜನೆಯೊಂದಿಗೆ ಬಳಕೆದಾರರು 55 ದಿನಗಳವರೆಗೆ 55GB ಡೇಟಾವನ್ನು ಪಡೆಯಲಿದ್ದಾರೆ. ಇದು ಡೇಟಾ-ಮಾತ್ರ ಯೋಜನೆಯಾಗಿದ್ದು, ಬಳಕೆದಾರರು ಈ ಯೋಜನೆಯೊಂದಿಗೆ ಧ್ವನಿ ಕರೆ ಮತ್ತು SMS ಪ್ರಯೋಜನಗಳನ್ನು ಪಡೆಯುವುದಿಲ್ಲ ಎಂಬುದನ್ನು ಗಮನಿಸಿ. ಆದರೆ, ಯೋಜನೆಯೊಂದಿಗೆ ಡಿಸ್ನಿ+ ಹಾಟ್‌ಸ್ಟಾರ್ ಮೊಬೈಲ್‌ನ ಓವರ್-ದಿ-ಟಾಪ್ (OTT) ಚಂದಾದಾರಿಕೆ ಸಿಗುತ್ತದೆ. ಇದು 55 ದಿನಗಳ ಯೋಜನೆಯಾಗಿರುವುದರಿಂದ, ಬೇಸ್ ಪ್ರಿಪೇಯ್ಡ್ ಪ್ಲಾನ್‌ನ ಮುಕ್ತಾಯದ ಬಗ್ಗೆ ಯಾವುದೇ ಚಿಂತೆ ಇಲ್ಲ ಎಂಬುದನ್ನು ಗಮನಿಸಿ. ಹಾಗಾಗಿ, ಈ ಯೋಜನೆಯನ್ನು ಡೇಟಾ ಬೂಸ್ಟರ್ ಆಗಿಯೂ ಕೂಡ ಗ್ರಾಹಕರು ಆಯ್ದುಕೊಳ್ಳಬಹುದು.

Reliance Jio Prepaid Plan For Users Who Want 1 Month Complete Validity.