ಬಜೆಟ್ ಸ್ಮಾರ್ಟ್‌ಫೋನ್‌ಗಳ ತಯಾರಿಕೆಯಲ್ಲಿ ಹೆಸರಾಂತ ಮೊಬೈಲ್ ಬ್ರ್ಯಾಂಡ್ Tecno ದೇಶದಲ್ಲಿಂದು ತನ್ನ ಮಗದೊಂದು ಸ್ಮಾರ್ಟ್‌ಫೋನನ್ನು ಪರಿಚಯಿಸಿದೆ. Tecno ಕಂಪೆನಿಯ ಜನಪ್ರಿಯ Pova ಸರಣಿಯಲ್ಲಿ Tecno Pova 4 ಎಂಬ ಹೊಸ ಸ್ಮಾರ್ಟ್‌ಫೋನ್ನು ಪರಿಚಯಿಸಲಾಗಿದ್ದು, 6,000mAh ಬ್ಯಾಟರಿ, ಮೀಡಿಯಾ ಟೆಕ್‌ ಹಿಲಿಯೋ G99 ಪ್ರೊಸೆಸರ್, 8GB + 128GB ಸ್ಟೋರೇಜ್‌ ಜೊತೆಗೆ 2TB ವರೆಗೂ ಮೆಮೊರಿ ವಿಸ್ತರಿಸುವ ವೈಶಿಷ್ಟ್ಯಗಳಲ್ಲಿ ಈ ಹೊಸ ಸ್ಮಾರ್ಟ್‌ಫೋನ್ ಬಿಡುಗಡೆಗೊಂಡಿದೆ. ಹಾಗಾದರೆ, ಹೊಸ Tecno Pova 4 ಸ್ಮಾರ್ಟ್‌ಫೋನ್ ಹೇಗಿದೆ ಮತ್ತು ಬೆಲೆ ಎಷ್ಟು ಎಂಬ ಸಂಪೂರ್ಣ ಮಾಹಿತಿಯನ್ನು ಮುಂದೆ ಓದಿ ತಿಳಿಯೋಣ ಬನ್ನಿ.

Tecno Pova 4 ಸ್ಮಾರ್ಟ್‌ಫೋನಿನ ವೈಶಿಷ್ಟ್ಯಗಳು
ನೂತನ Tecno Pova 4 ಸ್ಮಾರ್ಟ್‌ಫೋನ್ 6.66 ಇಂಚಿನ (720 x 1640 ಪಿಕ್ಸೆಲ್ಸ್) ಅಮೋಲ್ಡ್ ಡಿಸ್‌ಪ್ಲೇಯನ್ನು ಹೊಂದಿದೆ. 20:9 ಅನುಪಾತದಲ್ಲಿರುವ ಈ ಡಿಸ್‌ಪ್ಲೇಯು 90Hz ರಿಫ್ರೆಶ್‌ ರೇಟ್‌ ಸಾಮರ್ಥ್ಯದ ಜೊತೆಗೆ 180Hz ಟಚ್ ಸ್ಯಾಂಪ್ಲಿಂಗ್ ರೇಟ್‌ ಹೊಂದಿದೆ. ಬಜೆಟ್ ಬೆಲೆಯ ಸ್ಮಾರ್ಟ್‌ಫೋನ್ ಇದಾಗಿರುವುದರಿಂದ, Tecno Pova 4 ಸ್ಮಾರ್ಟ್‌ಫೋನಿನಲ್ಲಿ 5nm ಮೀಡಿಯಾ ಟೆಕ್‌ ಹಿಲಿಯೋ G99 ಪ್ರೊಸೆಸರ್ ಅಳವಡಿಸಲಾಗಿದೆ. ವರ್ಧಿತ ಗೇಮಿಂಗ್ ಕಾರ್ಯಕ್ಷಮತೆಗಾಗಿ ಪ್ಯಾಂಥರ್ ಗೇಮ್‌ ಇಂಜಿನ್ 2.0 ಮತ್ತು ಹೈಪರ್‌ ಇಂಜಿನ್ 2.0 ಲೈಟ್ ಬೆಂಬಲಿಸುವ ಈ ಸ್ಮಾರ್ಟ್‌ಫೋನ್ ಆಂಡ್ರಾಯ್ಡ್ 12 ಆಧಾರಿತ HiOSನಲ್ಲಿ ಕಾರ್ಯ ನಿರ್ವಹಿಸಲಿದೆ.

ಹೊಸ Tecno Pova 4 ಸ್ಮಾರ್ಟ್‌ಫೋನಿನಲ್ಲಿ AI ಲೆನ್ಸ್ ಜೊತೆಗೆ f/1.6 ಅಪಾರ್ಚರ್ ಇರುವ 50 ಮೆಗಾಪಿಕ್ಸೆಲ್ ಸೆನ್ಸಾರ್ ಸಾಮರ್ಥ್ಯದ ಡ್ಯುಯಲ್‌ ಕ್ಯಾಮೆರಾ ಸೆಟಪ್ ತರಲಾಗಿದೆ. ಸೆಲ್ಫಿ ಮತ್ತು ವಿಡಿಯೋ ಕರೆಗಳಿಗಾಗಿ, 8 ಮೆಗಾ ಪಿಕ್ಸೆಲ್‌ ಸೆನ್ಸಾರ್ ಸಾಮರ್ಥ್ಯದ ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಈ ಸ್ಮಾರ್ಟ್‌ಪೋನ್ ಮುಂಭಾಗ ಹಾಗೂ ಹಿಂಬಾಗ ಎರಡೂ ಕಡೆ LED ಫ್ಲ್ಯಾಷ್ ಹೊಂದಿರುವುದು ವಿಶೇಷತೆಯಾಗಿದೆ. ಇನ್ನುಳಿದಂತೆ, ಈ ಹೊಸ Tecno Pova 4 ಸ್ಮಾರ್ಟ್‌ಫೋನ್ ಡಿಜಿಟಲ್‌ ಜೂಮ್, ಆಟೋ ಫ್ಲ್ಯಾಶ್‌, ಫೇಸ್‌ ಡಿಟೆಕ್ಷನ್, ಟಚ್ ಟು ಫೋಕಸ್ ನಂತಹ ಫೋಟೊಜೆನಿಕ್ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ ಎಂದು ಕಂಪೆನಿ ತಿಳಿಸಿದೆ.

Tecno Pova 4 ಸ್ಮಾರ್ಟ್‌ಫೋನಿನಲ್ಲಿ 18W ವೇಗದ ಚಾರ್ಜಿಂಗ್ ಬೆಂಬಲಿಸುವ 6,000 mAh ಸಾಮರ್ಥ್ಯದ ಬ್ಯಾಟರಿ ಅಳವಡಿಸಲಾಗಿದೆ. ಸಂಪರ್ಕ ಆಯ್ಕೆಗಳಲ್ಲಿ, 4G ಬೆಂಬಲ, ಡ್ಯುಯಲ್-ಬ್ಯಾಂಡ್ ವೈಫೈ, ಬ್ಲೂಟೂತ್, NFC, USB ಟೈಪ್-C, 3.5mm ಹೆಡ್‌ಫೋನ್ ಜ್ಯಾಕ್ ಮತ್ತು DTS ಸೌಂಡ್ ನಂತಹ ವೈಶಿಷ್ಟ್ಯಗಳಿವೆ. Tecno Pova 4 ಸ್ಮಾರ್ಟ್‌ಫೋನಿನಲ್ಲಿ 8 GB RAM ಮತ್ತು 128 GB ಸ್ಟೋರೇಜ್‌ ನೀಡಲಾಗಿದೆ.ಎಸ್‌ಡಿ ಕಾರ್ಡ್ ಸಹಾಯದಿಂದ ಸ್ಮಾರ್ಟ್‌ಫೋನಿನ ಮೆಮೊರಿಯನ್ನು 2TB ವರೆಗೂ ವಿಸ್ತರಿಸುವ ಆಯ್ಕೆ ಇದೆ. ಇಷ್ಟೇ ಅಲ್ಲದೇ, ಈ ಸ್ಮಾರ್ಟ್‌ಫೋನ್ 5GB ವರೆಗೆ RAM ಹೆಚ್ಚಿಸಿಕೊಳ್ಳುವ ವರ್ಚುವಲ್ RAM ವೈಶಿಷ್ಟ್ಯವನ್ನು ಸಹ ಬೆಂಬಲಿಸುತ್ತದೆ.

ಹೊಸ Tecno Pova 4 ಸ್ಮಾರ್ಟ್‌ಫೋನಿನಲ್ಲಿ AI ಲೆನ್ಸ್ ಜೊತೆಗೆ f/1.6 ಅಪಾರ್ಚರ್ ಇರುವ 50 ಮೆಗಾಪಿಕ್ಸೆಲ್ ಸೆನ್ಸಾರ್ ಸಾಮರ್ಥ್ಯದ ಡ್ಯುಯಲ್‌ ಕ್ಯಾಮೆರಾ ಸೆಟಪ್ ತರಲಾಗಿದೆ. ಸೆಲ್ಫಿ ಮತ್ತು ವಿಡಿಯೋ ಕರೆಗಳಿಗಾಗಿ, 8 ಮೆಗಾ ಪಿಕ್ಸೆಲ್‌ ಸೆನ್ಸಾರ್ ಸಾಮರ್ಥ್ಯದ ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಈ ಸ್ಮಾರ್ಟ್‌ಪೋನ್ ಮುಂಭಾಗ ಹಾಗೂ ಹಿಂಬಾಗ ಎರಡೂ ಕಡೆ LED ಫ್ಲ್ಯಾಷ್ ಹೊಂದಿರುವುದು ವಿಶೇಷತೆಯಾಗಿದೆ. ಇನ್ನುಳಿದಂತೆ, ಈ ಹೊಸ Tecno Pova 4 ಸ್ಮಾರ್ಟ್‌ಫೋನ್ ಡಿಜಿಟಲ್‌ ಜೂಮ್, ಆಟೋ ಫ್ಲ್ಯಾಶ್‌, ಫೇಸ್‌ ಡಿಟೆಕ್ಷನ್, ಟಚ್ ಟು ಫೋಕಸ್ ನಂತಹ ಫೋಟೊಜೆನಿಕ್ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ ಎಂದು ಕಂಪೆನಿ ತಿಳಿಸಿದೆ.

Tecno Pova 4 ಸ್ಮಾರ್ಟ್‌ಫೋನಿನಲ್ಲಿ 18W ವೇಗದ ಚಾರ್ಜಿಂಗ್ ಬೆಂಬಲಿಸುವ 6,000 mAh ಸಾಮರ್ಥ್ಯದ ಬ್ಯಾಟರಿ ಅಳವಡಿಸಲಾಗಿದೆ. ಸಂಪರ್ಕ ಆಯ್ಕೆಗಳಲ್ಲಿ, 4G ಬೆಂಬಲ, ಡ್ಯುಯಲ್-ಬ್ಯಾಂಡ್ ವೈಫೈ, ಬ್ಲೂಟೂತ್, NFC, USB ಟೈಪ್-C, 3.5mm ಹೆಡ್‌ಫೋನ್ ಜ್ಯಾಕ್ ಮತ್ತು DTS ಸೌಂಡ್ ನಂತಹ ವೈಶಿಷ್ಟ್ಯಗಳಿವೆ. Tecno Pova 4 ಸ್ಮಾರ್ಟ್‌ಫೋನಿನಲ್ಲಿ 8 GB RAM ಮತ್ತು 128 GB ಸ್ಟೋರೇಜ್‌ ನೀಡಲಾಗಿದೆ.ಎಸ್‌ಡಿ ಕಾರ್ಡ್ ಸಹಾಯದಿಂದ ಸ್ಮಾರ್ಟ್‌ಫೋನಿನ ಮೆಮೊರಿಯನ್ನು 2TB ವರೆಗೂ ವಿಸ್ತರಿಸುವ ಆಯ್ಕೆ ಇದೆ. ಇಷ್ಟೇ ಅಲ್ಲದೇ, ಈ ಸ್ಮಾರ್ಟ್‌ಫೋನ್ 5GB ವರೆಗೆ RAM ಹೆಚ್ಚಿಸಿಕೊಳ್ಳುವ ವರ್ಚುವಲ್ RAM ವೈಶಿಷ್ಟ್ಯವನ್ನು ಸಹ ಬೆಂಬಲಿಸುತ್ತದೆ.

• Join our WhatsApp group
• Follow us on Facebook 
• Follow us on Twitter

Tecno Pova 4 With 6000mah Battery Launched In India Price, Specifications.