ದೇಶದಲ್ಲಿ 'Nothing Ear Stick' ಟ್ರೂ ವೈರ್‌ಲೆಸ್ ಇಯರ್‌ಬಡ್ಸ್ ರಿಲೀಸ್!...ಹೇಗಿದೆ ಗೊತ್ತಾ?

ಬ್ರೇಕಿಂಗ್ ನ್ಯೂಸ್

U T Khader, Mangalore: ದ್ವೇಷ ಭಾಷಣ, ಜಾಲತಾಣಗಳಲ್ಲಿ ವದಂತಿ ಬಗ್ಗೆ ಕ್ರಮ ಕೈಗೊಳ್ಳದೆ ನಿರ್ಲಕ್ಷ್ಯ ; ಗೃಹ ಸಚಿವರಿಗೆ ಪತ್ರ ಬರೆದು ಪೊಲೀಸ್ ಅಧಿಕಾರಿಗಳ ವಿರುದ್ಧ ಕ್ರಮಕ್ಕೆ ಒತ್ತಾಯಿಸಿದ ಸ್ಪೀಕರ್ ಖಾದರ್ | Dk Shivakumar, Plan Crash: ವಿಮಾನ ದುರಂತ ; ಬಿಜೆಪಿ - ಜೆಡಿಎಸ್ನವರಿಗೆ ಹೆಣದ ಮೇಲೆ ರಾಜಕೀಯ ಮಾಡುವುದೇ ಕೆಲಸ, ನಾವು ಅವರಂತೆ ನೀಚ ರಾಜಕೀಯ ಮಾಡೋಲ್ಲ, ಡಿಕ್ಕಿ ಕಿಡಿ | Rain, Pilikula Zoo, Mangalore, Flood: ಪಿಲಿಕುಳ ಮೃಗಾಲಯದಲ್ಲಿ ಪ್ರಾಣಿಗಳಿಗೂ ನೆರೆ ಆಪತ್ತು ; ಕೆಸರು ನೀರಿನಲ್ಲೇ ಈಜಬೇಕು ಜಿಂಕೆ, ಮೃಗಗಳಿಗೆ ಆಹಾರ ಪೂರೈಕೆಯಲ್ಲೂ ವ್ಯತ್ಯಯ, 20 ವರ್ಷಗಳಿಂದ ಒಂದೇ ಕುಟುಂಬಕ್ಕೆ ಆಹಾರದ ಟೆಂಡರ್! ಗಳಿಕೆ ಭರಪೂರ, ಉಳಿಕೆ ಹರೋಹರ ! |

ದೇಶದಲ್ಲಿ 'Nothing Ear Stick' ಟ್ರೂ ವೈರ್‌ಲೆಸ್ ಇಯರ್‌ಬಡ್ಸ್ ರಿಲೀಸ್!...ಹೇಗಿದೆ ಗೊತ್ತಾ?

27-10-22 07:56 pm Source: Vijayakarnataka ಡಿಜಿಟಲ್ ಟೆಕ್

ಸಂಗೀತ ಪ್ರಿಯರಿಗೆ ಇಷ್ಟವಾಗುವ ರೀತಿ ಈ ಹೊಸ 'Nothing Ear Stick' ಸಾಧನವನ್ನು ಪರಿಚಯಿಸಲಾಗಿದೆ.

OnePlus ಸಹ-ಸಂಸ್ಥಾಪಕ ಕಾರ್ಲ್ ಪೀ ಹೊಸದಾಗಿ ಸ್ಥಾಪಿಸಿರುವ 'ನಥಿಂಗ್' ಕಂಪನಿಯಿಂದ ಜಾಗತಿಕವಾಗಿ ಇಂದು ಮೂರನೇ ಉತ್ಪನ್ನವು ಬಿಡುಗಡೆಯಾಗಿದೆ. ಭಾರತ ಸೇರಿದಂತೆ ಜಾಗತಿಕ ಮಾರುಕಟ್ಟೆಗೆ ಏಕಕಾಲದಲ್ಲಿ 'Nothing Ear Stick' ಎಂಬ ಟ್ರೂ ವೈರ್‌ಲೆಸ್ ಇಯರ್‌ಬಡ್ ಸಾಧನವನ್ನು ಪರಿಚಯಸಿಲಾಗಿದ್ದು, ಈ ಹೊಸ ಸಾಧನವು ಒಂದೇ ಚಾರ್ಜ್‌ನಲ್ಲಿ 7 ಗಂಟೆಗಳ ಬ್ಯಾಟರಿ ಅವಧಿಯನ್ನು ಒದಗಿಸಲಿದೆ ಎಂದು ನಥಿಂಗ್ ಕಂಪೆನಿ ತಿಳಿಸಿದೆ.

ಸಂಗೀತ ಪ್ರಿಯರಿಗೆ ಇಷ್ಟವಾಗುವ ರೀತಿ ಈ ಹೊಸ 'Nothing Ear Stick' ಸಾಧನವನ್ನು ಪರಿಚಯಿಸಲಾಗಿದೆ. ಕಂಪೆನಿಯ ಮೊದಲ ಇಯರ್‌ಬಡ್ ಸಾಧನ 'ನಥಿಂಗ್ ಇಯರ್ 1' ಸಾಧನಕ್ಕಿಂತ ಈ ಹೊಸ 'Nothing Ear Stick' ಸಾಧನವು ಸಾಕಷ್ಟು ಹಗುರವಾಗಿದೆ ಮಾತ್ರವಲ್ಲದೇ ಮತ್ತಷ್ಟು ವಿಶೇಷ ವೈಶಿಷ್ಟ್ಯಗಳನ್ನು ಹೊತ್ತು ಬಂದಿದೆ ಎಂದು ನಥಿಂಗ್ ಕಂಪೆನಿ ಹೇಳಿಕೊಂಡಿದೆ. ಹಾಗಾದರೆ, ಈ ಹೊಸ ಇಯರ್‌ಬಡ್ ಸಾಧನ ಹೇಗಿದೆ ನೋಡೋಣ ಬನ್ನಿ.

Nothing Ear (stick) will be available on Myntra after October 26 launch - INDIA TOPNews.MEDIA RSS

'Nothing Ear Stick' ಸಾಧನದ ವೈಶಿಷ್ಟ್ಯಗಳು
ನೂತನ 'Nothing Ear Stick' ಸಾಧನವು ಇತರ ಇಯರ್‌ಬಡ್‌ಗಳಿಗೆ ಹೋಲಿಸಿದರೆ ವಿಶಿಷ್ಟ ವಿನ್ಯಾಸದೊಂದಿಗೆ ಬಿಡುಗಡೆಯಾಗಿದೆ. ಸಾಮಾನ್ಯ ಇಯರ್‌ಬಡ್‌ಗಳ ಕೇಸ್‌ಗಳಿಗೆ ಒದಗಿಸಲಾದ ಫ್ಲಿಪ್ ಓಪನಿಂಗ್‌ಗಿಂತ ಭಿನ್ನವಾಗಿ, ನಥಿಂಗ್ ಇಯರ್ ಸ್ಟಿಕ್ ಕೇಸ್ ಟ್ವಿಸ್ಟ್ ಓಪನಿಂಗ್‌ನೊಂದಿಗೆ ಬಂದಿದೆ. ಇದು ನೋಡಲು ಅತ್ಯಾಕರ್ಷಕವಾಗಿ ಕಾಣುತ್ತಿದೆ.

'Nothing Ear Stick' ಸಾಧನವು ಶಕ್ತಿಯುತವಾದ 12.6mm ಡೈನಾಮಿಕ್ ಡ್ರೈವರ್‌ಗಳನ್ನು ಹೊಂದಿದ್ದು, ಸಂಗೀತದ ಗುಣಮಟ್ಟವನ್ನು ಮತ್ತಷ್ಟು ಹೆಚ್ಚಿಸಲಿದೆ. ಧೂಳು, ನೀರು ಮತ್ತು ಬೆವರು ನಿರೋಧಕತೆಗಾಗಿ IP54- ಪ್ರಮಾಣೀಕರಿಸಲ್ಪಟ್ಟಿರುವ ಈ ಇಯರ್‌ಬಡ್‌ಗಳು ಇನ್-ಇಯರ್ ಡಿಟೆಕ್ಷನ್ ವೈಶಿಷ್ಟ್ಯವನ್ನು ಸಹ ಒಳಗೊಂಡಿವೆ ಎಂದು ಕಂಪೆನಿ ತಿಳಿಸಿದೆ.

Nothing Ear Stick True Wireless Earbuds Price in India 2022, Full Specs & Review | Smartprix

'Nothing Ear Stick' ಸಾಧನ ಬ್ಯಾಟರಿ ಬಾಳಿಕೆ ಬಗ್ಗೆ ನೋಡುವುದಾದರೆ, ಇದರಲ್ಲಿನ ಇಯರ್‌ಬಡ್‌ಗಳು ಒಂದೇ ಚಾರ್ಜ್‌ನಲ್ಲಿ 7 ಗಂಟೆಗಳವರೆಗೆ ಆಲಿಸುವ ಸಮಯ ಮತ್ತು 3 ಗಂಟೆಗಳವರೆಗೆ ಟಾಕ್ ಟೈಮ್‌ ಸಾಮರ್ಥ್ಯವನ್ನು ಹೊಂದಿವೆ. ಇದರ ಕೇಸ್ 29 ಗಂಟೆಗಳವರೆಗೆ ಆಲಿಸುವ ಸಮಯವನ್ನು ಮತ್ತು 12 ಗಂಟೆಗಳವರೆಗೆ ಟಾಕ್ ಟೈಮ್ ನೀಡಲಿದೆ.

'Nothing Ear Stick' ಸಾಧನದ ಬೆಲೆ ಮತ್ತು ಲಭ್ಯತೆ
ದೇಶದ ಮಾರುಕಟ್ಟೆಯಲ್ಲಿ 'Nothing Ear Stick' ಸಾಧನವನ್ನು 8,499 ರೂ. ಬೆಲೆಯಲ್ಲಿ ಬಿಡುಗಡೆ ಮಾಡಲಾಗಿದೆ. ಇದೇ ನವೆಂಬರ್ 4 ರಿಂದ ಮಾರಾಟ ಕಂಪೆನಿಯ ಅಧಿಕೃತ ವೆಬ್‌ಸೈಟ್ ಹಾಗೂ ಪ್ರಮುಖ ಇ-ಕಾಮರ್ಸ್ ತಾಣಗಳಲ್ಲಿ 'Nothing Ear Stick' ಸಾಧನವನ್ನು ಏಕೈಕ ಬಿಳಿ ಬಣ್ಣದಲ್ಲಿ ಖರೀದಿಸಲು ಅವಕಾಶ ನೀಡಲಾಗಿದೆ. ಇದಕ್ಕೂ ಮೊದಲು ಈಗಿನಿಂದಲೇ ಈ ಇಯರ್‌ಬಡ್ ಸಾಧನವನ್ನು ಮುಂಗಡವಾಗಿ ಆರ್ಡರ್‌ ಮಾಡಬಹುದು.