ನಿಮ್ಮ ಸ್ಮಾರ್ಟ್‌ಫೋನಿನಲ್ಲಿ 5G ಡೇಟಾವನ್ನು ಬಳಸಲು ಹೀಗೆ ಮಾಡಿ!

ಬ್ರೇಕಿಂಗ್ ನ್ಯೂಸ್

ಅಪ್ರಾಪ್ತ ಬಾಲಕಿಯನ್ನು ಅತ್ಯಾಚಾರಗೈದು ಹತ್ಯೆ ; ಬೆಳಗಾವಿ ಮೂಲದ ವ್ಯಕ್ತಿಗೆ ಮರಣದಂಡನೆ ಘೋಷಣೆ, ಮಹಿಳೆಯರ ಪ್ರತ್ಯಕ್ಷ ಸಾಕ್ಷಿಯಿಂದ ಆರೋಪಿಗೆ ಡಬಲ್ ಶಿಕ್ಷೆ ! | Mangalore, Police, Loud Speakers: ಗಣೇಶೋತ್ಸವಕ್ಕೆ ತೊಂದರೆ ಆಗಿಲ್ಲ, ಮೈಕ್ ಹಾಕೋದಕ್ಕೂ ಅಡ್ಡಿ ಇಲ್ಲ, ದಸರಾ ಉತ್ಸವಕ್ಕೂ ಅಡ್ಡಿ ಮಾಡಲ್ಲ ; ಯಕ್ಷಗಾನ, ನಾಟಕಕ್ಕೆ ಮಾರ್ಗಸೂಚಿ ಪಾಲಿಸಿ ಅಷ್ಟೇ.. | Ullal Police, Mangalore, Gold Robbery: ತೊಕ್ಕೊಟ್ಟು, ಪಜೀರಿನಲ್ಲಿ ಚಿನ್ನದ ಸರ ಕಳ್ಳತನ ಮಾಡಿದ್ದ ಮಹಿಳೆ ಬಂಧನ ; ಮಗುವಿನ ಸರ ಸೇರಿ 1.80 ಲಕ್ಷ ರೂ. ಮೌಲ್ಯದ 18 ಗ್ರಾಂ ಚಿನ್ನ ವಶಕ್ಕೆ, ಉಳ್ಳಾಲ ಪೊಲೀಸರ ಕಾರ್ಯಾಚರಣೆ |

ನಿಮ್ಮ ಸ್ಮಾರ್ಟ್‌ಫೋನಿನಲ್ಲಿ 5G ಡೇಟಾವನ್ನು ಬಳಸಲು ಹೀಗೆ ಮಾಡಿ!

01-10-22 08:15 pm Source: Vijayakarnataka ಡಿಜಿಟಲ್ ಟೆಕ್

ಪ್ರಧಾನಿ ನರೇಂದ್ರ ಮೋದಿಯವರು 5G ದೂರ ಸಂಪರ್ಕ ಸೇವೆಗಳಿಗೆ ಚಾಲನೆ ನೀಡಿ, ಬೆಂಗಳೂರು ಸೇರಿದಂತೆ ದೇಶದ 13 ಪ್ರಮುಖ ನಗರಗಳು ಇನ್ನೇನು ಕೆಲವೇ ದಿನಗಳಲ್ಲಿ(ದೀಪಾವಳಿ ಹಬ್ಬದ.

ಭಾರತದಲ್ಲಿ ಬಹುನಿರೀಕ್ಷಿತ 5G ತಂತ್ರಜ್ಞಾನವು ಇಂದು (ಶನಿವಾರ, ಅಕ್ಟೋಬರ್ 1 2022) ಅಧಿಕೃತವಾಗಿ ಬಿಡುಗಡೆಯಾಗಿದೆ. ಪ್ರಧಾನಿ ನರೇಂದ್ರ ಮೋದಿಯವರು 5G ದೂರ ಸಂಪರ್ಕ ಸೇವೆಗಳಿಗೆ ಚಾಲನೆ ನೀಡಿ, ಬೆಂಗಳೂರು ಸೇರಿದಂತೆ ದೇಶದ 13 ಪ್ರಮುಖ ನಗರಗಳು ಇನ್ನೇನು ಕೆಲವೇ ದಿನಗಳಲ್ಲಿ(ದೀಪಾವಳಿ ಹಬ್ಬದ ವೇಳೆಗೆ 5G ಸೇವೆಗಳು ಗ್ರಾಹಕರಿಗೆ ಲಭ್ಯವಾಗುವ ನಿರೀಕ್ಷೆ ಇದೆ) 5G ಸೇವೆಗೆ ತೆರೆದುಕೊಳ್ಳುತ್ತಿವೆ ಎಂದು ತಿಳಿಸಿದ್ದಾರೆ. ನೀವು ಈಗಾಗಲೇ 5G ಸಪೋರ್ಟ್ ಮಾಡುವ ಸ್ಮಾರ್ಟ್‌ಫೋನ್ ಹೊಂದಿದ್ದರೆ, ನೀವು ಕೂಡ 5G ವೇಗದಲ್ಲಿ ಡೇಟಾವನ್ನು ಪಡೆಯಬಹುದು. ಹಾಗಾದರೆ, ದೇಶದಲ್ಲಿ 5G ಸೇವೆ ಲಭ್ಯವಾದ ನಂತರ ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ 5G ಡೇಟಾವನ್ನು ಬಳಸಲು ಏನು ಮಾಡಬೇಕೆಂದು ತಿಳಿಯೋಣ ಬನ್ನಿ.

ನೀವು 5G ಬೆಂಬಲಿಸುವ ಸ್ಮಾರ್ಟ್‌ಪೋನ್ ಹೊಂದಿದ್ದರೆ, ಭಾರತದಲ್ಲಿ 5G ಸೇವೆ ಆರಂಭವಾದ ತಕ್ಷಣವೇ ಟೆಲಿಕಾ ಕಂಪೆನಿಗಳು ಸೆಟ್ಟಿಂಗ್ಸ್ ಅನ್ನು ನಿಮ್ಮ ಸ್ಮಾರ್ಟ್‌ಫೋನಿಗೆ ಕಳುಹಿಸಿಕೊಡುತ್ತವೆ. ಇದರ ಮೂಲಕ ನೀವು 5G ಸೇವೆಯನ್ನು ಪಡೆದುಕೊಳ್ಳಬಹುದು. ಇದಲ್ಲದೇ, ನೀವು ನೇರವಾಗಿ ನಿಮ್ಮ ಸ್ಮಾರ್ಟ್‌ಫೋನಿನ ಸೆಟ್ಟಿಂಗ್ಸ್ ತೆರೆದು -> ಮೊಬೈಲ್ ನೆಟ್‌ವರ್ಕ್ -> ನೆಟ್‌ವರ್ಕ್ (“Settings -> Mobile network -> select the carrier“) ಆಯ್ಕೆಯ ಮೂಲಕ 5G ಸೇವೆಗೆ ಕನೆಕ್ಟ್ ಆಗಬಹುದು. ಆದ್ಯತೆಯ ನೆಟ್‌ವರ್ಕ್ ಪ್ರಕಾರವನ್ನು "5G/4G/3G/2G" ಆಯ್ಕೆಯಾಗಿ ಕ್ಲಿಕ್ ಮಾಡಿದರೆ ನಿಮ್ಮ ಫೋನ್‌ನಲ್ಲಿ 4G ಸಿಮ್‌ನೊಂದಿಗೆ 5G ಸೇವೆಗಳನ್ನು ಬಳಸಲು ಸಾಧ್ಯವಾಗಲಿದೆ.

5G ಸೇವೆಯನ್ನು ಬಳಸಲು ಸಿಮ್ ಕಾರ್ಡ್ ಬದಲಿಸಬೇಕೆ?
ನೀವು 5G ಸೇವೆಯನ್ನು ಬಳಸಲು ಸಿಮ್ ಕಾರ್ಡ್ ಬದಲಿಸಬೇಕಾದ ಅಗತ್ಯ ಇಲ್ಲ. ಪ್ರಸ್ತುತ 4G ಸಿಮ್‌ನೊಂದಿಗೆ 5G ಸೇವೆಯನ್ನು ಪಡೆಯಲು ಸಾಧ್ಯವಾಗಲಿದೆ. ನಿಮ್ಮ ಸ್ಮಾರ್ಟ್‌ಪೋನ್ 5G ಸಫೊರ್ಟ್ ಅನ್ನು ಹೊಂದಿದ್ದರೆ, ನಿಮ್ಮ 4G ಸಿಮ್ ಮೂಲಕವೇ 5G ಡೇಟಾ ಸ್ಪೀಡ್ ದೊರೆಯಲಿದೆ. ಟೆಲಿಕಾಂ ಕಂಪೆನಿಗಳು ಎಲ್ಲಿಯವರೆಗೆ NSA 5G ತಂತ್ರಜ್ಞಾನವನ್ನು ಬಳಸುವುದೋ ಅಲ್ಲಿಯವರೆಗೆ ನಿಮಗೆ 5G ಸಿಮ್ ಅಗತ್ಯವಿಲ್ಲ. ಏಕೆಂದರೆ, ಈ ಟೆಕ್ನಾಲಜಿಯು ಈಗಾಗಲೇ ಅಸ್ತಿತ್ವದಲ್ಲಿರುವ 4G ಸಿಮ್‌ಗಳನ್ನು 5G ಯೊಂದಿಗೆ ಫಾರ್ವರ್ಡ್ ಆಗುವಂತೆ ಮಾಡಲಿದೆ. ಹಾಗಾಗಿ, 5G ಸೇವೆ ಬಳಸಲು ನಿಮ್ಮ 4G ಸಿಮ್ ಅನ್ನು ಬದಲಿಸುವ ಅವಶ್ಯಕತೆ ಎದುರಾಗುವುದಿಲ್ಲ.

How to check if your phone supports 5G network? - Technology News

NSA 5G (NSA-ನಾನ್-ಸ್ಟ್ಯಾಂಡಲೋನ್ ಆರ್ಕಿಟೆಕ್ಚರ್) ತಂತ್ರಜ್ಞಾನವು ರೇಡಿಯೋ ನೆಟ್‌ವರ್ಕ್‌ಗಳ ನಿಯಂತ್ರಣ ಸಿಗ್ನಲಿಂಗ್ ಅನ್ನು 4G ಕೋರ್‌ಗೆ ಕನೆಕ್ಟ್ ಮಾಡುತ್ತದೆ. ಈ NSA 5G ತಂತ್ರಜ್ಞಾನವನ್ನು ಬಳಸುವುದರಿಂದ ಟೆಲಿಕಾಂ ಕಂಪೆನಿಗಳು ಅಸ್ತಿತ್ವದಲ್ಲಿರುವ 4G ನೆಟ್‌ವರ್ಕ್‌ ಮೂಲಕವೇ 5G ಅನ್ನು ಹೆಚ್ಚು ವ್ಯಾಪಕವಾಗಿ ನಿಯೋಜಿಸಲು ಸಾಧ್ಯವಾಗಲಿದೆ. ಒಂದು ವೇಳೆ NSA ಬದಲಿಗೆ ಮತ್ತೊಂದು ಪ್ರಮುಖ SA (ಸ್ಟ್ಯಾಂಡಲೋನ್ ಆರ್ಕಿಟೆಕ್ಚರ್) ತಂತ್ರಜ್ಞಾನವನ್ನು ಬಳಸಿದರೆ 5G ಗಾಗಿ ಹೊಸ ಸಿಮ್ ಖರೀದಿಸಿವುದು ಅಗತ್ಯವಾಗುತ್ತದೆ. ಆದರೆ, ದೇಶದ ಎಲ್ಲಾ ಟೆಲಿಕಾಂ ಕಂಪೆನಗಳು ಪ್ರಸ್ತುತ NSA 5G (NSA-ನಾನ್-ಸ್ಟ್ಯಾಂಡಲೋನ್ ಆರ್ಕಿಟೆಕ್ಚರ್) ತಂತ್ರಜ್ಞಾನವನ್ನು ಬಳಸಿಕೊಂಡು 5G ಸೇವೆಯನ್ನು ಒದಗಿಸಲು ಮುಂದಾಗಿವೆ.