ಭಾರತದಲ್ಲಿ Thomson QLED TV ಸರಣಿ ಬಿಡುಗಡೆ!...ಖರೀದಿಗೆ ಕ್ಯೂ ಗ್ಯಾರಂಟಿ?

ಬ್ರೇಕಿಂಗ್ ನ್ಯೂಸ್

ಅಪ್ರಾಪ್ತ ಬಾಲಕಿಯನ್ನು ಅತ್ಯಾಚಾರಗೈದು ಹತ್ಯೆ ; ಬೆಳಗಾವಿ ಮೂಲದ ವ್ಯಕ್ತಿಗೆ ಮರಣದಂಡನೆ ಘೋಷಣೆ, ಮಹಿಳೆಯರ ಪ್ರತ್ಯಕ್ಷ ಸಾಕ್ಷಿಯಿಂದ ಆರೋಪಿಗೆ ಡಬಲ್ ಶಿಕ್ಷೆ ! | Mangalore, Police, Loud Speakers: ಗಣೇಶೋತ್ಸವಕ್ಕೆ ತೊಂದರೆ ಆಗಿಲ್ಲ, ಮೈಕ್ ಹಾಕೋದಕ್ಕೂ ಅಡ್ಡಿ ಇಲ್ಲ, ದಸರಾ ಉತ್ಸವಕ್ಕೂ ಅಡ್ಡಿ ಮಾಡಲ್ಲ ; ಯಕ್ಷಗಾನ, ನಾಟಕಕ್ಕೆ ಮಾರ್ಗಸೂಚಿ ಪಾಲಿಸಿ ಅಷ್ಟೇ.. | Ullal Police, Mangalore, Gold Robbery: ತೊಕ್ಕೊಟ್ಟು, ಪಜೀರಿನಲ್ಲಿ ಚಿನ್ನದ ಸರ ಕಳ್ಳತನ ಮಾಡಿದ್ದ ಮಹಿಳೆ ಬಂಧನ ; ಮಗುವಿನ ಸರ ಸೇರಿ 1.80 ಲಕ್ಷ ರೂ. ಮೌಲ್ಯದ 18 ಗ್ರಾಂ ಚಿನ್ನ ವಶಕ್ಕೆ, ಉಳ್ಳಾಲ ಪೊಲೀಸರ ಕಾರ್ಯಾಚರಣೆ |

ಭಾರತದಲ್ಲಿ Thomson QLED TV ಸರಣಿ ಬಿಡುಗಡೆ!...ಖರೀದಿಗೆ ಕ್ಯೂ ಗ್ಯಾರಂಟಿ?

14-09-22 09:59 pm Source: Vijayakarnataka ಡಿಜಿಟಲ್ ಟೆಕ್

ದೇಶದಲ್ಲಿ ಲಭ್ಯವಿರುವ ಇತರೆ OLED ಟಿವಿಗಳಿಗಿಂತ ಹೆಚ್ಚು ಕೈಗೆಟುಕುವ ಬೆಲೆಯಲ್ಲಿ 50-ಇಂಚಿನ, 55-ಇಂಚಿನ ಮತ್ತು 65-ಇಂಚಿನ ಮೂರು QLED ಸ್ಮಾರ್ಟ್‌ಟಿವಿಗಳನ್ನು ಬಿಡುಗಡೆ ಮಾಡಲಾಗಿದ್ದು...

ಜರ್ಮನ್ ಮೂಲದ ಜನಪ್ರಿಯ ಎಲೆಕ್ಟ್ರಾನಿಕ್ಸ್ ಬ್ರಾಂಡ್ Thomson ಭಾರತದಲ್ಲಿ ತನ್ನ ಹೊಸ QLED ಸ್ಮಾರ್ಟ್‌ಟಿವಿ (Thomson QLED TV) ಸರಣಿಯನ್ನು ಬಿಡುಗಡೆ ಮಾಡಿದೆ. ದೇಶದಲ್ಲಿ ಲಭ್ಯವಿರುವ ಇತರೆ OLED ಟಿವಿಗಳಿಗಿಂತ ಹೆಚ್ಚು ಕೈಗೆಟುಕುವ ಬೆಲೆಯಲ್ಲಿ 50-ಇಂಚಿನ, 55-ಇಂಚಿನ ಮತ್ತು 65-ಇಂಚಿನ ಮೂರು QLED ಸ್ಮಾರ್ಟ್‌ಟಿವಿಗಳನ್ನು ಬಿಡುಗಡೆ ಮಾಡಲಾಗಿದ್ದು, ಮೊಟ್ಟ ಮೊದಲ ಬಾರಿಗೆ ಕೇವಲ 33,999 ರೂ.ಗಳ ಆರಂಭಿಕ ಬೆಲೆಯಲ್ಲಿ QLED ಸ್ಮಾರ್ಟ್‌ಟಿವಿಗಳು ದೇಶದ ಮಾರುಕಟ್ಟೆಗೆ ಬಂದಿವೆ. ಹಾಗಾದರೆ, ನೂತನ Thomson QLED TV ಸರಣಿ ಸ್ಮಾರ್ಟ್‌ಟಿವಿಗಳು ಹೇಗಿವೆ ಮತ್ತು ಸಂಪೂರ್ಣ ಬೆಲೆಗಳು ಎಷ್ಟು ಎಂಬುದನ್ನು ನೋಡೋಣ ಬನ್ನಿ.

Thomson QLED TV ಸರಣಿ ಸ್ಮಾರ್ಟ್‌ಟಿವಿಗಳ ವೈಶಿಷ್ಟ್ಯಗಳು
ಈ ಮೊದಲೇ ತಿಳಿಸಿದಂತೆ, ದೇಶದಲ್ಲಿ 50-ಇಂಚಿನ, 55-ಇಂಚಿನ ಮತ್ತು 65-ಇಂಚಿನ ಮೂರು ಗಾತ್ರಗಳಲ್ಲಿ Thomson QLED TV ಸರಣಿಯ ಸ್ಮಾರ್ಟ್‌ಟಿವಿಗಳು ಬಿಡುಗಡೆಯಾಗಿವೆ. ಈ ಎಲ್ಲಾ ಮೂರು ಸ್ಮಾರ್ಟ್‌ಟಿವಿಗಳು ಗಾತ್ರದಲ್ಲಿ ವ್ಯತ್ಯಾಸಗಳನ್ನು ಹೊರತುಪಡಿಸಿ ಒಂದೇ ರೀತಿಯ ವೈಶಿಷ್ಟ್ಯಗಳನ್ನು ಹೊಂದಿವೆ. ಈ ಎಲ್ಲಾ ಮೂರು ಸ್ಮಾರ್ಟ್‌ಟಿವಿಗಳು QLED ಪ್ಯಾನೆಲ್ ಹೊಂದಿದ್ದು, 4K ರೆಸಲ್ಯೂಶನ್ ಸಾಮರ್ಥ್ಯದ ಈ ಪ್ಯಾನಲ್ ಡಾಲ್ಬಿ ವಿಷನ್ ತಂತ್ರಜ್ಞಾನವನ್ನು ಬೆಂಬಲಿಸುತ್ತವೆ. ಅತ್ಯುತ್ತಮ ವೀಕ್ಷಣೆಯ ಅನುಭವಕ್ಕಾಗಿ ಎಲ್ಲಾ ಮೂರು ಸ್ಮಾರ್ಟ್‌ಟಿವಿಗಳಲ್ಲಿ ಸ್ಲಿಮ್ ಬೇಜೆಲ್ ವಿನ್ಯಾಸವನ್ನು ತರಲಾಗಿದೆ. ಇದರಿಂದ ಈ ಮೂರು ಸ್ಮಾರ್ಟ್‌ಟಿವಿಗಳು ಪ್ರೀಮಿಯಂ ಸಾಧನಗಳಂತೆ ಕಾಣುತ್ತಿವೆ.

Thomson QLED Smart TV: QLED Smart TV at a budget price.. Three variants from Thomson.. |

ಈ ಮೂರು ಸ್ಮಾರ್ಟ್‌ಟಿವಿಗಳ ಪ್ರಮುಖ ವೈಶಿಷ್ಟ್ಯಗಳಲ್ಲಿ, DTS ಸರೌಂಡ್ ಸೌಂಡ್ ಮತ್ತು ಡಾಲ್ಬಿ ಅಟ್ಮಾಸ್‌ಗೆ ಬೆಂಬಲದೊಂದಿಗೆ 40W ಸ್ಪೀಕರ್ ಸಿಸ್ಟಮ್‌ ಅನ್ನು ನೋಡಬಹುದು. ಇನ್ನು ಹುಡ್ ಅಡಿಯಲ್ಲಿ, Thomson QLED TV ಸರಣಿ ಸ್ಮಾರ್ಟ್‌ಟಿವಿಗಳು MT9062 ಪ್ರೊಸೆಸರ್ ಮತ್ತು Mali-G52 GPU ಹೊಂದಿವೆ. ಜೊತೆಗೆ 2GB RAM ಮತ್ತು 16GB ಆಂತರಿಕ ಮೆಮೊರಿಯನ್ನು ನೀಡಲಾಗಿದೆ. ಸಂಪರ್ಕ ಆಯ್ಕೆಗಳಲ್ಲಿ, ಎರಡು USB ಪೋರ್ಟ್‌ಗಳು, ಮೂರು HDMI (ARC, CEC) ಪೋರ್ಟ್‌ಗಳು, ಬ್ಲೂಟೂತ್ 5 ಮತ್ತು ಡ್ಯುಯಲ್-ಬ್ಯಾಂಡ್ Wi-Fi ವೈಫೈ ವೈಶಿಷ್ಟ್ಯಗಳಿವೆ. ಎಲ್ಲಾ ಸ್ಮಾರ್ಟ್‌ಟಿವಿಗಳ ಜೊತೆಗೆ ಓಟಿಟಿ ನೇರ ಸಂಪರ್ಕವಿರುವ ಬ್ಲೂಟೂತ್ ಟಿವಿ ರಿಮೋಟ್ ನೀಡಲಾಗಿದೆ

ಭಾರತದಲ್ಲಿ ಥಾಮ್ಸನ್ QLED ಟಿವಿಗಳ ಬೆಲೆಗಳು ಮತ್ತು ಲಭ್ಯತೆ
ಮೊದಲೇ ಹೇಳಿದಂತೆ, ಭಾರತದಲ್ಲಿ Thomson QLED TV ಸರಣಿ ಸ್ಮಾರ್ಟ್‌ಟಿವಿಗಳು ಕೇವಲ 33,999 ರೂ.ಗಳ ಆರಂಭಿಕ ಬೆಲೆಯಲ್ಲಿ ಬಿಡುಗಡೆಗೊಂಡಿವೆ. 50-ಇಂಚಿನ ಟಿವಿಯ ಬೆಲೆ 33,999 ರೂ. ಗಳಾದರೆ, 55-ಇಂಚಿನ ಟಿವಿ 40,999 ರೂ.ಗಳಿಗೆ ಮತ್ತು 65 ಇಂಚಿನ ಟಿವಿ 59,999 ರೂ. ಬೆಲೆಯಲ್ಲಿ ಬಿಡುಗಡೆಗೊಂಡಿವೆ. ಕೇವಲ ಒಂದೇ ಕಪ್ಪು ಬಣ್ಣದಲ್ಲಿ ಬಿಡುಗಡೆಗೊಂಡಿರುವ ಈ ಎಲ್ಲಾ ಮೂರು ಮಾದರಿ ಸ್ಮಾರ್ಟ್‌ಟಿವಿಗಳನ್ನು ಫ್ಲಿಪ್‌ಕಾರ್ಟ್ ಬಿಗ್ ಬಿಲಿಯನ್ ಡೇಸ್ ಸೇಲ್ ವೇಳೆ ಖರೀದಿಸಲು ಸಾಧ್ಯವಾಗಲಿದೆ.