ಭಾರತದಲ್ಲಿ Noise Flair XL ನೆಕ್‌ಬ್ಯಾಂಡ್ ಇಯರ್‌ಫೋನ್‌ ಬಿಡುಗಡೆ!

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

ಭಾರತದಲ್ಲಿ Noise Flair XL ನೆಕ್‌ಬ್ಯಾಂಡ್ ಇಯರ್‌ಫೋನ್‌ ಬಿಡುಗಡೆ!

05-07-22 08:24 pm Source: Vijayakarnataka ಡಿಜಿಟಲ್ ಟೆಕ್

Noise Flair XL ನೆಕ್‌ಬ್ಯಾಂಡ್ ಸಾಧನವು ಬಾಸ್ ಪ್ರತಿಕ್ರಿಯೆಯನ್ನು ಹೆಚ್ಚಿಸುವ "TruBass" ವೈಶಿಷ್ಟ್ಯಗಳನ್ನು ಹೊಂದಿರುವುದಾಗಿ Noise ಕಂಪೆನಿ ತಿಳಿಸಿದೆ. ಮೇಲಿನ ಚಿತ್ರದಲ್ಲಿ ಕಾಣಿಸುವಂತೆ...

ಭಾರತದ ಜನಪ್ರಿಯ ಆಡಿಯೋ ಉತ್ಪನ್ನಗಳ ತಯಾರಕ ಬ್ರ್ಯಾಂಡ್ 'Noise' ದೇಶದಲ್ಲಿ ತನ್ನ ವಿನೂತನ ವೈರ್‌ಲೆಸ್ ಹೆಡ್‌ಫೋನ್‌ ಸೆಟ್ ಒಂದನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ನೆಕ್‌ಬ್ಯಾಂಡ್ ಹೆಡ್‌ಫೋನ್ ಅನ್ನು ಇಷ್ಟಪಡುವ ಜನರಿಗಾಗಿ Noise Flair XL ಎಂಬ ಹೆಸರಿಲ್ಲಿನ ಹೊಸ ವೈರ್‌ಲೆಸ್ ನೆಕ್‌ಬ್ಯಾಂಡ್ ಹೆಡ್‌ಫೋನ್‌ ಸಾಧನವನ್ನು ಪರಿಚಯಿಸಲಾಗಿದ್ದು, ಈ ಸಾಧನವು ಪ್ರೀಮಿಯಂ ವಿನ್ಯಾಸ ಮತ್ತು ಅತ್ಯುತ್ತಮ ವೈಶಿಷ್ಟ್ಯಗಳನ್ನು ಹೊತ್ತು ಅತ್ಯಂತ ಕಡಿಮೆ ಬೆಲೆಯಲ್ಲಿ ಮಾರುಕಟ್ಟೆಗೆ ಎಂಟ್ರಿ ನೀಡಿದೆ. ಹಾಗಾದರೆ, ದೇಶದಲ್ಲಿ ಬಿಡುಗಡೆಗೊಂಡಿರುವ ನೂತನ Noise Flair XL ವೈರ್‌ಲೆಸ್ ಹೆಡ್‌ಫೋನ್‌ ಹೇಗಿದೆ?, ಈ ಸಾಧನದ ಬೆಲೆ ಎಷ್ಟು?, ಮತ್ತು ಏನೆಲ್ಲಾ ಪ್ರಮುಖ ವೈಶಿಷ್ಟ್ಯಗಳನ್ನು ಹೊಂದಿದೆ ಎಂಬುದನ್ನು ತಿಳಿಯೋಣ ಬನ್ನಿ.

Noise Flair XL ನೆಕ್‌ಬ್ಯಾಂಡ್ ವೈಶಿಷ್ಟ್ಯಗಳು
Noise Flair XL ನೆಕ್‌ಬ್ಯಾಂಡ್ ಸಾಧನವು ಬಾಸ್ ಪ್ರತಿಕ್ರಿಯೆಯನ್ನು ಹೆಚ್ಚಿಸುವ "TruBass" ವೈಶಿಷ್ಟ್ಯಗಳನ್ನು ಹೊಂದಿರುವುದಾಗಿ Noise ಕಂಪೆನಿ ತಿಳಿಸಿದೆ. ಮೇಲಿನ ಚಿತ್ರದಲ್ಲಿ ಕಾಣಿಸುವಂತೆ ಪ್ರೀಮಿಯಂ ಮತ್ತು ಸ್ಟೈಲಿಶ್ ಆಗಿ ಬಿಡುಗಡೆಗೊಂಡಿರುವ ಈ ಸಾಧನವು ಬೆವರು ಮತ್ತು ನೀರು-ನಿರೋಧಕವಾಗಿ IPX5 ರೇಟಿಂಗ್ ಅನ್ನು ಹೊಂದಿರುವ ಈ ಸಾಧನವನ್ನು ವ್ಯಾಯಾಮದ ಸಮಯದಲ್ಲಿ ಬಳಸುವಂತೆ ನಿರ್ಮಿಸಲಾಗಿದೆ. ಇನ್ನು Noise Flair XL ನೆಕ್‌ಬ್ಯಾಂಡ್ ಸಾಧನ ಒಂದೇ ಚಾರ್ಜ್‌ನಲ್ಲಿ 80 ಗಂಟೆಗಳ ತಡೆರಹಿತ ಆಡಿಯೊ ಆಲಿಸುವಿಕೆಯ ಸಾಮರ್ಥ್ಯವನ್ನು ಹೊಂದಿದೆ ಎಂದು ಕಂಪೆನಿಯು ಹೇಳಿಕೊಂಡಿದ್ದು, USB-C ಕನೆಕ್ಟರ್ ಮೂಲಕ ಕೇವಲ 10 ನಿಮಿಷಗಳ ಚಾರ್ಜಿಂಗ್ ಸಮಯದಲ್ಲಿ 15 ಗಂಟೆಗಳ ಪ್ಲೇಬ್ಯಾಕ್ ಸಮಯವನ್ನು ಈ ಸಾಧನವು ಒದಗಿಸುತ್ತದೆ ಎಂದು ಕಂಪೆನಿಯು ಭರವಸೆ ನೀಡಿದೆ.

Noise Flair neckband with touch controls launched in India, price starts at Rs 1799 - Technology News

Noise Flair XL ಇಯರ್‌ಫೋನ್‌ಗಳು ಪರಿಸರದ ಧ್ವನಿ ಕಡಿತ ಸಾಮರ್ಥ್ಯವನ್ನು ಹೊಂದಿದ್ದು, ಆಡಿಯೊ ಗುಣಮಟ್ಟವ ಮತ್ತು ಕರೆ ಸ್ಪಷ್ಟತೆಯನ್ನು ಸುಧಾರಿಸುತ್ತದೆ. ಬ್ಲೂಟೂತ್ 5.2 ಸಂಪರ್ಕವನ್ನು ಹೊಂದಿರುವ ಈ ಸಾಧನವು "ಹೈಪರ್ ಸಿಂಕ್" ವೈಶಿಷ್ಟ್ಯವನ್ನು ಸಹ ಹೊಂದಿದೆ ಎಂದು Noise ತಿಳಿಸಿದೆ. ಈ ವೈಶಿಷ್ಟ್ಯವು ಇಯರ್‌ಬಡ್‌ಗಳನ್ನು ಅವುಗಳ ಮ್ಯಾಗ್ನೆಟಿಕ್ ಇಯರ್ ಟಿಪ್‌ನಿದ ಬೇರ್ಪಡಿಸುವ ಮೂಲಕ ಇತ್ತೀಚಿನ ಸ್ಮಾರ್ಟ್‌ಫೋನ್‌ನೊಂದಿಗೆ ಆಟೊಮ್ಯಾಟಿಕ್ ಆಗಿ ಜೋಡಿಯಾಗಲು ಅನುಮತಿಸುತ್ತದೆ. ಹೆಚ್ಚುವರಿಯಾಗಿ, ಈ ಸಾಧನವು ಡ್ಯುಯಲ್ ಪೇರಿಂಗ್ ಅನ್ನು ಹೊಂದಿದ್ದು, ಇದು ಏಕಕಾಲದಲ್ಲಿ ಎರಡು ಸ್ಮಾರ್ಟ್‌ಫೋನ್‌ಗಳೊಂದಿಗೆ ಸಿಂಕ್ ಆಗಲಿದೆ. ಜೊತೆಗೆ ಗೇಮಿಂಗ್ ಮಾಡುವಾಗ ತಡೆರಹಿತ ಸಂಪರ್ಕಕ್ಕಾಗಿ ಕಡಿಮೆ ಲೇಟೆನ್ಸಿ ಮೋಡ್ ವೈಶಿಷ್ಟ್ಯವನ್ನು ಸಹ ಈ ನೆಕ್‌ಬ್ಯಾಂಡ್ ಹೊಂದಿದೆ.

Noise Flair, a touch-enabled bluetooth neckband launched in India at Rs 1,799- Technology News, Firstpost

Noise Flair XL ಬೆಲೆ
Noise Flair XL ನೆಕ್‌ಬ್ಯಾಂಡ್ ಇಯರ್‌ಫೋನ್‌ ಸೆಟ್ ಈಗಾಗಲೇ ಮಾರಾಟಕ್ಕೆ ಬಂದಿದ್ದು, Noise ಕಂಪೆನಿಯ ಅಧಿಕೃತ ವೆಬ್ ಸ್ಟೋರ್ ಮತ್ತು ದೇಶದ ಜನಪ್ರಿಯ ಇ-ಕಾಮರ್ಸ್ ತಾಣ ಫ್ಲಿಪ್‌ಕಾರ್ಟ್ ನಲ್ಲಿ Noise Flair XL ಸಾಧನವನ್ನು ಖರೀದಿಸಬಹುದು. ಮಿಸ್ಟ್ ಗ್ರೇ, ಬರ್ಗಂಡಿ, ಜೆಟ್ ಬ್ಲ್ಯಾಕ್ ಮತ್ತು ಸ್ಟೋನ್ ಬ್ಲೂ ನಾಲ್ಕು ಬಣ್ಣಗಳಲ್ಲಿ ಲಭ್ಯವಿರುವ Noise Flair XL ನೆಕ್‌ಬ್ಯಾಂಡ್ ಇಯರ್‌ಫೋನ್‌ 1,499 ರೂ.ಗಳ ಬೆಲೆಯಲ್ಲಿ ಖರೀದಿಗೆ ಲಭ್ಯವಿದೆ.

Noise Flair Xl Neckband Earphones Launched In India.