12,490 ರೂ.ಗೆ 32-ಇಂಚಿನ Daiwa D32HCA1 ಸ್ಮಾರ್ಟ್‌ಟಿವಿ ಬಿಡುಗಡೆ!

ಬ್ರೇಕಿಂಗ್ ನ್ಯೂಸ್

Mangalore Jail, Suicide, POSCO: ಮೂಡುಬಿದ್ರೆಯಲ್ಲಿ ಅಪ್ರಾಪ್ತ ಬಾಲಕಿಗೆ ಲೈಂಗಿಕ ಕಿರುಕುಳ ; ಪೋಕ್ಸೋ ಕೇಸಿನಲ್ಲಿ ಬಂಧಿತನಾಗಿದ್ದ ಆರೋಪಿ ಜೈಲಿನಲ್ಲಿ ಆತ್ಮಹತ್ಯೆ | Reservation for Muslims, Siddaramaiah, BJP: ಸರ್ಕಾರಿ ಗುತ್ತಿಗೆಗಳಲ್ಲಿ ಮುಸ್ಲಿಮರಿಗೆ ಮೀಸಲಾತಿ ; ವಿಧೇಯಕ ತರಲು ಸಿದ್ದರಾಮಯ್ಯ ಸಂಪುಟ ಒಪ್ಪಿಗೆ, ಧರ್ಮಾಧರಿತ ಮೀಸಲು ಸಂವಿಧಾನ ವಿರೋಧಿ ಎಂದು ಬಿಜೆಪಿ ಟೀಕೆ | Mangalore CCB police, Drugs, crime: ರಾಜ್ಯದಲ್ಲೇ ಅತಿ ದೊಡ್ಡ ಡ್ರಗ್ಸ್ ಬೇಟೆಯಾಡಿದ ಮಂಗಳೂರು ಸಿಸಿಬಿ ; ರಾಜಧಾನಿ ದೆಹಲಿಯಲ್ಲಿ ಎಂಡಿಎಂಎ ಡ್ರಗ್ಸ್ ತಯಾರಿಸಿ ದಕ್ಷಿಣ ಭಾರತಕ್ಕೆ ರವಾನೆ, ಆಫ್ರಿಕಾ ಮೂಲದ ಪ್ರಜೆಗಳಿಬ್ಬರ ಸೆರೆ, 75 ಕೋಟಿ ಮೌಲ್ಯದ 38 ಕೆಜಿ ಡ್ರಗ್ಸ್ ವಶಕ್ಕೆ |

12,490 ರೂ.ಗೆ 32-ಇಂಚಿನ Daiwa D32HCA1 ಸ್ಮಾರ್ಟ್‌ಟಿವಿ ಬಿಡುಗಡೆ!

23-06-22 09:30 pm Source: Vijayakarnataka ಡಿಜಿಟಲ್ ಟೆಕ್

Daiwa ಕಂಪೆನಿಯ 43-ಇಂಚಿನ ಸ್ಮಾರ್ಟ್‌ಟಿವಿ 1920*1080 ಪಿಕ್ಸೆಲ್‌ಗಳ ರೆಸಲ್ಯೂಶನ್ ಬೆಂಬಲದೊಂದಿಗೆ ಹಾಗೂ 32-ಇಂಚಿನ ಸ್ಮಾರ್ಟ್‌ಟಿವಿಯು 1366*768 ಪಿಕ್ಸೆಲ್‌ಗಳ...

ಭಾರತದಲ್ಲಿ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಗ್ರಾಹಕ ಎಲೆಕ್ಟ್ರಾನಿಕ್ಸ್ ಬ್ರ್ಯಾಂಡ್ Daiwa ಇಂದು ತನ್ನ ಎರಡು ಹೊಸ ಸ್ಮಾರ್ಟ್‌ಟಿವಿಗಳನ್ನು ಅತ್ಯಂತ ಕಡಿಮೆ ಬೆಲೆಯಲ್ಲಿ ಮಾರುಕಟ್ಟೆಗೆ ಪರಿಚಯಿಸಿದೆ. Daiwa D32HCA1 ಎಂಬ ಹೆಸರಿನಲ್ಲಿ 32-ಇಂಚಿನ ಮತ್ತು Daiwa D43FCA1 ಹೆಸರಿನಲ್ಲಿ 43-ಇಂಚಿನ Daiwa ಕಂಪೆನಿಯ ಎರಡು ಹೊಸ ಸ್ಮಾರ್ಟ್‌ಟಿವಿಗಳು ಬಿಡುಗಡೆಗೊಂಡಿದ್ದು, ಇವು ಬೆಜೆಲ್-ಲೆಸ್ ವಿನ್ಯಾಸ, ಗೂಗಲ್ ಅಸಿಸ್ಟೆಂಟ್‌ಗೆ ಬೆಂಬಲ, A-53 ಕ್ವಾಡ್-ಕೋರ್ ಪ್ರೊಸೆಸರ್ ಮತ್ತು 20W ಸರೌಂಡ್ ಸೌಂಡ್ ಸ್ಟಿರಿಯೊ ಸ್ಪೀಕರ್‌ ನಂತಹ ಪ್ರಮುಖ ವೈಶಿಷ್ಟ್ಯಗಳನ್ನು ಹೊತ್ತು ಬಂದಿವೆ. ವಿಶೇಷವಾಗಿ, 32-ಇಂಚಿನ Daiwa D32HCA1 ಸ್ಮಾರ್ಟ್‌ಟಿವಿ ಬೆಲೆ ಕೇವಲ 12,490 ರೂ.ಗಳಾಗಿದ್ದು, ಈ ಕೆಳಗೆ ಎರಡೂ ಸ್ಮಾರ್ಟ್‌ಟಿವಿಗಳ ಸಂಪೂರ್ಣ ವೈಶಿಷ್ಟ್ಯಗಳು ಮತ್ತು ಬೆಲೆಗಳ ಬಗ್ಗೆ ಮಾಹಿತಿ ತಿಳಿಯೋಣ ಬನ್ನಿ

Daiwa ಕಂಪೆನಿಯ ಹೊಸ 43-ಇಂಚಿನ ಮತ್ತು 32-ಇಂಚಿನ ಸ್ಮಾರ್ಟ್‌ಟಿವಿಗಳ ವೈಶಿಷ್ಟ್ಯಗಳು
Daiwa ಕಂಪೆನಿಯ 43-ಇಂಚಿನ ಸ್ಮಾರ್ಟ್‌ಟಿವಿ 1920*1080 ಪಿಕ್ಸೆಲ್‌ಗಳ ರೆಸಲ್ಯೂಶನ್ ಬೆಂಬಲದೊಂದಿಗೆ ಹಾಗೂ 32-ಇಂಚಿನ ಸ್ಮಾರ್ಟ್‌ಟಿವಿಯು 1366*768 ಪಿಕ್ಸೆಲ್‌ಗಳ ಬೆಂಬಲದೊಂದಿಗೆ A+ ಗ್ರೇಡ್ DLED ಪ್ಯಾನೆಲ್ ಅನ್ನು ಹೊಂದಿವೆ. ಇದರಲ್ಲಿ 32-ಇಂಚಿನ ಸ್ಮಾರ್ಟ್‌ಟಿವಿ 16.7 ಮಿಲಿಯನ್ ಬಣ್ಣಗಳನ್ನು ಬೆಂಬಲಿಸದ್ದರೆ, 43-ಇಂಚಿನ ಮಾದರಿಯು 1.07 ಬಿಲಿಯನ್ ಬಣ್ಣಗಳನ್ನು ಬೆಂಬಲಿಸಲಿದೆ. ಈ ಎರಡೂ ಸ್ಮಾರ್ಟ್ ಟಿವಿಗಳು ADS ಡಿಸ್‌ಪ್ಲೇಯೊಂದಿಗೆ (ಅಡ್ವಾನ್ಸ್ಡ್ ಸೂಪರ್ ಡೈಮೆನ್ಷನ್ ಸ್ವಿಚ್) ಶಕ್ತವಾಗಿದ್ದು, ಇದರಿಂದ ಈ ಸ್ಮಾರ್ಟ್‌ಟಿವಿಗಳು ಇಹೆಚ್ಚಿನ ಹೊಳಪು, ಪ್ರಸರಣ ಮತ್ತು ಕಾಂಟ್ರಾಸ್ಟ್ ಅನ್ನು ನೀಡುತ್ತದೆ ಎಂದು ಕಂಪೆನಿ ಹೇಳಿಕೊಂಡಿದೆ. A-53 ಕ್ವಾಡ್-ಕೋರ್ ಪ್ರೊಸೆಸರ್ ಅನ್ನು ಹೊಂದಿರುವ ಈ ಸ್ಮಾರ್ಟ್‌ಟಿವಿಗಳು ಸಿನಿಮಾ ಮೋಡ್ ಮತ್ತು ಕ್ರಿಕೆಟ್ ಮೋಡ್‌ಗೆ ಬೆಂಬಲಿಸುತ್ತವೆ.

Daiwa Brings New 43-Inch And 32-Inch Smart Tvs In India - 12,490 ರೂ.ಗೆ 32-ಇಂಚಿನ Daiwa D32HCA1 ಸ್ಮಾರ್ಟ್‌ಟಿವಿ ಬಿಡುಗಡೆ! - Vijaya Karnataka

ಧ್ವನಿಗಾಗಿ, 32-ಇಂಚಿನ ಮಾದರಿಯು 20W ಸರೌಂಡ್ ಸೌಂಡ್ ಸ್ಟಿರಿಯೊ ಸ್ಪೀಕರ್‌ಗಳನ್ನು ಮತ್ತು 43-ಇಂಚಿನ ಮಾದರಿಯು FHD ಸ್ಟೀರಿಯೋ ಸರೌಂಡ್ ಸೌಂಡ್ ಬಾಕ್ಸ್ ಸ್ಪೀಕರ್‌ಗಳನ್ನು ಹೊಂದಿವೆ. ಸಂಪರ್ಕದ ಆಯ್ಕೆಗಳಲ್ಲಿ, 2 HDMI ಪೋರ್ಟ್‌ಗಳು, ಬ್ಲೂಟೂತ್ ಸಂಪರ್ಕಕ್ಕೆ ಬೆಂಬಲ, Wi-Fi ಸಂಪರ್ಕ, ಈಥರ್ನೆಟ್ ವೈಶಿಷ್ಟ್ಯಗಳಿವೆ. ಈ ಸ್ಮಾರ್ಟ್ ಟಿವಿಗಳು ಕ್ಲೌಡ್ ಟಿವಿ ಓಎಸ್‌ನಲ್ಲಿ ಕಾರ್ಯನಿರ್ವಹಿಸುತ್ತವೆ. Daiwa ತನ್ನದೇ ಆದ 'The BIGWALL' UI ಅನ್ನು ನೀಡುತ್ತದೆ, ಇದು ಟಿವಿಯಲ್ಲಿ ಅಪ್ಲಿಕೇಶನ್‌ಗಳ ಬಂಡಲ್ ಅನ್ನು ನೀಡುತ್ತದೆ. ಇದರಲ್ಲಿ ಬಳಕೆದಾರರು ತಮ್ಮ ನೆಚ್ಚಿನ TV ಪ್ಲಾಟ್‌ಫಾರ್ಮ್‌ಗಳಾದ SonyLIV, Disney+ Hotstar ಮತ್ತು ಹೆಚ್ಚಿನ ಓಟಿಟಿ ಚಾನೆಲ್‌ಗಳ ವಿಷಯವನ್ನು ಸ್ಟ್ರೀಮ್ ಮಾಡಬಹುದು. ಇನ್ನು ಈ ಎರಡೂ ಮಾದರಿ ಸ್ಮಾರ್ಟ್‌ಟಿವಿಗಳು Android 9 TV OS ನಲ್ಲಿ ರನ್ ಆಗುತ್ತವೆ.

Daiwa Expands 'Made in India' Smart TVs at Starting ₹11,990/- – TRENDATED

Daiwa ಕಂಪೆನಿಯ ಹೊಸ 43-ಇಂಚಿನ ಮತ್ತು 32-ಇಂಚಿನ ಸ್ಮಾರ್ಟ್‌ಟಿವಿಗಳ ಬೆಲೆಗಳು
Daiwa ಕಂಪೆನಿಯ 32-ಇಂಚಿನ (D32HCA1) ಮಾದರಿಯ ಸ್ಮಾರ್ಟ್‌ಟಿವಿ 12,490 ರೂ.ಗಳಿಗೆ ಹಾಗೂ 43-ಇಂಚಿನ (D43FCA1) ಸ್ಮಾರ್ಟ್‌ಟಿವಿ ಬೆಲೆ 21,990 ರೂ.ಗಳಿಗೆ ಬಿಡುಗಡೆಯಾಗಿದೆ. ಗ್ರಾಹಕರು ಈ ಎರಡೂ ಸ್ಮಾರ್ಟ್‌ಟಿವಿಗಳ ಮೇಲೆ 12 ತಿಂಗಳ ಅಥವಾ ಒಂದು ವರ್ಷ ವಾರಂಟಿಯನ್ನು ಪಡೆಯಲಿದ್ದಾರೆ ಹಾಗೂ ಈ ಸ್ಮಾರ್ಟ್‌ಟಿವಿಗಳ ಪ್ಯಾನಲ್ ಮೇಲೆ ಹೆಚ್ಚು ಹೆಚ್ಚುವರಿ 12 ತಿಂಗಳ ವಾರಂಟಿ ನೀಡಲಾಗುವುದು ಎಂದು Daiwa ಕಂಪೆನಿ ತಿಳಿಸಿದೆ.