ಆಕರ್ಷಕ ಬೆಲೆಯಲ್ಲಿ Boat Airdopes 175 TWS ವೈರ್‌ಲೆಸ್ ಇಯರ್‌ಬಡ್ ಲಾಂಚ್!

ಬ್ರೇಕಿಂಗ್ ನ್ಯೂಸ್

Mangalore Fake Aadhar, RTC Scam, Police: ಆರೋಪಿಗಳಿಗೆ ಜಾಮೀನು ಕೊಡಿಸಲು ನಕಲಿ ಆಧಾರ್, ಆರ್ಟಿಸಿ ; ಮತ್ತೆ ಮೂವರ ಸೆರೆ, ಹಣಕ್ಕಾಗಿ ನಕಲಿ ದಾಖಲೆ, ನಕಲಿ ವ್ಯಕ್ತಿಗಳನ್ನೇ ಕೋರ್ಟಿಗೆ ಸಲ್ಲಿಸುತ್ತಿದ್ದ ಖದೀಮರು, ಹಿಂದಿನಿಂದಲೂ ನಡೀತಿದ್ದ ಅಕ್ರಮ ವಹಿವಾಟು | Hassan truck Accident: ಅರಕಲಗೂಡು ; ಗಣೇಶ ಮೆರವಣಿಗೆ ಮೇಲೆ ಲಾರಿ ನುಗ್ಗಿ ಎಂಟು ಮಂದಿ ದುರ್ಮರಣ! ಡಿಜೆ ಸದ್ದಿನಲ್ಲಿ ಮೈಮರೆತಿದ್ದ ಯುವಕರ ಮೇಲೆ ಹರಿದ ಯಮದೂತ ಲಾರಿ! ಭೀಕರ ದುರಂತಕ್ಕೆ ಬೆಚ್ಚಿಬಿದ್ದ ಹಾಸನ ಜನತೆ | ಅಪ್ರಾಪ್ತ ಬಾಲಕಿಯನ್ನು ಅತ್ಯಾಚಾರಗೈದು ಹತ್ಯೆ ; ಬೆಳಗಾವಿ ಮೂಲದ ವ್ಯಕ್ತಿಗೆ ಮರಣದಂಡನೆ ಘೋಷಣೆ, ಮಹಿಳೆಯರ ಪ್ರತ್ಯಕ್ಷ ಸಾಕ್ಷಿಯಿಂದ ಆರೋಪಿಗೆ ಡಬಲ್ ಶಿಕ್ಷೆ ! |

ಆಕರ್ಷಕ ಬೆಲೆಯಲ್ಲಿ Boat Airdopes 175 TWS ವೈರ್‌ಲೆಸ್ ಇಯರ್‌ಬಡ್ ಲಾಂಚ್!

26-05-22 08:08 pm Source: Vijayakarnataka ಡಿಜಿಟಲ್ ಟೆಕ್

Boat Airdopes 175 TWS ಇಯರ್‌ಬಡ್ ಸಾಧನವು ಬೇಸ್‌ನಲ್ಲಿ ಇನ್-ಇಯರ್ ಪ್ರೀಮಿಯಂ ವಿನ್ಯಾಸದಲ್ಲಿ ಆಗಮಿಸಿದೆ. ಬಳಕೆದಾರರಿಗೆ ಸಮತೋಲಿತ ಮತ್ತು ತಲ್ಲೀನಗೊಳಿಸುವ ಧ್ವನಿ...

ಭಾರತದ ಜನಪ್ರಿಯ ಗ್ರಾಹಕ ಎಲೆಕ್ಟ್ರಾನಿಕ್ಸ್ ಬ್ರ್ಯಾಂಡ್ Boat ತನ್ನ ಹೊಸ Airdopes 175 TWS ವೈರ್‌ಲೆಸ್ ಇಯರ್‌ಬಡ್ ಸಾಧನವನ್ನು ದೇಶೀಯ ಮಾರುಕಟ್ಟೆಗೆ ಪರಿಚಯಸಿದೆ. ಕೈಗೆಟುಕುವ ಬೆಲೆ ವಿಭಾಗದಲ್ಲಿ ಅತ್ಯುತ್ತಮ ವೈರ್‌ಲೆಸ್ ಇಯರ್‌ಬಡ್ ಸಾಧನವನ್ನು ಬಯಸುತ್ತಿರುವ ಜನರಿಗಾಗಿ Boat Airdopes 175 TWS ವೈರ್‌ಲೆಸ್ ಇಯರ್‌ಬಡ್ ಸಾಧನವನ್ನು ಬಿಡುಗಡೆ ಮಾಡಲಾಗಿದ್ದು, ಈ ಬೆಲೆ ಶ್ರೇಣಿಯಲ್ಲಿ ಸಾಕಷ್ಟು ಉತ್ತಮ ವೈಶಿಷ್ಟ್ಯಗಳೊಂದಿಗೆ ನೂತನ Boat Airdopes 175 TWS ವೈರ್‌ಲೆಸ್ ಇಯರ್‌ಬಡ್ಗಳನ್ನು ಒದಗಿಸಿದ್ದೇವೆ ಎಂದು ಕಂಪೆನಿ ಹೇಳಿಕೊಂಡಿದೆ. ಹಾಗಾದರೆ, ಹೊಸ Airdopes 175 TWS ಸಾಧನದ ವಿಶೇಷಣಗಳು ಯಾವುವು ಮತ್ತು ಬೆಲೆ ಎಷ್ಟು ಎಂಬ ವಿವರಗಳನ್ನು ನೋಡೋಣ ಬನ್ನಿ.

ಹೊಸದಾಗಿ ಬಿಡುಗಡೆಯಾರುವ Boat Airdopes 175 TWS ಇಯರ್‌ಬಡ್ ಸಾಧನವು ಬೇಸ್‌ನಲ್ಲಿ ಇನ್-ಇಯರ್ ಪ್ರೀಮಿಯಂ ವಿನ್ಯಾಸದಲ್ಲಿ ಆಗಮಿಸಿದೆ. ಬಳಕೆದಾರರಿಗೆ ಸಮತೋಲಿತ ಮತ್ತು ತಲ್ಲೀನಗೊಳಿಸುವ ಧ್ವನಿ ಗುಣಮಟ್ಟವನ್ನು ಖಾತ್ರಿಪಡಿಸುವ ಸಲುವಾಗಿ 10mm ಆಡಿಯೊ ಡ್ರೈವರ್ ಸೆಟಪ್ ಅನ್ನು ತರಲಾಗಿದೆ. ಈ ಸಾಧನವು ಧ್ವನಿ ಭಾಗದಲ್ಲಿ ಕ್ವಾಡ್ ಮೈಕ್ ಸೆಟಪ್ ಅನ್ನು ಒಳಗೊಂಡಿದ್ದು, ಇದು ಸ್ಪಷ್ಟವಾದ ಆಡಿಯೊ ಕರೆ ಅನುಭವವನ್ನು ಸಕ್ರಿಯಗೊಳಿಸಲು ಸಹಾಯ ಮಾಡುತ್ತದೆ ಎಂದು ಕಂಪೆನಿ ತಿಳಿಸಿದೆ. ಬ್ಲೂಟೂತ್ 5.2 ಸಂಪರ್ಕ ಬೆಂಬಲವನ್ನು ಹೊಂದಿರುವ ಈ ಸಾಧನವು ಎಲ್ಲಾ ಆಂಡ್ರಾಯ್ಡ್ ಸಾಧನಗಳಿಗೂ ಸಪೋರ್ಟ್ ಮಾಡುವುದನ್ನು ಕಂಪೆನಿ ಖಚಿತಪಡಿಸಿದ್ದು, ಗುಣಮಟ್ಟದ ಆಡಿಯೋ ಒದಗಿಸುವ ಖಾತರಿಯನ್ನು ಸಹ ನೀಡಿದೆ.

ಉತ್ಪನ್ನದ ಬಾಳಿಕೆ ಬಗ್ಗೆ ಮಾತನಾಡುವುದಾದರೆ, Boat ಕಂಪನಿಯು ಹೇಳಿರುವಂತೆ ಹೊಸ Airdopes 175 TWS ಸಾಧನವು ಒಂದೇ ಚಾರ್ಜ್‌ನಲ್ಲಿ 35 ಗಂಟೆಗಳವರೆಗೆ ಕಾರ್ಯನಿರ್ವಹಿಸಲಿದೆ. ಸಾಧನದ ಇಯರ್‌ಬಡ್‌ಗಳು 8 ಗಂಟೆಗಳವರೆಗೆ ಕೆಲಸ ನಿರ್ವಹಿಸುತ್ತವೆ ಆದರೆ ಚಾರ್ಜಿಂಗ್ ಕೇಸ್ ಹೆಚ್ಚುವರಿ 27 ಗಂಟೆಗಳ ಬ್ಯಾಟರಿ ಅವಧಿಯನ್ನು ಹೊಂದಿದೆ ಎಂದು ಕಂಪೆನಿ ತಿಳಿಸಿದೆ. ಇದಲ್ಲದೆ, ಬಳಕೆದಾರರು ತಮ್ಮ Airdopes 175 ಅನ್ನು ಕೇವಲ 5 ನಿಮಿಷಗಳ ತ್ವರಿತ ಚಾರ್ಜ್ ಮಾಡುವ ಮೂಲಕ 75 ನಿಮಿಷಗಳ ಪ್ಲೇಬ್ಯಾಕ್ ಅನ್ನು ಪಡೆಯಬಹುದು ಎಂದು ಕಂಪೆನಿ ತಿಳಿಸಿದೆ. ಈ ಸಾಧನದ ಚಾರ್ಜಿಂಗ್ ಕೇಸ್ ಚಾರ್ಜ್ ಮಾಡಲು USB ಟೈಪ್ C ಪೋರ್ಟ್ ಮತ್ತು ಸಾಧನಗಳ ತಡೆರಹಿತ ಜೋಡಣೆಗೆ ಅನುಮತಿಸುವ IWP ತಂತ್ರಜ್ಞಾನವನ್ನು ಹೊಂದಿದೆ.

Boat Airdopes 175 With 35 Hours Of Battery Life Launched; Price & Features - Gizbot News

ಮೊದಲೇ ಹೇಳಿದಂತೆ, ನೂತನ Airdopes 175 TWS ವೈರ್‌ಲೆಸ್ ಇಯರ್‌ಬಡ್ ಸಾಧನವನ್ನು ಕೈಗೆಟುಕುವ ಬೆಲೆ ವಿಭಾಗದಲ್ಲಿ ಪರಿಚಯಿಸಲಾಗಿದ್ದು, ಕೇವಲ 1,699 ರೂ.ಗಳಿಗೆ ಈ ಸಾಧನವನ್ನು ಖರೀದಿಸಬಹುದು. ಇದೇ ಮೇ 27 ರಿಂದ ಜನಪ್ರಿಯ ಇ-ಕಾಮರ್ಸ್ ಪ್ಲಾಟ್‌ಫಾರ್ಮ್ ಅಮೆಜಾನ್‌ ತಾಣದಲ್ಲಿ Airdopes 175 TWS ವೈರ್‌ಲೆಸ್ ಇಯರ್‌ಬಡ್ ಸಾಧನವು ಮಾರಾಟಕ್ಕೆ ಬರುತ್ತಿದೆ. ಇನ್ನು ಗ್ರಾಹಕರು ಕೆಂಪು, ನೀಲಿ, ಬಿಳಿ ಮತ್ತು ಕಪ್ಪು ಬಹುಬಣ್ಣದ ಆಯ್ಕೆಗಳಲ್ಲಿ Airdopes 175 TWS ವೈರ್‌ಲೆಸ್ ಇಯರ್‌ಬಡ್ ಸಾಧನವನ್ನು ತಮ್ಮದಾಗಿಸಿಕೊಳ್ಳಬಹುದು.