ತಾನು ಐಎಎಸ್‌ ಅಧಿಕಾರಿ, ಪ್ರವಾಸೋದ್ಯಮ ಇಲಾಖೆಯ ಹೊಟೇಲುಗಳನ್ನು ಲೀಸಿಗೆ ಕೊಡಿಸುತ್ತೇನೆಂದು ಲಕ್ಷಾಂತರ ಹಣ ವಸೂಲಿ! ಮಧ್ಯಪ್ರದೇಶದಲ್ಲಿ ನಕಲಿ ಸೋಗಿನ ಮಹಿಳೆ ಬಂಧನ

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

ತಾನು ಐಎಎಸ್‌ ಅಧಿಕಾರಿ, ಪ್ರವಾಸೋದ್ಯಮ ಇಲಾಖೆಯ ಹೊಟೇಲುಗಳನ್ನು ಲೀಸಿಗೆ ಕೊಡಿಸುತ್ತೇನೆಂದು ಲಕ್ಷಾಂತರ ಹಣ ವಸೂಲಿ! ಮಧ್ಯಪ್ರದೇಶದಲ್ಲಿ ನಕಲಿ ಸೋಗಿನ ಮಹಿಳೆ ಬಂಧನ

05-09-26 08:58 pm HK News Staffer ಕ್ರೈಂ

ತಾನು ಐಎಎಸ್‌ ಅಧಿಕಾರಿ ಎಂದು ಹೇಳಿಕೊಂಡು ಪ್ರವಾಸೋದ್ಯಮ ಇಲಾಖೆಯ ಹೊಟೇಲುಗಳನ್ನು ಲೀಸಿಗೆ ತೆಗೆಸಿಕೊಡುವುದಾಗಿ ಹೇಳಿ ಲಕ್ಷಾಂತರ ರೂ. ಪಡೆದು ವಂಚಿಸಿದ ಆರೋಪದಲ್ಲಿ ತೃಪ್ತಿ ಸಿಂಗ್ ರಜಪೂತ್ ಎಂಬಾಕೆಯನ್ನು ಮಧ್ಯಪ್ರದೇಶ ಪೊಲೀಸರು ಬಂಧಿಸಿದ್ದಾರೆ.

ಭೋಪಾಲ್, ಸೆ.5: ತಾನು ಐಎಎಸ್‌ ಅಧಿಕಾರಿ ಎಂದು ಹೇಳಿಕೊಂಡು ಪ್ರವಾಸೋದ್ಯಮ ಇಲಾಖೆಯ ಹೊಟೇಲುಗಳನ್ನು ಲೀಸಿಗೆ ತೆಗೆಸಿಕೊಡುವುದಾಗಿ ಹೇಳಿ ಲಕ್ಷಾಂತರ ರೂ. ಪಡೆದು ವಂಚಿಸಿದ ಆರೋಪದಲ್ಲಿ ತೃಪ್ತಿ ಸಿಂಗ್ ರಜಪೂತ್ ಎಂಬಾಕೆಯನ್ನು ಮಧ್ಯಪ್ರದೇಶ ಪೊಲೀಸರು ಬಂಧಿಸಿದ್ದಾರೆ.

“ನಾವು ಮಧ್ಯಪ್ರದೇಶ ವಿಧಾನಸಭೆಗೆ ಬಂದಿದ್ದೇವೆ. ಒಳಗೆ ಫೋಟೋ ತೆಗೆಯಲು ಅನುಮತಿ ಇಲ್ಲ. ಹಾಗಾಗಿ ಹೊರಗೆ ಈ ವೀಡಿಯೊ ಮಾಡುತ್ತಿದ್ದೇವೆ” ಎಂದು ಹೇಳಿಕೊಂಡಿದ್ದ ಈಕೆಯ ವಿಡಿಯೋ ಇತ್ತೀಚೆಗೆ ವೈರಲ್ ಆಗಿತ್ತು. ಗುಲಾಬಿ ಬಣ್ಣದ ಸೀರೆ ಧರಿಸಿದ್ದ ಮೂವರು ಯುವತಿಯರು ಅದರಲ್ಲಿ ಕಾಣಿಸಿಕೊಂಡಿದ್ದರು. ಈ ವೇಳೆ ಕೆಂಪು ಸೀರೆ ಧರಿಸಿದ್ದ ಯುವತಿ, “ನಮ್ಮ ಚೇಷ್ಟೆಗಳನ್ನು ನೋಡಿದರೆ ನಾವು ಐಎಎಸ್ ಅಧಿಕಾರಿಗಳು ಎಂದು ಯಾರಿಗೂ ಅನಿಸುವುದಿಲ್ಲ” ಎಂದು ಹೇಳಿಕೊಂಡಿದ್ದಳು.

ಪೊಲೀಸರು ಇದೇ ವಿಡಿಯೋ ಮುಂದಿಟ್ಟು ತನಿಖೆ ನಡೆಸಿದ್ದು ವಿಡಿಯೋದಲ್ಲಿನ ಯಾವುದೇ ಹೇಳಿಕೆ ನಿಜವಲ್ಲ ಎಂಬುದು ಪತ್ತೆಯಾಗಿದೆ. ಈ ಮಹಿಳೆಯರು ಐಎಎಸ್ ಅಧಿಕಾರಿಗಳಲ್ಲ. ಈ ವಿಡಿಯೊವನ್ನು ವಿಧಾನಸಭೆ ಆವರಣದಲ್ಲಿ ಚಿತ್ರೀಕರಿಸಲಾಗಿಲ್ಲ. ಬದಲು ಆಂಥ್ರೊಪಾಲಾಜಿಕಲ್ ಮ್ಯೂಸಿಯಂ ಸಂಕೀರ್ಣದೊಳಗಿನ ಗ್ಯಾಲರಿಯೊಂದರಲ್ಲಿ ಚಿತ್ರೀಕರಿಸಲಾಗಿತ್ರು ಎಂದು ಭೋಪಾಲ್ ಪೊಲೀಸರು ತನಿಖೆಯಲ್ಲಿ ಪತ್ತೆಹಚ್ಚಿದ್ದಾರೆ.

ಪೊಲೀಸರ ತನಿಖೆಯಲ್ಲಿ ಕೆಂಪು ಸೀರೆ ಧರಿಸಿದ್ದ ಮಹಿಳೆಯನ್ನು ತೃಪ್ತಿ ಸಿಂಗ್ ರಜಪೂತ್ ಎಂದು ಗುರುತಿಸಿದ್ದು ವಿಡಿಯೋದಲ್ಲಿ ಕಾಣಿಸಿರುವ ಇನ್ನಿಬ್ಬರು ಯುವತಿಯರು ಐಎಎಸ್‌ ಆಕಾಂಕ್ಷಿಗಳಾಗಿದ್ದು ಅಧಿಕಾರಿಗಳನ್ನಾಗಿ ಮಾಡಿಸುತ್ತೇನೆಂದು ಅವರಿಂದಲೇ ತೃಪ್ತಿ ಸಿಂಗ್ ಹಣ ಪಡೆದಿರುವುದು ತನಿಖೆಯಲ್ಲಿ ಪತ್ತೆಯಾಗಿದೆ. ತೃಪ್ತಿ ಸಿಂಗ್ ತನ್ನನ್ನು ಐಎಎಸ್‌ ಅಧಿಕಾರಿ ಮತ್ತು ಪ್ರವಾಸೋದ್ಯಮ ಇಲಾಖೆಯ ಹೆಚ್ಚುವರಿ ನಿರ್ದೇಶಕಿ ಎಂದು ಹೇಳಿಕೊಂಡು ಜನರಿಗೆ ಸರಕಾರಿ ಉದ್ಯೋಗ, ಪ್ರವಾಸೋದ್ಯಮಕ್ಕೆ ಸಂಬಂಧಿಸಿದ ಆಸ್ತಿಗಳ ಗುತ್ತಿಗೆ ಹಾಗೂ ಅಧಿಕಾರಿಗಳೊಂದಿಗೆ ಸಂಪರ್ಕ ಕಲ್ಪಿಸುವುದಾಗಿ ಹೇಳಿ ಹಣ ಪಡೆದು ವಂಚನೆ ಮಾಡುತ್ತಿರುವುದು ಬಯಲಾಗಿದೆ.

ನಾಲ್ಕು ಎಫ್‌ಐಆರ್‌ ದಾಖಲು

ಅಶೋಕನಗರ ಮತ್ತು ಭೋಪಾಲ್ ಪೊಲೀಸರು ಆಕೆಯ ವಿರುದ್ಧ ನಾಲ್ಕು ಪ್ರತ್ಯೇಕ ಎಫ್‌ಐಆರ್‌ ದಾಖಲಿಸಿದ್ದಾರೆ. ಆಗಸ್ಟ್ 23 ರಂದು ಅಶೋಕನಗರ ಜಿಲ್ಲೆಯ ಚಂದೇರಿ ಪೊಲೀಸರು ಆಕೆಯ ಸಹೋದರ ಸುಧಾಂಶು ಸಿಂಗ್ ಜೊತೆಗೆ ಬಂಧಿಸಿದ್ದು ಆನಂತರ ಒಂದೊಂದೇ ಅಕ್ರಮಗಳು ಹೊರಗೆ ಬಂದಿವೆ. ಜೊತೆಗಿದ್ದ ಯುವಯರಿಂದಲೇ, ಐಎಎಸ್ ಅಧಿಕಾರಿಗಳನ್ನಾಗಿ ಮಾಡುವುದಾಗಿ ಭರವಸೆ ನೀಡಿ ತಲಾ 3 ಲಕ್ಷ ರೂ. ತೆಗೆದುಕೊಂಡಿದ್ದಾರೆ ಎಂದು ಭೋಪಾಲ್ ಡಿಸಿಪಿ ವಿಕಾಸ್ ಕುಮಾರ್ ಸಾಹ್ವಾಲ್ ಹೇಳಿದ್ದಾರೆ.

ನಿವಾಸದಲ್ಲಿ ಹಲವು ದಾಖಲೆ ಪತ್ತೆ

ಮಧ್ಯಪ್ರದೇಶ ಪೊಲೀಸರು ಭೋಪಾಲ್‌ನಲ್ಲಿರುವ ತೃಪ್ತಿ ಸಿಂಗ್ ರಜಪೂತ್ ನಿವಾಸದಲ್ಲಿ ಶೋಧಿಸಿದಾಗ ಹಲವು ದಾಖಲೆಗಳು ಪತ್ತೆಯಾದವು. ಸರಕಾರಿ ಇಲಾಖೆಗೆ ಸೇರಿದ ಗುರುತಿನ ಚೀಟಿಗಳು, ಲೆಟರ್‌ಹೆಡ್‌ಗಳು, ನೇಮಕಾತಿ ಪತ್ರಗಳು, ಟ್ರೋಫಿಗಳು ಮತ್ತು ಸ್ಮರಣಿಕೆಗಳನ್ನು ವಶಪಡಿಸಿದ್ದಾರೆ. ಇದಲ್ಲದೆ “Government of India” ಎಂದು ಬರೆದಿರುವ ಟೊಯೋಟಾ ಇನೋವಾ ಕಾರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.