ಮುಂಬೈ ಏರ್‌ಪೋರ್ಟ್‌ ನಲ್ಲಿ 40 ಕೋಟಿ ರೂ. ಮೌಲ್ಯದ ಕೋಕೆನ್‌ ವಶಕ್ಕೆ ; ಪೊಲೀಸರ ಬಲೆಗೆ ಬಿದ್ಲು 21 ವರ್ಷದ ಥಾಯ್‌ ಯುವತಿ

12-01-24 04:15 pm HK News Desk ಕ್ರೈಂ

ಸುಮಾರು 40 ಕೋಟಿ ರೂಪಾಯಿ ಮೌಲ್ಯದ ಕೋಕೆನ್‌ ಕಳ್ಳಸಾಗಣೆ ಮಾಡುತ್ತಿದ್ದ 21 ವರ್ಷದ ಥಾಯ್‌ ಯುವತಿಯನ್ನು ಡೈರೆಕ್ಟರೇಟ್‌ ಆಫ್‌ ರೆವಿನ್ಯೂ ಇಂಟೆಲಿಜೆನ್ಸ್‌ ತಂಡ ಮುಂಬೈ ವಿಮಾನ ನಿಲ್ದಾಣದಲ್ಲಿ ಬಂಧಿಸಿರುವ ಘಟನೆ ನಡೆದಿದೆ.

ಮುಂಬೈ, ಜ 12: ಸುಮಾರು 40 ಕೋಟಿ ರೂಪಾಯಿ ಮೌಲ್ಯದ ಕೋಕೆನ್‌ ಕಳ್ಳಸಾಗಣೆ ಮಾಡುತ್ತಿದ್ದ 21 ವರ್ಷದ ಥಾಯ್‌ ಯುವತಿಯನ್ನು ಡೈರೆಕ್ಟರೇಟ್‌ ಆಫ್‌ ರೆವಿನ್ಯೂ ಇಂಟೆಲಿಜೆನ್ಸ್‌ ತಂಡ ಮುಂಬೈ ವಿಮಾನ ನಿಲ್ದಾಣದಲ್ಲಿ ಬಂಧಿಸಿರುವ ಘಟನೆ ನಡೆದಿದೆ.

ಖಚಿತ ಮಾಹಿತಿ ಮೇರೆಗೆ ಡೈರೆಕ್ಟರೇಟ್‌ ಆಫ್‌ ರೆವಿನ್ಯೂ ಇಂಟೆಲಿಜೆನ್ಸ್‌ ನಡೆಸಿದ ಕಾರ್ಯಾಚರಣೆಯಲ್ಲಿ ಅಡ್ಡೀಸ್‌ ಅಬಾಬಾದಿಂದ ವಿಮಾನದಲ್ಲಿ ಆಗಮಿಸಿದ್ದ ಯುವತಿಯನ್ನು ಬಂಧಿಸಲಾಗಿದೆ.

ಡಿಆರ್‌ ಐ ಮಾಹಿತಿ ಪ್ರಕಾರ, ವಿಮಾನ ನಿಲ್ದಾಣದಲ್ಲಿ ಪ್ರತಿಯೊಬ್ಬ ಪ್ರಯಾಣಿಕರನ್ನು ಕೂಲಂಕಷವಾಗಿ ತಪಾಸಣೆ ನಡೆಸಲಾಗಿತ್ತು. ಆದರೆ ಯಾವುದೇ ಅನುಮಾನಾಸ್ಪದ ವಸ್ತುಗಳು ಪತ್ತೆಯಾಗಿಲ್ಲವಾಗಿತ್ತು. ಆದರೆ ಥಾಯ್‌ ಯುವತಿಯ ಟ್ರಾಲಿಯನ್ನು ಸೂಕ್ಷ್ಮವಾಗಿ ಪರಿಶೀಲಿಸಿದಾಗ ಚಿಕ್ಕ, ಚಿಕ್ಕ ಪ್ಯಾಕೇಟ್‌ ಗಳಲ್ಲಿ ಅಡಗಿಸಿಟ್ಟಿದ್ದ ಕೋಕೆನ್‌ ಪೌಡರ್‌ ಪತ್ತೆಯಾಗಿತ್ತು. ಪೌಡರ್‌ ಪರೀಕ್ಷಿಸಿದಾಗ ಇದು ಕೋಕೆನ್‌ ಎಂಬುದು ದೃಢಪಟ್ಟಿದ್ದು, ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಅಂದಾಜು ಮೌಲ್ಯ 40 ಕೋಟಿ ರೂಪಾಯಿಯಾಗಿದೆ ಎಂದು ವಿವರಿಸಿದೆ.

ಬಂಧಿತ ಯುವತಿಯ ವಿರುದ್ಧ ಎನ್‌ ಡಿಪಿಎಸ್‌ ಕಾಯ್ದೆ ಪ್ರಕಾರ ದೂರು ದಾಖಲಿಸಿ ತನಿಖೆ ನಡೆಸಲಾಗುತ್ತಿದೆ ಎಂದು ಡಿಆರ್‌ ಐ ಅಧಿಕಾರಿಗಳು ತಿಳಿಸಿದ್ದಾರೆ.

A 21-year-old Thai citizen, after reaching Mumbai airport from Addis Ababa, was arrested for smuggling cocaine by the Directorate of Revenue Intelligence (DRI). During the search, a few packets of white powder-like substance were found in her trolley bag.