Tulu Tigalari, Mangalore: ತುಳು ತಿಗಳಾರಿ ಲಿಪಿ ಸೇರಿ ಏಳು ಹೊಸ ಲಿಪಿಗಳನ್ನು ಪ್ರಕಟಿಸಿದ ಯುನಿಕೋಡ್ ; ದಕ್ಷಿಣ ಭಾರತದಲ್ಲಿ ಬ್ರಾಹ್ಮಣರು ಬಳಸುತ್ತಿದ್ದ ಲಿಪಿಯೆಂದು ಉಲ್ಲೇಖ

ಬ್ರೇಕಿಂಗ್ ನ್ಯೂಸ್

Fake Human Right, Rowdy Shetter Madan Mugadi, Johan Shamine: ಗಿರೀಶ್ ಮಟ್ಟೆಣ್ಣವರ್ ಮಾನವ ಹಕ್ಕು ಅಧಿಕಾರಿಗಳೆಂದು ಹೇಳಿದ್ದು ಯಾರನ್ನು? ಒಬ್ಬ ಹುಬ್ಬಳ್ಳಿಯ ರೌಡಿ ಶೀಟರ್, ಇನ್ನೊಬ್ಬ ಬೆಂಗಳೂರಿನ ಪಾಸ್ಟರ್ ! ಬೆಳ್ತಂಗಡಿಯ ಪೊಲೀಸರನ್ನೇ ಯಾಮಾರಿಸಿದ ಮಾನವ ಹಕ್ಕು ಸೋಗಿನ ಕಂತ್ರಿಗಳು ! | ಮುಸ್ಲಿಂ ಗಂಡನನ್ನು ರಾಡ್ ನಲ್ಲಿ ಹೊಡೆದು ಕೊಲೆಗೈದು ಶವ ಹೊಳೆಗೆಸೆದಿದ್ದ ಪತ್ನಿಗೆ ಮರಣ ದಂಡನೆ ಶಿಕ್ಷೆ | ಟೆಸ್ಟ್ ಕ್ರಿಕೆಟ್ ಸ್ಪೆಷಲಿಸ್ಟ್ ಚೇತೇಶ್ವರ ಪೂಜಾರ ನಿವೃತ್ತಿ ; ಎಲ್ಲ ಒಳ್ಳೆಯ ಸಂಗತಿಗಳಿಗೆ ಅಂತ್ಯ ಇದ್ದೇ ಇದೆ, ಭಾವುಕ ಸಂದೇಶದೊಂದಿಗೆ ವೃತ್ತಿ ಜೀವನ ಮುಕ್ತಾಯ |

Tulu Tigalari, Mangalore: ತುಳು ತಿಗಳಾರಿ ಲಿಪಿ ಸೇರಿ ಏಳು ಹೊಸ ಲಿಪಿಗಳನ್ನು ಪ್ರಕಟಿಸಿದ ಯುನಿಕೋಡ್ ; ದಕ್ಷಿಣ ಭಾರತದಲ್ಲಿ ಬ್ರಾಹ್ಮಣರು ಬಳಸುತ್ತಿದ್ದ ಲಿಪಿಯೆಂದು ಉಲ್ಲೇಖ

11-09-24 10:47 pm Mangalore Correspondent ಕರಾವಳಿ

ಅಮೆರಿಕದ ಯುನಿಕೋಡ್ ಕನ್ಸೋರ್ಟಿಯಂ ತುಳು ತಿಗಳಾರಿ ಸೇರಿದಂತೆ ಏಳು ಭಾಷೆಗಳ ಹೊಸ ಲಿಪಿಯನ್ನು ಹೊಸತಾಗಿ ಪ್ರಕಟಿಸಿದೆ. ಯುನಿಕೋಡ್ 16.0 ಹೊಸ ವರ್ಶನ್ ಬಿಡುಗಡೆಯಾಗಿದ್ದು ಇದಲ್ಲಿ ತುಳು ತಿಗಳಾರಿ ಸೇರಿದಂತೆ ಜಗತ್ತಿನ ಏಳು ಹೊಸ ಭಾಷೆಗಳ ಲಿಪಿಯನ್ನು ಪರಿಚಯಿಸಿದೆ.

ಮಂಗಳೂರು, ಸೆ.11: ಅಮೆರಿಕದ ಯುನಿಕೋಡ್ ಕನ್ಸೋರ್ಟಿಯಂ ತುಳು ತಿಗಳಾರಿ ಸೇರಿದಂತೆ ಏಳು ಭಾಷೆಗಳ ಹೊಸ ಲಿಪಿಯನ್ನು ಹೊಸತಾಗಿ ಪ್ರಕಟಿಸಿದೆ. ಯುನಿಕೋಡ್ 16.0 ಹೊಸ ವರ್ಶನ್ ಬಿಡುಗಡೆಯಾಗಿದ್ದು ಇದಲ್ಲಿ ತುಳು ತಿಗಳಾರಿ ಸೇರಿದಂತೆ ಜಗತ್ತಿನ ಏಳು ಹೊಸ ಭಾಷೆಗಳ ಲಿಪಿಯನ್ನು ಪರಿಚಯಿಸಿದೆ.

ತುಳು ತಿಗಳಾರಿಯನ್ನು ದಕ್ಷಿಣ ಪಶ್ಚಿಮ ಭಾರತದ ಐತಿಹಾಸಿಕ ಲಿಪಿಯೆಂದು ಯುನಿಕೋಡ್ ಬಣ್ಣಿಸಿದೆ. ಇದಲ್ಲದೆ, ಪಶ್ಚಿಮ ಆಫ್ರಿಕಾದಲ್ಲಿ ಬಳಕೆಯಲ್ಲಿರುವ ಗ್ಯಾರೇ ಎನ್ನುವ ಆಧುನಿಕ ಲಿಪಿಯನ್ನೂ ಪ್ರಕಟಿಸಿದೆ. ಪೂರ್ವ ಭಾರತ ಮತ್ತು ನೇಪಾಳದಲ್ಲಿ ಬಳಕೆಯಲ್ಲಿರುವ ಗುರುಂಗ್ ಖೇಮಾ, ಕಿರಾಟ್ ರೇ, ಓಲ್ ಒನಾಲ್ ಮತ್ತು ಸುನುವಾರ್ ಎನ್ನುವ ಆಧುನಿಕ ಲಿಪಿಗಳೂ ಇವೆಯೆಂದು ಹೇಳಿದೆ. ಅಲ್ಬೇನಿಯಾ ದೇಶದಲ್ಲಿ ಬಳಕೆಯಲ್ಲಿರುವ ತೋಧ್ರಿ ಎಂಬ ಐತಿಹಾಸಿಕ ಲಿಪಿಯನ್ನೂ ಹೊಸತಾಗಿ ಪ್ರಕಟಿಸಿದ್ದಾಗಿ ಹೇಳಿದೆ. ಈಗ ಒಟ್ಟು 5185 ಅಕ್ಷರಗಳನ್ನು ಜೋಡಿಸಿದ್ದು, ಇದರೊಂದಿಗೆ ಯುನಿಕೋಡ್ ಒಟ್ಟಾರೆ 154,998 ಅಕ್ಷರಗಳನ್ನು ಜೋಡಿಸಿದೆ ಎಂದು ಹೇಳಿಕೊಂಡಿದೆ. ಇದಲ್ಲದೆ, ಕೆಲವು ಭಾಷೆಗಳ ಲಿಪಿಗಳಿಗೆ ಹೊಸ ಅಕ್ಷರಗಳನ್ನೂ 16ನೇ ವರ್ಶನ್ನಲ್ಲಿ ಅಳವಡಿಸಲಾಗಿದೆ.

ತಿಗಳಾರಿ ಲಿಪಿಯ ಕುರಿತ ಲೇಖನದಲ್ಲಿ ತಿಗಳಾರಿ, ತುಳು ಲಿಪಿಯೆಂದು ಕರೆಯಲಾಗುವ ಈ ಲಿಪಿಯನ್ನು ದಕ್ಷಿಣ ಭಾರತದಲ್ಲಿ ಬ್ರಾಹ್ಮಣರು ತುಳು, ಕನ್ನಡ ಮತ್ತು ಸಂಸ್ಕೃತ ಬರೆಯಲು ಬಳಸುತ್ತಿದ್ದರು. ಆರಂಭದಲ್ಲಿ ವೇದಾಧ್ಯಯನ, ಸಂಸ್ಕೃತ ಶ್ಲೋಕಗಳನ್ನು ಬರೆಯುತ್ತಿದ್ದರು. ಆನಂತರ, ಗ್ರಂಥ ಲಿಪಿಯಾಗಿ ಬದಲಾಗಿತ್ತು. ಇದನ್ನೇ ಕನ್ನಡ ಮಾತನಾಡುವ ಮಲೆನಾಡು ಪ್ರದೇಶದಲ್ಲಿ ತಿಗಳಾರಿ ಎಂದೂ, ತುಳು ಮಾತನಾಡುವ ಪ್ರದೇಶದಲ್ಲಿ ತುಳು ಲಿಪಿ ಎಂದೂ ಕರೆಯುತ್ತಾರೆ. ಈ ಲಿಪಿಯು ಮಲಯಾಳಂ ಲಿಪಿಯ ಜೊತೆಗೆ ಹತ್ತಿರದ ಸಾಮ್ಯತೆ ಹೊಂದಿದೆ. ಮಲಯಾಳ ಕೂಡ ಇದೇ ಗ್ರಂಥ ಲಿಪಿಯಿಂದ ಪ್ರತ್ಯೇಕಗೊಂಡು ಅಭಿವೃದ್ಧಿಯಾಗಿತ್ತು.

ತುಳು ತಿಗಳಾರಿ ಲಿಪಿಯನ್ನು ಯುನಿಕೋಡ್ ನಲ್ಲಿ ಪ್ರಕಟಿಸಿರುವುದಕ್ಕೆ ಪೂರಕವಾಗಿ ದಕ್ಷಿಣ ಭಾರತದ ವಿದ್ವಾಂಸರು ನೀಡಿರುವ ದಾಖಲೆಗಳನ್ನೂ ಯುನಿಕೋಡ್ ಅಂಕಿ ಅಂಶಗಳ ಸಹಿತ ತೋರಿಸಿದೆ.

Among the 5,185 new characters in Unicode Version 16.0 are those for the newly-supported #Garay, #GurungKhema, #KiratRai, #OlOnal, #Sunuwar, #Todhri, and #TuluTigalari scripts → https://t.co/7sxDI0lPC4 #Unicode16 pic.twitter.com/Np32P0nzGg
— The Unicode Consortium (@unicode) September 4, 2024

Amidst ongoing calls to include the Tulu language in the 8th Schedule of the Indian Constitution, the Tulu-Tigalari script has now been added to Unicode. This is a significant development as it follows the availability of Tulu translations on Wikipedia and Google, making Tulu accessible in Unicode.