ಮಂಗಳೂರು ಬಂದರಿಗೆ ಅತಿದೊಡ್ಡ ಸರಕು ಹಡಗು ; 1265 ತೈಲ ಕಂಟೇನರ್ ಹೊತ್ತು ತಂದ ಅರ್ಮೇನಿಯಾ

04-07-22 08:55 pm Mangalore Correspondent ಕರಾವಳಿ

ಜಗತ್ತಿನಲ್ಲಿ ಅತಿ ದೊಡ್ಡ ಸರಕು ಹಡಗುಗಳ ಪೈಕಿ ಒಂದಾಗಿರುವ ಎಂಎಸ್ ಸಿ ಅರ್ಮೇನಿಯಾ ಹೆಸರಿನ ಹಡಗು ಇದೇ ಮೊದಲ ಬಾರಿಗೆ ನವಮಂಗಳೂರು ಬಂದರಿಗೆ ಆಗಮಿಸಿದೆ.

ಮಂಗಳೂರು, ಜುಲೈ 4: ಜಗತ್ತಿನಲ್ಲಿ ಅತಿ ದೊಡ್ಡ ಸರಕು ಹಡಗುಗಳ ಪೈಕಿ ಒಂದಾಗಿರುವ ಎಂಎಸ್ ಸಿ ಅರ್ಮೇನಿಯಾ ಹೆಸರಿನ ಹಡಗು ಇದೇ ಮೊದಲ ಬಾರಿಗೆ ನವಮಂಗಳೂರು ಬಂದರಿಗೆ ಆಗಮಿಸಿದೆ. 275 ಮೀಟರ್ ಉದ್ದದ ಹಡಗಿನಲ್ಲಿ 1265 ತೈಲದ ಕಂಟೇನರ್ ಗಳನ್ನು ಹೊತ್ತು ತರಲಾಗಿದೆ.

ಎಂಆರ್ ಪಿಎಲ್ ತೈಲ ಸಂಸ್ಕರಣಾ ಘಟಕಕ್ಕೆ ಕಚ್ಚಾ ತೈಲ, ಎಲ್ ಪಿಜಿ ಗ್ಯಾಸ್ ಹಡಗಿನ ಮೂಲಕ ಎನ್ಎಂಪಿಟಿ ಬಂದರಿಗೆ ಆಗಮಿಸುತ್ತಿದೆ. ಕೇಂದ್ರ ಸರಕಾರದ ಗತಿ ಶಕ್ತಿ ಯೋಜನೆಯಡಿ ತೈಲ ಉದ್ದೇಶಿತ ಸರಕು ಕಂಟೇನರ್ ಹಡಗುಗಳ ಆಗಮನ ಹೆಚ್ಚಿದ್ದು ಇದರಿಂದಾಗಿ ಮಂಗಳೂರು ಬಂದರನ್ನು ಜಾಗತಿಕ ಮಟ್ಟದ ಬಂದರನ್ನಾಗಿ ಪರಿವರ್ತನೆ ಮಾಡಲಾಗುತ್ತಿದೆ. ಅರ್ಮೇನಿಯಾ ಸರಕು ಹಡಗನ್ನು ಎನ್ಎಂಪಿಟಿ ಬಂದರು ಅಧ್ಯಕ್ಷ ವೆಂಕಟರಮಣ ಅಕ್ಕರಾಜು ಸ್ವಾಗತಿಸಿದರು.

ದೊಡ್ಡ ಮಟ್ಟದ ಹಡಗು ಬಂದರಿಗೆ ಆಗಮಿಸಿರುವುದಕ್ಕೆ ಹರ್ಷ ವ್ಯಕ್ತಪಡಿಸಿರುವ ವೆಂಕಟರಮಣ, ಜಾಗತಿಕ ಮಟ್ಟದಲ್ಲಿ ಸೂಕ್ತ ಮೂಲಸೌಲಭ್ಯ ಹೊಂದಿರುವುದನ್ನು ನಾವು ಖಾತರಿಪಡಿಸಿದ್ದೇವೆ ಎಂದು ಹೇಳಿದ್ದಾರೆ. ಕರ್ನಾಟಕದ ಏಕೈಕ ವಾಣಿಜ್ಯ ಬಂದರು ಇದಾಗಿದ್ದು, ಕೇಂದ್ರ ಸರಕಾರ ಬಂದರು ಅಭಿವೃದ್ಧಿಗೆ ತೊಡಗಿಸಿದ ಬಳಿಕ ಮೂಲ ಸೌಲಭ್ಯಗಳನ್ನು ಹೆಚ್ಚಿಸಿದೆ. ಈಗ ದೊಡ್ಡ ರೀತಿಯ ಸರಕು ಹಡಗುಗಳು ಲಂಗರು ಹಾಕಿರುವುದು ಬಂದರಿನ ಅಭಿವೃದ್ಧಿಯನ್ನು ಸೂಚಿಸುತ್ತದೆ ಎಂದು ರಮಣ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ಹಡಗಿನ ಕ್ಯಾಪ್ಟನ್ ಆರ್.ಡಿ.ಪಾಯಸ್ ಮತ್ತು ಡೆಪ್ಯುಟಿ ಕ್ಯಾಪ್ಟನ್ ರಜನಿಕಾಂತ್ ಜೊತೆಗಿದ್ದರು. ಮಂಗಳವಾರದ ವೇಳೆಗೆ ಹಡಗು ಮಂಗಳೂರಿನಿಂದ ನಿರ್ಗಮಿಸಲಿದೆ ಎಂದವರು ತಿಳಿಸಿದ್ದಾರೆ.

The New Mangalore Port Authority achieved yet another milestone as the first mainline container vessel MSC Erminia made a port call here. A release from NMP here on Monday said ‘MSC Erminia’ is one of the largest container vessels in the world and its arrival here on Sunday heralded a new era. The ship has a length of 276.5 metres and a draft of 12.8 metres.