ಭಾರತದಲ್ಲಿ 65 ಇಂಚಿನ ಹೊಸ OnePlus TV 65 Q2 Pro ಸ್ಮಾರ್ಟ್‌ಟಿವಿ ಬಿಡುಗಡೆ!

ಬ್ರೇಕಿಂಗ್ ನ್ಯೂಸ್

UT Khader, Mangalore, Tulu Academy: ತುಳು ಕಲಿತ ವಿದ್ಯಾರ್ಥಿಗಳಿಗೆ ಮೀಸಲಾತಿ ; ತುಳು ಸಾಹಿತ್ಯ ಅಕಾಡೆಮಿ ಗೌರವ, ಪುಸ್ತಕ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮದಲ್ಲಿ ಸ್ಪೀಕರ್ ಯುಟಿ ಖಾದರ್ ಆಶಯ | Bangalore crime, Fraud, Bank Manager: ಮನೆ ಮಾರಿ ವೃದ್ಧ ದಂಪತಿಗೆ ಬಂದಿತ್ತು 1 ಕೋಟಿ ; ಅಜ್ಜಿಯನ್ನ ಪುಸಲಾಯಿಸಿ ಅಕೌಂಟ್ ನಿಂದ 50 ಲಕ್ಷ ಎಗರಿಸಿದ ಕಳ್ಳಿ, ಬ್ಯಾಂಕ್‌ ಮ್ಯಾನೇಜರ್ ಸೇರಿ ನಾಲ್ವರು ಪೊಲೀಸರ ಬಲೆಗೆ | Yatnal, Pramod Muthalik: ' ಬಾಂಬ್ ಹಾಕಿ ಹೊಟ್ಟೆ ತುಂಬಿಸಿಕೊಳ್ಳುವ ಸ್ಥಿತಿ ಇದೆ, ಪಾಕಿಸ್ತಾನ ಜೈ ಎನ್ನುವವರು ಅಲ್ಲಿಗೇ ಹೋಗಲಿ ; ದೇಶದ್ರೋಹ ಕಲಿಸುವ ಮದರಸಾಗೆ ಅನುದಾನ ಕೊಟ್ಟಿದ್ದರಿಂದಲೇ ಇಂಥ ಸ್ಥಿತಿಯಾಗಿದೆ ' |

ಭಾರತದಲ್ಲಿ 65 ಇಂಚಿನ ಹೊಸ OnePlus TV 65 Q2 Pro ಸ್ಮಾರ್ಟ್‌ಟಿವಿ ಬಿಡುಗಡೆ!

08-02-23 06:56 pm Source: Vijayakarnataka ಡಿಜಿಟಲ್ ಟೆಕ್

ಹೊಸ OnePlus TV 65 Q2 Pro ಸ್ಮಾರ್ಟ್‌ಟಿವಿಯು 70W ಧ್ವನಿ ಸಂಯೋಜಿತ ಔಟ್‌ಪುಟ್ ಒದಗಿಸಲಿದೆ. ಇದರಲ್ಲಿ 40W ಔಟ್‌ಪುಟ್ ಹೊರೈಜನ್ ಸೌಂಡ್‌ಬಾರ್‌ನಿಂದ ಮತ್ತು 30W.

ಭಾರತೀಯರ ನೆಚ್ಚಿನ OnePlus Q ಆಂಡ್ರಾಯ್ಡ್ ಸ್ಮಾರ್ಟ್‌ಟಿವಿ ಸರಣಿಗೆ 65 ಇಂಚಿನಷ್ಟು ದೊಡ್ಡದಾದ ವಿನೂತನ OnePlus TV 65 Q2 Pro ಸ್ಮಾರ್ಟ್‌ಟಿವಿ ಸೇರಿಕೊಂಡಿದೆ. ಮಂಗಳವಾರ ಸಂಜೆ OnePlus ಕಂಪೆನಿ ಆಯೋಜಿಸಿದ್ದ OnePlus Cloud 11 ಬಿಡುಗಡೆ ಸಮಾರಂಭದಲ್ಲಿ ಹಲವು OnePlus ಉತ್ಪನ್ನಗಳ ಜೊತೆಗೆ ಬಹುನಿರೀಕ್ಷಿತ OnePlus TV 65 Q2 Pro ಸ್ಮಾರ್ಟ್‌ಟಿವಿ ಕೂಡ ಬಿಡುಗಡೆಯಾಗಿದ್ದು, ಇದು ಅತ್ಯುತ್ತಮ-ದರ್ಜೆಯ ಪ್ರದರ್ಶನ ಮತ್ತು ತಲ್ಲೀನಗೊಳಿಸುವ ಧ್ವನಿ ಗುಣಮಟ್ಟದೊಂದಿಗೆ ಮಾರುಕಟ್ಟೆಗೆ ಕಾಲಿಟ್ಟಿದೆ. ದೇಶದಲ್ಲಿ OnePlus ಕಂಪೆನಿಯ ಸ್ಮಾರ್ಟ್‌ಟಿವಿಗಳಲ್ಲೇ ಅತ್ಯಂತ ದುಬಾರಿ ಬೆಲೆಯಲ್ಲಿ ಬಿಡುಗಡೆಯಾಗಿರುವ ನೂತನ OnePlus TV 65 Q2 Pro ಸ್ಮಾರ್ಟ್‌ಟಿವಿ ಹೇಗಿದೆ ಮತ್ತು ಬೆಲೆ ಎಷ್ಟು ಎಂಬ ಸಂಪೂರ್ಣ ವಿವರಗಳನ್ನು ತಿಳಿಯೋಣ ಬನ್ನಿ.

OnePlus TV 65 Q2 Pro ಸ್ಮಾರ್ಟ್‌ಟಿವಿ ವೈಶಿಷ್ಟ್ಯಗಳು
OnePlus ಪರಿಚಯಿಸಿರುವ 65-ಇಂಚಿನ ನೂತನ Q2 Pro ಸ್ಮಾರ್ಟ್‌ಟಿವಿ 4K QLED ಡಿಸ್‌ಪ್ಲೇ ತಂತ್ರಜ್ಞಾನದೊಂದಿಗೆ ಮಾರುಕಟ್ಟೆಗೆ ಬಂದಿದೆ. 120Hz ರಿಫ್ರೆಶ್ ರೇಟ್, 1200nits ಬ್ರೈಟ್‌ನೆಸ್, HDR10+, HDR10, HLG ಮತ್ತು ಡಾಲ್ಬಿ ವಿಷನ್ ಬೆಂಬಲದೊಂದಿಗೆ DCI-P3 97% ವೈಡ್ ಕಲರ್ ಗ್ಯಾಮಟ್‌ನೊಂದಿಗೆ ಶಕ್ತವಾಗಿರುವ ಈ ಸ್ಮಾರ್ಟ್‌ಟಿವಿ 120Hz MEMC ಮತ್ತು AI ಸೂಪರ್ ರೆಸಲ್ಯೂಶನ್‌ನೊಂದಿಗೆ ನೈಜ-ಜೀವನದ ಚಿತ್ರದ ಬಣ್ಣವನ್ನು ಒದಗಿಸುತ್ತವೆ ಮತ್ತು ಬಳಕೆದಾರರಿಗೆ ಉತ್ತಮ ವೀಕ್ಷಣೆಯ ಅನುಭವವನ್ನು ನೀಡುತ್ತದೆ ಎಂದು ಕಂಪೆನಿ ತಿಳಿಸಿದೆ. ಇಷ್ಟೇ ಅಲ್ಲದೇ, ಈ ಹೊಸ OnePlus TV 65 Q2 Pro ಸ್ಮಾರ್ಟ್‌ಟಿವಿ Gamma Engine ತಂತ್ರಜ್ಞಾನದೊಂದಿಗೆ ಬಂದಿದ್ದು, ಇದು ಪ್ರದರ್ಶನ ಗುಣಮಟ್ಟವನ್ನು ಆಪ್ಟಿಮೈಸ್ ಮಾಡುತ್ತದೆ ಮತ್ತು ಪ್ರತಿ ದೃಶ್ಯದಲ್ಲೂ ನೈಜನೆಯನ್ನು ಒದಗಿಸಲಿದೆ ಎಂದು OnePlus ಕಂಪೆನಿ ಹೇಳಿಕೊಂಡಿದೆ

OnePlus TV 65 Q2 Pro smart TV, OnePlus 81 Pro keyboard launched in India | Business Standard News

ಈ ಹೊಸ OnePlus TV 65 Q2 Pro ಸ್ಮಾರ್ಟ್‌ಟಿವಿಯು 70W ಧ್ವನಿ ಸಂಯೋಜಿತ ಔಟ್‌ಪುಟ್ ಒದಗಿಸಲಿದೆ. ಇದರಲ್ಲಿ 40W ಔಟ್‌ಪುಟ್ ಹೊರೈಜನ್ ಸೌಂಡ್‌ಬಾರ್‌ನಿಂದ ಮತ್ತು 30W ಔಟ್‌ಪುಟ್ ಸಬ್ ವೂಫರ್‌ನಿಂದ ಬರಲಿದೆ ಎಂದು ಕಂಪೆನಿ ತಿಳಿಸಿದೆ. ಹುಡ್ ಟಡಿಯಲ್ಲಿ, OnePlus TV 65 Q2 Pro ಸ್ಮಾರ್ಟ್‌ಟಿವಿ ಟಿವಿಯು 3GB ಮೆಮೊರಿ ಮತ್ತು 32GB ಫ್ಲ್ಯಾಶ್ ಸ್ಟೋರೇಜ್ ಜೊತೆಗೆ ಜೋಡಿಸಲಾಗಿರುವ MediaTek 4K ಇಮೇಜ್ ಪ್ರೊಸೆಸರ್‌ನಿಂದ ಚಾಲಿತವಾಗಿದ್ದು, Android 11 ಆಧಾರಿತ Google TV ಯಲ್ಲಿ ರನ್ ಆಗಲಿದೆ. ಇನ್ನುಳಿದಂತೆ ಮೂರು HDMI ಪೋರ್ಟ್‌ಗಳು, ಡೈನಾಡಿಯೊ ಜೊತೆಗೆ ಅಕೌಸ್ಟಿಕ್ ಆಡಿಯೋ, 270 ಕ್ಕೂ ಹೆಚ್ಚು ಲೈವ್ ಚಾನಲ್‌ಗಳು ಮತ್ತು ಸ್ಮಾರ್ಟ್‌ಫೋನ್‌ ಮೂಲಕ ಟಿವಿ ನಿಯಂತ್ರಿಸಲು OnePlus ಕನೆಕ್ಟ್ 2.0 ವೈಶಿಷ್ಟ್ಯ ಮತ್ತು 2.1-ಚಾನೆಲ್ ಸ್ಟಿರಿಯೊ ಆಡಿಯೊ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ.

OnePlus 11, 11R, OnePlus Pad, Buds 2 Pro, TV & other highlights of OnePlus event | Mint

OnePlus TV 65 Q2 Pro ಸ್ಮಾರ್ಟ್‌ಟಿವಿ ಬೆಲೆ ಮತ್ತು ಲಭ್ಯತೆ.
ಭಾರತದ ಮಾರುಕಟ್ಟೆಗೆ ನೂತ OnePlus TV 65 Q2 Pro ಸ್ಮಾರ್ಟ್‌ಟಿವಿಯನ್ನು 99,999 ರೂ. ಬೆಲೆಯಲ್ಲಿ ಪರಿಚಯಿಸಲಾಗಿದೆ. ಮುಂದಿನ ಮಾರ್ಚ್ 2023 ರಲ್ಲಿ ಖರೀದಿಗೆ ಲಭ್ಯವಿರಲಿರುವ ಈ ಹೊಸ OnePlus TV 65 Q2 Pro ಸ್ಮಾರ್ಟ್‌ಟಿವಿ ಖರೀದಿಯ ಮೇಲೆ ಗ್ರಾಹಕರಿಗೆ 2 ವರ್ಷಗಳ ವಾರಂಟಿ ನೀಡುವುದಾಗಿ ಕಂಪೆನಿ ತಿಳಿಸಿದೆ.