Oneplus Cloud 11 ಈವೆಂಟ್ ಆರಂಭಕ್ಕೆ ಕ್ಷಣಗಣನೆ: ಸಂಪೂರ್ಣ ಮಾಹಿತಿ ಇಲ್ಲಿದೆ!

ಬ್ರೇಕಿಂಗ್ ನ್ಯೂಸ್

UT Khader, Mangalore, Tulu Academy: ತುಳು ಕಲಿತ ವಿದ್ಯಾರ್ಥಿಗಳಿಗೆ ಮೀಸಲಾತಿ ; ತುಳು ಸಾಹಿತ್ಯ ಅಕಾಡೆಮಿ ಗೌರವ, ಪುಸ್ತಕ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮದಲ್ಲಿ ಸ್ಪೀಕರ್ ಯುಟಿ ಖಾದರ್ ಆಶಯ | Bangalore crime, Fraud, Bank Manager: ಮನೆ ಮಾರಿ ವೃದ್ಧ ದಂಪತಿಗೆ ಬಂದಿತ್ತು 1 ಕೋಟಿ ; ಅಜ್ಜಿಯನ್ನ ಪುಸಲಾಯಿಸಿ ಅಕೌಂಟ್ ನಿಂದ 50 ಲಕ್ಷ ಎಗರಿಸಿದ ಕಳ್ಳಿ, ಬ್ಯಾಂಕ್‌ ಮ್ಯಾನೇಜರ್ ಸೇರಿ ನಾಲ್ವರು ಪೊಲೀಸರ ಬಲೆಗೆ | Yatnal, Pramod Muthalik: ' ಬಾಂಬ್ ಹಾಕಿ ಹೊಟ್ಟೆ ತುಂಬಿಸಿಕೊಳ್ಳುವ ಸ್ಥಿತಿ ಇದೆ, ಪಾಕಿಸ್ತಾನ ಜೈ ಎನ್ನುವವರು ಅಲ್ಲಿಗೇ ಹೋಗಲಿ ; ದೇಶದ್ರೋಹ ಕಲಿಸುವ ಮದರಸಾಗೆ ಅನುದಾನ ಕೊಟ್ಟಿದ್ದರಿಂದಲೇ ಇಂಥ ಸ್ಥಿತಿಯಾಗಿದೆ ' |

Oneplus Cloud 11 ಈವೆಂಟ್ ಆರಂಭಕ್ಕೆ ಕ್ಷಣಗಣನೆ: ಸಂಪೂರ್ಣ ಮಾಹಿತಿ ಇಲ್ಲಿದೆ!

07-02-23 07:32 pm Source: Vijayakarnataka ಡಿಜಿಟಲ್ ಟೆಕ್

Oneplus ಇಂದು ಆಯೋಜಿಸಿರುವ Oneplus Cloud 11 ಸಮಾರಂಭದಲ್ಲಿ ಇತ್ತೀಚಿನ OnePlus 11 5G ಸ್ಮಾರ್ಟ್‌ಫೋನ್ ಸೇರಿದಂತೆ OnePlus 11R 5G, OnePlus Keyboard.

ಜಾಗತಿಕ ಪ್ರೀಮಿಯಂ ಸ್ಮಾರ್ಟ್‌ಫೋನ್ ಬ್ರ್ಯಾಂಡ್ Oneplus ದೇಶದಲ್ಲಿಂದು (ಜನವರಿ, 7 ಮಂಗಳವಾರ) ತನ್ನ ಬಹುನಿರೀಕ್ಷಿತ Oneplus Cloud 11 ಬಿಡುಗಡೆ ಕಾರ್ಯಕ್ರಮವನ್ನು ಆಯೋಜಿಸಿರುವ ವಿಷಯವನ್ನು ನೀವೆಲ್ಲರೂ ತಿಳಿದಿರಬಹುದು. ಈ Oneplus Cloud 11 ಕಾರ್ಯಕ್ರಮದಲ್ಲಿ OnePlus 11 5G ಸ್ಮಾರ್ಟ್‌ಫೋನ್ ಸೇರಿದಂತೆ ಹಲವು ಬಹುನಿರೀಕ್ಷಿತ ಗ್ಯಾಜೆಟ್ ಉತ್ಪನ್ನಗಳು ಪರಿಚಯಗೊಳ್ಳುತ್ತಿದ್ದು, ದೇಶದ ಗ್ರಾಹಕರು ಕಾರ್ಯಕ್ರಮದ ಲೈವ್ ಸ್ಟ್ರೀಮಿಂಗ್ ವೀಕ್ಷಣೆಗೆ ಅವಕಾಶ ಕಲ್ಪಿಸಲಾಗಿದೆ. ಇಂದು ಸಂಜೆ 7:30 ಕ್ಕೆ ನವದೆಹಲಿಯಲ್ಲಿ ಆರಂಭವಾಗಲಿರುವ ಈ ಕಾರ್ಯಕ್ರಮವು ಸಾರ್ವಜನಿಕರಿಗೆ ಮುಕ್ತವಾಗಿದೆ. ಗ್ರಾಹಕರು Paytm ಇನ್ಸೈಡರ್‌ನಲ್ಲಿ ಟಿಕೆಟ್‌ಗಳನ್ನು ಪಡೆಯುವ ಮೂಲಕ ಸಮಾರಂಭದಲ್ಲಿ ನೇರವಾಗಿ ಪಾಲ್ಗೊಳ್ಳಬಹುದು ಅಥವಾ ಆಸಕ್ತ ಅಭಿಮಾನಿಗಳು ಕಾರ್ಯಕ್ರಮದ ಲೈವ್ ಸ್ಟ್ರೀಮಿಂಗ್ ಅನ್ನು ಕಂಪೆನಿಯ ಅಧಿಕೃತ ವೆಬ್‌ಸೈಟ್ ಮತ್ತು ಯೂಟ್ಯೂಬ್ ಚಾನೆಲ್‌ನಲ್ಲಿ ವೀಕ್ಷಿಸಬಹುದು ಎಂದು Oneplus ಕಂಪೆನಿ ತಿಳಿಸಿದೆ. .

Oneplus Cloud 11 ಸಮಾರಂಭ: ಏನೆಲ್ಲಾ ನಿರೀಕ್ಷೆ?
Oneplus ಇಂದು ಆಯೋಜಿಸಿರುವ Oneplus Cloud 11 ಸಮಾರಂಭದಲ್ಲಿ ಇತ್ತೀಚಿನ OnePlus 11 5G ಸ್ಮಾರ್ಟ್‌ಫೋನ್ ಸೇರಿದಂತೆ OnePlus 11R 5G, OnePlus Keyboard 81 Pro, OnePlus Pad, OnePlus Buds Pro 2 ಮತ್ತು OnePlus TV 65 Q2 Pro ಸ್ಮಾರ್ಟ್‌ಟಿವಿ ಸಾಧನಗಳು ಏಕಕಾಲದಲ್ಲಿ ಬಿಡುಗಡೆಯಾಗಲಿವೆ. ದೇಶದಲ್ಲಿ ಇದೇ ಮೊದಲ ಬಾರಿಗೆ Oneplus ತನ್ನ 6 ಕ್ಕೂ ಹೆಚ್ಚು ಉತ್ಪನ್ನಗಳನ್ನು ಪರಿಚಯಿಸುತ್ತಿದ್ದು, ಇವುಗಳಲ್ಲಿ ಭಾರತೀಯರಿಗಾಗಿಯೇ ವಿಶೇಷವಾಗಿ ನಿರ್ಮಿಸಲಾಗಿರುವ OnePlus 11R 5G ಸ್ಮಾರ್ಟ್‌ಫೋನ್ ದೇಶದ ಮೊಬೈಲ್ ಪ್ರಿಯರ ನಿದ್ದೆಗೆಡಿಸಿದೆ. ಇನ್ನು ಈಗಾಗಲೇ ಚೀನಾದ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಿರುವ OnePlus 11 5G ಸ್ಮಾರ್ಟ್‌ಫೋನ್, OnePlus Pad ಟ್ಯಾಬ್ಲೆಟ್, OnePlus Buds Pro 2 ಬಡಸ್ಸ್ ಹಾಗೂ OnePlus TV 65 Q2 Pro ಸ್ಮಾರ್ಟ್‌ಟಿವಿ ಸಾಧನಗಳು ದೇಶದಲ್ಲಿ ಹೊಂದಿರಬಹುದಾದ ಬೆಲೆಗಳು ಎಷ್ಟು ಎಂಬ ಕುರಿತಂತೆ ಗ್ರಾಹಕರಿಗೆ ಸಾಕಷ್ಟು ಕುತೂಹಲ ಮೂಡಿದೆ.

ಮೊಬೈಲ್ ಪ್ರಿಯರ ನಿದ್ದೆಗೆಡಿಸಿದೆ OnePlus 11R!
Oneplus Cloud 11 ಕಾರ್ಯಕ್ರಮದಲ್ಲಿ ಹಲವು OnePlus ಗ್ಯಾಜೆಟ್‌ಗಳು ಬಿಡುಗಡೆಯಾಗುತ್ತಿದ್ದರೂ ಸಹ ಭಾರತೀಯರಿಗಾಗಿಯೇ ವಿಶೇಷವಾಗಿ ನಿರ್ಮಿಸಲಾಗಿರುವ OnePlus 11R 5G ಸ್ಮಾರ್ಟ್‌ಫೋನ್ ದೇಶದ ಮೊಬೈಲ್ ಪ್ರಿಯರ ನಿದ್ದೆಗೆಡಿಸಿದೆ. ಈ ಹೊಸ 'OnePlus 11R' ಸ್ಮಾರ್ಟ್‌ಫೋನ್ ಹೊಂದಿರುವ ಪ್ರೊಸೆಸರ್, ಡಿಸ್‌ಪ್ಲೇ ಮತ್ತು ಬ್ಯಾಟರಿ ಫೀಚರ್ಸ್ ಸೇರಿದಂತೆ ಬಹುತೇಕ ಎಲ್ಲಾ ವೈಶಿಷ್ಟ್ಯಗಳ ಅಧಿಕೃತ ಮಾಹಿತಿಗಳನ್ನು ಸಹ ಇತ್ತಿಚಿಗಷ್ಟೇ ಬಹಿರಂಗಪಡಿಸಲಾಗಿರುವುದರಿಮದ ದೇಶದ ಪ್ರೀಮಿಯಂ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಸಂಚಲನ ಸೃಷ್ಟಿಯಾಗಿದೆ.! ಹಾಗಾದರೆ, ಭಾರತೀಯರಿಗಾಗಿಯೇ ವಿಶೇಷವಾಗಿ ನಿರ್ಮಿಸಲಾಗಿರುವ ಹೊಸ 'OnePlus 11R' ಸ್ಮಾರ್ಟ್‌ಫೋನ್ ಹೇಗಿದೆ ಎಂಬ ಅತ್ಯಂತ ಕುತೂಹಲದ ಮಾಹಿತಿಯನ್ನು ತಿಳಿಯೋಣ ಬನ್ನಿ.

ಹೇಗಿದೆ ಹೊಸ OnePlus 11R' ಸ್ಮಾರ್ಟ್‌ಫೋನ್?
OnePlus ಕಂಪೆನಿಯು ಪತ್ರಿಕಾ ಟಿಪ್ಪಣಿಯಲ್ಲಿ ತಿಳಿಸಿರುವಂತೆ, ಭಾರತೀಯರಿಗಾಗಿಯೇ ಮೊದಲು ಬರುತ್ತಿರುವ ನೂತನ OnePlus 11R ಸ್ಮಾರ್ಟ್‌ಫೋನ್ ADFR 2.0 ತಂತ್ರಜ್ಞಾನದೊಂದಿಗೆ 120Hz ಸಾಮರ್ಥ್ಯದ ಲಿಕ್ವಿಡ್ ಪ್ರದರ್ಶನ ಒಳಗೊಂಡಿರುತ್ತದೆ. ಈ ಡಿಸ್‌ಪ್ಲೇಯ ತಂತ್ರಜ್ಞಾನವು ವಿಷಯದ ಆಧಾರದ ಮೇಲೆ ರಿಫ್ರೆಶ್ ರೇಟ್ ಹೊಂದಿಸಲು ಫೋನ್‌ಗೆ ಸಹಾಯ ಮಾಡುತ್ತದೆ ಎಂದು ಕಂಪೆನಿ ತಿಳಿಸಿದ್ದು, ಇದರಿಂದ ಬ್ಯಾಟರಿ ಅವಧಿಯು ಮತ್ತಷ್ಟು ಹೆಚ್ಚುತ್ತದೆ ಎಂದು ಹೇಳಿದೆ.

ಹುಡ್ ಅಡಿಯಲ್ಲಿ, R ಸರಣಿಯ ಸ್ಮಾರ್ಟ್‌ಫೋನ್‌ಗಳಲ್ಲೇ ಮೊದಲನೆ ಬಾರಿಗೆ 16GB RAM ನೊಂದಿಗೆ ಜೋಡಿಸಲಾದ ಶಕ್ತಿಯುತ Snapdragon 8+ Gen 1 ಪ್ರೊಸೆಸರ್ ಹೊಂದಿರಲಿರುವ OnePlus 11R ಸ್ಮಾರ್ಟ್‌ಫೋನ್, "ವೇಗವಾದ ಸಿಸ್ಟಮ್ ಪ್ರತಿಕ್ರಿಯೆ ಸಮಯ ಮತ್ತು ಸ್ಥಿರತೆಗಾಗಿ" RAM ಮರುಹಂಚಿಕೆಯನ್ನು ವೇಗಗೊಳಿಸಲು RAM-Vita ಟೆಕ್ ಕಂಪೆನಿಯ ಮಷಿನ್ ಲರ್ನಿಂಗ್ AI ಸಾಮರ್ಥ್ಯಗಳನ್ನು ನಿಯಂತ್ರಿಸುತ್ತದೆ ಎಂದು OnePlus ಕಂಪೆನಿ ಹೇಳಿಕೊಂಡಿದೆ.

OnePlus ಕಂಪೆನಿ ನೂತನ OnePlus 11R ಸ್ಮಾರ್ಟ್‌ಫೋನನ್ನು ಗೇಮರ್-ಕೇಂದ್ರಿತ ಸ್ಮಾರ್ಟ್‌ಫೋನ್ ಎಂದು ಹೇಳಿಕೊಂಡಿದ್ದು, ಇದು ಮಷಿನ್ ಲರ್ನಿಂಗ್ AI ಸಾಮರ್ಥ್ಯಗಳನ್ನು ನಿಯಂತ್ರಿಸುವುದು ಮಾತ್ರವಲ್ಲದೇ 3D ಕೂಲಿಂಗ್ ವ್ಯವಸ್ಥೆಯನ್ನು ಒಳಗೊಂಡಿದೆ. ಇದು ಕಳೆದ ಬಾರಿಯ OnePlus 10 Pro ಸ್ಮಾರ್ಟ್‌ಫೋನಿನಲ್ಲಿದ್ದ ವೇಪರ್ ಆ ಚೇಂಬರ್‌ಗಿಂತ 63.8 ಶೇ ದೊಡ್ಡದಾದ ಮೇಲ್ಮೈ ವಿಸ್ತೀರ್ಣವನ್ನು ಒಳಗೊಂಡಿದ್ದು, ಶಾಖವನ್ನು ತಕ್ಷಣವೇ ಸಂಗ್ರಹಿಸಲಿದೆ ಎನ್ನಲಾಗಿದೆ.

Oneplus 11 5g Launch — What To Expect, Where To Watch And More

ಬ್ಯಾಟರಿ ವಿಭಾಗದಲ್ಲಿ, ಹೊಸ OnePlus 11R ಸ್ಮಾರ್ಟ್‌ಫೋನ್ 5000mAh ಸಾಮರ್ಥ್ಯದ ಬ್ಯಾಟರಿ ಹೊಂದಿರಲಿದೆ. ಇದು 100W ಸಾಮರ್ಥ್ಯದ ಚಾರ್ಜರ್ ಜೊತೆಗೆ 25 ನಿಮಿಷಗಳಲ್ಲಿ 1-100 ಪ್ರತಿಶತದಷ್ಟು ಚಾರ್ಜ್ ಆಗುತ್ತದೆ ಎಂದು ಕಂಪೆನಿ ಹೇಳಿಕೊಂಡಿದೆ. ಇನ್ನುಳಿದಂತೆ, ಸ್ವಯಂಚಾಲಿತ ಡಿಸ್‌ಪ್ಲೇ ರೇಟ್ ವೈಶಿಷ್ಟ್ಯದ ಬಗ್ಗೆ ತಿಳಿಸಲಾಗಿದೆ. ಆದರೆ, ಕ್ಯಾಮೆರಾ ವಿವರಗಳು ಸ್ಪಷ್ಟವಾಗಿಲ್ಲ, ಆದರೆ ಪೋಸ್ಟರ್ ಹಿಂಭಾಗದಲ್ಲಿ ಮೂರು ಕ್ಯಾಮೆರಾ ಇರುವುದನ್ನು ಬಹಿರಂಗಪಡಿಸಿದೆ.

OnePlus 11R' ಸ್ಮಾರ್ಟ್‌ಫೋನ್ ಬೆಲೆ ಎಷ್ಟು?
OnePlus ಕಂಪೆನಿ ಈವರೆಗೂ OnePlus 11R ಸ್ಮಾರ್ಟ್‌ಫೋನ್ ಬೆಲೆಯನ್ನು ಬಹಿರಂಗಪಡಿಸಿಲ್ಲ. ಆದರೆ, ಈ ಹೊಸ OnePlus 11R ಸ್ಮಾರ್ಟ್‌ಫೋನ್ ಕೂಡ OnePlus 10 Pro ಮತ್ತು OnePlus 9 ಸರಣಿ ಸ್ಮಾರ್ಟ್‌ಫೋನ್‌ಗಳಲ್ಲಿ ಲಭ್ಯವಿರುವ ಹ್ಯಾಸ್ಲ್ಬಾಲ್ಡ್-ಟ್ಯೂನ್ಡ್ ಕ್ಯಾಮೆರಾಗಳನ್ನು ಹೊಸ OnePlus 11R ಸ್ಮಾರ್ಟ್‌ಫೋನಿನಲ್ಲೂ ಉಳಿಸಿಕೊಳ್ಳಲಾಗಿದೆ ಎಂದು ಎಂದು ಹೇಳಲಾಗಿದೆ. ಇನ್ನು ಈ ಮೇಲಿನ ವೈಶಿಷ್ಟ್ಯಗಳಿಂದ ಈ ಸ್ಮಾರ್ಟ್‌ಫೋನ್ ಸುಮಾರು 40,000 ರೂ. ಆಸುಪಾಸಿನ ಬೆಲೆಯಲ್ಲಿ ಬಿಡುಗಡೆಯಾಗಬಹುದು ಎಂದು ಟೆಕ್ ತಜ್ಞರು ಅಂದಾಜಿಸಿದ್ದಾರೆ. ಕಳೆದ ವರ್ಷ 150W ವೇಗದ ಚಾರ್ಜಿಂಗ್‌ನೊಂದಿಗೆ ಬಿಡುಗಡೆಯಾಗಿದ್ದ OnePlus 10R ಸ್ಮಾರ್ಟ್‌ಫೋನ್ 37,999 ರೂ. ಬೆಲೆಯಲ್ಲಿ ಬಿಡುಗಡೆಯಾಗಿದ್ದನ್ನು ನಾವಿಲ್ಲಿ ಗಮನಿಸಬಹುದು.