ದೇಶದಲ್ಲಿ ನೂತನ Fire Boltt Supernova ಸ್ಮಾರ್ಟ್‌ವಾಚ್ ಲಾಂಚ್!

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

ದೇಶದಲ್ಲಿ ನೂತನ Fire Boltt Supernova ಸ್ಮಾರ್ಟ್‌ವಾಚ್ ಲಾಂಚ್!

14-01-23 09:09 pm Source: Vijayakarnataka ಡಿಜಿಟಲ್ ಟೆಕ್

ಐಓಎಸ್ ಹಾಗೂ ಆಂಡ್ರಾಯ್ಡ್ ಎರಡಕ್ಕೂ ಸಹ ಹೊಂದಿಕೊಳ್ಳುವ ಈ ಸ್ಮಾರ್ಟ್‌ವಾಚ್ 5 ದಿನಗಳವರೆಗೆ ಬಾಳಿಕೆ ಬರುವ ಬ್ಯಾಟರಿಯಿಂದ ಪ್ಯಾಕ್‌ ಆಗಿದೆ.

ದೇಶದ ಸ್ಮಾರ್ಟ್‌ವಾಚ್ ಮಾರುಕಟ್ಟೆಯಲ್ಲಿ ಭರ್ಜರಿ ಸದ್ದು ಮಾಡುತ್ತಿರುವ ಜನಪ್ರಿಯ ವೇರಿಯಬಲ್ ಟೆಕ್ ಬ್ರ್ಯಾಂಡ್ Fire Boltt ತನ್ನ ಮತ್ತೊಂದು ಸ್ಮಾರ್ಟ್‌ವಾಚ್ ಸಾಧನವನ್ನು ಮಾರುಕಟ್ಟೆಗೆ ಬಿಡುಗಡೆಗೊಳಿಸಿದೆ. ದೇಶದ ಯುವ ಗ್ರಾಹಕರನ್ನು ಗುರಿಯಾಗಿಸಿಕೊಂಡು Fire Boltt Supernova ಎಂಬ ಹೆಸರಿನಲ್ಲಿ ಈ ಹೊಸ ಸ್ಮಾರ್ಟ್‌ವಾಚ್ ಸಾಧನವನ್ನು ಪರಿಚಯಿಸಲಾಗಿದ್ದು, ಈ ಸ್ಮಾರ್ಟ್‌ವಾಚ್ ಪ್ರೀಮಿಯಂ ಲುಕ್, ಅಮೋಲೆಡ್ ಡಿಸ್‌ಪ್ಲೇ, ಬ್ಲೂಟೂತ್ ಕಾಲ್‌ ಮತ್ತು ದೀರ್ಘ ಬ್ಯಾಟರಿ ಬಾಳಿಕೆ ವೈಶಿಷ್ಟ್ಯಗಳನ್ನು ಹೊತ್ತು ಬಂದಿದೆ. ಹಾಗಾದರೆ, ದೇಶದಲ್ಲಿ ನೂತನವಾಗಿ ಬಿಡುಗಡೆಯಾಗಿರುವ ಈ ಹೊಸ Fire Boltt Supernova ಸ್ಮಾರ್ಟ್‌ವಾಚ್ ಹೇಗಿದೆ ಮತ್ತು ಬೆಲೆ ಎಷ್ಟು ಎಂಬ ಸಂಪೂರ್ಣ ವಿವರಗಳನ್ನು ನೋಡೋಣ ಬನ್ನಿ.

Fire Boltt Supernova ಸ್ಮಾರ್ಟ್‌ವಾಚ್ ವೈಶಿಷ್ಟ್ಯಗಳು.
ದೇಶದಲ್ಲಿ ಬಿಡುಗಡೆಯಾಗಿರುವ ನೂತನ Fire Boltt Supernova ಸ್ಮಾರ್ಟ್‌ವಾಚ್ ಸಾಧನವು ಟೆಕ್ಸ್ಚರ್ಡ್ ಸ್ಟ್ರಾಪ್ ಮತ್ತು ನಯವಾದ ಲೋಹೀಯ ಬಾಡಿ ಹೊಂದಿರುವ ಸ್ಕ್ವೇರ್ ಡಿಸೈನ್‌ ವಿನ್ಯಾಸದಲ್ಲಿ ಬಿಡುಗಡೆಯಾಗಿದೆ. ಈ ಸಾಧನದಲ್ಲಿ 1.78 ಇಂಚಿನಷ್ಟು ದೊಡ್ಡದಾದ ಆಲ್‌ವೇಸ್ ಆನ್ ಅಮೋಲೆಡ್ ಡಿಸ್‌ಪ್ಲೇಯನ್ನು ಅಳವಡಿಸಲಾಗಿದ್ದು, ಇದು 368 x 448 ಪಿಕ್ಸೆಲ್‌ ರೆಸಲ್ಯೂಶನ್ ಸಾಮರ್ಥ್ಯದಲ್ಲಿದೆ. ಜೊತೆಗೆ 500nits ಬ್ರೈಟ್‌ನೆಸ್ ಒದಗಿಸಲಿದೆ ಎಂದು ಕಂಪೆನಿ ಹೇಳಿಕೊಂಡಿದೆ. ಈ Fire Boltt Supernova ಸ್ಮಾರ್ಟ್‌ವಾಚ್ ಸಾಧನದಲ್ಲಿ ವೈಯುಕ್ತೀಕರಿಸಿಕೊಳ್ಳಬಹುದಾದ 8 ವಾಚ್ ಫೇಸ್‌ಗಳು, ಸುಲಭ ನ್ಯಾವಿಗೇಷನ್ ಉದ್ದೇಶಕ್ಕೆ ರೊಟೇಟ್ ಕ್ರೌನ್ ಬಟನ್, ತಡೆರಹಿತ ಕರೆ ಅನುಭವಕ್ಕಾಗಿ ಇನ್‌ಬಿಲ್ಟ್‌ ಮೈಕ್ರೊಫೋನ್ ಮತ್ತು ಸ್ಪೀಕರ್‌ಗಳನ್ನು ಅಳವಡಿಸಲಾಗಿದೆ ಎಂದು ಕಂಪೆನಿ ತಿಳಿಸಿದೆ.

Fire Boltt Supernova Smartwatch : ఫైర్ బోల్ట్ సూపర్‌నోవా స్మార్ట్‌వాచ్ వచ్చేసింది.. ఫీచర్లు అదుర్స్.. ఇండియాలో ధర ఎంతంటే? - 10TV Telugu

ಬಳಕೆದಾರರ ಚಟುವಟಿಕೆಗಳನ್ನು ಟ್ರ್ಯಾಕ್ ಮಾಡಲು 123 ಕ್ಕೂ ವಿವಿಧ ಸ್ಪೋರ್ಟ್ಸ್ ಮೋಡ್‌ ಆಯ್ಕೆಗಳನ್ನು ಹೊಂದಿರುವ ಈ Fire Boltt Supernova ಸ್ಮಾರ್ಟ್‌ವಾಚ್, ತ್ವರಿತ ಮತ್ತು ಸುಗಮ ಸಂಪರ್ಕಕ್ಕಾಗಿ ಬ್ಲೂಟೂತ್ 5.0 ಆವೃತ್ತಿಯನ್ನು ಬೆಂಬಲಿಸಲಿದೆ. ಜೊತೆಗೆ SPO2, ಡೈನಾಮಿಕ್ ಹೃದಯ ಬಡಿತ, ನಿದ್ರೆ ಮತ್ತು ಇನ್ನಿತರೆ ಆರೋಗ್ಯ ಸಂಬಂಧಿ ವಿಷಯಗಳನ್ನು ಟ್ರ್ಯಾಕ್‌ ಮಾಡುವ ಈ ಸಾಧನವು ಇನ್‌ಬಿಲ್ಟ್‌ ವಾಯ್ಸ್‌ ಅಸಿಸ್ಟೆಂಟ್ ಫೀಚರ್ ಹೊಂದಿದೆ. ಇನ್ನುಳಿದಂತೆ, ಐಓಎಸ್ ಹಾಗೂ ಆಂಡ್ರಾಯ್ಡ್ ಎರಡಕ್ಕೂ ಸಹ ಹೊಂದಿಕೊಳ್ಳುವ ಈ ಸ್ಮಾರ್ಟ್‌ವಾಚ್ ೫ ದಿನಗಳವರೆಗೆ ಬಾಳಿಕೆ ಬರುವ ಬ್ಯಾಟರಿಯಿಂದ ಪ್ಯಾಕ್‌ ಆಗಿದೆ. ಮತ್ತು ನೀರು, ಬಿರುಕು ಮತ್ತು ಧೂಳು ನಿರೋಧಕ ರೆಸಿಸ್ಟೆಂಟ್‌ಗಾಗಿ IP67 ರೇಟಿಂಗ್‌ ಹೊಂದಿರುವ ಈ ಸಾಧನದಲ್ಲಿ ನೋಟಿಫಿಕೇಶನ್‌ಗಳನ್ನು ಸಹ ವೀಕ್ಷಿಸಬಹುದು.

GADGET-INNOVATIONS: Fire-Boltt announces the launch of its latest smartwatch- Supernova

Fire Boltt Supernova ಸ್ಮಾರ್ಟ್‌ವಾಚ್ ಬೆಲೆ ಎಷ್ಟು?
Fire Boltt ಕಂಪೆನಿಯ ಸಹ-ಸಂಸ್ಥಾಪಕರಾದ ಆಯುಷಿ ಮತ್ತು ಅರ್ನವ್ ಕಿಶೋರ್ ಅವರು ತಮ್ಮ ಹೊಸ Supernova ಸ್ಮಾರ್ಟ್‌ವಾಚ್ ಫ್ಯಾಷನ್ ಮತ್ತು ತಂತ್ರಜ್ಞಾನದ ಪರಿಪೂರ್ಣ ಸಮ್ಮಿಳನವಾಗಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ. ದೇಶದ ಯುವ ಜನತೆಗಾಗಿ ಈ ಹೊಸ ಸಾಧನವನ್ನು ಕೇವಲ 3,499 ರೂ.ಗಳ ಆಫರ್ ಬೆಲೆಯಲ್ಲಿ ಮಾರಾಟ ಮಾಡುವುದಾಗಿ ತಿಳಿಸಿದ್ದಾರೆ. ಈಗಾಗಲೇ Fire Boltt ಕಂಪೆನಿಯ ಅಧಿಕೃತ ವೆಬ್‌ಸೈಟ್ ಮತ್ತು ಫ್ಲಿಪ್‌ಕಾರ್ಟ್ ಮೂಲಕ ಮಾರಾಟಕ್ಕೆ ಬಂದಿರುವ ಈ ಹೊಸ Fire Boltt Supernova ಸ್ಮಾರ್ಟ್‌ವಾಚ್ ಸಾಧನವು ಹಳದಿ, ಕಿತ್ತಳೆ ಮತ್ತು ನೀಲಿ, ಕಪ್ಪು, ತಿಳಿ ಚಿನ್ನದ ಬಣ್ಣದಂತಹ ಹಲವು ಬಣ್ಣದ ಆಯ್ಕೆಗಳಲ್ಲಿ ಖರೀದಿಗೆ ಲಭ್ಯವಿದೆ.

Fire Boltt Supernova With Bluetooth Calling Feature, Launched In India.