ದೇಶದಲ್ಲಿ ಹೊಸ Fire-Boltt Rocket ಸ್ಮಾರ್ಟ್‌ವಾಚ್ ಬಿಡುಗಡೆ!..ಬೆಲೆ ಎಷ್ಟು ಗೊತ್ತಾ?

ಬ್ರೇಕಿಂಗ್ ನ್ಯೂಸ್

ರಸ್ತೆ ಅಪಘಾತ ; ಕೇವಲ ಎಂಟೇ ತಿಂಗಳಲ್ಲಿ ಮಂಗಳೂರಿನಲ್ಲಿ 120 ಸಾವು, ಮೃತರಲ್ಲಿ ಪಾದಚಾರಿಗಳು, ದ್ವಿಚಕ್ರ ವಾಹನ ಸವಾರರೇ ಹೆಚ್ಚು! ರಸ್ತೆ ನಿಯಮ ಪಾಲಿಸದೆ ಜೀವ ಕಳಕೊಳ್ಳುತ್ತಿರುವ ಯುವಕರು | Udupi, Brahmavar Stabbing, Crime: ಬ್ರಹ್ಮಾವರ ; ಮದುವೆ ಪ್ರಸ್ತಾಪ ನಿರಾಕರಿಸಿದ್ದಕ್ಕೆ ಯುವತಿಗೆ ಚಾಕು ಇರಿದ ಯುವಕ, ಯುವತಿಯ ಹುಟ್ಟುಹಬ್ಬದ ದಿನದಂದೇ ಕೃತ್ಯ ! | Yatnal, Maddur: ರಾಜ್ಯದಲ್ಲಿ ಹೊಸ ಹಿಂದು ಪಾರ್ಟಿ ಕಟ್ಟುತ್ತೇನೆ, ಯೋಗಿ ರೀತಿ ಆಡಳಿತ ಮಾಡ್ತೀನಿ, ಪಾಕಿಗೆ ಜೈ ಹಾಕಿದ್ರೆ ಎನ್ಕೌಂಟರ್, ಅಕ್ರಮ ಮಸೀದಿ ಕಲಾಸ್ ಮಾಡ್ತೀನಿ ; ಮದ್ದೂರಿನಲ್ಲಿ ಯತ್ನಾಳ್ ಆವೇಶದ ಮಾತು |

ದೇಶದಲ್ಲಿ ಹೊಸ Fire-Boltt Rocket ಸ್ಮಾರ್ಟ್‌ವಾಚ್ ಬಿಡುಗಡೆ!..ಬೆಲೆ ಎಷ್ಟು ಗೊತ್ತಾ?

02-01-23 08:27 pm Source: Vijayakarnataka ಡಿಜಿಟಲ್ ಟೆಕ್

ಇತ್ತೀಚಿಗಷ್ಟೇ 'ಆಪಲ್ ವಾಚ್ ಅಲ್ಟ್ರಾ' ಸಾಧನದ ರೀತಿಯದ್ದೇ ಗ್ಲಾಡಿಯೇಟರ್ ಹೆಸರಿನ ಸ್ಮಾರ್ಟ್‌ವಾಚ್ ಒಂದನ್ನು ಪರಿಚಯಿಸಿ ಗಮನಸೆಳೆದಿದ್ದ ಜನಪ್ರಿಯ ವೆರಿಯಬಲ್ ಟೆಕ್ ಬ್ರ್ಯಾಂಡ್ 'ಫೈರ್-ಬೋಲ್ಟ್' ಭಾರತದಲ್ಲಿ ರಾಕೆಟ್ (Fire-Boltt Rocket) ಎಂಬ ಮತ್ತೊಂದು ಕೈಗೆಟುಕುವ ಸ್ಮಾರ್ಟ್‌ವಾಚ್ ಸಾಧನವನ್ನು ಇಂದು ಪರಿಚಯಿಸಿದೆ. ಹೊಸ ವರ್ಷದಲ್ಲಿ ಹೆಚ್ಚೆಚ್ಚು ಗ್ರಾಹಕರನ್ನು ಸೆಳೆಯುವ ಸಲುವಾಗಿ, ಹೃದಯ ಬಡಿತ ಮಾನಿಟರ್‌, SpO2 ಸೆನ್ಸಾರ್, ಸ್ಲಿಪ್ ಟ್ರ್ಯಾಕರ್‌ ನಂತಹ ಪ್ರಮುಖ ವೈಶಿಷ್ಟ್ಯಗಳನ್ನು ಹೊಂದಿರುವ ಈ ಹೊಸ Fire-Boltt Rocket ಸ್ಮಾರ್ಟ್‌ ಸಾಧನವನ್ನು ದೇಶದಲ್ಲಿ ಅತ್ಯುತ್ತಮ ಬೆಲೆಯಲ್ಲಿ ಬಿಡುಗಡೆಗೊಳಿಸಲಾಗಿದೆ. ಹಾಗಾದರೆ, ಹೊಸ Fire-Boltt Rocket ಸ್ಮಾರ್ಟ್‌ವಾಚ್ ಹೇಗಿದೆ ಮತ್ತು ಬೆಲೆ ಎಷ್ಟು ನೋಡೋಣ ಬನ್ನಿ.

Fire-Boltt Rocket ಸ್ಮಾರ್ಟ್‌ವಾಚ್ ವೈಶಿಷ್ಟ್ಯಗಳು.
ನೂತನ Fire-Boltt Rocket ಸ್ಮಾರ್ಟ್‌ವಾಚ್ ಸಾಧನವು 240×240 ಪಿಕ್ಸೆಲ್‌ಗಳ ಸ್ಕ್ರೀನ್ ರೆಸಲ್ಯೂಶನ್‌ನೊಂದಿಗೆ 1.3-ಇಂಚಿನ ವೃತ್ತಾಕಾರದ ಡಿಸ್‌ಪ್ಲೇಯನ್ನು ಹೊಂದಿದೆ ಮತ್ತು ಇದು ಹಲವು ಮಾದರಿಯ ವಾಚ್ ಫೇಸ್‌ಗಳನ್ನು ಒಳಗೊಂಡಿದೆ. ಆರೋಗ್ಯದ ದೃಷ್ಟಿಯಿಂದ, ಹೃದಯ ಬಡಿತ ಮಾನಿಟರ್, SpO2 ಸೆನ್ಸಾರ್, ಸ್ಲಿಪಿಂಗ್‌ ಟ್ರ್ಯಾಕರ್ ಮತ್ತು ಸ್ತ್ರೀ ಸೈಕಲ್ ಮಾನಿಟರ್ ವೈಶಿಷ್ಟ್ಯಗಳನ್ನು ಹೊಂದಿರುವ ಈ ಹೊಸ ಸ್ಮಾರ್ಟ್‌ವಾಚ್ 100ಕ್ಕೂ ಹೆಚ್ಚು ವಿವಿಧ ಸ್ಪೋರ್ಟ್ಸ್ ಮೋಡ್‌ಗಳನ್ನು ಟ್ರ್ಯಾಕ್ ಮಾಡುವ ಸಾಮರ್ಥ್ಯವನ್ನು ಹೊಂದಿದ್ದು, ಇದರಲ್ಲಿ ಸ್ಟೆಪ್ಸ್, ಡಿಸ್ಟೆನ್ಸ್, ಕ್ಯಾಲೂರಿ ಬರ್ನಿಂಗ್ಸ್ ಅಳೆಯುವುದಕ್ಕೆ ಸಹ ಅವಕಾಶವಿದೆ. ಹಾಗೆಯೇ, ಈ ಸ್ಮಾರ್ಟ್‌ವಾಚ್ IP67-ಪ್ರಮಾಣೀಕೃತ ವಾಟರ್‌ ರೆಸಿಸ್ಟೆನ್ಸಿ ಸಾಮರ್ಥ್ಯವನ್ನು ಹೊಂದಿದೆ.

ಈ ಹೊಸ Fire-Boltt Rocket ಸ್ಮಾರ್ಟ್‌ವಾಚ್ ಸಾಧನದಲ್ಲಿ ಇನ್‌ಬಿಲ್ಟ್‌ ಸ್ಪೀಕರ್ ಮತ್ತು ಮೈಕ್ರೊಫೋನ್‌ಗಳನ್ನು ನೀಡಲಾಗಿದೆ. ಇದರಲ್ಲಿರುವ ಬ್ಲೂಟೂತ್‌ ಕಾಲಿಂಗ್ ಫೀಚರ್ ಸಹಾಯದಿಂದ ಫೋನ್ ಕರೆಗಳನ್ನು ಮಾಡಬಹುದು ಮತ್ತು ಸ್ವೀಕರಿಸಬಹುದು ಎಂದು ಕಂಪೆನಿ ತಿಳಿಸಿದೆ. ಇನ್ನು ಈ ಸ್ಮಾರ್ಟ್‌ವಾಚ್ ಗೂಗಲ್ ಅಸಿಸ್ಟೆಂಟ್ ಮತ್ತು ಸಿರಿ ವಾಯಿಸ್ ಅಸಿಸ್ಟೆಂಟ್‌ಗಳನ್ನು ಬೆಂಬಲಿಸಲಿದೆ. ಇದರಿಂದ ಬಳಕೆದಾರರು ಸುಲಭವಾಗಿ ನೋಟಿಫಿಕೇಶನ್ ಆಲರ್ಟ್ ಪಡೆಯಬಹುದು ಎಂದು ಹೇಳಲಾಗಿದೆ. ಇಷ್ಟೇಲ್ಲಾ ವೈಶಿಷ್ಟ್ಯಗಳನ್ನು ಹೊಂದಿರುವ ಈ ಸ್ಮಾರ್ಟ್‌ವಾಚ್ ಹೊಂದಿರುವ ಬ್ಯಾಟರಿ ಶಕ್ತಿ ಕುರಿತಂತೆ ಕಂಪೆನಿಯಿಂದ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ. ಆದರೆ, ಇದು 7 ದಿನಗಳ ಬ್ಯಾಟರಿ ಬಾಳಿಕೆ ನೀಡಲಿದೆ ಎಂದು ಹೇಳಲಾಗಿದೆ.

Fire Boltt Rocket With Bluetooth Calling, 100+ Sports Modes Launched In India - Gizmochina

Fire-Boltt Rocket ಸ್ಮಾರ್ಟ್‌ವಾಚ್ ಬೆಲೆ?
ಭಾರತದಲ್ಲಿ ಇಂದು ಬಿಡುಗಡೆಯಾಗಿರುವ ಹೊಸ Fire-Boltt Rocket ಸ್ಮಾರ್ಟ್‌ವಾಚ್ ಸಾಧನವನ್ನು 2,499 ರೂ.ಗಳ ಅಧಿಕೃತ ಬೆಲೆಯಲ್ಲಿ ಪರಿಚಯಿಸಲಾಗಿದೆ. ಗ್ರಾಹಕರು ಕಪ್ಪು, ಸಿಲ್ವರ್ ಗ್ರೇ, ಷಾಂಪೇನ್ ಗೋಲ್ಡ್ ಮತ್ತು ಗೋಲ್ಡ್ ಪಿಂಕ್ ನಂತಹ ಹಲವು ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿರಲಿರುವ ಈ ಹೊಸ ಸ್ಮಾರ್ಟ್‌ವಾಚ್ ಸಾಧನವನ್ನು ಇದೀಗ ಕಂಪೆನಿಯ ಅಧಿಕೃತ ವೆಬ್‌ಸೈಟ್ ಮೂಲಕ ಮಾರಾಟಕ್ಕೆ ಇಡಲಾಗಿದೆ. ನೀವು ಕೈಗೆಟುಕುವ ಬೆಲೆಯಲ್ಲಿ ಬ್ಲೂಟೂತ್ ಕಾಲಿಂಗ್ ಆಕ್ಟಿವ್ ಸ್ಮಾರ್ಟ್‌ವಾಚ್ ಒಂದನ್ನು ಖರೀದಿಸಲು ಇಚ್ಚಿಸಿದರೆ, ಪೆಬಲ್ ಫ್ರಾಸ್ಟ್ ಮತ್ತು ನಾಯ್ಸ್ ಐಕಾನ್ 2 ಸ್ಮಾರ್ಟ್‌ವಾಚ್ ಸಾಧನಗಳ ಜೊತೆ ಸ್ಪರ್ಧಿಸಲು ಬಂದಿರುವ ಈ ಹೊಸ Fire-Boltt Rocket ಸ್ಮಾರ್ಟ್‌ವಾಚ್ ಸಾಧನವು ನಿಮ್ಮ ಮೊದಲ ಆಯ್ಕೆಯಾಗಬಹುದು.