ಭಾರತದಲ್ಲಿ Lenovo Tab M9 ಹೆಸರಿನ ಹೊಸ ಬಜೆಟ್ ಟ್ಯಾಬ್ ಬಿಡುಗಡೆ!

ಬ್ರೇಕಿಂಗ್ ನ್ಯೂಸ್

ರಸ್ತೆ ಅಪಘಾತ ; ಕೇವಲ ಎಂಟೇ ತಿಂಗಳಲ್ಲಿ ಮಂಗಳೂರಿನಲ್ಲಿ 120 ಸಾವು, ಮೃತರಲ್ಲಿ ಪಾದಚಾರಿಗಳು, ದ್ವಿಚಕ್ರ ವಾಹನ ಸವಾರರೇ ಹೆಚ್ಚು! ರಸ್ತೆ ನಿಯಮ ಪಾಲಿಸದೆ ಜೀವ ಕಳಕೊಳ್ಳುತ್ತಿರುವ ಯುವಕರು | Udupi, Brahmavar Stabbing, Crime: ಬ್ರಹ್ಮಾವರ ; ಮದುವೆ ಪ್ರಸ್ತಾಪ ನಿರಾಕರಿಸಿದ್ದಕ್ಕೆ ಯುವತಿಗೆ ಚಾಕು ಇರಿದ ಯುವಕ, ಯುವತಿಯ ಹುಟ್ಟುಹಬ್ಬದ ದಿನದಂದೇ ಕೃತ್ಯ ! | Yatnal, Maddur: ರಾಜ್ಯದಲ್ಲಿ ಹೊಸ ಹಿಂದು ಪಾರ್ಟಿ ಕಟ್ಟುತ್ತೇನೆ, ಯೋಗಿ ರೀತಿ ಆಡಳಿತ ಮಾಡ್ತೀನಿ, ಪಾಕಿಗೆ ಜೈ ಹಾಕಿದ್ರೆ ಎನ್ಕೌಂಟರ್, ಅಕ್ರಮ ಮಸೀದಿ ಕಲಾಸ್ ಮಾಡ್ತೀನಿ ; ಮದ್ದೂರಿನಲ್ಲಿ ಯತ್ನಾಳ್ ಆವೇಶದ ಮಾತು |

ಭಾರತದಲ್ಲಿ Lenovo Tab M9 ಹೆಸರಿನ ಹೊಸ ಬಜೆಟ್ ಟ್ಯಾಬ್ ಬಿಡುಗಡೆ!

21-12-22 06:45 pm Source: Vijayakarnataka ಡಿಜಿಟಲ್ ಟೆಕ್

ನೂತನ Lenovo Tab M9 ಟ್ಯಾಬ್ 9 ಇಂಚಿನ ಎಲ್‌ಸಿಡಿ ಡಿಸ್‌ಪ್ಲೇ ಹೊಂದಿದೆ. 1340 × 800 ಪಿಕ್ಸೆಲ್ ರೆಸಲ್ಯೂಶನ್ ಸಾಮರ್ಥ್ಯದ ಡಿಸ್‌ಪ್ಲೇಯು 400nits ಬ್ರೈಟ್‌ನೆಸ್‌ ಮತ್ತು 176ppi ಪಿಕ್ಸೆಲ್ ಸಾಂದ್ರತೆ ವೈಶಿಷ್ಟ್ಯಗಳ ಜೊತೆಗೆ ಓದುವ ಗ್ರಾಹಕರಿಗಾಗಿ ಕಣ್ಣಿನ ಆರೈಕೆ ಮಾಡುವ ವೈಡೆವಿನ್ L1 ಮತ್ತು TÜV ರೈನ್‌ಲ್ಯಾಂಡ್ ವೈಶಿಷ್ಟ್ಯಗಳನ್ನು ಹೊಂದಿದೆ.

Lenovo ಕಂಪೆನಿಯ ಬಜೆಟ್ ಬೆಲೆಯ Lenovo Tab M ಸರಣಿಯಲ್ಲಿ ಮತ್ತೊಂದು ಟ್ಯಾಬ್ಲೆಟ್ ಸಾಧನ ಭಾರತದಲ್ಲಿ ಪರಿಚಿತವಾಗಿದೆ. ಕಳೆದ ಕೆಲ ತಿಂಗಳ ಹಿಂದೆಯಷ್ಟೇ ದೇಶದಲ್ಲಿ Lenovo Tab M8 ಎಂಬ ಪ್ರವೇಶ ಮಟ್ಟದ ಟ್ಯಾಬ್‌ ಒಂದನ್ನು Lenovo ಪರಿಚಯಿಸಿತ್ತು. ಇದೀಗ ಇದರ ಉತ್ತರಾಧಿಕಾರಿಯಾಗಿ Lenovo Tab M9 ಎಂಬ ಹೆಸರಿನ ಹೊಸ ಟ್ಯಾಬ್ ಸಾಧನವನ್ನು ಬಿಡುಗಡೆಗೊಳಿಸಲಾಗಿದ್ದು, ಈ ಹೊಸ ಸಾಧನವು 9 ಇಂಚಿನ ಎಲ್‌ಸಿಡಿ ಡಿಸ್‌ಪ್ಲೇ, ಮೀಡಿಯಾ ಟೆಕ್‌ ಹಿಲಿಯೋ G80 ಪ್ರೊಸೆಸರ್ ಮತ್ತು 5100mAh ಸಾಮರ್ಥ್ಯದ ಬ್ಯಾಟರಿಯಂತಹ ಪ್ರಮುಖ ವೈಶಿಷ್ಟ್ಯಗಳನ್ನು ಹೊತ್ತು ಬಂದಿದೆ. ಹಾಗಾದರೆ, ನೂತನ Lenovo Tab M9 ಟ್ಯಾಬ್ಲೆಟ್ ಸಾಧನ ಹೇಗಿದೆ ಮತ್ತು ಬೆಲೆ ಎಷ್ಟು ಎಂಬುದನ್ನು ತಿಳಿಯೋಣ ಬನ್ನಿ.

Lenovo Tab M9 ಟ್ಯಾಬ್ಲೆಟ್ ವೈಶಿಷ್ಟ್ಯಗಳು
ನೂತನ Lenovo Tab M9 ಟ್ಯಾಬ್ 9 ಇಂಚಿನ ಎಲ್‌ಸಿಡಿ ಡಿಸ್‌ಪ್ಲೇ ಹೊಂದಿದೆ. 1340 × 800 ಪಿಕ್ಸೆಲ್ ರೆಸಲ್ಯೂಶನ್ ಸಾಮರ್ಥ್ಯದ ಡಿಸ್‌ಪ್ಲೇಯು 400nits ಬ್ರೈಟ್‌ನೆಸ್‌ ಮತ್ತು 176ppi ಪಿಕ್ಸೆಲ್ ಸಾಂದ್ರತೆ ವೈಶಿಷ್ಟ್ಯಗಳ ಜೊತೆಗೆ ಓದುವ ಗ್ರಾಹಕರಿಗಾಗಿ ಕಣ್ಣಿನ ಆರೈಕೆ ಮಾಡುವ ವೈಡೆವಿನ್ L1 ಮತ್ತು TÜV ರೈನ್‌ಲ್ಯಾಂಡ್ ವೈಶಿಷ್ಟ್ಯಗಳನ್ನು ಹೊಂದಿದೆ. ಹುಡ್ ಅಡಿಯಲ್ಲಿ, ಆಕ್ಟಾ-ಕೋರ್ ಮೀಡಿಯಾ ಟೆಕ್ ಹಿಲಿಯೊ G80 ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿರುವ ಈ ಟ್ಯಾಬ್ಲೆಟ್ ಆಂಡ್ರಾಯ್ಡ್ 12 ನಲ್ಲಿ ರನ್‌ ಆಗಲಿದ್ದು, ಆಂಡ್ರಾಯ್ಡ್ 13 ಅಪ್‌ಗ್ರೇಡ್‌ಗೂ ಅವಕಾಶವಿದೆ ಎಂದು ಕಂಪೆನಿ ತಿಳಿಸಿದೆ. ಇನ್ನು ಈ ಟ್ಯಾಬ್ 3GB + 32GB, 4GB + 64GB ಮತ್ತು 4GB + 128GB ಮೂರು ಆಯ್ಕೆಗಳಲ್ಲಿ ಬರುವ ಸಾಧ್ಯತೆ ಬಗ್ಗೆ ತಿಳಿಸಲಾಗಿದೆ.

Lenovo Tab M9 with MediaTek Helio G80 and 9-inch Display Launched: Price, Specifications - MySmartPrice

ಈ Lenovo Tab M9 ಟ್ಯಾಬ್‌ನಲ್ಲಿ 8 ಮೆಗಾಪಿಕ್ಸೆಲ್ ಸಾಮರ್ಥ್ಯದ ರಿಯರ್ ಕ್ಯಾಮೆರಾ ಹಾಗೂ 2 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾಗಳನ್ನು ಅಳವಡಿಸಲಾಗಿದೆ. ಈ ಟ್ಯಾಬ್ ಸಾಧನವನ್ನು ವೀಡಿಯೋ ಕರೆಗಳಿಗೆ ಹಾಗೂ ಮೀಟಿಂಗ್‌ಗಳಿಗೆ ಯೋಗ್ಯವಾಗಿ ನಿರ್ಮಿಸಲಾಗಿದೆ. ಹಾಗೂ 15W ವೇಗದ ಚಾರ್ಜಿಂಗ್ ಬೆಂಬಲವಿರುವ 5100mAh ಸಾಮರ್ಥ್ಯದ ಬ್ಯಾಟರಿ ಹೊಂದಿರುವ ಈ ಸಾಧನವು 13 ಗಂಟೆಗಳ ವೀಡಿಯೋ ಪ್ಲೇಬ್ಯಾಕ್‌ ಹೊಂದಿದೆ ಎಂದು ಕಂಪೆನಿ ಹೇಳಿಕೊಂಡಿದೆ. ಇನ್ನುಳಿದಂತೆ, ಈ ಸಾಧನದಲ್ಲಿ ಡಾಲ್ಬಿ ಅಟ್ಮಾಸ್ ಆಡಿಯೊ ಬೆಂಬಲಿಸುವ ಡ್ಯುಯಲ್ ಸ್ಪೀಕರ್ಸ್, ಭದ್ರತೆಗಾಗಿ ಫೇಸ್ ಅನ್‌ಲಾಕ್ ಫೀಚರ್, ಚಾರ್ಜಿಂಗ್ ಹಾಗೂ ಡೇಟಾ ವರ್ಗಾವಣೆಗಾಗಿ ಯುಎಸ್‌ಬಿ 2.0 ಟೈಪ್-ಸಿ ಪೋರ್ಟ್ ವೈಶಿಷ್ಟ್ಯಗಳಿರುವುದನ್ನು ನಾವು ನೋಡಬಹುದು.

Lenovo Tab M9 ಟ್ಯಾಬ್ಲೆಟ್ ಬೆಲೆ ಎಷ್ಟು?
ಭಾರತದಲ್ಲಿ Lenovo Tab M9 ಸಾಧನದ ಆರಂಭಿಕ ಬೆಲೆ 11,600 ರೂ. ಗಳಿಂದ ಆರಂಭವಾಗಲಿದೆ ಎಂದು ಕಂಪೆನಿ ತಿಳಿಸಿದೆ. ಈ ಟ್ಯಾಬ್ಲೆಟ್ ಸಾಧನವನ್ನು 3GB + 32GB, 4GB + 64GB ಮತ್ತು 4GB + 128GB ಮೂರು ಆಯ್ಕೆಗಳಲ್ಲಿ ವಿಭಿನ್ನ ಬೆಲೆಗಳಲ್ಲಿ ಪರಿಚಯಿಸುವ ಸಾಧ್ಯತೆ ಇದೆ. ಇನ್ನು ಈ ಟ್ಯಾಬ್‌ ಆರ್ಕ್ಟಿಕ್ ಗ್ರೇ ಮತ್ತು ಫ್ರಾಸ್ಟ್ ಬ್ಲೂ ಎಂಬ ಎರಡು ಬಣ್ಣದಲ್ಲಿ ಖರೀದಿಗೆ ಬರಲಿದೆ ಎಂದು ಕಂಪೆನಿ ತಿಳಿಸಿದೆಯಾದರೂ, ಈ ಸಾಧನವನ್ನು ಮಾರಾಟಕ್ಕೆ ತರುವ ನಿಖರ ದಿನಾಂಕ ಯಾವುದು ಎಂಬ ಬಗ್ಗೆ ಈವರೆಗೂ ಮಾಹಿತಿ ದೊರೆತಿಲ್ಲ.