Russian oil Tanker, Mangalore: ರಷ್ಯಾದಿಂದ ಮಂಗಳೂರಿಗೆ ಬಂತು 1 ಲಕ್ಷ ಟನ್ ತೈಲ ಹೊತ್ತ ಅಕ್ವಾ ಟೈಟಾನ್, ಬೆನ್ನಲ್ಲೇ ಅಮೆರಿಕದ ತೈಲ ನೌಕೆಯೂ ಮಂಗಳೂರಿಗೆ ; ದಕ್ಷಿಣ ಭಾರತಕ್ಕೆ ತೈಲ ಭರಪೂರ !

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

Russian oil Tanker, Mangalore: ರಷ್ಯಾದಿಂದ ಮಂಗಳೂರಿಗೆ ಬಂತು 1 ಲಕ್ಷ ಟನ್ ತೈಲ ಹೊತ್ತ ಅಕ್ವಾ ಟೈಟಾನ್, ಬೆನ್ನಲ್ಲೇ ಅಮೆರಿಕದ ತೈಲ ನೌಕೆಯೂ ಮಂಗಳೂರಿಗೆ ; ದಕ್ಷಿಣ ಭಾರತಕ್ಕೆ ತೈಲ ಭರಪೂರ !

22-03-26 05:07 pm HK News Staffer ಕರಾವಳಿ

ಗಲ್ಫ್ ಯುದ್ಧದಿಂದಾಗಿ ಭಾರತದಲ್ಲಿ ಅಡುಗೆ ಅನಿಲಕ್ಕೆ ತೀವ್ರ ಅಭಾವ ಎದುರಾಗಿರುವ ಮಧ್ಯೆಯೇ ರಷ್ಯಾ ಮತ್ತು ಅಮೆರಿಕದಿಂದ ಭಾರತಕ್ಕೆ ತೈಲ ಪೂರೈಕೆಯಾಗಿದೆ. ರಷ್ಯಾದಿಂದ ಚೀನಾಕ್ಕೆ ಹೊರಟಿದ್ದ ತೈಲ ಟ್ಯಾಂಕರ್ ಅಕ್ವಾ ಟೈಟಾನ್ ಶನಿವಾರ ಮಂಗಳೂರು ತಲುಪಿದ್ದರೆ, ಭಾನುವಾರ ಬೆಳಗ್ಗೆ ಅಮೆರಿಕದ ಟೆಕ್ಸಾಸ್ ನಿಂದ ತೈಲ ಹಡಗು ಮಂಗಳೂರು ಬಂದರು ತಲುಪಿದೆ.

ಮಂಗಳೂರು, ಮಾರ್ಚ್ 22: ಗಲ್ಫ್ ಯುದ್ಧದಿಂದಾಗಿ ಭಾರತದಲ್ಲಿ ಅಡುಗೆ ಅನಿಲಕ್ಕೆ ತೀವ್ರ ಅಭಾವ ಎದುರಾಗಿರುವ ಮಧ್ಯೆಯೇ ರಷ್ಯಾ ಮತ್ತು ಅಮೆರಿಕದಿಂದ ಭಾರತಕ್ಕೆ ತೈಲ ಪೂರೈಕೆಯಾಗಿದೆ. ರಷ್ಯಾದಿಂದ ಚೀನಾಕ್ಕೆ ಹೊರಟಿದ್ದ ತೈಲ ಟ್ಯಾಂಕರ್ ಅಕ್ವಾ ಟೈಟಾನ್ ಶನಿವಾರ ಮಂಗಳೂರು ತಲುಪಿದ್ದರೆ, ಭಾನುವಾರ ಬೆಳಗ್ಗೆ ಅಮೆರಿಕದ ಟೆಕ್ಸಾಸ್ ನಿಂದ ತೈಲ ಹಡಗು ಮಂಗಳೂರು ಬಂದರು ತಲುಪಿದೆ.

ಒಂದು ಲಕ್ಷ ಟನ್ ತೈಲವನ್ನು ಹೊಂದಿರುವ ರಷ್ಯಾ ಮೂಲದ ಅಕ್ವಾ ಟೈಟಾನ್ ಹಡಗು ಕಳೆದ ಜನವರಿಯಲ್ಲಿ ಬಾಲ್ಟಿಕ್ ಸೀ ಪೋರ್ಟ್ ನಿಂದ ಚೀನಾದ ರಿಝಾವೋ ಬಂದರಿಗೆ ಹೊರಟಿತ್ತು. ಇದರ ಮಧ್ಯೆ ಮಾರ್ಚ್ 17ರ ವೇಳೆಗೆ ಭಾರತದಿಂದ ರಷ್ಯಾಕ್ಕೆ ತೈಲದ ಬೇಡಿಕೆ ಬಂದಿದ್ದರಿಂದ ಚೀನಾಕ್ಕೆ ಹೊರಟಿದ್ದ ಈ ಟ್ಯಾಂಕರನ್ನು ಭಾರತದ ಕಡೆಗೆ ತಿರುಗಿಸಲಾಗಿತ್ತು. ಅದೀಗ ಮಂಗಳೂರು ತೀರದಿಂದ 12 ನಾಟಿಕಲ್ ಮೈಲು ದೂರದ ಎಂಆರ್ ಪಿಎಲ್ ಜೆಟ್ಟಿಗೆ ಬಂದಿದ್ದು, ಅಲ್ಲಿಂದ ತೈಲವನ್ನು ಭೂಗತ ತೈಲ ಸಂಗ್ರಹಾಗಾರದಲ್ಲಿ ಶೇಖರಿಸಲಾಗುತ್ತಿದೆ. ಭೂ ಮೇಲ್ಮೈಯಿಂದ 225 ಮೀಟರ್ ಒಳಗಿರುವ ಈ ತೈಲಾಗಾರ ಭಾರತದ ಅತಿದೊಡ್ಡ ಸಂಗ್ರಹಾಗಾರಗಳಲ್ಲಿ ಒಂದಾಗಿದ್ದು, 80 ಸಾವಿರ ಮೆಟ್ರಿಕ್ ಟನ್ ತೈಲ ಹಿಡಿದಿಡುವ ಸಾಮರ್ಥ್ಯ ಹೊಂದಿದೆ.

ಇದರ ಬೆನ್ನಲ್ಲೇ ಭಾನುವಾರ ಬೆಳಗ್ಗೆ ಅಮೆರಿಕದ ಟೆಕ್ಸಾಸ್ ನಿಂದ ಹೊರಟಿದ್ದ ತೈಲ ಹಡಗು ಮಂಗಳೂರು ಬಂದರು ತಲುಪಿದೆ. ಇದರಲ್ಲಿ 16,714 ಮೆಟ್ರಿಕ್ ಟನ್ ಎಲ್ಪಿಜಿಯಿದ್ದು, ಅದನ್ನು ನೇರವಾಗಿ ಆಯಿಲ್ ಕಂಪನಿಗಳ ಮೂಲಕ ಪೂರೈಕೆ ಮಾಡಲಿದೆ. ಏಕಕಾಲದಲ್ಲಿ ಮಂಗಳೂರಿಗೆ ಎರಡು ತೈಲದ ಹಡಗು ಬಂದಿರುವುದರಿಂದ ದಕ್ಷಿಣ ಭಾರತದ ಇಂಧನ ಬೇಡಿಕೆಗೆ ದೊಡ್ಡ ಬಲ ಸಿಕ್ಕಂತಾಗಿದೆ. ಇರಾನ್ ಯುದ್ಧದಿಂದಾಗಿ ಹೊರ್ಮುಜ್ ಜಲಸಂಧಿಯಲ್ಲಿ ತೈಲದ ಟ್ಯಾಂಕರ್ ಬರಲು ಅಡ್ಡಿಯಾಗಿದ್ದರಿಂದ ಭಾರತದಲ್ಲಿ ಎಲ್ಪಿಜಿ ಕೊರತೆ ಎದುರಾಗಿತ್ತು. ಕಮರ್ಷಿಯಲ್ ಗ್ಯಾಸ್ ಸಿಗದೆ ದೇಶಾದ್ಯಂತ ಪ್ರಮುಖ ನಗರಗಳಲ್ಲಿ ಹೊಟೇಲುಗಳು ಮುಚ್ಚುವಂತಾಗಿದೆ.

ರಷ್ಯಾದಿಂದ ಬರತ್ತೆ ಏಳು ತೈಲ ಹಡಗು:

ಹೊರ್ಮುಜ್ ಜಲಸಂಧಿ ಮೂಲಕ ಭಾರತಕ್ಕೆ ಶೇಕಡಾ 50ರಷ್ಟು ಎಲ್ಎನ್ ಜಿ ಮತ್ತು ಎಲ್ಪಿಜಿ ಪೂರೈಕೆ ಆಗುತ್ತಿತ್ತು. ಯುದ್ಧದ ಪರಿಣಾಮ ಈ ದಾರಿಯಲ್ಲಿ ತೈಲ ಹಡಗುಗಳಿಗೆ ಬರಲು ತೊಂದರೆಯಾಗಿತ್ತು. ಇದೇ ವೇಳೆ, ರಷ್ಯಾಕ್ಕೆ ಕೋರಿಕೆ ಹೋಗಿದ್ದರಿಂದ ತೈಲದ ಹಡಗು ಹೊತ್ತ ಏಳು ಟ್ಯಾಂಕರನ್ನು ಭಾರತದ ಕಡೆಗೆ ತಿರುಗಿಸಲಾಗಿದೆ. ರಷ್ಯಾದ ಇನ್ನೊಂದು ತೈಲ ಹಡಗು ಸುಯೆಜ್ ಮ್ಯಾಕ್ಸ್ ಝೌಝೌ ಮಾರ್ಚ್ 25ರಂದು ಗುಜರಾತಿನ ಸಿಕ್ಕಾ ಬಂದರು ತಲುಪುವ ನಿರೀಕ್ಷೆಯಿದೆ.

ರಷ್ಯಾದಿಂದ ಒಟ್ಟು ಏಳು ತೈಲ ಹಡಗು ಭಾರತಕ್ಕೆ ಬರಲಿದ್ದು, ಆಮೂಲಕ ದೇಶದಲ್ಲಿ ತೈಲದ ಬಿಕ್ಕಟ್ಟು ಶಮನ ಮಾಡುವ ಸಾಧ್ಯತೆಯಿದೆ. ಈ ಹಡಗುಗಳಲ್ಲಿ ಸುಮಾರು 30 ಮಿಲಿಯನ್ ಬ್ಯಾರೆಲ್ ತೈಲವಿದ್ದು, ಭಾರತದ ತೈಲ ಸಂಗ್ರಹಣೆಗೆ ದೊಡ್ಡ ಕೊಡುಗೆ ನೀಡಲಿದೆ. ಕಳೆದ ವಾರ ಹೊರ್ಮುಜ್ ಜಲಸಂಧಿಯಲ್ಲಿ ಸಿಲುಕಿದ್ದ ಭಾರತದ ಶಿವಾಲಿಕ್, ನಂದಾದೇವಿ ಮತ್ತು ಜಗ್ ಲಾಡ್ಕಿ ಹಡಗುಗಳು ಗುಜರಾತಿನ ಮುಂದ್ರಾ ಬಂದರು ತಲುಪಿತ್ತು.

Russia’s 100,000-ton oil tanker Aqua Titan docks at Mangaluru, followed by a US LPG ship from Texas 🇷🇺🇺🇸 Big relief for South India as fuel supply improves amid Hormuz disruption pic.twitter.com/QLuopWUy6M
— Headline Karnataka (@hknewsonline) March 22, 2026