ಸತತ 6ನೇ ವಾರಕ್ಕೆ ಕಾಲಿಟ್ಟ ಅದಾನಿ ಸಮೂಹದ ಷೇರುಗಳ ಕುಸಿತ ; ಸಿರಿವಂತರ ಪಟ್ಟಿಯಲ್ಲಿ 38ನೇ ಸ್ಥಾನಕ್ಕೆ ಜಿಗಿತ

ಬ್ರೇಕಿಂಗ್ ನ್ಯೂಸ್

Gold smuggling case, Mangalore Court Verdict, Crime: ಗೋಲ್ಡ್ ಸ್ಮಗ್ಲಿಂಗ್ ಪ್ರಕರಣ ; ಕೇರಳದ ಇಬ್ಬರು ಸ್ನೇಹಿತರನ್ನು ಅಮಾನುಷ ಕೊಲೆಗೈದವರಿಗೆ ಜೀವಾವಧಿ ಶಿಕ್ಷೆ, ಮಂಗಳೂರಿನ ಕೋರ್ಟ್ ಘೋಷಣೆ | Ullal Gang Rape, Crime, Update, Mangalore: ಗ್ಯಾಂಗ್ ರೇಪ್ ಪ್ರಕರಣ ; ಮೂರನೇ ಆರೋಪಿಯನ್ನು ಫಿಕ್ಸ್ ಮಾಡಿದ್ರಾ ಉಳ್ಳಾಲ ಪೊಲೀಸರು? ಕ್ರಿಮಿನಲ್ ಹಿನ್ನೆಲೆ ಇಲ್ಲದ ಯುವಕನಿಗೆ ಕಪ್ಪುಚುಕ್ಕೆ..! | Mangalore Waqf protest, Traffic ACP Najma Farooqi: ವಕ್ಫ್ ಪ್ರತಿಭಟನೆ ; ಎಸಿಪಿ ನಜ್ಞಾ ಫಾರೂಕಿ ಕಾರು ದುರ್ಬಳಕೆ ಆಗಿಲ್ಲ, ಗಾಯಾಳು ಸಾಗಿಸಲು ನೆರವಾಗಿದ್ದಷ್ಟೇ, ವಿಡಿಯೋ ವೈರಲ್ ಬಗ್ಗೆ ಪೊಲೀಸ್ ಕಮಿಷನರ್ ಸ್ಪಷ್ಟನೆ |

ಸತತ 6ನೇ ವಾರಕ್ಕೆ ಕಾಲಿಟ್ಟ ಅದಾನಿ ಸಮೂಹದ ಷೇರುಗಳ ಕುಸಿತ ; ಸಿರಿವಂತರ ಪಟ್ಟಿಯಲ್ಲಿ 38ನೇ ಸ್ಥಾನಕ್ಕೆ ಜಿಗಿತ

27-02-23 08:07 pm HK News Desk ದೇಶ - ವಿದೇಶ

ಜಗತ್ತಿನ ಮೂರನೇ ಅತಿ ದೊಡ್ಡ ಶ್ರೀಮಂತ ಎನ್ನಿಸಿದ್ದ ಉದ್ಯಮಿ ಗೌತಮ್‌ ಅದಾನಿ ಅವರ ರ‍್ಯಾಂಕ್‌ ಈಗ 38ನೇ ಸ್ಥಾನಕ್ಕೆ ಕುಸಿದಿದೆ.

ನವದೆಹಲಿ, ಫೆ‌.27: ಜಗತ್ತಿನ ಮೂರನೇ ಅತಿ ದೊಡ್ಡ ಶ್ರೀಮಂತ ಎನ್ನಿಸಿದ್ದ ಉದ್ಯಮಿ ಗೌತಮ್‌ ಅದಾನಿ ಅವರ ರ‍್ಯಾಂಕ್‌ ಈಗ 38ನೇ ಸ್ಥಾನಕ್ಕೆ ಕುಸಿದಿದೆ.

ಸತತ ಆರನೇ ವಾರವೂ ಅದಾನಿ ಸಮೂಹದ ಷೇರುಗಳ ಕುಸಿತ ಮುಂದುವರಿದಿದ್ದು, ಹೂಡಿಕೆದಾರರ ಮನಗೆಲ್ಲಲು ಗೌತಮ್‌ ಅದಾನಿ ನಡೆಸುತ್ತಿರುವ ಯಾವ ಪ್ರಯತ್ನವೂ ಫಲ ನೀಡುವಂತೆ ಕಾಣಿಸುತ್ತಿಲ್ಲ. ಈ ಹಿನ್ನೆಲೆಯಲ್ಲಿ ಇದೀಗ ಏಷ್ಯಾದ ಸ್ಥಿರ-ಆದಾಯದ ಹೂಡಿಕೆದಾರರನ್ನು ಮೋಡಿ ಮಾಡಲು ಹೊರಟಿರುವ ಅದಾನಿ ಗ್ರೂಪ್‌, ಜಾಗತಿಕ ಪ್ರವಾಸಕ್ಕೆ ಸಜ್ಜಾಗಿದೆ.

ಅಮೆರಿಕದ ಶಾರ್ಟ್‌ಸೆಲ್ಲರ್ ಹಿಂಡೆನ್‌ಬರ್ಗ್ ರಿಸರ್ಚ್‌ ಅದಾನಿ ಸಮೂಹದ ವಿರುದ್ಧ ಲೆಕ್ಕಪತ್ರ ವಂಚನೆ ಮತ್ತು ಷೇರು ತಿರುಚುವಿಕೆಯ ಆರೋಪಗಳನ್ನು ಮಾಡಿದ ಬಳಿಕ ಗ್ರೂಪ್‌ನ ಎಲ್ಲಾ 10 ಕಂಪನಿಗಳ ಷೇರುಗಳು ಒಂದೇ ಸಮನೆ ಕುಸಿತ ಕಾಣುತ್ತಿವೆ.

ಅವಧಿಗೂ ಮುನ್ನ ಸಾಲ ಪಾವತಿ, ಸಾಕಷ್ಟು ನಗದು ಹರಿವು ಇದೆ ಎನ್ನುವುದು ಸೇರಿದಂತೆ ಹೂಡಿಕೆದಾರರ ಮನಗೆಲ್ಲಲು ಈಗಾಗಲೇ ಹಲವು ತಂತ್ರಗಳನ್ನು ಅದಾನಿ ಗ್ರೂಪ್‌ ಮಾಡಿದೆ. ಆದರೆ ಇವ್ಯಾವುದೂ ನಿರೀಕ್ಷಿತ ಫಲ ಕೊಟ್ಟಿಲ್ಲ. ಹೀಗಾಗಿ ಇದೀಗ ಮಹತ್ವದ ಪ್ರಯತ್ನವಾಗಿ ಜಾಗತಿಕ ಪ್ರವಾಸ ಆಯೋಜನೆಯಾಗಿದೆ.

ಸುಮಾರು ಒಂದು ಡಜನ್ ಜಾಗತಿಕ ಬ್ಯಾಂಕುಗಳು ಸೋಮವಾರ ಸಿಂಗಾಪುರದ ಕ್ಯಾಪಿಟಲ್ ಕೆಂಪಿನ್ಸ್‌ಕಿ ಹೋಟೆಲ್‌ನಲ್ಲಿ ಹೂಡಿಕೆದಾರರ ಸಭೆಗಳನ್ನು ಆಯೋಜಿಸಲು ಸಹಾಯ ಮಾಡಿವೆ. ಬಿಲಿಯನೇರ್ ಗೌತಮ್ ಅದಾನಿ ಬೆಂಬಲಿತ ಸಂಸ್ಥೆಯು ಮಂಗಳವಾರ ಮತ್ತು ಬುಧವಾರ ಹಾಂಕಾಂಗ್‌ನ ಬಾರ್ಕ್ಲೇಸ್ ಪಿಎಲ್‌ಸಿ ಕಚೇರಿಯಲ್ಲಿ ಸಭೆಗಳನ್ನು ನಡೆಸಲಿದೆ. ಗುಂಪಿನ ಮುಖ್ಯ ಹಣಕಾಸು ಅಧಿಕಾರಿ ಜುಗೇಶಿಂದರ್ ಸಿಂಗ್ ಮತ್ತು ಕಾರ್ಪೊರೇಟ್ ಹಣಕಾಸು ಮುಖ್ಯಸ್ಥ ಅನುಪಮ್ ಮಿಶ್ರಾ ಅವರು ಈ ಸಭೆಗಳಿಗೆ ಹಾಜರಾಗಲಿದ್ದಾರೆ.

ಸಿರಿವಂತರ ಪಟ್ಟಿಯಲ್ಲಿ 38ನೇ ಸ್ಥಾನಕ್ಕೆ ಜಾರಿದ ಅದಾನಿ ;

ಈ ಭಾರೀ ಕುಸಿತದೊಂದಿಗೆ ಗೌತಮ್‌ ಅದಾನಿ ವೈಯಕ್ತಿಕ ಸಂಪತ್ತು 33.4 ಬಿಲಿಯನ್‌ ಡಾಲರ್‌ಗೆ ಕುಸಿತ ಕಂಡಿದ್ದು, ಫೋರ್ಬ್ಸ್‌ ರಿಯಲ್‌ ಟೈಮ್‌ ಸಿರಿವಂತರ ಪಟ್ಟಿಯಲ್ಲಿ 38ನೇ ಸ್ಥಾನಕ್ಕೆ ಕುಸಿದಿದ್ದಾರೆ. ಒಂದು ಹಂತದಲ್ಲಿ ಅವರ ವೈಯಕ್ತಿಕ ಸಂಪತ್ತು 130 ಬಿಲಿಯನ್‌ ಡಾಲರ್‌ ಆಸುಪಾಸಿನಲ್ಲಿತ್ತು, ಜಗತ್ತಿನ ಸಿರಿವಂತರಲ್ಲೇ 3ನೇ ಸ್ಥಾನದಲ್ಲಿ ಅದಾನಿ ಇದ್ದರು.

Billionaire Gautam Adani has lost more than a third of his total fortune in just a month as his net worth dropped below $40 billion on Monday, showed updated data on the Bloomberg Billionaires Index. Adani, 60, has seen his net worth deplete over $80 billion during a month – from $120 billion to $39.9 billion. With this, Gautam Adani’s net worth has hit a two-year low. His net worth was last seen at the current level in February 2021.