ಸಿಎಂ ಡಿಕೆಶಿ ಕುದ್ರೋಳಿ ದಸರಾಕ್ಕೆ ಆಗಮಿಸಿದ್ದಾಗಲೇ ವ್ಯಕ್ತಿಗೆ ಹೃದಯಾಘಾತ ; ಭಾರೀ ಜನದಟ್ಟಣೆಯಿಂದ ತುರ್ತು ವ್ಯವಸ್ಥೆಗೆ ತೊಂದರೆ, ನಿರ್ಗಮನ ದ್ವಾರ ಇಲ್ಲದೆ ರೋಗಿ ಒಯ್ಯಲು ಪರದಾಟ !

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

ಸಿಎಂ ಡಿಕೆಶಿ ಕುದ್ರೋಳಿ ದಸರಾಕ್ಕೆ ಆಗಮಿಸಿದ್ದಾಗಲೇ ವ್ಯಕ್ತಿಗೆ ಹೃದಯಾಘಾತ ; ಭಾರೀ ಜನದಟ್ಟಣೆಯಿಂದ ತುರ್ತು ವ್ಯವಸ್ಥೆಗೆ ತೊಂದರೆ, ನಿರ್ಗಮನ ದ್ವಾರ ಇಲ್ಲದೆ ರೋಗಿ ಒಯ್ಯಲು ಪರದಾಟ !

16-10-26 01:47 pm HK News Staffer ಕರಾವಳಿ

ಕುದ್ರೋಳಿಯಲ್ಲಿ ದಸರಾ ಉತ್ಸವಕ್ಕೆ ಸಿಎಂ ಡಿಕೆ ಶಿವಕುಮಾರ್ ಆಗಮಿಸಿದ್ದ ವೇಳೆ ಅದೇ ಪರಿಸರದ ನಿವಾಸಿ ವ್ಯಕ್ತಿಯೊಬ್ಬರಿಗೆ ಹೃದಯಾಘಾತ ಸಂಭವಿಸಿದ್ದು, ಭಾರೀ ಜನಸಂದಣಿ ಮತ್ತು ವಾಹನ ಸಂಚಾರಕ್ಕೆ ಪರ್ಯಾಯ ವ್ಯವಸ್ಥೆ ಇಲ್ಲದ ಕಾರಣ ರೋಗಿಯನ್ನು ಕರೆದೊಯ್ಯಲು ಪ್ರಯಾಸಪಟ್ಟ ಘಟನೆ ನಡೆದಿದೆ.

ಮಂಗಳೂರು, ಅ.16: ಕುದ್ರೋಳಿಯಲ್ಲಿ ದಸರಾ ಉತ್ಸವಕ್ಕೆ ಸಿಎಂ ಡಿಕೆ ಶಿವಕುಮಾರ್ ಆಗಮಿಸಿದ್ದ ವೇಳೆ ಅದೇ ಪರಿಸರದ ನಿವಾಸಿ ವ್ಯಕ್ತಿಯೊಬ್ಬರಿಗೆ ಹೃದಯಾಘಾತ ಸಂಭವಿಸಿದ್ದು, ಭಾರೀ ಜನಸಂದಣಿ ಮತ್ತು ವಾಹನ ಸಂಚಾರಕ್ಕೆ ಪರ್ಯಾಯ ವ್ಯವಸ್ಥೆ ಇಲ್ಲದ ಕಾರಣ ರೋಗಿಯನ್ನು ಕರೆದೊಯ್ಯಲು ಪ್ರಯಾಸಪಟ್ಟ ಘಟನೆ ನಡೆದಿದೆ.

ಈ ಬಗ್ಗೆ ನಗರದ ಖ್ಯಾತ ಹೃದ್ರೋಗ ತಜ್ಞ ಡಾ.ಪದ್ಮನಾಭ ಕಾಮತ್, ಇಂತಹ ಉತ್ಸವ ಅಥವಾ ಮುಖ್ಯಮಂತ್ರಿ ಆಗಮನದಂತಹ ಸಂದರ್ಭದಲ್ಲಿ ತುರ್ತು ನಿರ್ಗಮನ ದ್ವಾರಕ್ಕೆ ಅವಕಾಶ ನೀಡಬೇಕೆಂದು ಬಹಿರಂಗ ಪತ್ರ ಬರೆದಿದ್ದಾರೆ. ನಿನ್ನೆ ರಾತ್ರಿ 8.30ರ ಸುಮಾರಿಗೆ ಕುದ್ರೋಳಿ ದೇವಸ್ಥಾನದ ಬಳಿಯಲ್ಲೇ ವಾಸವಿರುವ ರಾಜಸ್ಥಾನಿ ಕುಟುಂಬದ ವ್ಯಕ್ತಿಯೊಬ್ಬರಿಗೆ ಎದೆನೋವು ಕಾಣಿಸಿಕೊಂಡು ಅಸ್ವಸ್ಥರಾಗಿದ್ದರು. ಪರಿಸರದಲ್ಲಿ ಭಾರೀ ಜನ ಸೇರಿದ್ದರಿಂದ ತುರ್ತಾಗಿ ಕಾರಿನಲ್ಲಿ ಹೊರಗೆ ಕರೆದೊಯ್ಯಲು ಸಾಧ್ಯವಾಗದ ಸ್ಥಿತಿಯಿತ್ತು.

ಒಂದೆಡೆ ಪೊಲೀಸರ ನಿಯೋಜನೆ ಮತ್ತೊಂದೆಡೆ ಭಾರೀ ಸಂಖ್ಯೆಯಲ್ಲಿದ್ದ ಜನರ ಪ್ರವಾಹದಿಂದಾಗಿ ವಾಹನಗಳ ಸಂಚಾರಕ್ಕೆ ವ್ಯವಸ್ಥೆ ಇರಲಿಲ್ಲ. ಹೀಗಾಗಿ ವ್ಯಕ್ತಿಯ ಮಗ ಮತ್ತು ಸೋದರಿ ಸೇರಿ ಕುಸಿದು ಬಿದ್ದ ವ್ಯಕ್ತಿಯನ್ನು ದ್ವಿಚಕ್ರ ವಾಹನದಲ್ಲಿ ಕುಳ್ಳಿರಿಸಿ ಪಕ್ಕದ ರಸ್ತೆಯ ವರೆಗೆ ಪ್ರಯಾಸದಲ್ಲಿ ಕರೆತಂದಿದ್ದಾರೆ. ಆನಂತರ, ಪಕ್ಕದಲ್ಲಿ ವಾಸವಿದ್ದ ವೈದ್ಯರೊಬ್ಬರು ತುರ್ತಾಗಿ ಸ್ಪಂದಿಸಿ ಯೇನಪೋಯ ಆಸ್ಪತ್ರೆಗೆ ಕರೆದೊಯ್ದಿದ್ದು ಆನಂತರ ನಡುರಾತ್ರಿಯೇ ಆಂಜಿಯೋ ಪ್ಲಾಸ್ಟಿ ಮಾಡಿದ್ದರಿಂದ ಸದ್ಯಕ್ಕೆ ಬದುಕುಳಿದಿದ್ದಾರೆ.

ಈ ಹಿನ್ನೆಲೆಯಲ್ಲಿ ಯಾವುದೇ ದೇವಸ್ಥಾನ ಇನ್ನಿತರ ಉತ್ಸವ ಅಥವಾ ಯಾವುದೇ ಜನಸೇರುವ ಸಂದರ್ಭದಲ್ಲಿ ತುರ್ತಾಗಿ ನಿರ್ಗಮನ ದ್ವಾರವನ್ನು ಇರಿಸಿಕೊಳ್ಳಬೇಕು, ಆಂಬುಲೆನ್ಸ್ ಹೋಗುವುದಕ್ಕಾದರೂ ಅವಕಾಶ ಇರುವಂತೆ ಪೊಲೀಸರು ನೋಡಿಕೊಳ್ಳಬೇಕು. ಧಾರ್ಮಿಕ ಆಚರಣೆಗಳು, ಉತ್ಸವಗಳು ಅಗತ್ಯ. ಹಾಗಂತ, ಜನಸಾಮಾನ್ಯರ ಜೀವಕ್ಕೂ ಬೆಲೆ ನೀಡಬೇಕಾಗುತ್ತದೆ. ತುರ್ತು ಸಂದರ್ಭದಲ್ಲಿ ವೈದ್ಯಕೀಯ ನೆರವು ದೊರಕದ ಸ್ಥಿತಿಯಾಗಬಾರದು. ಈ ಬಗ್ಗೆ ದೇವಸ್ಥಾನ ಸಮಿತಿಯವರು, ಪೊಲೀಸರು, ಜಿಲ್ಲಾಡಳಿತ ಸೂಕ್ತ ಮುನ್ನೆಚ್ಚರಿಕೆ ವಹಿಸಿಕೊಳ್ಳಬೇಕು ಎಂದು ಡಾ.ಪದ್ಮನಾಭ ಕಾಮತ್ ತನ್ನ ಪತ್ರದಲ್ಲಿ ಕಾಳಜಿ ವ್ಯಕ್ತಪಡಿಸಿದ್ದಾರೆ.

ಕುದ್ರೋಳಿ ಪರಿಸರದಲ್ಲಿ ದಸರಾ ಉತ್ಸವ ಸಂದರ್ಭದಲ್ಲಿ ದಿನವೂ ಸಂಜೆ ವೇಳೆಗೆ ಅತಿಯಾದ ಜನದಟ್ಟಣೆ ಇರುತ್ತದೆ. ‌ಪ್ರತಿ ದಿನವೂ ದೇವಸ್ಥಾನ ಆವರಣದ ರಸ್ತೆಗಳಲ್ಲಿ ವಾಹನ ಸಂಚಾರಕ್ಕೆ ಅವಕಾಶ ಇಲ್ಲದ ಸ್ಥಿತಿಯಾಗುತ್ತದೆ. ಈ ವೇಳೆ, ಯಾವುದೇ ಅವಘಡ ಸಂಭವಿಸಿದರೆ ಜನರು ಜೀವ ಉಳಿಸುವುದಕ್ಕೆ ಪ್ರಯಾಸ ಪಡಬೇಕಾಗುತ್ತದೆ. ಹೀಗಾಗಿ ಪೊಲೀಸರು ಜನರ ಮತ್ತು ವಾಹನಗಳ ಸುಗಮ ಸಂಚಾರಕ್ಕೆ ವ್ಯವಸ್ಥೆ ಮಾಡಬೇಕೆಂಬ ಆಗ್ರಹ ಸಾರ್ವಜನಿಕರ ಕಡೆಯಿಂದ ಕೇಳಿಬಂದಿದೆ.