ಗುಜರಾತ್, ಹಿಮಾಚಲದಲ್ಲಿ ಮತ್ತೆ ಬಿಜೆಪಿಯದ್ದೇ ಪಾರಮ್ಯ ; ಸಮೀಕ್ಷೆಯಲ್ಲಿ ಜೈಕಾರ

10-11-22 11:53 am HK News Desk ದೇಶ - ವಿದೇಶ

ಗುಜರಾತ್‌ ಮತ್ತು ಹಿಮಾಚಲ ಪ್ರದೇಶದಲ್ಲಿ ಬಿಜೆಪಿಯೇ ಮತ್ತೆ ಚುನಾವಣೆಯಲ್ಲಿ ಜಯಭೇರಿ ಸಾಧಿಸಲಿದೆ ಎಂದು ರಿಪಬ್ಲಿಕ್‌ ಟೀವಿ ನಡೆಸಿದ ಚುನಾವಣಾ ಪೂರ್ವ ಸಮೀಕ್ಷೆಯಲ್ಲಿ ವ್ಯಕ್ತವಾಗಿದೆ.

ನವದೆಹಲಿ, ನ.10 : ಗುಜರಾತ್‌ ಮತ್ತು ಹಿಮಾಚಲ ಪ್ರದೇಶದಲ್ಲಿ ಬಿಜೆಪಿಯೇ ಮತ್ತೆ ಚುನಾವಣೆಯಲ್ಲಿ ಜಯಭೇರಿ ಸಾಧಿಸಲಿದೆ ಎಂದು ರಿಪಬ್ಲಿಕ್‌ ಟೀವಿ ನಡೆಸಿದ ಚುನಾವಣಾ ಪೂರ್ವ ಸಮೀಕ್ಷೆಯಲ್ಲಿ ವ್ಯಕ್ತವಾಗಿದೆ.

182 ಸ್ಥಾನಗಳಿರುವ ಗುಜರಾತ್‌ ವಿಧಾನಸಭೆಯಲ್ಲಿ ಬಹುಮತಕ್ಕೆ 92 ಸ್ಥಾನಗಳು ಬೇಕು. ಇಲ್ಲಿ ಬಿಜೆಪಿ 127ರಿಂದ 140 ಸ್ಥಾನಗಳನ್ನು ಗೆಲ್ಲಲಿದೆ. ಕಾಂಗ್ರೆಸ್‌ 24 ರಿಂದ 36, ಆಮ್‌ ಆದ್ಮಿ ಪಕ್ಷ 9ರಿಂದ 21 ಸ್ಥಾನಗಳಲ್ಲಿ ಜಯ ಗಳಿಸಲಿದೆ. ಇತರರು ಕನಿಷ್ಠ 2 ಸ್ಥಾನಗಳನ್ನು ಗೆಲ್ಲಬಹುದು ಎಂದು ಸಮೀಕ್ಷೆ ತಿಳಿಸಿದೆ. ಮತಗಳ ಶೇಕಡಾವಾರು ಗಮನಿಸಿದಾಗ ಬಿಜೆಪಿ ಶೇ.46.2, ಕಾಂಗ್ರೆಸ್‌ ಶೇ.28.4, ಆಪ್‌ ಶೇ.20.6 ಮತ್ತು ಇತರರು ಶೇ.4.8ರಷ್ಟು ಮತ ಪಡೆದುಕೊಳ್ಳಲಿದ್ದಾರೆ.

68 ಸ್ಥಾನಗಳನ್ನು ಹೊಂದಿರುವ ಹಿಮಾಚಲ ಪ್ರದೇಶದಲ್ಲಿ ಬಹುಮತಕ್ಕೆ 35 ಸ್ಥಾನ ಬೇಕಿರುವುದು. ಇಲ್ಲಿ ಬಿಜೆಪಿ 37ರಿಂದ 45 ಸ್ಥಾನಗಳಲ್ಲಿ ಗೆಲ್ಲುವ ಮೂಲಕ ಸ್ಪಷ್ಟ ಬಹುಮತ ಸಾಧಿಸಲಿದೆ. ಕಾಂಗ್ರೆಸ್‌ 22ರಿಂದ 28 ಸ್ಥಾನ, ಆಪ್‌ 1 ಮತ್ತು ಇತರರು 1ರಿಂದ 4 ಸ್ಥಾನಗಳಲ್ಲಿ ಗೆಲ್ಲಬಹುದು ಎಂದು ಸಮೀಕ್ಷೆ ತಿಳಿಸಿದೆ.

One more opinion poll has predicted victory for the BJP in Gujarat and Himachal Pradesh where the saffron party is in power.The Republic TV-P-MARQ poll predicted a two-third victory for BJP in Gujarat (127-140 out of 182) with a vote share of 46.2 per cent, which is much above the 2017 poll result of 99. Congress is predicted to win 37-45 seats with a vote share of 28.4 per cent. AAP could win 9-21 seats with 20.6 per cent, contrary to a couple of other polls that predicted up to three seats, while others could 0-2 seats.