ಜಮ್ಮು ಕಾಶ್ಮೀರದಲ್ಲಿ ಡಿಜಿಪಿಯನ್ನೇ ಕತ್ತು ಸೀಳಿ ಹತ್ಯೆ, ಹೊರಗೆ ಅಂಗರಕ್ಷಕರಿದ್ದಾಗಲೇ ಮನೆ ಕೆಲಸದಾಳಿನ ಕೃತ್ಯ, ಗೃಹ ಸಚಿವರಿಗೆ ಗಿಫ್ಟ್ ಎಂದ ಲಷ್ಕರ್ ಉಗ್ರರು !

ಬ್ರೇಕಿಂಗ್ ನ್ಯೂಸ್

ನೀಟ್ ಪರೀಕ್ಷೆಗೆ ಒತ್ತಡ ಹೇರಿದ್ದಕ್ಕೆ ತಂದೆಯನ್ನೇ ಕೊಂದ ಮಗ ; ತಂಗಿಯ ಎದುರಲ್ಲೇ ದೇಹವನ್ನ ತುಂಡು ತುಂಡಾಗಿ ಕತ್ತರಿಸಿ ಡ್ರಮ್ ಗೆ ತುಂಬಿದ ಕಟುಕ, ಕಥೆ ಕಟ್ಟಲು ಹೋಗಿ ಪೊಲೀಸರ ಕೈಗೆ ತಗ್ಲಾಕೊಂಡ ನರರಾಕ್ಷಸ ! | ವಂದೇ ಮಾತರಂ ಕಡ್ಡಾಯ ಕ್ರಮಕ್ಕೆ ಜಮಾತೆ ಉಲೆಮಾ ಹಿಂದ್ ವಿರೋಧ ; ಏಕಪಕ್ಷೀಯ, ನಿರಂಕುಶ, ಸಂವಿಧಾನ ವಿರೋಧಿ ಎಂದ ಉಲೆಮಾ ಅಧ್ಯಕ್ಷ ಮೌಲಾನಾ ಅರ್ಷದ್ ಮದನಿ | ಮೋದಿ ಹೆಸರಲ್ಲಿ ಹತ್ತು ನಮೋ ಕುಟೀರ ನಿರ್ಮಾಣ ಯೋಜನೆ ; ಅಡ್ಕ ಭಗವತಿ ಕ್ಷೇತ್ರದ ದರ್ಶನ ಪಾತ್ರಿಗೆ ಏಳನೇ ಮನೆ ಶಿಲಾನ್ಯಾಸದಲ್ಲಿ ಸಂತೋಷ್ ಬೋಳ್ಯಾರ್ |

ಜಮ್ಮು ಕಾಶ್ಮೀರದಲ್ಲಿ ಡಿಜಿಪಿಯನ್ನೇ ಕತ್ತು ಸೀಳಿ ಹತ್ಯೆ, ಹೊರಗೆ ಅಂಗರಕ್ಷಕರಿದ್ದಾಗಲೇ ಮನೆ ಕೆಲಸದಾಳಿನ ಕೃತ್ಯ, ಗೃಹ ಸಚಿವರಿಗೆ ಗಿಫ್ಟ್ ಎಂದ ಲಷ್ಕರ್ ಉಗ್ರರು !

04-10-22 05:24 pm HK News Desk ದೇಶ - ವಿದೇಶ

ಜಮ್ಮು ಕಾಶ್ಮೀರದಲ್ಲಿ ಬಂಧೀಖಾನೆ ಇಲಾಖೆಯ ಡಿಜಿಪಿ ಆಗಿದ್ದ ಹೇಮಂತ್ ಕುಮಾರ್ ಲೋಹಿಯಾ ಎಂಬ ಐಪಿಎಸ್ ಅಧಿಕಾರಿಯನ್ನು ಅವರ ಮನೆಯಲ್ಲೇ ಕತ್ತು ಸೀಳಿ ಕೊಲೆ ಮಾಡಲಾಗಿದೆ.

ಶ್ರೀನಗರ, ಅ.4: ಜಮ್ಮು ಕಾಶ್ಮೀರದಲ್ಲಿ ಬಂಧೀಖಾನೆ ಇಲಾಖೆಯ ಡಿಜಿಪಿ ಆಗಿದ್ದ ಹೇಮಂತ್ ಕುಮಾರ್ ಲೋಹಿಯಾ ಎಂಬ ಐಪಿಎಸ್ ಅಧಿಕಾರಿಯನ್ನು ಅವರ ಮನೆಯಲ್ಲೇ ಕತ್ತು ಸೀಳಿ ಕೊಲೆ ಮಾಡಲಾಗಿದೆ. ಮನೆಯ ಹೊರಭಾಗದಲ್ಲಿ ಅಂಗರಕ್ಷಕರು ಇರುವಂತೆಯೇ ಮನೆಯ ಒಳಗೆ ಕೆಲಸದಾಳುವೇ ಈ ಕೃತ್ಯ ಎಸಗಿದ್ದಾನೆ ಎನ್ನೋದು ಮೇಲ್ನೋಟಕ್ಕೆ ಗೊತ್ತಾಗಿದೆ.

ಮನೆಯಲ್ಲಿ ಕೆಲಸದಾಳು ಆಗಿದ್ದ ಜಾಸಿರ್ ಎಂಬಾತ ಹಂತಕನಾಗಿದ್ದು, ಮನೆಯ ಒಳಗೆ ಎಣ್ಣೆಯನ್ನು ಬೀಳಿಸಿ ಜಾರಿ ಬಿದ್ದ 57 ವರ್ಷದ ಡಿಜಿಪಿ ದರ್ಜೆಯ ಅಧಿಕಾರಿ ಹೇಮಂತ್ ಕುಮಾರ್ ಲೋಹಿಯಾ ಅವರನ್ನು ಮೊದಲಿಗೆ ಕತ್ತು ಹಿಸುಕಿ ಉಸಿರುಕಟ್ಟಿಸಿ ಕೊಲೆ ಮಾಡಿದ್ದು, ಬಳಿಕ ಬಾಟಲನ್ನು ಒಡೆದು ಅದರ ಚೂರಿನಲ್ಲಿ ಕತ್ತನ್ನು ಸೀಳಿದ್ದಾನೆ. ಆನಂತರ, ಮೈಗೆ ಬೆಂಕಿ ಹಚ್ಚಿ ಅಲ್ಲಿಂದ ಜಾಗ ಖಾಲಿ ಮಾಡಿದ್ದಾನೆ. ಕೆಲಹೊತ್ತಿನಲ್ಲಿ ಮನೆಯ ಒಳಗಿಂದ ಬೆಂಕಿ ಬರುತ್ತಿರುವುದನ್ನು ಕಂಡು ಹೊರಗಿದ್ದ ಅಂಗರಕ್ಷಕರು ಬಾಗಿಲು ತೆಗೆಯಲು ನೋಡಿದ್ದಾರೆ. ಬಾಗಿಲನ್ನು ಒಳಗಿನಿಂದ ಲಾಕ್ ಮಾಡಲಾಗಿತ್ತು. ಬಳಿಕ ಒಡೆದು ನೋಡಿದಾಗ ಡಿಜಿಪಿಯನ್ನು ಕೊಲೆ ಮಾಡಲಾಗಿತ್ತು. ಅರೆ ಬರೆ ಸುಟ್ಟ ರೀತಿಯಲ್ಲಿ ಹೇಮಂತ್ ಕುಮಾರ್ ಅವರ ಶವ ಪತ್ತೆಯಾಗಿದೆ. ಹತ್ಯೆ ಘಟನೆ ಸಿಸಿಟಿವಿಯಲ್ಲಿ ದಾಖಲಾಗಿದ್ದು, ಆರೋಪಿ ಜಾಸಿರ್ ಕೃತ್ಯದ ಬಳಿಕ ಓಡಿ ಹೋಗುತ್ತಿರುವುದು ಕಂಡುಬಂದಿದೆ.

J&K DGP Prisons murder LIVE updates: Police arrest Hemant Lohia's domestic help, accused used ketchup bottle to slit throat - India Today

ಗೃಹ ಸಚಿವರಿಗೆ ಗಿಫ್ಟ್ ಎಂದ ಉಗ್ರರು

ಇದೇ ವೇಳೆ, ಲಷ್ಕರ್ ಇ-ತೊಯ್ಬಾ ಸಂಘಟನೆಯ ಭಾರತೀಯ ಘಟಕ ಪೀಪಲ್ಸ್ ಏಂಟಿ ಫಾಸಿಸ್ಟ್ ಫೋರ್ಸ್ (ಪಿಎಎಫ್ಎಫ್) ಕೃತ್ಯವನ್ನು ತಾನೇ ಮಾಡಿದ್ದಾಗಿ ಪತ್ರಿಕಾ ಹೇಳಿಕೆ ಬಿಡುಗಡೆ ಮಾಡಿದೆ. ಇದು ಜಮ್ಮು ಕಾಶ್ಮೀರಕ್ಕೆ ಭೇಟಿ ನೀಡುತ್ತಿರುವ ಗೃಹ ಸಚಿವ ಅಮಿತ್ ಷಾಗೆ ನೀಡುತ್ತಿರುವ ಸಣ್ಣ ಗಿಫ್ಟ್. ನಮ್ಮ ಸಂಘಟನೆಯ ಗುಪ್ತಚರ ತಂಡ ಈ ಕೃತ್ಯ ಎಸಗಿದೆ. ಇತ್ತೀಚೆಗೆ ಸ್ಥಳೀಯರಲ್ಲದ ವ್ಯಕ್ತಿಗಳ ಮೇಲೆ ನಡೆಸುತ್ತಿರುವ ದಾಳಿಗಳನ್ನೂ ತಮ್ಮದೇ ಸಂಘಟನೆ ಮಾಡುತ್ತಿದೆ. ಇಂಥ ಪ್ರತಿ ದಾಳಿ ಯಾವುದೇ ಸಂದರ್ಭದಲ್ಲಿ ಯಾವುದೇ ಹೈ ಪ್ರೊಫೈಲ್ ವ್ಯಕ್ತಿಗಳ ಮೇಲೂ ಆಗಬಹುದು ಎಂದು ಹೇಳಿಕೆ ನೀಡಿದೆ.

ಯಾಸಿರ್ ಜಮ್ಮು ಕಾಶ್ಮೀರದ ರಾಮಬನ್ ಜಿಲ್ಲೆಯ ನಿವಾಸಿಯಾಗಿದ್ದು, ಆರು ತಿಂಗಳ ಹಿಂದೆ ಡಿಜಿಪಿ ಮನೆಯಲ್ಲಿ ಕೆಲಸಕ್ಕೆ ಸೇರಿಕೊಂಡಿದ್ದ. ಪ್ರಾಥಮಿಕ ಮಾಹಿತಿಯಲ್ಲಿ ಯಾವುದೇ ಉಗ್ರವಾದಿ ಕೃತ್ಯ ಎಂದು ಕಂಡುಬಂದಿಲ್ಲ. ಆರೋಪಿಯ ಮಾನಸಿಕ ಸ್ಥಿತಿಯ ಬಗ್ಗೆ ಮಾಹಿತಿ ಕಲೆಹಾಕುತ್ತಿದ್ದೇವೆ. ಜಮ್ಮು ಮತ್ತು ರಾಜೌರಿ ಜಿಲ್ಲೆಯಲ್ಲಿ ಮೊಬೈಲ್ ಇಂಟರ್ನೆಟ್ ಸೇವೆಯನ್ನು ತಾತ್ಕಾಲಿಕವಾಗಿ ಕಡಿತ ಮಾಡಲಾಗಿದೆ ಎಂದು ಜಮ್ಮು ವಲಯ ಎಡಿಜಿಪಿ ಮುಕೇಶ್ ಸಿಂಗ್ ತಿಳಿಸಿದ್ದಾರೆ.

Lashkar-e-Taiba's Indian offshoot, the People's Anti-Fascist Force (PAFF), has claimed responsibility for the killing of Jammu and Kashmir DGP (Prisons Department) Hemant Kumar Lohia. Lohia, 57, was found dead at his home on the outskirts of Jammu on Monday, October 3. Police said his throat was slit and burn injuries were present on his body.Police said Lohia’s domestic help, identified as Yasir, is suspected as the main culprit. A manhunt has been launched for the suspect. Police sources said CCTV footage recovered from the crime scene shows the suspect running away shortly after the murder.