ಪಂಜಾಬ್ ಸಿಎಂ ಭಗವಂತ್ ಮಾನ್ ಎರಡನೇ ಇನ್ನಿಂಗ್ಸ್ ; ವೈದ್ಯೆಯ ಕೈಹಿಡಿಯಲಿರುವ ಮುಖ್ಯಮಂತ್ರಿ!

ಬ್ರೇಕಿಂಗ್ ನ್ಯೂಸ್

ವಿನೂತನ ಒಳ ಮೀಸಲಾತಿ ನೀತಿ ಪ್ರಕಟಿಸಲು ಒತ್ತಾಯ ; ಬೀದಿ ಗುಡಿಸುವವರ ಮಕ್ಕಳು ಮತ್ತು ಜಿಲ್ಲಾಧಿಕಾರಿ ಮಕ್ಕಳು ಒಂದೇ ಕೋಟಾದಲ್ಲಿ ನೌಕರಿಗಾಗಿ ಸ್ಪರ್ಧೆ ನಡೆಸುವುದು ಅಮಾನವೀಯ ! | ರೋಮನ್ ಕ್ಯಾಥೋಲಿಕ್ ಚರ್ಚ್‌ನ 266ನೇ ಪೋಪ್ ಫ್ರಾನ್ಸಿಸ್ ನಿಧನ ; ಮುಂದಿನ ಪೋಪ್ ಪಟ್ಟ ಯಾರಿಗೆ? ಕುರ್ಚಿ ರೇಸ್‌ನಲ್ಲಿ ಯಾರಿದ್ದಾರೆ ? | R Ashok, Census Probe: ಜಾತಿಗಣತಿ ವರದಿಯೇ ನಕಲಿ, 165 ಕೋಟಿ ಖರ್ಚಾದ ಬಗ್ಗೆ ಹೈಕೋರ್ಟ್ ನ್ಯಾಯಾಧೀಶರಿಂದ ತನಿಖೆ ನಡೆಸಬೇಕು ; ಆರ್.ಅಶೋಕ್ ಆಗ್ರಹ |

ಪಂಜಾಬ್ ಸಿಎಂ ಭಗವಂತ್ ಮಾನ್ ಎರಡನೇ ಇನ್ನಿಂಗ್ಸ್ ; ವೈದ್ಯೆಯ ಕೈಹಿಡಿಯಲಿರುವ ಮುಖ್ಯಮಂತ್ರಿ!

06-07-22 06:52 pm HK News Desk ದೇಶ - ವಿದೇಶ

ಪಂಜಾಬ್ ಮುಖ್ಯಮಂತ್ರಿ ಭಗವಂತ್ ಮಾನ್ ಎರಡನೇ ಮದುವೆಯಾಗಲಿದ್ದಾರೆ. ಡಾ.ಗುರುಪ್ರೀತ್ ಕೌರ್ ಎಂಬ ಮಹಿಳೆಯನ್ನು ಚಂಡೀಗಢದಲ್ಲಿ ಗುರುವಾರ ಮದುವೆಯಾಗಲಿದ್ದಾರೆ ಎಂಬ ಸುದ್ದಿ ಹೊರಬಿದ್ದಿದೆ.

ಚಂಡೀಗಢ, ಜುಲೈ 6: ಪಂಜಾಬ್ ಮುಖ್ಯಮಂತ್ರಿ ಭಗವಂತ್ ಮಾನ್ ಎರಡನೇ ಮದುವೆಯಾಗಲಿದ್ದಾರೆ. ಡಾ.ಗುರುಪ್ರೀತ್ ಕೌರ್ ಎಂಬ ಮಹಿಳೆಯನ್ನು ಚಂಡೀಗಢದಲ್ಲಿ ಗುರುವಾರ ಮದುವೆಯಾಗಲಿದ್ದಾರೆ ಎಂಬ ಸುದ್ದಿ ಹೊರಬಿದ್ದಿದೆ.

ಈ ಹಿಂದೆ ಭಗವಂತ್ ಮಾನ್ ಇಂದ್ರಜಿತ್ ಕೌರ್ ಅವರನ್ನು ಮದುವೆಯಾಗಿದ್ದು, ಆರು ವರ್ಷಗಳ ಹಿಂದೆ ಅವರು ಬೇರೆಯಾಗಿದ್ದರು. ಇತ್ತೀಚೆಗೆ ಚುನಾವಣೆಯಲ್ಲಿ ಭಗವಂತ್ ಮಾನ್ ಮುಖ್ಯಮಂತ್ರಿ ಅಭ್ಯರ್ಥಿ ಎಂದು ಬಿಂಬಿತವಾದ ಸಂದರ್ಭದಲ್ಲಿಯೂ ಮಾನ್ ಅವರ ತಾಯಿ ಮತ್ತು ತಂಗಿ ಮಾತ್ರ ಕುಟುಂಬ ಸದಸ್ಯರಾಗಿ ಕಾಣಿಸಿಕೊಂಡಿದ್ದರು. ಈಗ ತಾಯಿ ಹರ್ಪಾಲ್ ಕೌರ್ ಮತ್ತು ತಂಗಿ ಮನ್ ಪ್ರೀತ್ ಕೌರ್ ಅವರೇ ಭಗವಂತ್ ಮಾನ್ ಅವರಿಗೆ ಹೊಸ ಬಾಳ ಸಂಗಾತಿಯನ್ನು ಹುಡುಕಿದ್ದಾರಂತೆ.

ಮಾನ್ ಅವರ ಹಳೆ ಪತ್ನಿ ಇಂದ್ರಜಿತ್ ಮತ್ತು ಅವರ ಇಬ್ಬರು ಮಕ್ಕಳು ಅಮೆರಿಕದಲ್ಲಿ ನೆಲೆಸಿದ್ದಾರೆ. ಕಳೆದ ಬಾರಿ ಮಾನ್ ಸಿಎಂ ಆಗಿ ಪ್ರಮಾಣ ವಚನ ಸ್ವೀಕರಿಸುವ ಸಂದರ್ಭದಲ್ಲಿ ಇಬ್ಬರು ಮಕ್ಕಳು ಸಮಾರಂಭದಲ್ಲಿ ಹಾಜರಾಗಿದ್ದರು. ಮಗಳು ಸೀರತ್ ಕೌರ್(21) ಮತ್ತು ದಿಲ್ಶನ್ ಮಾನ್ (17) ಅಮೆರಿಕದಲ್ಲಿಯೇ ಶಿಕ್ಷಣ ಪಡೆಯುತ್ತಿದ್ದಾರೆ. ಈಗ ಭಗವಂತ್ ಮಾನ್ ಕುಟುಂಬಕ್ಕೆ ವೈದ್ಯೆಯ ಪ್ರವೇಶ ಆಗುತ್ತಿದ್ದು, ಹೊಸ ಜೀವನಕ್ಕೆ ಅಡಿ ಇಡುತ್ತಿದ್ದಾರೆ. ಮದುವೆ ಸಮಾರಂಭದಲ್ಲಿ ಮಾನ್ ಅವರ ಆಪ್ತ ಸಂಬಂಧಿಕರು ಮತ್ತು ಪ್ರಮುಖರು ಮಾತ್ರ ಭಾಗಿಯಾಗಲಿದ್ದಾರೆ. ದೆಹಲಿ ಸಿಎಂ ಅರವಿಂದ ಕೇಜ್ರಿವಾಲ್ ಮದುವೆ ಸಮಾರಂಭಕ್ಕೆ ಬರಲಿದ್ದಾರೆ ಎಂಬ ಮಾಹಿತಿ ಇದೆ.

Punjab Chief Minister Bhagwant Mann is all set to get married to Dr Gurpreet Kaur in a private ceremony tomorrow, six years after divorce from his first wife.The wedding ceremony will be held on Thursday and the function will be attended by close family members and relatives. CM Bhagwant Mann will get married at his official residence.Delhi Chief Minister and AAP national convenor Arvind Kejriwal will also be in attendance during the wedding ceremonies.