ಒಂದು ಕೋಟಿಗೆ 1.30 ಕೋಟಿ ಆಫರ್ ! ಹಣ ದುಪ್ಪಟ್ಟು ಪ್ಲಾನ್ ಹಾಕಿ ಸಿಕ್ಕಿಬಿದ್ದ.. ದರೋಡೆ ಸ್ಕೆಚ್ಚಿನಲ್ಲಿ ತಗ್ಲಾಕ್ಕೊಂಡ ಪ್ರಭಾವಿ ಶಾಸಕರ ಗನ್ ಮ್ಯಾನ್ ! ಬೆಳಗಾವಿಯಲ್ಲಿ ಸಂಚಲನ

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

ಒಂದು ಕೋಟಿಗೆ 1.30 ಕೋಟಿ ಆಫರ್ ! ಹಣ ದುಪ್ಪಟ್ಟು ಪ್ಲಾನ್ ಹಾಕಿ ಸಿಕ್ಕಿಬಿದ್ದ.. ದರೋಡೆ ಸ್ಕೆಚ್ಚಿನಲ್ಲಿ ತಗ್ಲಾಕ್ಕೊಂಡ ಪ್ರಭಾವಿ ಶಾಸಕರ ಗನ್ ಮ್ಯಾನ್ ! ಬೆಳಗಾವಿಯಲ್ಲಿ ಸಂಚಲನ

08-11-26 10:24 pm HK News Staffer ಕರ್ನಾಟಕ

ಹಣವನ್ನು ದುಪ್ಪಟ್ಟು ಮಾಡುವುದಾಗಿ ನಂಬಿಸಿ, ಕೋಟಿ ಕೋಟಿ ಹಣ ಬಾಚಿಕೊಂಡ ಬಳಿಕ ಖಾರದ ಪುಡಿ ಎರಚಿ ದರೋಡೆ ಮಾಡಲು ಹೋದ ಖತರ್ನಾಕ್ ಗ್ಯಾಂಗ್ ಒಂದರಲ್ಲಿ ಪ್ರಭಾವಿ ಶಾಸಕರೊಬ್ಬರ ಗನ್ ಮ್ಯಾನ್ ಆಗಿದ್ದ ಪೊಲೀಸ್ ಸಿಬಂದಿ ಭಾಗಿಯಾಗಿರುವುದು ಪತ್ತೆಯಾಗಿದೆ. ದರೋಡೆ ಯತ್ನದ ಮಾಸ್ಟರ್ ಮೈಂಡ್ ಸ್ವತಃ ಪ್ರಭಾವಿ ಶಾಸಕರೊಬ್ಬರ ಗನ್ ಮ್ಯಾನ್ ಎಂಬುದು ಬೆಳಕಿಗೆ ಬರುತ್ತಿದ್ದಂತೆ ಬೆಳಗಾವಿ ಜಿಲ್ಲೆಯಲ್ಲಿ ಭಾರೀ ಸಂಚಲನ ಸೃಷ್ಟಿಸಿದೆ.

ಬೆಳಗಾವಿ, ನ.8: ಹಣವನ್ನು ದುಪ್ಪಟ್ಟು ಮಾಡುವುದಾಗಿ ನಂಬಿಸಿ, ಕೋಟಿ ಕೋಟಿ ಹಣ ಬಾಚಿಕೊಂಡ ಬಳಿಕ ಖಾರದ ಪುಡಿ ಎರಚಿ ದರೋಡೆ ಮಾಡಲು ಹೋದ ಖತರ್ನಾಕ್ ಗ್ಯಾಂಗ್ ಒಂದರಲ್ಲಿ ಪ್ರಭಾವಿ ಶಾಸಕರೊಬ್ಬರ ಗನ್ ಮ್ಯಾನ್ ಆಗಿದ್ದ ಪೊಲೀಸ್ ಸಿಬಂದಿ ಭಾಗಿಯಾಗಿರುವುದು ಪತ್ತೆಯಾಗಿದೆ. ದರೋಡೆ ಯತ್ನದ ಮಾಸ್ಟರ್ ಮೈಂಡ್ ಸ್ವತಃ ಪ್ರಭಾವಿ ಶಾಸಕರೊಬ್ಬರ ಗನ್ ಮ್ಯಾನ್ ಎಂಬುದು ಬೆಳಕಿಗೆ ಬರುತ್ತಿದ್ದಂತೆ ಬೆಳಗಾವಿ ಜಿಲ್ಲೆಯಲ್ಲಿ ಭಾರೀ ಸಂಚಲನ ಸೃಷ್ಟಿಸಿದೆ.

ಬೆಳಗಾವಿ ಜಿಲ್ಲೆಯ ಮೂಡಲಗಿಯಲ್ಲಿ ಮಾಜಿ ಸಚಿವ ಹಾಗೂ ಶಾಸಕ ರಮೇಶ್ ಜಾರಕಿಹೊಳಿ ಅವರ ಗನ್‌ಮ್ಯಾನ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದ ಪೊಲೀಸ್ ಸಿಬ್ಬಂದಿ ಚಿದಾನಂದ ಕುರಬೇಟ್, ಕೋಟ್ಯಂತರ ರೂಪಾಯಿ ದರೋಡೆಗೆ ಯತ್ನಿಸಿದ ಆಘಾತಕಾರಿ ಕೃತ್ಯ ಬಯಲಾಗಿದ್ದು, ಗನ್‌ಮ್ಯಾನ್ ಸೇರಿದಂತೆ ಒಟ್ಟು 7 ಜನರನ್ನು ಪೊಲೀಸರು ಬಂಧಿಸಿದ್ದಾರೆ. ಕೃತ್ಯ ಬೆಳಕಿಗೆ ಬಂದ ಬೆನ್ನಲ್ಲೇ ಬೆಳಗಾವಿ ಎಸ್‌ಪಿ ಕೆ. ರಾಮರಾಜನ್ ಅವರು ಚಿದಾನಂದನನ್ನು ಸೇವೆಯಿಂದ ಅಮಾನತುಗೊಳಿಸಿದ್ದಾರೆ.

ಮುಖ್ಯ ಆರೋಪಿ ಚಿದಾನಂದ ಸಿದ್ಧಾರೂಢ ಕುರಬೇಟ್, ಪ್ರತಿ 1 ಲಕ್ಷ ರೂಪಾಯಿ ನಗದು ನೀಡಿದರೆ ಬ್ಯಾಂಕ್ ಖಾತೆಗೆ 1.30 ಲಕ್ಷ ರೂಪಾಯಿ ಆನ್‌ಲೈನ್ ಟ್ರಾನ್ಸ್‌ಫರ್ (ಜಮಾ) ಮಾಡಿಕೊಡುವುದಾಗಿ ಸಾರ್ವಜನಿಕರನ್ನು ನಂಬಿಸಿದ್ದ. ಅಂದರೆ ₹1 ಕೋಟಿ ನೀಡಿದರೆ ₹1.30 ಕೋಟಿ ಕೊಡುವ ಭಾರಿ ಲಾಭದ ಆಮಿಷವೊಡ್ಡಿದ್ದ. ಅದರಂತೆ, ಭಾರೀ ಲಾಭದ ಆಸೆಗೆ ಬಿದ್ದ ಕಲ್ಮೇಶ ರಂಗಾಪೂರ ಮತ್ತು ಅವರ ಸಂಬಂಧಿಕರು ತಮ್ಮ ಪರಿಚಿತರಿಂದ ಸಾಲ ಮಾಡಿ ಬರೋಬ್ಬರಿ ₹2.68 ಕೋಟಿ ಹಣವನ್ನು ಒಟ್ಟುಗೂಡಿಸಿದ್ದರು.

ಅಕ್ಟೋಬರ್ 30ರಂದು ಹಣ ಎಣಿಕೆ ಮಾಡಲು ಕಲ್ಮೇಶ ಅವರ ತಂಡವನ್ನು ಮೂಡಲಗಿ ತಾಲೂಕಿನ ಸಂಗನಕೇರಿ ಗ್ರಾಮದ ತೋಟದ ಶೆಡ್‌ಗೆ ಕರೆಯಲಾಗಿತ್ತು. ಪೂರ್ವ ಯೋಜಿತ ಸಂಚಿನಂತೆ ಕಲ್ಮೇಶ ಅವರಿಂದ ₹2.68 ಕೋಟಿ ಹಣವನ್ನು ಕಿತ್ತುಕೊಂಡು, ಕಣ್ಣಿಗೆ ಖಾರದಪುಡಿ ಎರಚಿ ಅಲ್ಲಿಂದ ಪರಾರಿಯಾಗಲು ಪ್ಲಾನ್ ಹಾಕಿದ್ದ ಚಿದಾನಂದ ದರೋಡೆ ಗ್ಯಾಂಗ್ ಒಂದನ್ನು ರೆಡಿ ಮಾಡಿಸಿದ್ದ. ಅದರಂತೆ, ಶೆಡ್ ಮೇಲೆ ದರೋಡೆಕೋರರ ತಂಡ ದಾಳಿ ಮಾಡಿದಾಗ, ಮೊದಲೇ ಅಲರ್ಟ್ ಆಗಿದ್ದ ಕಲ್ಮೇಶ ಅವರ ತಂಡವು ದರೋಡೆ ಮಾಡಲು ಬಂದವರನ್ನೇ ಹಿಡಿದು ಹಿಗ್ಗಾಮುಗ್ಗಾ ಬಡಿದು ಪೊಲೀಸರಿಗೆ ಒಪ್ಪಿಸಿದೆ. ಪೊಲೀಸರು ತನಿಖೆ ನಡೆಸಿದಾಗ ಇಡೀ ದರೋಡೆ ಸಂಚಿನ ಹಿಂದೆ ಗನ್‌ಮ್ಯಾನ್ ಚಿದಾನಂದ ಇರುವುದು ಪತ್ತೆಯಾಗಿದೆ.

ಶಾಸಕರಿಗೂ ಇದಕ್ಕೂ ಸಂಬಂಧವಿಲ್ಲ !

ಸದ್ಯ ಪೊಲೀಸರು ದರೋಡೆ ಗ್ಯಾಂಗ್‌ನಲ್ಲಿದ್ದ ಚಿದಾನಂದ ಕುರಬೇಟ್, ಸಂಜೀವ್ ಅರಭಾವಿ, ರಾಜಾರಾಮ್ ಮಾಳ್ಯಾಗೋಳ ಸೇರಿದಂತೆ ಏಳು ಜನರನ್ನು ಬಂಧಿಸಿ ಅವರ ಬಳಿಯಿದ್ದ ₹2.39 ಕೋಟಿ ನಗದನ್ನು ವಶಪಡಿಸಿದ್ದಾರೆ. ಅಲ್ಲದೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕೆ. ರಾಮರಾಜನ್ ಅವರು ಆರೋಪಿ ಗನ್‌ಮ್ಯಾನ್ ಚಿದಾನಂದನನ್ನು ಸೇವೆಯಿಂದ ಅಮಾನತುಗೊಳಿಸಿದ್ದಾರೆ. ಪ್ರಕರಣ ಶಾಸಕ ರಮೇಶ್ ಜಾರಕಿಹೊಳಿ ಅವರ ಭದ್ರತಾ ಸಿಬ್ಬಂದಿಯಾಗಿದ್ದ ಪೊಲೀಸ್ ಪೇದೆಯ ವೈಯಕ್ತಿಕ ಕ್ರಿಮಿನಲ್ ಕೃತ್ಯವಾಗಿದ್ದು, ದರೋಡೆಗೂ ಶಾಸಕ ರಮೇಶ್ ಜಾರಕಿಹೊಳಿ ಅವರಿಗೂ ಯಾವುದೇ ಸಂಬಂಧವಿಲ್ಲ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಸ್ಪಷ್ಟಪಡಿಸಿದ್ದಾರೆ.