ಸದ್ಯದಲ್ಲೇ ಶಿಯೋಮಿಯ ದೈತ್ಯ ರೆಡ್ಮಿ K40 ಸ್ಮಾರ್ಟ್‌ಫೋನ್ ಲಾಂಚ್!

ಬ್ರೇಕಿಂಗ್ ನ್ಯೂಸ್

Mangalore, Ullal Nethravathi Bridge: ಉಳ್ಳಾಲ ನೇತ್ರಾವತಿ ಸೇತುವೆ ಮೇ 3ಕ್ಕೆ ಓಪನ್ ; ಎರಡು ದಿನ ವಿಸ್ತರಣೆಗೆ ಜಿಲ್ಲಾಧಿಕಾರಿ ಒಪ್ಪಿಗೆ | Kudupu Murder, Mob attack, Parameshwar: ಕುಡುಪು ಗುಂಪು ಹಲ್ಲೆ ಪ್ರಕರಣ ; ಗಲ್ಲಿ ಕ್ರಿಕೆಟ್ ಆಡುತ್ತಿದ್ದಾಗ ದೇಶ ವಿರೋಧಿ ಘೋಷಣೆ ಕೂಗಿದ್ದಕ್ಕೆ ಗುಂಪಿನಿಂದ ಹಲ್ಲೆ, ಅಪರಿಚಿತ ವ್ಯಕ್ತಿ ಸಾವು ; ಸಚಿವ ಪರಮೇಶ್ವರ್ | ಮೋದಿ 'ಗಾಯಬ್' ಎಂದು ಕಾಂಗ್ರೆಸ್ ಪೋಸ್ಟ್ ; ಪಾಕ್ ಮಾಜಿ ಸಚಿವ ಮೆಚ್ಚುಗೆ, ಕಾಂಗ್ರೆಸ್ ಕೇ ಹಾತ್, ಪಾಕಿಸ್ತಾನ್ ಕೆ ಸಾಥ್ ಎಂದು ಬಿಜೆಪಿ ಕೌಂಟರ್ ಪೋಸ್ಟ್, ಕಾಂಗ್ರೆಸ್ ನಾಯಕರು ಪಾಕ್ ಸ್ಲೀಪರ್ ಸೆಲ್‌ಗಳು ಎಂದ ಅಮಿತ್ ಮಾಳವೀಯ |

ಸದ್ಯದಲ್ಲೇ ಶಿಯೋಮಿಯ ದೈತ್ಯ ರೆಡ್ಮಿ K40 ಸ್ಮಾರ್ಟ್‌ಫೋನ್ ಲಾಂಚ್!

09-02-21 04:18 pm Source: GIZBOT Manthesh ಡಿಜಿಟಲ್ ಟೆಕ್

ರೆಡ್ಮಿ K40 ದೈತ್ಯ ಸ್ಮಾರ್ಟ್‌ಫೋನ್ ಅನ್ನು ಬಿಡುಗಡೆ ಮಾಡಲು ಸಕಲ ತಯಾರಿ ನಡೆಸಿದೆ.

ಜನಪ್ರಿಯ ಶಿಯೋಮಿ ಸಂಸ್ಥೆಯು ಈಗಾಗಲೇ ರೆಡ್ಮಿ K ಸರಣಿಯಲ್ಲಿ ಹಲವು ಸ್ಮಾರ್ಟ್‌ಫೋನ್‌ಗಳನ್ನು ಪರಿಚಯಿಸಿ ಸೈ ಅನಿಸಿಕೊಂಡಿದೆ. ಇತ್ತೀಗಷ್ಟೆ ರೆಡ್ಮಿ K30 ಸರಣಿಯ ಬಿಡುಗಡೆ ಮಾಡಿದ್ದು, ಅದರ ಮುಂದುವರಿದ ಭಾಗವಾಗಿ ಇದೀಗ ರೆಡ್ಮಿ K40 ದೈತ್ಯ ಸ್ಮಾರ್ಟ್‌ಫೋನ್ ಅನ್ನು ಬಿಡುಗಡೆ ಮಾಡಲು ಸಕಲ ತಯಾರಿ ನಡೆಸಿದೆ. ಈ ಸ್ಮಾರ್ಟ್‌ಫೋನ್‌ ಲೀಕ್ ಮಾಹಿತಿಗಳು ಈಗ ಗ್ರಾಹಕರಲ್ಲಿ ಕುತೂಹಲ ಹೆಚ್ಚಿಸಿವೆ.

ಹೌದು, ಶಿಯೋಮಿ ಲಾಂಚ್ ಮಾಡಲಿರುವ ಹೊಸ ರೆಡ್ಮಿ K40 ಸ್ಮಾರ್ಟ್‌ಫೋನ್ ಸರಣಿಯು ಈಗಾಗಲೇ ಸಾಕಷ್ಟು ನಿರೀಕ್ಷೆಗಳನ್ನು ಹುಟ್ಟುಹಾಕಿದೆ. ಈ ಸರಣಿಯು ರೆಡ್ಮಿ K40 ಹಾಗೂ ರೆಡ್ಮಿ K40 ಪ್ರೊ ಮಾಡೆಲ್‌ಗಳ ವೇರಿಯಂಟ್‌ ಹೊಂದಿರಲಿದೆ ಎನ್ನಲಾಗಿದೆ. ಇದೇ ಫೆ.25ರಂದು ಅಧಿಕೃತವಾಗಿ ರೆಡ್ಮಿ K40 ಸರಣಿಯ ಫೀಚರ್ಸ್‌ಗಳು ಅನಾವರಣಗೊಳ್ಳಲಿವೆ ಎಂದು ತಿಳಿದುಬಂದಿದೆ.

ರೆಡ್ಮಿ K40 ಸ್ಮಾರ್ಟ್‌ಫೋನ್ ಪಾಪ್-ಅಪ್ ಕ್ಯಾಮೆರಾ ಕಾರ್ಯವಿಧಾನದ ಬದಲು ಪಂಚ್-ಹೋಲ್ ಡಿಸ್‌ಪ್ಲೇ ರಚನೆಯೊಂದಿಗೆ ಬರುವ ಸಾಧ್ಯತೆಗಳಿವೆ. ರೆಡ್‌ಮಿ ಜನರಲ್ ಮ್ಯಾನೇಜರ್ ಲು ವೀಬಿಂಗ್ ಕೂಡ ಈ ಸ್ಮಾರ್ಟ್‌ಫೋನ್‌ನಲ್ಲಿನ ಚಿಕ್ಕದಾದ ಪಂಚ್-ಹೋಲ್ ಕಟೌಟ್ ಆಗಿರುತ್ತದೆ ಎಂದು ದೃಢೀಕರಣ ಪಡಿಸಿದ್ದಾರೆ. ಹಾಗೆಯೇ ರೆಡ್ಮಿ K40 ಫೋನ್ 120Hz ರಿಫ್ರೆಶ್ ದರ ಮತ್ತು LCD ಪ್ಯಾನಲ್ ಒಳಗೊಂಡ ಪೂರ್ಣ ಹೆಚ್‌ಡಿ ಪ್ಲಸ್‌ ಡಿಸ್‌ಪ್ಲೇ ಹೊಂದಿರಲಿದೆ.

ಇನ್ನು ಈ ಸ್ಮಾರ್ಟ್‌ಫೋನ್ ಅನ್ನು ಸಮೀಡಿಯಾಟೆಕ್ ಡೈಮೆನ್ಸಿಟಿ 1200 ಚಿಪ್‌ಸೆಟ್‌ನಿಂದ ನಿಯಂತ್ರಿಸಲಿದ್ದು, ಕ್ವಾಲ್ಕಾಮ್ ಸ್ನ್ಯಾಪ್‌ಡ್ರಾಗನ್ 870 SoC ಪ್ರೊಸೆಸರ್‌ ಅನ್ನು ಪಡೆದಿರಲಿದೆ. ಇದರೊಂದಿಗೆ 6GB RAM ಮತ್ತು 128GB ಆಂತರಿಕ ಸಂಗ್ರಹವನ್ನು ಪಡೆದುಕೊಂಡಿರಲಿದೆ ಎಂಬ ವದಂತಿಗಳಿವೆ. ಹಾಗೆಯೇ ಇದಕ್ಕೆ ಪೂರಕವಾಗಿ 4,000mAh ಸಾಮರ್ಥ್ಯದ ಬ್ಯಾಟರಿ ಬಲವನ್ನು ಪಡೆದಿರಲಿದೆ ಎನ್ನಲಾಗಿದೆ.

ಈ ಸ್ಮಾರ್ಟ್‌ಫೋನ್ ಇತ್ತೀಚಿನ ಆಂಡ್ರಾಯ್ಡ್ 11 ಓಎಸ್‌ ಆಧಾರಿತ ಎಂಐಯುಐ 12.5 ನಲ್ಲಿ ಕಾರ್ಯನಿರ್ವಹಿಸುವ ನಿರೀಕ್ಷೆಯಿದೆ ಮತ್ತು 5G ಬೆಂಬಲದೊಂದಿಗೆ ಅನಾವರಣ ಆಗಲಿದೆ. ಚೀನಾದಲ್ಲಿ CNY 2,999 (ಭಾರತದಲಲ್ಲಿ ಅಂದಾಜು 34,000.ರೂ ಎನ್ನಲಾಗಿದೆ) ಬೆಲೆಯಲ್ಲಿ ಹೊಸ ರೆಡ್ಮಿ K40 ಸ್ಮಾರ್ಟ್‌ಫೋನ್ ಘೋಷಿಸಬಹುದು ಎಂದು ನಿರೀಕ್ಷಿಸಲಾಗಿದೆ.

This News Article is a Copy of GIZBOT