ಭಾರತದಲ್ಲಿ Oppo Find N2 Flip ಫೋಲ್ಡೆಬಲ್ ಫೋನ್ ಬಿಡುಗಡೆ!..ಇಲ್ಲಿದೆ ಫುಲ್ ಡೀಟೇಲ್ಸ್!

ಬ್ರೇಕಿಂಗ್ ನ್ಯೂಸ್

ಕೋಟಿ ರೂ. ಚೀಟಿ ವ್ಯವಹಾರ ಇದೆ, ಹಣ ಸಾಲ ಕೊಟ್ಟರೆ ದುಪ್ಪಟ್ಟು ಕೊಡ್ತೀನಿ! ಟೈಲರ್ ಮಹಿಳೆಯ ಮರುಳು ಮಾತಿಗೆ ಮೂರು ಕೋಟಿ ಪಂಗನಾಮ, ಜುಟ್ಟು ಹಿಡಿದು ಎಳೆದಾಡಿ ಧರ್ಮದೇಟು ಕೊಟ್ಟ ಮಹಿಳೆಯರು | ಮನವಿ ಕೊಡಲು ಬಂದವರನ್ನು ತಡೆದ ಪೊಲೀಸರು, ಬೆಳ್ತಂಗಡಿ ತಾಲೂಕು ಕಚೇರಿ ಮುಂದೆ ಹೈಡ್ರಾಮಾ ; ಸುಳ್ಳು ಕೇಸು ಹಾಕುತ್ತಿದ್ದಾರೆಂದು ತಹಸೀಲ್ದಾರ್ ಗೆ ದೂರು, ಎಸ್ಐಟಿ ವಿಚಾರಣೆಗೆ ಬರದ ಹೋರಾಟಗಾರರು | ದುಬೈನಲ್ಲಿ ಕುಳಿತು ಬೆಂಗಳೂರುನ ಫೈನಾನ್ಸ್ ಕಂಪನಿಗೆ ಕನ್ನ ; 47 ಕೋಟಿ ರೂ. ವಂಚನೆ, 600ಕ್ಕೂ ಅಧಿಕ‌ ಖಾತೆಗಳಿಗೆ ಹಣ ವರ್ಗಾವಣೆ, ಇಬ್ಬರು ಸಿಸಿಬಿ ಬಲೆಗೆ |

ಭಾರತದಲ್ಲಿ Oppo Find N2 Flip ಫೋಲ್ಡೆಬಲ್ ಫೋನ್ ಬಿಡುಗಡೆ!..ಇಲ್ಲಿದೆ ಫುಲ್ ಡೀಟೇಲ್ಸ್!

13-03-23 06:34 pm Source: Vijayakarnataka ಡಿಜಿಟಲ್ ಟೆಕ್

ಕಣ್ಮನ ಸೆಳೆಯುವ ಫೋಲ್ಡೆಬಲ್ ಡಿಸೈನ್ ಮತ್ತು ಪ್ರೀಮಿಯಂ ವೈಶಿಷ್ಟ್ಯಗಳನ್ನು ಹೊತ್ತು ಕಳೆದ ಡಿಸೆಂಬರ್‌ನಲ್ಲಿ ಚೀನಾದಲ್ಲಿ ಬಿಡುಗಡೆಯಾಗಿ ಭರ್ಜರಿ ಮಾರಾಟವಾಗಿದ್ದ Oppo ಕಂಪೆನಿ ಜನಪ್ರಿಯ Oppo Find N2 Flip ಫೋಲ್ಡೆಬಲ್ ಸ್ಮಾರ್ಟ್‌ಫೋನ್ ಇಂದು ದೇಶದ ಮಾರುಕಟ್ಟೆಗೆ ಪರಿಚಯಗೊಂಡಿದೆ. ಚೀನಾದಲ್ಲಿ ಬಿಡುಗಡೆಯಾಗಿದ್ದ ಅದೇ ಆಕರ್ಷಕ ಫೋಲ್ಡೆಬಲ್ ಲುಕ್ ಮತ್ತು ವೈಶಿಷ್ಟ್ಯಗಳಲ್ಲಿ ದೇಶದ ಮಾರುಕಟ್ಟೆಗೂ Oppo Find N2 Flip ಫೋಲ್ಡೆಬಲ್ ಸ್ಮಾರ್ಟ್‌ಫೋನ್ ಎಂಟ್ರಿ ನೀಡಿದ್ದು, ದೇಶದಲ್ಲಿ ಏಕೈಕ 8GB + 256GB ಮಾದರಿಯಲ್ಲಿ 89,999 ರೂ. ಬೆಲೆಗೆ ಪರಿಚಯಿಸಲಾಗಿದೆ. ಹಾಗಾದರೆ, ಹೊಸ Oppo Find N2 Flip ಫೋಲ್ಡೆಬಲ್ ಸ್ಮಾರ್ಟ್‌ಫೋನ್ ಹೇಗಿದೆ ಎಂಬುದನ್ನು ನೋಡೋಣ ಬನ್ನಿ.

ಹೇಗಿದೆ ಹೊಸ Oppo Find N2 Flip ಫೋಲ್ಡೆಬಲ್ ಸ್ಮಾರ್ಟ್‌ಫೋನ್
ಹೊಸ Oppo Find N2 Flip ಫೋಲ್ಡೆಬಲ್ ಸ್ಮಾರ್ಟ್‌ಫೋನ್ 6.8 ಇಂಚಿನ ಮುಖ್ಯ ಡಿಸ್‌ಪ್ಲೇ ಹಾಗೂ 3.26 ಇಂಚಿನ ಕವರ್‌ ಡಿಸ್‌ಪ್ಲೇ ಡಿಸ್‌ಪ್ಲೇ ಹೊಂದಿರುವ ಫೋಲ್ಡೆಬಲ್ ವಿನ್ಯಾಸದಲ್ಲಿ ಬಿಡುಗಡೆಯಾಗಿದೆ. ಇದರ ಮುಖ್ಯ ಡಿಸ್‌ಪ್ಲೇಯು 120Hz ಅಡಾಪ್ಟಿವ್ ರಿಫ್ರೆಶ್ ರೇಟ್ ಮತ್ತು 1600 ನಿಟ್ಸ್‌ ಗರಿಷ್ಠ ಬ್ರೈಟ್‌ನೆಸ್ ಫುಲ್‌ HD+ (1,080x2,520 pixels) ಅಮೊಲೆಡ್ ಸಾಮರ್ಥ್ಯವನ್ನು ಹೊಂದಿದ್ದರೆ, ಇದರ ಕವರ್ ಡಿಸ್‌ಪ್ಲೇಯು 382x720 ಪಿಕ್ಸೆಲ್ ರೆಸಲ್ಯೂಶನ್, 250 ಪಿಪಿಐ ಪಿಕ್ಸೆಲ್ ಡೆನ್ಸಿಟಿ ಮತ್ತು 60Hz ರಿಫ್ರೆಶ್ ರೇಟ್ ಸಾಮರ್ಥ್ಯದಲ್ಲಿದೆ. ಕಾರ್ಯ ನಿರ್ವಹಣೆ ವಿಭಾಗದಲ್ಲಿ, 8GB LPDDR5 RAM ಮತ್ತು 256GB ಆಂತರಿಕ ಮೆಮೊರಿಯೊಂದಿಗೆ ಸಂಯೋಜಿಸಲಾದ ಇತ್ತೀಚಿನ ಆಕ್ಟಾ-ಕೋರ್ MediaTek Dimensity 9000+ ಚಿಪ್‌ಸೆಟ್ ಮತ್ತು Arm Mali-G710 MC10 GPUಗಳನ್ನು ಈ ಸ Oppo Find N2 Flip ಫೋಲ್ಡೆಬಲ್ ಸ್ಮಾರ್ಟ್‌ಫೋನ್ ಹೊಂದಿದ್ದು, ಆಂಡ್ರಾಯ್ಡ್ 13 ಆಧಾರಿತ ColorOS 13.0 ನಲ್ಲಿ ಕಾರ್ಯನಿರ್ವಹಿಸಲಿದೆ.

OPPO Find N2 Flip India Launch Today: How to Watch the Launch

ಕ್ಯಾಮೆರಾ ವಿಭಾಗದಲ್ಲಿ, Oppo Find N2 Flip ಸ್ಮಾರ್ಟ್‌ಫೋನ್‌ ಡ್ಯುಯಲ್‌ ರಿಯರ್ ಕ್ಯಾಮೆರಾ ಸೆಟ್‌ಅಪ್‌ ಹೊಂದಿದೆ. ಇದು 50 ಮೆಗಾಪಿಕ್ಸೆಲ್ Sony IMX890 ಮುಖ್ಯ ಲೆನ್ಸ್ ಜೊತೆಗೆ ಶಕ್ತಿಯುತ 8 ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್ ಸೋನಿ IMX355 ಲೆನ್ಸ್ ಒಳಗೊಂಡಿದೆ. ಸೆಲ್ಫಿ ಮತ್ತು ವೀಡಿಯೊ ಕರೆಗಳಿಗಾಗಿ, ಮುಂಭಾಗದಲ್ಲಿ 32 ಮೆಗಾಪಿಕ್ಸೆಲ್ ಸಾಮರ್ಥ್ಯದ Sony IMX709 RGBW ಲೆನ್ಸ್ ಕ್ಯಾಮೆರಾ ನೀಡಲಾಗಿದೆ. Oppo Find N2 Flip ಸ್ಮಾಋ್ಟ್‌ಫೋನಿನ ಕನೆಕ್ಟಿವಿಟಿ ಆಯ್ಕೆಗಳಲ್ಲಿ 5G, 4G LTE, Wi-Fi 6, ಬ್ಲೂಟೂತ್ 5.3, GPS/ A-GPS, NFC, GPS, ಮತ್ತು USB ಟೈಪ್-C ಪೋರ್ಟ್ ವೈಶಿಷ್ಟ್ಯಗಳಿವೆ. ಇನ್ನು 44Wಸೂಪರ್‌ವೂಕ್ ಚಾರ್ಜಿಂಗ್‌ಗೆ ಬೆಂಬಲದೊಂದಿಗೆ 4,300mAh ಡ್ಯುಯಲ್ ಸೆಲ್ ಬ್ಯಾಟರಿ ಹೊಂದಿರುವ ಈ ಸ್ಮಾರ್ಟ್‌ಫೋನ್ ಸೈಡ್-ಮೌಂಟೆಡ್ ಫಿಂಗರ್‌ಪ್ರಿಂಟ್ ಸೆನ್ಸಾರ್, ಅಂಡರ್-ಸ್ಕ್ರೀನ್ ಆಂಬಿಯೆಂಟ್ ಲೈಟ್ ಸೆನ್ಸಾರ ಜೊತೆಗೆ ಅಂಡರ್-ಸ್ಕ್ರೀನ್ ಕಲರ್ ಟೆಂಪರೇಚರ್ ಸಂವೇದಕಗಳನ್ನು ಹೊಂದಿದೆ.

OPPO Find N2 and Find N2 Flip with 120Hz foldable AMOLED displays announced

Oppo Find N2 Flip ಫೋಲ್ಡೆಬಲ್ ಸ್ಮಾರ್ಟ್‌ಫೋನ್ ಬೆಲೆ ಮತ್ತು ಲಭ್ಯತೆ
ನಾವು ಮೊದಲೇ ತಿಳಿಸಿದಂತೆ, ಭಾರತದಲ್ಲಿ Oppo Find N2 Flip‌ ಸ್ಮಾರ್ಟ್‌ಫೋನ್‌ ಏಕೈಕ 8GB + 256GB ಸ್ಟೋರೇಜ್ ಮಾದರಿಯಲ್ಲಿ 89,999 ರೂ. ಬೆಲೆ ಹೊತ್ತು ಬಿಡುಗಡೆಯಾಗಿದೆ. ಆಸ್ಟ್ರಲ್ ಬ್ಲ್ಯಾಕ್ ಮತ್ತು ಮೂನ್‌ಲೈಟ್ ಪರ್ಪಲ್ ಎರಡು ಬಣ್ಣಗಳ ಆಯ್ಕೆಗಳಲ್ಲಿ ಮಾರುಕಟ್ಟೆಗೆ ಬಂದಿರುವ ಈ ಸ್ಮಾರ್ಟ್‌ಫೋನ್ ಫ್ಲಿಪ್‌ಕಾರ್ಟ್ ಮತ್ತು ಒಪ್ಪೋ ಕಂಪನಿಯ ಅಧಿಕೃತ ವೆಬ್‌ಸೈಟ್ ಮೂಲಕ ಖರೀದಿಗೆ ಲಭ್ಯವಾಗುತ್ತಿದೆ. HDFC, ICICI Bank, SBI Cards, Kotak Bank, IDFC First Bank, HDB Financial Services, One Card ಮತ್ತು American Express ಕಾರ್ಡ್ ಬಳಕೆದಾರರು Oppo Find N2 Flip‌ ಸ್ಮಾರ್ಟ್‌ಫೋನ್‌ ಮೇಲೆ 5,000 ರೂ.ವರೆಗೂ ಕ್ಯಾಶ್‌ಬ್ಯಾಕ್ ಪಡೆಯಬಹುದು ಎಂದು ಕಂಪೆನಿ ತಿಳಿಸಿದೆ.