ಭಾರತದಲ್ಲಿ ಪ್ರೀಮಿಯಂ 'HP Omen 17' ಲ್ಯಾಪ್‌ಟಾಪ್ ಬಿಡುಗಡೆ: ವೃತ್ತಿಪರ ಗೇಮಿಂಗ್ ಪ್ರಿಯರಿಗೆ ಹಬ್ಬ!

ಬ್ರೇಕಿಂಗ್ ನ್ಯೂಸ್

ನೀಟ್ ಪರೀಕ್ಷೆಗೆ ಒತ್ತಡ ಹೇರಿದ್ದಕ್ಕೆ ತಂದೆಯನ್ನೇ ಕೊಂದ ಮಗ ; ತಂಗಿಯ ಎದುರಲ್ಲೇ ದೇಹವನ್ನ ತುಂಡು ತುಂಡಾಗಿ ಕತ್ತರಿಸಿ ಡ್ರಮ್ ಗೆ ತುಂಬಿದ ಕಟುಕ, ಕಥೆ ಕಟ್ಟಲು ಹೋಗಿ ಪೊಲೀಸರ ಕೈಗೆ ತಗ್ಲಾಕೊಂಡ ನರರಾಕ್ಷಸ ! | ವಂದೇ ಮಾತರಂ ಕಡ್ಡಾಯ ಕ್ರಮಕ್ಕೆ ಜಮಾತೆ ಉಲೆಮಾ ಹಿಂದ್ ವಿರೋಧ ; ಏಕಪಕ್ಷೀಯ, ನಿರಂಕುಶ, ಸಂವಿಧಾನ ವಿರೋಧಿ ಎಂದ ಉಲೆಮಾ ಅಧ್ಯಕ್ಷ ಮೌಲಾನಾ ಅರ್ಷದ್ ಮದನಿ | ಮೋದಿ ಹೆಸರಲ್ಲಿ ಹತ್ತು ನಮೋ ಕುಟೀರ ನಿರ್ಮಾಣ ಯೋಜನೆ ; ಅಡ್ಕ ಭಗವತಿ ಕ್ಷೇತ್ರದ ದರ್ಶನ ಪಾತ್ರಿಗೆ ಏಳನೇ ಮನೆ ಶಿಲಾನ್ಯಾಸದಲ್ಲಿ ಸಂತೋಷ್ ಬೋಳ್ಯಾರ್ |

ಭಾರತದಲ್ಲಿ ಪ್ರೀಮಿಯಂ 'HP Omen 17' ಲ್ಯಾಪ್‌ಟಾಪ್ ಬಿಡುಗಡೆ: ವೃತ್ತಿಪರ ಗೇಮಿಂಗ್ ಪ್ರಿಯರಿಗೆ ಹಬ್ಬ!

23-02-23 07:57 pm Source: Vijayakarnataka ಡಿಜಿಟಲ್ ಟೆಕ್

ಈ ಲ್ಯಾಪ್‌ಟಾಪ್‌ ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಬಳಕೆದಾರರು USB ಟೈಪ್-C (40Gbps), 1 ಥಂಡರ್ಬೋಲ್ಟ್ 4, 1 ಥಂಡರ್ಬೋಲ್ಟ್ 3, 3 USB ಟೈಪ್-A, 1 RJ-45, 1 ಹೆಡ್‌ಫೋನ್/ ಮೈಕ್ರೊಫೋನ್ ಕಾಂಬೊ, 1 AC ಸ್ಮಾರ್ಟ್ ಪಿನ್, 1 ಮಿನಿ ಡಿಸ್ಪ್ಲೇಪೋರ್ಟ್, ಮತ್ತು 1 HDMI 2.1 ವೈಶಿಷ್ಟ್ಯಗಳನ್ನು ಪಡೆಯುತ್ತಾರೆ.

ಅತ್ಯುತ್ತಮ ಪ್ರೀಮಿಯಂ ಗೇಮಿಂಗ್ ಲ್ಯಾಪ್‌ಟಾಪ್ ಖರೀದಿಗಾಗಿ ಎದುರುನೋಡುತ್ತಿರುವ ಭಾರತೀಯ ಗ್ರಾಹಕರಿಗಾಗಿ HP ಸಂಸ್ಥೆ ದೇಶದಲ್ಲಿಂದು ತನ್ನ ಪ್ರೀಮಿಯಂ 'HP Omen 17' ಲ್ಯಾಪ್‌ಟಾಪ್ ಸಾಧನವನ್ನು ಪರಿಚಯಿಸಿದೆ. ಇತ್ತೀಚಿನ Nvidia GeForce RTX4080 ಮೊಬೈಲ್ GPU ಹೊತ್ತು ಈ ಹೊಸ ಗೇಮಿಂಗ್ ಲ್ಯಾಪ್‌ಟಾಪ್ ಬಿಡುಗಡೆಯಾಗಿದ್ದು, ಇದು DLSS 3 (ಗ್ರಾಫಿಕ್ಸ್ ಸುಧಾರಿಸಲು AI ತಂತ್ರಜ್ಞಾನ) ಜೊತೆಗೆ ಒಟ್ಟಾರೆ ಗೇಮಿಂಗ್ ಅನುಭವವನ್ನು ಸುಧಾರಿಸುವ ಶಕ್ತಿ ಹೊಂದಿದೆ. ಹಾಗೂ 2023 ಆವೃತ್ತಿಯ 13-ಜನ್ ಇಂಟೆಲ್ ಕೋರ್ ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿದೆ ಎಂದು HP ಸಂಸ್ಥೆ ತಿಳಿಸಿದೆ. ಹಾಗಾದರೆ, ದೇಶದಲ್ಲಿ ಬಿಡುಗಡೆಯಾಗಿರುವ ಪ್ರೀಮಿಯಂ 'HP Omen 17' ಲ್ಯಾಪ್‌ಟಾಪ್ ಹೇಗಿದೆ ಮತ್ತು ಇದರ ಸಂಪೂರ್ಣ ವೈಶಿಷ್ಟ್ಯಗಳು ಯಾವುವು ಎಂಬುದನ್ನು ತಿಳಿಯೋಣ ಬನ್ನಿ.

'HP Omen 17' ಲ್ಯಾಪ್‌ಟಾಪ್ ವೈಶಿಷ್ಟ್ಯಗಳು.
HP Omen 17 ಹೆಸರೇ ಸೂಚಿಸುವಂತೆ ಈ ಲ್ಯಾಪ್‌ಟಾಪ್ 17-ಇಂಚಿನ ಡಿಸ್‌ಪ್ಲೇ ಹೊಂದಿದೆ (17.3-ಇಂಚು ನಿಖರವಾಗಿ). ಇದರಲ್ಲಿ 144Hz ರಿಫ್ರೆಶ್ ರೇಟ್‌ನೊಂದಿಗೆ ಫುಲ್-HD ರೆಸಲ್ಯೂಶನ್ (1920x1080 ಪಿಕ್ಸೆಲ್‌ಗಳು) ಅಥವಾ 240Hz ರಿಫ್ರೆಶ್ ದರದೊಂದಿಗೆ QHD ರೆಸಲ್ಯೂಶನ್ (2560x1440) ಡಿಸ್‌ಪ್ಲೇ ಹೊಂದಿರುವ ಮಾದರಿಗಳ ನಡುವೆ ಲ್ಯಾಪ್‌ಟಾಪ್ ಆಯ್ಕೆ ಮಾಡಬಹುದಾಗಿದ್ದು, ಈ ಎರಡೂ ಡಿಸ್‌ಪ್ಲೇ ಮಾದರಿಗಳು IPS LCD ಟೆಕ್ನಾಲಜಿಯನ್ನು ಒಳಗೊಂಡಿವೆ. ಹುಡ್ ಅಡಿಯಲ್ಲಿ, ಇತ್ತೀಚಿನ GeForce RTX Laptop GPU (even RTX4080) ಜೊತೆಗೆ ಜೋಡಿಸಲಾಗಿರುವ Intel i9-13900H ಪ್ರೊಸೆಸರ್ ಹೊಂದಿರುವ HP Omen 17 ಲ್ಯಾಪ್‌ಟಾಪ್ ಗೇಮರ್‌ಗಳಿಗೆ ಸೂಕ್ತವಾದ ವೈಶಿಷ್ಟ್ಯಗಳೊಂದಿಗೆ ಬಂದಿದೆ. ಇವುಗಳಲ್ಲಿ, Wi-Fi 6e ರೂಟರ್ ಹೊಂದಿರುವ ವೃತ್ತಿಪರ ಗೇಮರ್‌ಗಳು ಈ ಗೇಮಿಂಗ್ ಲ್ಯಾಪ್‌ಟಾಪ್‌ನಲ್ಲಿ Wi-Fi 6e ಬೆಂಬಲದೊಂದಿಗೆ ವೇಗದ ಇಂಟರ್ನೆಟ್ ಅನ್‌ಲಾಕ್ ಮಾಡಬಹುದು ಎಂದು ಕಂಪೆನಿ ತಿಳಿದಿದೆ.

HP OMEN 17 laptop with Intel Core i9 & RTX 4080 GPU launched in India - Gizmochina

ಈ HP Omen 17 ಲ್ಯಾಪ್‌ಟಾಪ್‌ನಲ್ಲಿ HP ವೈಡ್ ವಿಷನ್ ಸಾಮರ್ಥ್ಯದ 720p HD ಕ್ಯಾಮೆರಾ ಇದೆ. ನೀವು ಸ್ಟ್ರೀಮರ್ ಆಗಿದ್ದರೆ, ಲ್ಯಾಪ್‌ಟಾಪ್‌ನಲ್ಲಿರುವ ತಾತ್ಕಾಲಿಕ ಶಬ್ದ ಕಡಿತ ಮತ್ತು ಸಂಯೋಜಿತ ಡ್ಯುಯಲ್ ಅರೇ ಡಿಜಿಟಲ್ ಮೈಕ್ರೋಫೋನ್‌ಗಳೊಂದಿಗೆ ಡ್ಯುಯಲ್ ಸ್ಪೀಕರ್‌ಗಳು Bang ಮತ್ತು Olufsen ಶಬ್ದವನ್ನು ಒದಗಿಸಲಿವೆ. ಇನ್ನು ಈ ಲ್ಯಾಪ್‌ಟಾಪ್‌ ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಬಳಕೆದಾರರು USB ಟೈಪ್-C (40Gbps), 1 ಥಂಡರ್ಬೋಲ್ಟ್ 4, 1 ಥಂಡರ್ಬೋಲ್ಟ್ 3, 3 USB ಟೈಪ್-A, 1 RJ-45, 1 ಹೆಡ್‌ಫೋನ್/ ಮೈಕ್ರೊಫೋನ್ ಕಾಂಬೊ, 1 AC ಸ್ಮಾರ್ಟ್ ಪಿನ್, 1 ಮಿನಿ ಡಿಸ್ಪ್ಲೇಪೋರ್ಟ್, ಮತ್ತು 1 HDMI 2.1 ವೈಶಿಷ್ಟ್ಯಗಳನ್ನು ಪಡೆಯುತ್ತಾರೆ. ಇದರೊಂದಿಗೆ ಈ ಲ್ಯಾಪ್‌ಟಾಪ್‌ ಫುಲ್‌ ಸೈಜ್ 4 ರೇಂಜ್ RGB ಬ್ಯಾಕ್‌ಲಿಟ್ ಕೀಬೋರ್ಡ್ ಸಹ ನೀಡಲಾಗಿದೆ. ಬ್ಯಾಟರಿ ವಿಭಾಗದಲ್ಲಿ, HP Omen 17 ಲ್ಯಾಪ್‌ಟಾಪ್‌ 83Wh ಸಾಮರ್ಥ್ಯದ ಬ್ಯಾಟರಿ ಹೊಂದಿದ್ದು, ಇದು 330W ಫಾಸ್ಟ್ ಚಾರ್ಜಿಂಗ್ ಬೆಂಬಲಿಸಲಿದೆ ಎಂದು ಕಂಪೆನಿ ಹೇಳಿದೆ. .

HP Omen 17 laptop launched in India, perfect device for gaming, price in lakhs - Gearrice

'HP Omen 17' ಲ್ಯಾಪ್‌ಟಾಪ್ ಬೆಲೆ ಮತ್ತು ಲಭ್ಯತೆ
GeForce RTX 40 ಸರಣಿಯ ಈ ಲ್ಯಾಪ್‌ಟಾಪ್ ಉನ್ನತ-ಮಟ್ಟದ ಇಂಟೆಲ್ ಕೋರ್ ಪ್ರೊಸೆಸರ್, ಉತ್ತಮ ಪ್ರದರ್ಶನ ಮತ್ತು ಹೆಚ್ಚು ಶಕ್ತಿಶಾಲಿ Nvidia GPU ಹೊಂದಿರುವುದರಿಂದ ಸ್ವಾಭಾವಿಕವಾಗಿ ಇದರ ಬೆಲೆ ಹೆಚ್ಚಾಗಿದ್ದು, ದೇಶದಲ್ಲಿ 2,69,990 ರೂ.ಗಳ ಆರಂಭಿ ಬೆಲೆಯಲ್ಲಿ ಬಿಡುಗಡೆಯಾಗಿದೆ. ಗ್ರಾಹಕರು HP Omen 17 ಲ್ಯಾಪ್‌ಟಾಪ್ ಅನ್ನು Omen ಪ್ಲೇಗ್ರೌಂಡ್ ಸ್ಟೋರ್‌ಗಳು, HP ವರ್ಲ್ಡ್ ಸ್ಟೋರ್‌ಗಳು ಮತ್ತು HP ಆನ್‌ಲೈನ್ ಸ್ಟೋರ್‌ಗಳ ಮೂಲಕ ಖರೀದಿಸಲು ಸಾಧ್ಯವಿದ್ದು, ಕೆಲವು ಕೊಡುಗೆಗಳು ಸಹ ದೊರೆಯುವ ನಿರೀಕ್ಷೆ ಇದೆ.

HP omen 17 gaming laptop launched in india: check features and price.