Konaje Police, Accused Escapes, Mangalore: ಪೋಕ್ಸೋ ಆರೋಪಿಯನ್ನು ಆಟೋದಲ್ಲಿ ಕರೆತರುತ್ತಿದ್ದಾಗ ಎಸ್ಕೇಪ್ ! ಕೊಣಾಜೆ ಪೊಲೀಸರ ಎಡವಟ್ಟು ; ಆಟೋದಿಂದ ಜಿಗಿದು ಪರಾರಿಯಾದ ಆರೋಪಿ, ಕೇಸ್ ಮುಚ್ಚಿ ಹಾಕಲು ಕಸರತ್ತು !

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

Konaje Police, Accused Escapes, Mangalore: ಪೋಕ್ಸೋ ಆರೋಪಿಯನ್ನು ಆಟೋದಲ್ಲಿ ಕರೆತರುತ್ತಿದ್ದಾಗ ಎಸ್ಕೇಪ್ ! ಕೊಣಾಜೆ ಪೊಲೀಸರ ಎಡವಟ್ಟು ; ಆಟೋದಿಂದ ಜಿಗಿದು ಪರಾರಿಯಾದ ಆರೋಪಿ, ಕೇಸ್ ಮುಚ್ಚಿ ಹಾಕಲು ಕಸರತ್ತು !

07-07-26 03:50 pm HK News Staffer ಕ್ರೈಂ

ಕೊಣಾಜೆ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ ಎನ್ನಲಾಗಿರುವ ಪೋಕ್ಸೊ ಪ್ರಕರಣದ ಆರೋಪಿ ಆಟೋ ಚಾಲಕನನ್ನು ಪೊಲೀಸರು ಆಟೋದಲ್ಲಿ ಠಾಣೆಗೆ ಕರೆತರುತ್ತಿದ್ದಾಗ ಆರೋಪಿ ಹೊರಕ್ಕೆ ಜಿಗಿದು ಪರಾರಿಯಾದ ಘಟನೆ ನಡುಪದವು ಎಂಬಲ್ಲಿ ಸೋಮವಾರ ನಡೆದಿದ್ದು ಸ್ಥಳೀಯ ಕಾಂಗ್ರೆಸ್ ಪುಢಾರಿಯೊಬ್ಬ ಕೇಸನ್ನು ಮುಚ್ಚಿ ಹಾಕಲು ಒತ್ತಡ ಹೇರಿದ ಹಿನ್ನೆಲೆಯಲ್ಲಿ ಕೊಣಾಜೆ ಪೊಲೀಸರು ಪ್ರಕರಣವನ್ನು ಹಳ್ಳ ಹಿಡಿಸಲು ಯತ್ನಿಸುತ್ತಿದ್ದಾರೆಂಬ ಆರೋಪ ಕೇಳಿಬಂದಿದೆ.

ಉಳ್ಳಾಲ, ಜು.07: ಕೊಣಾಜೆ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ ಎನ್ನಲಾಗಿರುವ ಪೋಕ್ಸೊ ಪ್ರಕರಣದ ಆರೋಪಿ ಆಟೋ ಚಾಲಕನನ್ನು ಪೊಲೀಸರು ಆಟೋದಲ್ಲಿ ಠಾಣೆಗೆ ಕರೆತರುತ್ತಿದ್ದಾಗ ಆರೋಪಿ ಹೊರಕ್ಕೆ ಜಿಗಿದು ಪರಾರಿಯಾದ ಘಟನೆ ನಡುಪದವು ಎಂಬಲ್ಲಿ ಸೋಮವಾರ ನಡೆದಿದ್ದು ಸ್ಥಳೀಯ ಕಾಂಗ್ರೆಸ್ ಪುಢಾರಿಯೊಬ್ಬ ಕೇಸನ್ನು ಮುಚ್ಚಿ ಹಾಕಲು ಒತ್ತಡ ಹೇರಿದ ಹಿನ್ನೆಲೆಯಲ್ಲಿ ಕೊಣಾಜೆ ಪೊಲೀಸರು ಪ್ರಕರಣವನ್ನು ಹಳ್ಳ ಹಿಡಿಸಲು ಯತ್ನಿಸುತ್ತಿದ್ದಾರೆಂಬ ಆರೋಪ ಕೇಳಿಬಂದಿದೆ.

ಆರೋಪಿ ಆಟೋ ಚಾಲಕ ಕೊಣಾಜೆ ಠಾಣೆ ವ್ಯಾಪ್ತಿಯಲ್ಲಿ ಅಪ್ರಾಪ್ತ ಬಾಲಕಿಗೆ ತನ್ನ ಗುಪ್ತಾಂಗ ತೋರಿಸಿದ್ದು, ಆಕ್ರೋಶಗೊಂಡ ಬಾಲಕಿ ಕಡೆಯವರು ಆರೋಪಿಗೆ ಹಿಗ್ಗಾಮುಗ್ಗಾ ಗೂಸಾ ನೀಡಿದ್ದರೆನ್ನಲಾಗಿದೆ. ಕೊಣಾಜೆ ಪೊಲೀಸರಿಗೆ ವಿಚಾರ ತಿಳಿದು ರಿಕ್ಷಾ ಚಾಲಕನಾಗಿದ್ದ ಆರೋಪಿಯ ಮೊಬೈಲ್ ಟವರನ್ನ ಟ್ರೇಸ್ ಮಾಡಿದ್ದಾರೆ. ನಿನ್ನೆ (ಸೋಮವಾರ) ಮಧ್ಯಾಹ್ನ ಆರೋಪಿಯನ್ನ ಕೊಣಾಜೆ ಪೊಲೀಸರಿಬ್ಬರು ಮುಡಿಪುವಿನಲ್ಲಿ ವಶಕ್ಕೆ ಪಡೆದು ಆತನ ಆಟೋ ರಿಕ್ಷಾದಲ್ಲೇ ಪೊಲೀಸ್ ಠಾಣೆಯ ಕಡೆ ಬಂದಿದ್ದಾರೆ. ನಡುಪದವು ತಲುಪುತ್ತಿದ್ದಂತೆ ಆರೋಪಿ ರಿಕ್ಷಾ ಚಾಲಕ ಚಾಲನೆಯಲ್ಲಿದ್ದ ಆಟೋ ರಿಕ್ಷಾದಿಂದ ಜಿಗಿದು ಪರಾರಿಯಾಗಿದ್ದಾನೆ. ಇಬ್ಬರು ಪೊಲೀಸರಿದ್ದ ಆಟೋ ರಿಕ್ಷಾ ಅದೃಷ್ಟವಶಾತ್ ರಸ್ತೆ ಬದಿಯ ಕಮರಿಗೆ ಬಿದ್ದು ನಿಂತಿದೆ.

ಘಟನಾ ಸ್ಥಳದಲ್ಲಿ ಜನ ಜಮಾಯಿಸಿದ್ದು, ಪೊಲೀಸರು ಪರಾರಿಯಾದ ಆರೋಪಿಯ ಹುಡುಕಾಟ ನಡೆಸಿದ್ದರೆನ್ನಲಾಗಿದೆ. ಘಟನೆಯನ್ನ ಕಣ್ಣಾರೆ ಕಂಡ ಪ್ರತ್ಯಕ್ಷದರ್ಶಿಗಳು ಆಟೋ ರಿಕ್ಷಾದ ಫೋಟೊಗಳನ್ನ ಕ್ಲಿಕ್ಕಿಸಿದ್ದಾರೆ. ಪ್ರತ್ಯಕ್ಷದರ್ಶಿಗಳ ಪ್ರಕಾರ ಆರೋಪಿಯನ್ನ ಕರೆ ತರುತ್ತಿದ್ದ ಆಟೋ ರಿಕ್ಷಾವನ್ನು ಕೊಣಾಜೆ ಠಾಣೆಯ 102 ಪೊಲೀಸ್ ತುರ್ತು ವಾಹನವು ಹಿಂಬಾಲಿಸುತ್ತಿತ್ತೆಂದು ಹೇಳಲಾಗಿದೆ. ಪೊಲೀಸರ ಎಡವಟ್ಟಿನಿಂದಲೇ ಈ ಘಟನೆ ನಡೆದಿದೆ ಎನ್ನುವ ಆರೋಪ ಕೇಳಿಬಂದಿದೆ.

ಆರೋಪಿ ಪರಾರಿಯಾದ ಬಳಿಕ ಕೊಣಾಜೆ ಠಾಣೆಗೆ ಸ್ಥಳೀಯವಾಗಿ ಮಣ್ಣು ಮಾಫಿಯಾದಲ್ಲಿ ತೊಡಗಿಸಿರುವ ಕೈ ಪುಢಾರಿಯೋರ್ವ ಭೇಟಿ ನೀಡಿ ಪ್ರಕರಣ ಮುಚ್ಚಿ ಹಾಕುವಂತೆ ಒತ್ತಡ ಹೇರಿದ್ದಾನೆಂದು ಹೇಳಲಾಗುತ್ತಿದೆ. ಕೊಣಾಜೆ ಪೊಲೀಸರಲ್ಲಿ ಈ ಬಗ್ಗೆ ವಿಚಾರಿಸಿದಾಗ ಪೋಕ್ಸೊ ಪ್ರಕರಣದ ಬಗ್ಗೆ ನಮಗೆ ಮಾಹಿತಿಯೇ ಬಂದಿಲ್ಲ. ಪೊಲೀಸರು ಆಟೋ ರಿಕ್ಷಾದಲ್ಲಿ ಬರುತ್ತಿದ್ದ ವೇಳೆ ರಿಕ್ಷಾ ಚಾಲಕ ಪೊಲೀಸರನ್ನ ಬಿಟ್ಟು ಗಾಬರಿಗೊಂಡು ಓಡಿಹೋಗಿದ್ದು, ಈ ಬಗ್ಗೆ ಜಾಲತಾಣಗಳಲ್ಲಿ ಊಹಾಪೋಹಗಳು ಹರಡುತ್ತಿವೆಯೆಂಬ ಸಬೂಬು ನೀಡಿದ್ದಾರೆ. ಪೊಲೀಸರು ಆಟೋ ರಿಕ್ಷಾದಲ್ಲಿ ಯಾಕೆ ಬಂದರು? ರಿಕ್ಷಾ ಚಾಲಕ ಚಲಿಸುತ್ತಿದ್ದ ಆಟೋ ರಿಕ್ಷಾದಿಂದ ಜಿಗಿದು ಪರಾರಿಯಾಗಿದ್ದೇಕೆ ಎಂಬ ಪ್ರಶ್ನೆಗಳಿಗೆ ಹಿರಿಯ ಅಧಿಕಾರಿಗಳೇ ಉತ್ತರ ನೀಡಬೇಕಿದೆ.

A man accused in a Protection of Children from Sexual Offences (POCSO) case allegedly escaped by jumping out of an auto-rickshaw while being taken to the Konaje Police Station on Monday. The incident reportedly occurred at Nadupadavu, raising questions over police handling of the accused and prompting allegations that attempts are being made to suppress the case.