ಬೆಂಗಳೂರಿನಲ್ಲಿ 52.5 ಕೋಟಿ ರೂ. ಮೌಲ್ಯದ 'ಹೆರಾಯಿನ್‌' ಜಪ್ತಿ ; ವಿದೇಶಿ ಮಹಿಳೆ ನೇತೃತ್ವದ ಡ್ರಗ್ಸ್ ಮಾಫಿಯಾ ಬಯಲು

ಬ್ರೇಕಿಂಗ್ ನ್ಯೂಸ್

Accident in Mangalore: ನಂತೂರಿನಲ್ಲಿ ಭೀಕರ ಅಪಘಾತ ; ಸ್ಕೂಟರ್ ಗೆ ಖಾಸಗಿ ಬಸ್ ಡಿಕ್ಕಿ, ನೆಲಕ್ಕೆ ಬಿದ್ದ ಹಿಂಬದಿ ಸವಾರೆ ಮೇಲೆ ಹರಿದ ಬಸ್, ಯುವತಿ ದಾರುಣ ಸಾವು | MLA D. Vedavyasa Kamath: ಕಟ್ಟಡ ಪರವಾನಗಿ ನೀಡುವಲ್ಲಿ ಸಮಸ್ಯೆ ; ತೊಂದರೆ ಬಗ್ಗೆ ಪೌರಾಡಳಿತ ಇಲಾಖೆ ಗಮನಕ್ಕೆ ತಂದಿದ್ದ ಶಾಸಕ ಕಾಮತ್, ತಾಂತ್ರಿಕ ಸಮಸ್ಯೆ ಸರಿಪಡಿಸಿ ಆದೇಶ | ಲೋನಾವಾಲ ಘಾಟಿಯಲ್ಲಿ ಗ್ಯಾಸ್ ಟ್ಯಾಂಕರ್ ಪಲ್ಟಿ ; ಸಂಚಾರ ನಿಷೇಧ, ಸಿಕ್ಕಿಬಿದ್ದ ಸಾವಿರಾರು ವಾಹನಗಳು, ಮಂಗಳೂರಿನಿಂದ ಮುಂಬೈ ಹೊರಟಿದ್ದ ಪ್ರಯಾಣಿಕರ ತೀವ್ರ ಪರದಾಟ, ಜಾಲತಾಣದಲ್ಲಿ ಆಕ್ರೋಶ |

ಬೆಂಗಳೂರಿನಲ್ಲಿ 52.5 ಕೋಟಿ ರೂ. ಮೌಲ್ಯದ 'ಹೆರಾಯಿನ್‌' ಜಪ್ತಿ ; ವಿದೇಶಿ ಮಹಿಳೆ ನೇತೃತ್ವದ ಡ್ರಗ್ಸ್ ಮಾಫಿಯಾ ಬಯಲು

28-05-22 12:46 pm Bengalore Correspondent ಕ್ರೈಂ

ವಿದೇಶಿ ಮಹಿಳೆ ನೇತೃತ್ವದ ಅಂತಾರಾಜ್ಯ 'ಡ್ರಗ್ಸ್‌' ರಾಕೆಟ್‌ ಬಯಲಿಗೆ ಎಳೆಯುವಲ್ಲಿ ರಾಷ್ಟ್ರೀಯ ಮಾದಕವಸ್ತು ನಿಗ್ರಹ ಘಟಕ (ಎನ್‌ಸಿಬಿ) ಯಶಸ್ವಿಯಾಗಿದೆ.

ಬೆಂಗಳೂರು, ಮೆ 28: ವಿದೇಶಿ ಮಹಿಳೆ ನೇತೃತ್ವದ ಅಂತಾರಾಜ್ಯ 'ಡ್ರಗ್ಸ್‌' ರಾಕೆಟ್‌ ಬಯಲಿಗೆ ಎಳೆಯುವಲ್ಲಿ ರಾಷ್ಟ್ರೀಯ ಮಾದಕವಸ್ತು ನಿಗ್ರಹ ಘಟಕ (ಎನ್‌ಸಿಬಿ) ಯಶಸ್ವಿಯಾಗಿದೆ.

9 ಮಂದಿ ಆಫ್ರಿಕನ್‌ ಮೂಲದ ಮಹಿಳಾ ಡ್ರಗ್‌ ಪೆಡ್ಲರ್‌ಗಳನ್ನು ಬಂಧಿಸಿ, ಸುಮಾರು 52.5 ಕೋಟಿ ರೂ ಮೌಲ್ಯದ 'ಹೆರಾಯಿನ್‌' ಜಪ್ತಿ ಮಾಡಲಾಗಿದೆ. ಅಧಿಕಾರಿಗಳ ತಂಡ ಹೆಚ್ಚಿನ ತನಿಖೆ ಮುಂದುವರಿಸಿದೆ. ಮೇ 24ರಂದು ಜಿಂಬಾಬ್ವೆಯಿಂದ ವಿಮಾನದಲ್ಲಿ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಆಗಮಿಸುತ್ತಿರುವ ಮಹಿಳಾ ಪ್ರಯಾಣಿಕರೊಬ್ಬರು ಡ್ರಗ್ಸ್‌ ತರುತ್ತಿದ್ದಾರೆ ಎಂಬ ಮಾಹಿತಿ ಎನ್‌ಸಿಬಿ ಬೆಂಗಳೂರು ಘಟಕದ ಅಧಿಕಾರಿಗಳಿಗೆ ಸಿಕ್ಕಿತ್ತು. ಕೂಡಲೇ ಕಾರ್ಯಾಚರಣೆ ಆರಂಭಿಸಿದ ಅಧಿಕಾರಿಗಳು ವಿಮಾನ ನಿಲ್ದಾಣದಲ್ಲಿ ಜಿಂಬಾಬ್ವೆಯ ಇಬ್ಬರು ಮಹಿಳೆಯರನ್ನು ವಶಕ್ಕೆ ಪಡೆದು ತಪಾಸಣೆ ನಡೆಸಿದ್ದಾರೆ.

ಈ ವೇಳೆ ಅವರ ಬಳಿಯಿದ್ದ ಸೂಟ್‌ಕೇಸ್‌ನ ತಳಭಾಗದಲ್ಲಿ ಬಚ್ಚಿಟ್ಟಿದ್ದ ಏಳು ಕೆ.ಜಿ. ಹೆರಾಯಿನ್‌ ಪತ್ತೆಯಾಗಿದ್ದು, ಅದನ್ನು ಜಪ್ತಿ ಮಾಡಿದ್ದಾರೆ. ಬಂಧಿತ ಮಹಿಳೆಯರನ್ನು ಹೆಚ್ಚಿನ ವಿಚಾರಣೆ ನಡೆಸಿದಾಗ ಅವರು ಉಳಿದುಕೊಳ್ಳಬೇಕಾದ ಲಾಡ್ಜ್‌ ವೊಂದರಲ್ಲಿ ಡ್ರಗ್ಸ್‌ ಇರುವ ಸಂಗತಿ ಬಾಯ್ಬಿಟ್ಟಿದ್ದರು. ಹೀಗಾಗಿ,ಲಾಡ್ಜ್‌ ಮೇಲೆ ದಾಳಿ ನಡೆಸಿದ ಅಧಿಕಾರಿಗಳು, ಅಲ್ಲಿದ್ದ 6,890 ಗ್ರಾಂ ಹೆರಾಯಿನ್‌ ವಶಪಡಿಸಿಕೊಂಡಿದ್ದಾರೆ.

ತನಿಖೆ ಮುಂದುವರಿದಂತೆ ಬೆಂಗಳೂರಿನಿಂದ ಮೂವರು ಮಹಿಳೆಯರು ರಾಜಧಾನಿ ಎಕ್ಸ್‌ಪ್ರೆಸ್‌ ರೈಲಿನಲ್ಲಿ ದಿಲ್ಲಿಗೆ 'ಡ್ರಗ್ಸ್‌' ಸಮೇತ ತೆರಳಿದ್ದು, ಅಲ್ಲಿಂದ ಮಧ್ಯಪ್ರದೇಶಕ್ಕೆ ಹೋಗಿರುವ ಬಗ್ಗೆ ಸುಳಿವು ಸಿಕ್ಕಿತ್ತು. ಈ ಮಾಹಿತಿಯನ್ನು ಇಲ್ಲಿನ ಅಧಿಕಾರಿಗಳು ಅಲ್ಲಿನ ಎನ್‌ಸಿಬಿ ಅಧಿಕಾರಿಗಳಿಗೆ ಕೊಟ್ಟಿದ್ದರು. ಹೀಗಾಗಿ, ಕ್ಷಿಪ್ರ ಕಾರ್ಯಾಚರಣೆ ಆರಂಭಿಸಿದ ಅಧಿಕಾರಿಗಳ ತಂಡ ಮಧ್ಯಪ್ರದೇಶದ ಇಂದೋರ್‌ನ ಲಾಡ್ಜ್‌ವೊಂದರಲ್ಲಿ ಮೂವರು ಮಹಿಳೆಯರನ್ನು ಬಂಧಿಸಿ ಅವರಿಂದ 21 ಕೆಜಿ ಹೆರಾಯಿನ್‌ ಜಪ್ತಿ ಮಾಡಿಕೊಂಡಿದ್ದಾರೆ.

The Narcotics Control Bureau (NCB), Bengaluru Zonal Unit (BZU), has seized around 35 kg of heroin along with Rs 5.8 lakh cash from a drug cartel comprising women from the North-East and their handler — a Nigerian national living in Delhi. The total worth of the seized heroin is said to be worth over Rs 52 crore in the grey market.