ಬೆಳ್ತಂಗಡಿ ಶಾಸಕನ ಬೆಂಬಲಿಗರಿಂದ ಗೂಂಡಾ ಪ್ರವೃತ್ತಿ ; ತುಳು ನಾಟಕ ನಿಲ್ಲಿಸಿ ಕಲಾವಿದರಿಗೆ ಹಲ್ಲೆ !

ಬ್ರೇಕಿಂಗ್ ನ್ಯೂಸ್

Mangalore Stabbing, Panemangalore, Crime, Attack: ಪಾಣೆಮಂಗಳೂರು ಹಳೆ ಸೇತುವೆ ಬಳಿ ಚೂರಿ ಇರಿತ ; ಕೈಗೆ ಬಿದ್ದ ತಲವಾರು ಏಟು, ಬೈಕಿನಲ್ಲಿ ಬಂದವರ ಕೃತ್ಯ | CM Siddaramaiah, New Dc Office Mangalore Inauguration: ‘’ಪ್ರಜಾಸೌಧ’’ ಡೀಸಿ ಕಚೇರಿ ಉದ್ಘಾಟನೆ ; ಸಚಿವ- ಶಾಸಕರ ಕ್ರೆಡಿಟ್ ವಾರ್, ಸ್ಮಾರ್ಟ್ ಸಿಟಿ ದುಡ್ಡಿನಲ್ಲಿ ಮಾಡಿದ್ದೀರಿ ಎಂದ ಶಾಸಕ ಕಾಮತ್, ನೀವ್ಯಾಕೆ ಮಾಡಿಸಿಲ್ಲಪ್ಪಾ ಎಂದು ಕೇಳಿದ ಸಿದ್ದರಾಮಯ್ಯ, ಕಟ್ಟಡ ಪಾಳು ಬಿದ್ದಿತ್ತು ಎಂದ ಸಚಿವ ಭೈರೇಗೌಡ! | Belagavi Protest, Quran Burnt, Police, Crime: ಮಸೀದಿಯಲ್ಲಿದ್ದ ಕುರಾನ್ ಕದ್ದು ಸುಟ್ಟ ಕಿಡಿಗೇಡಿಗಳು ; ಬೆಳಗಾವಿಯಲ್ಲಿ ಬೃಹತ್ ಪ್ರತಿಭಟನೆ, ಪೊಲೀಸರ ಮೇಲೆಯೇ ಚಪ್ಪಲಿ ಎಸೆತ, ಇನ್ಸ್‌ಪೆಕ್ಟರ್ ಗೆ ಅಮಾನತು ಶಿಕ್ಷೆ ! |

ಬೆಳ್ತಂಗಡಿ ಶಾಸಕನ ಬೆಂಬಲಿಗರಿಂದ ಗೂಂಡಾ ಪ್ರವೃತ್ತಿ ; ತುಳು ನಾಟಕ ನಿಲ್ಲಿಸಿ ಕಲಾವಿದರಿಗೆ ಹಲ್ಲೆ !

04-01-23 10:13 pm Mangalore Correspondent ಕರಾವಳಿ

ಸರಕಾರಿ ಶಾಲೆಯಲ್ಲಿ ತುಳು ನಾಟಕ ನಡೆಯುತ್ತಿದ್ದಾಗ ಬೆಳ್ತಂಗಡಿ ಶಾಸಕ ಹರೀಶ್ ಪೂಂಜ ಬೆಂಬಲಿಗರು ಅಲ್ಲಿಗೆ ನುಗ್ಗಿ ದಾಂಧಲೆ ನಡೆಸಿದ ಘಟನೆ ತಡವಾಗಿ ಬೆಳಕಿಗೆ ಬಂದಿದ್ದು, ಘಟನೆ ಬಗ್ಗೆ ಭಾರೀ ಆಕ್ರೋಶ ವ್ಯಕ್ತವಾಗಿದೆ.

ಮಂಗಳೂರು, ಜ.4: ಸರಕಾರಿ ಶಾಲೆಯಲ್ಲಿ ತುಳು ನಾಟಕ ನಡೆಯುತ್ತಿದ್ದಾಗ ಬೆಳ್ತಂಗಡಿ ಶಾಸಕ ಹರೀಶ್ ಪೂಂಜ ಬೆಂಬಲಿಗರು ಅಲ್ಲಿಗೆ ನುಗ್ಗಿ ದಾಂಧಲೆ ನಡೆಸಿದ ಘಟನೆ ತಡವಾಗಿ ಬೆಳಕಿಗೆ ಬಂದಿದ್ದು, ಘಟನೆ ಬಗ್ಗೆ ಭಾರೀ ಆಕ್ರೋಶ ವ್ಯಕ್ತವಾಗಿದೆ.

ಜನವರಿ 1ರಂದು ಸಂಜೆ ಆರಂಬೋಡಿ ಸರಕಾರಿ ಶಾಲೆಯ ವಾರ್ಷಿಕೋತ್ಸವದ ಹಿನ್ನೆಲೆಯಲ್ಲಿ ಸುರತ್ಕಲ್ಲಿನ ತುಳುವೆರ್ ತುಡರ್ ತಂಡದ ವತಿಯಿಂದ ನಾಟಕ ಹಮ್ಮಿಕೊಳ್ಳಲಾಗಿತ್ತು. ವಾರ್ಷಿಕೋತ್ಸವ ಕಾರ್ಯಕ್ರಮಕ್ಕೆ ಶಾಸಕ ಹರೀಶ್ ಪೂಂಜ ಮುಖ್ಯ ಅತಿಥಿಯಾಗಿದ್ದರು. ಆದರೆ ಶಾಸಕರು ಕಾರ್ಯಕ್ರಮಕ್ಕೆ ಬರುವಾಗ ಎರಡು ಗಂಟೆ ತಡವಾಗಿತ್ತು. ಆ ಸಂದರ್ಭದಲ್ಲಿ ತುಳು ನಾಟಕ ನಡೆಯುತ್ತಿತ್ತು. ಆದರೆ ಶಾಸಕರ ಜೊತೆಗಿದ್ದ ಬೆಂಬಲಿಗರು ನಾಟಕ ನಿಲ್ಲಿಸಿ, ಶಾಸಕರಿಗೆ ವೇದಿಕೆಯಲ್ಲಿ ಮಾತನಾಡಲು ಅವಕಾಶ ನೀಡಬೇಕೆಂದು ಒತ್ತಾಯಿಸಿದ್ದಾರೆ.

ತುಳು ನಾಟಕ ಅರ್ಧ ಮುಗಿದಿದ್ದು, ಪ್ರಮುಖ ಸೀನ್ ಗಳಷ್ಟೇ ಬಾಕಿ ಉಳಿದಿದ್ದವು. ಹೀಗಾಗಿ ನಾಟಕ ತಂಡದವರು ಈ ಹೊತ್ತಿನಲ್ಲಿ ನಾಟಕ ನಿಲ್ಲಿಸಿದರೆ ಜನರಿಗೆ ನೀರಸ ಆಗುತ್ತದೆ ಎಂದು ಹೇಳಿ ನಿರಾಕರಿಸಿದ್ದರು. ಇದಕ್ಕೆ ಆಕ್ಷೇಪಿಸಿದ ಶಾಸಕರ ಜೊತೆಗಿದ್ದ ಬೆಂಬಲಿಗರು ನಾಟಕ ಕಲಾವಿದರ ಮೇಲೆ ಹಲ್ಲೆಗೆ ಯತ್ನಿಸಿದ್ದಾರೆ. ನಾಟಕ ಕಲಾವಿದರು ಮನವೊಲಿಸಲು ಯತ್ನಿಸಿದರೂ ಕೇಳದೆ ಅವರ ಮೇಲೆ ಹಲ್ಲೆ ನಡೆಸಿದ್ದಾರೆಂದು ದೂರಲಾಗಿದೆ.

ಮಹಿಳಾ ಕಲಾವಿದರು ಇರುವ ನಡುವೆಯೇ ಶಾಸಕರ ಬೆಂಬಲಿಗರು ದಾಂಧಲೆ ನಡೆಸಿದ್ದು, ರಾತ್ರಿ ವೇಳೆ ವಿದ್ಯುತ್ ಸಂಪರ್ಕವನ್ನು ಏಕಾಏಕಿ ಕಡಿತಗೊಳಿಸಿ ಕಲಾವಿದರ ಮೇಲೆ ಹಲ್ಲೆಗೆ ಯತ್ನಿಸಿದ್ದಾರೆ. ಘಟನೆ ಬಗ್ಗೆ ಮಂಗಳೂರಿನಲ್ಲಿ ತುಳು ನಾಟಕ ಕಲಾವಿದರ ಒಕ್ಕೂಟದ ಸದಸ್ಯರು ಸಭೆ ಸೇರಿ ಘಟನೆಯನ್ನು ಖಂಡಿಸಿದ್ದು ಈ ರೀತಿ ವರ್ತಿಸಿ ಶಾಸಕರ ಬೆಂಬಲಿಗರು ಕ್ಷಮೆ ಯಾಚಿಸಬೇಕೆಂದು ಒತ್ತಾಯ ಮಾಡಿದ್ದಾರೆ.

A group of supporters of MLA Harish Poonja allegedy vandalised the stage when a drama by Tuluver Tudar team of Surathkal was in progress and assaulted the artistes in a government school on January 1. On the New Year night, when the play was in progress as a part of Arambodi Government School anniversary, Poonja's supporters barged on to the stage forcing the play to be stopped and urged the organisers to allow MLA Harish Poonja to speak.