ಪ್ರಿಯಾಂಕ ಗಾಂಧಿಗೆ ಗೃಹ ಬಂಧನ ; ಸೀತಾಪುರ್ ಗೆಸ್ಟ್ ಹೌಸನ್ನೇ ಜೈಲನ್ನಾಗಿಸಿದ ಪೊಲೀಸರು !

ಬ್ರೇಕಿಂಗ್ ನ್ಯೂಸ್

ನೀಟ್ ಪರೀಕ್ಷೆಗೆ ಒತ್ತಡ ಹೇರಿದ್ದಕ್ಕೆ ತಂದೆಯನ್ನೇ ಕೊಂದ ಮಗ ; ತಂಗಿಯ ಎದುರಲ್ಲೇ ದೇಹವನ್ನ ತುಂಡು ತುಂಡಾಗಿ ಕತ್ತರಿಸಿ ಡ್ರಮ್ ಗೆ ತುಂಬಿದ ಕಟುಕ, ಕಥೆ ಕಟ್ಟಲು ಹೋಗಿ ಪೊಲೀಸರ ಕೈಗೆ ತಗ್ಲಾಕೊಂಡ ನರರಾಕ್ಷಸ ! | ವಂದೇ ಮಾತರಂ ಕಡ್ಡಾಯ ಕ್ರಮಕ್ಕೆ ಜಮಾತೆ ಉಲೆಮಾ ಹಿಂದ್ ವಿರೋಧ ; ಏಕಪಕ್ಷೀಯ, ನಿರಂಕುಶ, ಸಂವಿಧಾನ ವಿರೋಧಿ ಎಂದ ಉಲೆಮಾ ಅಧ್ಯಕ್ಷ ಮೌಲಾನಾ ಅರ್ಷದ್ ಮದನಿ | ಮೋದಿ ಹೆಸರಲ್ಲಿ ಹತ್ತು ನಮೋ ಕುಟೀರ ನಿರ್ಮಾಣ ಯೋಜನೆ ; ಅಡ್ಕ ಭಗವತಿ ಕ್ಷೇತ್ರದ ದರ್ಶನ ಪಾತ್ರಿಗೆ ಏಳನೇ ಮನೆ ಶಿಲಾನ್ಯಾಸದಲ್ಲಿ ಸಂತೋಷ್ ಬೋಳ್ಯಾರ್ |

ಪ್ರಿಯಾಂಕ ಗಾಂಧಿಗೆ ಗೃಹ ಬಂಧನ ; ಸೀತಾಪುರ್ ಗೆಸ್ಟ್ ಹೌಸನ್ನೇ ಜೈಲನ್ನಾಗಿಸಿದ ಪೊಲೀಸರು !

05-10-21 08:06 pm Headline Karnataka News Network ದೇಶ - ವಿದೇಶ

ಹಿಂಸಾಚಾರ ಪೀಡಿತ ಲಖೀಮ್ ಪುರ್ ಖೇರಿಗೆ ನಿಷೇಧಾಜ್ಞೆ ಉಲ್ಲಂಘಿಸಿ ಭೇಟಿ ನೀಡಿದ್ದ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕ ಗಾಂಧಿಯನ್ನು ಪೊಲೀಸರು ಬಂಧಿಸಿದ್ದು, ಇನ್ನೂ ಸೀತಾಪುರದ ಗೆಸ್ಟ್ ಹೌಸ್ ನಲ್ಲಿ ಗೃಹ ಬಂಧನದಲ್ಲಿಯೇ ಇರಿಸಿದ್ದಾರೆ.

ಲಕ್ನೋ, ಅ.5: ಹಿಂಸಾಚಾರ ಪೀಡಿತ ಲಖೀಮ್ ಪುರ್ ಖೇರಿಗೆ ನಿಷೇಧಾಜ್ಞೆ ಉಲ್ಲಂಘಿಸಿ ಭೇಟಿ ನೀಡಿದ್ದ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕ ಗಾಂಧಿಯನ್ನು ಪೊಲೀಸರು ಬಂಧಿಸಿದ್ದು, ಇನ್ನೂ ಸೀತಾಪುರದ ಗೆಸ್ಟ್ ಹೌಸ್ ನಲ್ಲಿ ಗೃಹ ಬಂಧನದಲ್ಲಿಯೇ ಇರಿಸಿದ್ದಾರೆ. ಅವರನ್ನು ಸೋಮವಾರ ನಸುಕಿನ ನಾಲ್ಕು ಗಂಟೆಗೆ ಪೊಲೀಸರು ಅಡ್ಡಗಟ್ಟಿ, ವಶಕ್ಕೆ ಪಡೆದಿದ್ದರು.

ಹಿಂಸಾಚಾರ ಹಿನ್ನೆಲೆಯಲ್ಲಿ ಲಖೀಂಪುರ್ ಖೇರಿಯಲ್ಲಿ 144 ಸೆಕ್ಷನ್ ಹೇರಲಾಗಿದ್ದು, ಅಲ್ಲಿಗೆ ಯಾವುದೇ ಇತರ ಭಾಗದ ನಾಯಕರು ತೆರಳುವಂತಿಲ್ಲ ಎಂದು ನಿರ್ಬಂಧ ಹೇರಲಾಗಿದೆ. ಹಿಂಸಾಚಾರದಲ್ಲಿ ಎಂಟು ಮಂದಿ ಮಡಿದಿದ್ದು, ಅವರ ಮನೆಗೆ ಭೇಟಿ ನೀಡುವ ಸಲುವಾಗಿ ಪ್ರಿಯಾಂಕ ಗಾಂಧಿ ಆಗಮಿಸಿದ್ದರು. ಆದರೆ, ಅವರನ್ನು ಲಕ್ನೋದಲ್ಲಿಯೇ ವಶಕ್ಕೆ ಪಡೆಯಲು ಪೊಲೀಸರು ಮುಂದಾಗಿದ್ದರು. ಆದರೆ, ಪೊಲೀಸರ ಕಣ್ತಪ್ಪಿಸಿ ಕಾಂಗ್ರೆಸ್ ನಾಯಕರ ವಾಹನದಲ್ಲಿ ತೆರಳಿದ್ದು, ಪೊಲೀಸರು ಐದು ಗಂಟೆಗಳ ಕಾಲ ಬೆನ್ನಟ್ಟಿ ಪ್ರಿಯಾಂಕರನ್ನು ವಶಕ್ಕೆ ಪಡೆದು ಸೀತಾಪುರ್ ಗೆಸ್ಟ್ ಹೌಸಿಗೆ ಕರೆ ತಂದಿದ್ದರು.

ಪೊಲೀಸರು ಗೆಸ್ಟ್ ಹೌಸ್ ಅನ್ನೇ ಜೈಲನ್ನಾಗಿ ಪರಿವರ್ತಿಸಿ ಪ್ರಿಯಾಂಕ ಗಾಂಧಿಯನ್ನು ಗೃಹ ಬಂಧನ ಇರಿಸಿದ್ದಾರೆ. ಪ್ರಿಯಾಂಕ ಬಿಡುಗಡೆಗಾಗಿ ಅಲ್ಲಿಯೇ ಹೊರಗಡೆ ಕಾಂಗ್ರೆಸ್ ಕಾರ್ಯಕರ್ತರು ಪ್ರತಿಭಟನೆ ಆರಂಭಿಸಿದ್ದಾರೆ. ನಿರ್ಬಂಧವನ್ನು ಉಲ್ಲಂಘಿಸಿದ್ದಕ್ಕಾಗಿ ಸೆಕ್ಷನ್ 151 ಮತ್ತು 107 ಮೇಲೆ ಅವರ ವಿರುದ್ಧ ಕೇಸು ಹಾಕಲಾಗಿದೆ. ನಿರ್ಬಂಧ ಉಲ್ಲಂಘನೆ ಮತ್ತು ಮುಂಜಾಗ್ರತಾ ಕ್ರಮವಾಗಿ ಪೊಲೀಸರು ಆಕೆಯನ್ನು ಬಂಧಿಸಿದ್ದು, ಬಿಡುಗಡೆಗಾಗಿ ಮುಂದೆ ಈ ರೀತಿ ಕಾನೂನು ಉಲ್ಲಂಘಿಸುವುದಿಲ್ಲ ಎಂದು ಬಾಂಡ್ ಬರೆದು ಕೊಡಬೇಕಾಗಿದೆ.

Over a day after Priyanka Gandhi was detained, sources have said that the Congress leader has been formally arrested for violating Section 144 of the Indian Penal Code, for disrupting peace and under other sections. Gandhi was detained on her way to meet farmers in the violence-hit Lakhimpur Kheri district in Uttar Pradesh. She was going to meet the families of farmers who were killed in violence when she was detained on Sunday night.