WHO ಫೌಂಡೇಶನ್ ಸಿಇಓ ಭಾರತ ಮೂಲದ ಅನಿಲ್ ಸೋನಿ

08-12-20 03:59 pm Headline Karnataka News Network ದೇಶ - ವಿದೇಶ

ಅನಿಲ್ ಸೋನಿ ಅವರನ್ನು ದಿ ಡಬ್ಲ್ಯುಎಚ್ ಓ ಫೌಂಡೇಶನ್ ಇದರ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯಾಗಿ ನೇಮಕ ಮಾಡಲಾಗಿದೆ.

ನವದೆಹಲಿ, ಡಿ.8: ಜಾಗತಿಕ ಆರೋಗ್ಯ ತಜ್ಞನೆಂದು ಹೆಸರಾಗಿರುವ ಭಾರತ ಮೂಲದ ಅನಿಲ್ ಸೋನಿ ಅವರನ್ನು ವಿಶ್ವ ಆರೋಗ್ಯ ಸಂಸ್ಥೆಯ ಅಧೀನ ಸಂಸ್ಥೆ ದಿ ಡಬ್ಲ್ಯುಎಚ್ ಓ ಫೌಂಡೇಶನ್ ಇದರ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯಾಗಿ ನೇಮಕ ಮಾಡಲಾಗಿದೆ. ಭಾರತ ಮೂಲದ ವ್ಯಕ್ತಿ ಈ ಉನ್ನತ ಹುದ್ದೆಗೇರಿದ್ದು ಇದೇ ಮೊದಲು.

ಜಾಗತಿಕ ಆರೋಗ್ಯ ಸವಾಲುಗಳನ್ನು ಎದುರಿಸುವ ನಿಟ್ಟಿನಲ್ಲಿ ವಿಶ್ವ ಆರೋಗ್ಯ ಸಂಸ್ಥೆಯಿಂದ ಹೊಸ ಮಾದರಿಯ ಫೌಂಡೇಶನ್ ಒಂದನ್ನು ಇತ್ತೀಚೆಗೆ ಸ್ಥಾಪನೆ ಮಾಡಲಾಗಿತ್ತು. ಅನಿಲ್ ಸೋನಿ, ಮುಂದಿನ ಜನವರಿ ಒಂದರಂದು ಫೌಂಡೇಶನ್ ಸಿಇಓ ಆಗಿ ಅಧಿಕಾರ ಸ್ವೀಕರಿಸಲಿದ್ದಾರೆ.

ಅನಿಲ್ ಸೋನಿ ಈ ಮೊದಲು ಬಹುರಾಷ್ಟ್ರೀಯ ಫಾರ್ಮಾಸುಟಿಕಲ್ ಸಂಸ್ಥೆ ವಿಯಾಟ್ರಿಸ್ ನಲ್ಲಿ ಎಂಟು ವರ್ಷಗಳ ಕಾಲ ಸೇವೆ ಸಲ್ಲಿಸಿದ್ದರು. ವಿಯಾಟ್ರಿಸ್ ನಲ್ಲಿ ಜಾಗತಿಕ ಸಾಂಕ್ರಾಮಿಕ ರೋಗಗಳ ವಿಭಾಗದ ಪ್ರಮುಖರಾಗಿ ಕಾರ್ಯ ನಿರ್ವಹಿಸಿದ್ದರು. ವಿಶ್ವ ಆರೋಗ್ಯ ಸಂಸ್ಥೆಯ ಡೈರೆಕ್ಟರ್ ಜನರಲ್ ಡಾ.ಟೆಡ್ರಾಸ್ ಅಧಾನಮ್, ಅನಿಲ್ ಸೋನಿಯವರ ನೇಮಕದ ಬಗ್ಗೆ ಘೋಷಣೆ ಮಾಡಿದ್ದು, ಎರಡು ದಶಕಗಳಲ್ಲಿ ಅನಿಲ್ ಸೋನಿ ಜಾಗತಿಕವಾಗಿ ಎಚ್ಐವಿ, ಏಡ್ಸ್ ಮತ್ತಿತರ ಸಾಂಕ್ರಾಮಿಕ ರೋಗಗಳ ನಿಯಂತ್ರಣಕ್ಕಾಗಿ ಸೇವೆ ಸಲ್ಲಿಸಿದ್ದಾರೆ. ಅವರೊಬ್ಬ ಯಶಸ್ವೀ ಆವಿಷ್ಕಾರಿ ಎಂದು ಹೇಳಿದ್ದಾರೆ.

The World Health Organization Foundation has appointed an Indian-origin health expert, Anil Soni, as its first Chief Executive Officer (CEO) to address the most vital health challenges all across the globe.