ನೇಪಾಳ ; ಟೇಕಾಫ್ ವೇಳೆ ರನ್‌ ವೇನಲ್ಲೇ ಹೊತ್ತಿ ಉರಿದ ವಿಮಾನ, ಸಿಬ್ಬಂದಿ ಸೇರಿ 19 ಮಂದಿ ಪ್ರಯಾಣಿಕರ ಸಜೀವ ದಹನ

ಬ್ರೇಕಿಂಗ್ ನ್ಯೂಸ್

Manjunath Bhandary, Kukke Temple, Mangalore: ಮೇ 16ರಂದು ಸಿದ್ದರಾಮಯ್ಯ ಮಂಗಳೂರಿಗೆ, ನೂತನ ಜಿಲ್ಲಾಧಿಕಾರಿ ಕಚೇರಿ ಉದ್ಘಾಟನೆ, ಫಲಾನುಭವಿಗಳಿಗೆ ಸವಲತ್ತು ವಿತರಣೆ ; ಕುಕ್ಕೆ ಸುಬ್ರಹ್ಮಣ್ಯ ದೇಗುಲಕ್ಕೆ ಮಾಜಿ ರೌಡಿಶೀಟರ್ ನೇಮಕ ಬಗ್ಗೆ ಮಂಜುನಾಥ ಭಂಡಾರಿ ಸಮರ್ಥನೆ | ಪಾಕ್ ವಶದಲ್ಲಿದ್ದ ಬಿಎಸ್ಎಫ್ ಯೋಧ ಕೊನೆಗೂ ಬಿಡುಗಡೆ ; ಮಾತುಕತೆ ಬಳಿಕ ಸುರಕ್ಷಿತ ಹಸ್ತಾಂತರಿಸಿದ ಪಾಕ್ ಸೇನೆ | Lokayuta, Arrest, Bantwal, Mangalore: ಗಂಡನ ಪಿಂಚಣಿ ಕೇಳಲು ಹೋದ ಪತ್ನಿಯಿಂದ ಲಂಚ ಕೇಳಿದ ಕಂದಾಯ ಅಧಿಕಾರಿಗಳು ; ಬಂಟ್ವಾಳದಲ್ಲಿ ಇಬ್ಬರು ರೆಡ್ ಹ್ಯಾಂಡ್ ಲೋಕಾಯುಕ್ತ ಬಲೆಗೆ |

ನೇಪಾಳ ; ಟೇಕಾಫ್ ವೇಳೆ ರನ್‌ ವೇನಲ್ಲೇ ಹೊತ್ತಿ ಉರಿದ ವಿಮಾನ, ಸಿಬ್ಬಂದಿ ಸೇರಿ 19 ಮಂದಿ ಪ್ರಯಾಣಿಕರ ಸಜೀವ ದಹನ

24-07-24 01:48 pm HK News Desk ದೇಶ - ವಿದೇಶ

ಟೇಕ್ ಆಫ್‌ ವೇಳೆ ನೆಲಕ್ಕೆ ಅಪ್ಪಳಿಸಿದ ವಿಮಾನ 18 ಮಂದಿಯನ್ನು ಬಲಿ ತೆಗೆದುಕೊಂಡ ಘಟನೆ ನೇಪಾಳ ದೇಶದ ರಾಜಧಾನಿ ಕಠ್ಮಂಡು ವಿಮಾನ ನಿಲ್ದಾಣದಲ್ಲಿ ಸಂಭವಿಸಿದೆ.

ಕಠ್ಮಂಡು, ಜುಲೈ 24: ಟೇಕ್ ಆಫ್‌ ವೇಳೆ ನೆಲಕ್ಕೆ ಅಪ್ಪಳಿಸಿದ ವಿಮಾನ 18 ಮಂದಿಯನ್ನು ಬಲಿ ತೆಗೆದುಕೊಂಡ ಘಟನೆ ನೇಪಾಳ ದೇಶದ ರಾಜಧಾನಿ ಕಠ್ಮಂಡು ವಿಮಾನ ನಿಲ್ದಾಣದಲ್ಲಿ ಸಂಭವಿಸಿದೆ. 19 ಮಂದಿ ಪ್ರಯಾಣಿಕರಿದ್ದ ಈ ವಿಮಾನದ ಅವಶೇಷದಿಂದ ಈವರೆಗೆ 18 ಮಂದಿಯ ಮೃತ ದೇಹವನ್ನು ಹೊರ ತೆಗೆಯಲಾಗಿದೆ.

ಜುಲೈ 24 ಬುಧವಾರ ಬೆಳಗ್ಗೆ 11 ಗಂಟೆ ಸುಮಾರಿಗೆ ಈ ಘಟನೆ ನಡೆದಿದೆ. ಈ ವಿಮಾನದಲ್ಲಿ ಪ್ರಯಾಣಿಕರು, ಕ್ಯಾಬಿನ್ ಸಿಬ್ಬಂದಿ ಹಾಗೂ ತಾಂತ್ರಿಕ ಸಿಬ್ಬಂದಿ ಸೇರಿದಂತೆ ಒಟ್ಟು 19 ಮಂದಿ ಪ್ರಯಾಣಿಸುತ್ತಿದ್ದರು. ನೇಪಾಳದ ಪೋಖರಾಗೆ ಹೊರಡುತ್ತಿದ್ದ ಈ ವಿಮಾನವು ಸೂರ್ಯ ಏರ್‌ಲೈನ್ಸ್‌ ವಿಮಾನ ಯಾನ ಸಂಸ್ಥೆಗೆ ಸೇರಿತ್ತು.

ನೇಪಾಳ ಮಿಲಿಟರಿ ನೀಡಿರುವ ಮಾಹಿತಿ ಪ್ರಕಾರ ಬೆಳಗ್ಗೆ 11 ಗಂಟೆ ಸುಮಾರಿಗೆ ವಿಮಾನದಲ್ಲಿ ಬೆಂಕಿ ಹೊತ್ತಿಕೊಂಡಿತ್ತು. ಇದೀಗ ವಿಮಾನದ ಪೈಲಟ್ ಹೊರತುಪಡಿಸಿ ಮಿಕ್ಕೆಲ್ಲ 18 ಮಂದಿ ಸಾವನ್ನಪ್ಪಿದ್ದಾರೆ. ತೀವ್ರವಾಗಿ ಗಾಯಗೊಂಡಿರುವ ಪೈಲಟ್‌ ಅನ್ನು ಆಸ್ಪತ್ರೆಗೆ ರವಾನೆ ಮಾಡಲಾಗಿದ್ದು, ಅವರ ಸ್ಥಿತಿ ಕೂಡಾ ಗಂಭೀರವಾಗಿದೆ. ಘಟನೆ ಹಿನ್ನೆಲೆಯಲ್ಲಿ ವಿಮಾನ ನಿಲ್ದಾಣಕ್ಕೆ ಬಿಗಿ ಭದ್ರತೆ ಒದಗಿಸಲಾಗಿದ್ದು, ಹೆಚ್ಚುವರಿ ಭದ್ರತಾ ಸಿಬ್ಬಂದಿ ನಿಯೋಜನೆ ಮಾಡಲಾಗಿದೆ.

ವಿಮಾನ ಅಪಘಾತದ ಕುರಿತಾಗಿ ಮಾಧ್ಯಮಗಳಿಗೆ ಅಧಿಕೃತ ಮಾಹಿತಿ ನೀಡಿರುವ ಏರ್‌ಪೋರ್ಟ್‌ನ ವಕ್ತಾರರು, ವಿಮಾನ ನಿಲ್ದಾಣದಿಂದ ಟೇಕ್ ಆಫ್ ಆಗುತ್ತಿದ್ದ ವಿಮಾನ ರನ್‌ ವೇನಲ್ಲೇ ಸ್ಕಿಡ್ ಆಯ್ತು. ಬಳಿಕ ವಿಮಾನಕ್ಕೆ ಬೆಂಕಿ ಹೊತ್ತಿಕೊಂಡಿದೆ ಎಂದು ವಿವರಿಸಿದ್ದಾರೆ.

ಅಪಘಾತಕ್ಕೆ ತುತ್ತಾದ ಈ ವಿಮಾನವು ಸಿಆರ್‌ಜೆ 200 ಮಾದರಿ ವಿಮಾನ ಎಂದು ತಾಂತ್ರಿಕ ಸಿಬ್ಬಂದಿ ಮಾಹಿತಿ ನೀಡಿದ್ದಾರೆ. ಈ ವಿಮಾನ ಒಟ್ಟು 50 ಪ್ರಯಾಣಿಕರನ್ನು ಹೊತ್ತೊಯ್ಯುವ ಸಾಮರ್ಥ್ಯ ಹೊಂದಿತ್ತು. ಟೇಕ್ ಆಫ್ ವೇಳೆ ಈ ವಿಮಾನ ನಿಗದಿತ ಎತ್ತರಕ್ಕೆ ಏರಲು ಸಾಧ್ಯ ಆಗಲಿಲ್ಲ. ಹೀಗಾಗಿ, ರನ್‌ ವೇನಲ್ಲೇ ಮುಂದೆ ಸಾಗುತ್ತಿದ್ದ ವಿಮಾನ, ರನ್‌ ವೇ ಕೊನೆಯಲ್ಲಿನ ಹಳ್ಳಕ್ಕೆ ಬಿದ್ದ ಬಳಿಕ ಬೆಂಕಿ ಹೊತ್ತಿಕೊಂಡಿತ್ತು.

ನೇಪಾಳ ರಾಜಧಾನಿ ಕಠ್ಮಂಡು ನಗರದಲ್ಲಿ ಇರುವ ತ್ರಿಭುವನ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಬಳಿ ದಟ್ಟ ಹೊಗೆ ಆಗಸಕ್ಕೆ ಚಿಮ್ಮುತ್ತಿರುವ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ. ಬೆಂಕಿ ಹೊತ್ತಿಕೊಳ್ಳುತ್ತಿದ್ದಂತೆಯೇ ಬಹು ಬೇಗ ಅಗ್ನಿಯ ಕೆನ್ನಾಲಗೆ ಇಡೀ ವಿಮಾನವನ್ನು ವ್ಯಾಪಿಸಿತು.

ಕೂಡಲೇ ಅಗ್ನಿ ಶಾಮಕ ದಳ ಸ್ಥಳಕ್ಕೆ ಧಾವಿಸಿತಾದರೂ ಅಷ್ಟರಲ್ಲಾಗಲೇ ತುಂಬಾ ತಡವಾಗಿತ್ತು. ಬೆಂಕಿ ನಂದಿಸಲು ಅಗ್ನಿಶಾಮಕ ದಳ ಹಾಗೂ ನೇಪಾಳ ಸೇನೆ ಹರಸಾಹಸ ನಡೆಸಿತು. ವಿಮಾನ ಹಳ್ಳದಂಥಾ ಜಾಗದ ಬಳಿ ಬಂದ ಕೂಡಲೇ ಬೆಂಕಿ ಹೊತ್ತಿಕೊಳ್ಳಲು ಕಾರಣ ಏನು ಅನ್ನೋದು ಇನ್ನೂ ಖಚಿತವಾಗಿಲ್ಲ. ಈ ಕುರಿತಾಗಿ ನೇಪಾಳ ಸರ್ಕಾರ ತನಿಖೆ ನಡೆಸಲು ಮುಂದಾಗಿದ್ದು, ರಕ್ಷಣಾ ಕಾರ್ಯಾಚರಣೆ ಭರದಿಂದ ಸಾಗಿದೆ ಎಂದು ಮಾಹಿತಿ ನೀಡಿದೆ.

Nepal : Saurya Airlines CRJ-200 had crashed on take-off at Kathmandu-Tribhuvan Intl Airport(VNKT), Nepal with 19 people on board. The flight was bound for Pokhara. More to come.. pic.twitter.com/1Pk4xxo40g
— Baba Banaras™ (@RealBababanaras) July 24, 2024

A domestic plane crashed Wednesday just after taking off from the airport serving Nepal's capital, killing 18 people and injuring a pilot who was the lone survivor. Police official Basanta Rajauri said authorities have pulled out all 18 bodies. The only survivor was the pilot, who was taken to Kathmandu Medical College Hospital for treatment, said a doctor at the hospital who was not authorized to speak to media.