ಬಹುನಿರೀಕ್ಷಿತ Honor Pad V8 ಟ್ಯಾಬ್ಲೆಟ್ ಭರ್ಜರಿ ಎಂಟ್ರಿ!

ಬ್ರೇಕಿಂಗ್ ನ್ಯೂಸ್

DySP Kanakalakshmi arrested, suicide: ಬೋವಿ ನಿಗಮದ ಅವ್ಯವಹಾರ ಪ್ರಕರಣ ; 25 ಲಕ್ಷ ಲಂಚಕ್ಕೆ ಡಿಮ್ಯಾಂಡ್, ಮಹಿಳಾ ಉದ್ಯಮಿ ನಗ್ನಗೊಳಿಸಿ ಥರ್ಡ್ ಡಿಗ್ರಿ ಟ್ರೀಟ್ಮೆಂಟ್ ನೀಡಿದ್ದ ಡಿವೈಎಸ್ಪಿ ಕನಕಲಕ್ಷ್ಮಿ, ಆತ್ಮಹತ್ಯೆ ಪ್ರಕರಣದಲ್ಲಿ ಜೈಲು ಸೇರಿದ ಮಹಿಳಾ ಅಧಿಕಾರಿ | Mangalore, VHP, NIA, Illegal Arms: ಕರಾವಳಿಯಲ್ಲಿ ನಿಷೇಧಿತ ಪಿಎಫ್ಐ ಮುಖಂಡರಿಗೆ ಪಿಸ್ತೂಲ್ ಪ್ರಕರಣ ; ವಿಧ್ವಂಸಕ ಕೃತ್ಯದ ಸಂಚಿನ ಬಗ್ಗೆ ವಿಶ್ವ ಹಿಂದು ಪರಿಷತ್ ಶಂಕೆ, ಎನ್ಐಎ ತನಿಖೆಗೆ ಆಗ್ರಹ | Mohan Gowda, Mangalore: ಬಿ.ಸಿ.ರೋಡಿನಲ್ಲಿ ಮಾ.16ರಂದು ಹಿಂದು ರಾಷ್ಟ್ರ ಪ್ರಾಂತೀಯ ಅಧಿವೇಶನ, ದೇಶದ ಹತ್ತು ರಾಜ್ಯಗಳಲ್ಲಿ ಹಿಂದುಗಳು ಅಲ್ಪಸಂಖ್ಯಾತರು ; ಮೋಹನ್ ಗೌಡ |

ಬಹುನಿರೀಕ್ಷಿತ Honor Pad V8 ಟ್ಯಾಬ್ಲೆಟ್ ಭರ್ಜರಿ ಎಂಟ್ರಿ!

28-04-23 07:34 pm Source: Vijayakarnataka ಡಿಜಿಟಲ್ ಟೆಕ್

ಕೇವಲ 485 ಗ್ರಾಂ ತೂಗುವ ಮತ್ತು 7.35 ಮಿಮೀ ತೆಳ್ಳಗಿರುರುವ ಹೊಸ Honor Pad V8 ಟ್ಯಾಬ್ಲೆಟ್ ಹಿಂಭಾಗದಲ್ಲಿ ಕ್ಯಾಮೆರಾ ಸೆಟಪ್ ಇರುವ ಪ್ರೀಮಿಯಂ ವಿನ್ಯಾಸದಲ್ಲಿ ಬಂದಿದೆ.

ಕಳೆದ ಹಲವು ದಿನಗಳಿಂದ ವದಂತಿಗಳಿಂದಲೇ ಸದ್ದು ಮಾಡಿದ್ದ Honor ಕಂಪೆನಿಯ ಇತ್ತೀಚಿನ Honor Pad V8 ಟ್ಯಾಬ್ಲೆಟ್ ಇಂದು ಮಾರುಕಟ್ಟೆಗೆ ಭರ್ಜರಿಯಾಗಿ ಎಂಟ್ರಿ ನೀಡಿದೆ. ಅತ್ಯಂತ ಪ್ರಮುಖ ವೈಶಿಷ್ಟ್ಯಗಳು ಮತ್ತು ಕೈಗೆಟುಕುವ ಬೆಲೆಯೊಂದಿಗೆ Honor Pad V8 ಟ್ಯಾಬ್ಲೆಟ್ ಬಿಡುಗಡೆಯಾಗುತ್ತಿದೆ ಎಂದು ಹಲವಾರು ವರದಿಗಳು ಸೂಚಿಸಿದ್ದವು. ಈ ಎಲ್ಲಾ ವರದಿಗಳನ್ನು ಹೊಸ Honor Pad V8 ಟ್ಯಾಬ್ಲೆಟ್ ನಿಜಗೊಳಿಸಿದ್ದು, 2.5K ರೆಸಲ್ಯೂಶನ್‌ ಸಾಮರ್ಥ್ಯದ ದೊಡ್ಡ ಡಿಸ್‌ಪ್ಲೇ, ಸಮರ್ಥವಾದ ಚಿಪ್‌ಸೆಟ್, 7,250 mAh ಬ್ಯಾಟರಿ ಮತ್ತು ಇನ್ನಿತರ ಪ್ರಮುಖ ವೈಶಿಷ್ಟ್ಯಗಳೊಂದಿಗೆ ಅತ್ಯುತ್ತಮ ಬೆಲೆಗಳಲ್ಲಿ ಮಾರುಕಟ್ಟೆಗೆ ಪರಿಚಯಗೊಂಡಿದೆ. ಹಾಗಾದರೆ, ಹೊಸ Honor Pad V8 ಟ್ಯಾಬ್ಲೆಟ್ ಹೇಗಿದೆ ಮತ್ತು ಬೆಲೆಗಳು ಎಷ್ಟು ಎಂಬ ಸಂಪೂರ್ಣ ವಿವರಗಳನ್ನು ಮುಂದೆ ಓದಿ ತಿಳಿಯೋಣ ಬನ್ನಿ.

Honor Pad V8 ಟ್ಯಾಬ್ಲೆಟ್ ವೈಶಿಷ್ಟ್ಯಗಳು.
ಕೇವಲ 485 ಗ್ರಾಂ ತೂಗುವ ಮತ್ತು 7.35 ಮಿಮೀ ತೆಳ್ಳಗಿರುರುವ ಹೊಸ Honor Pad V8 ಟ್ಯಾಬ್ಲೆಟ್ ಹಿಂಭಾಗದಲ್ಲಿ ಕ್ಯಾಮೆರಾ ಸೆಟಪ್ ಇರುವ ಪ್ರೀಮಿಯಂ ವಿನ್ಯಾಸದಲ್ಲಿ ಬಂದಿದೆ. ಈ ಟ್ಯಾಬ್‌ನಲ್ಲಿ 11 ಇಂಚಿನ ಎಲ್‌ಸಿಡಿ ಡಿಸ್‌ಪ್ಲೇ ನೀಡಲಾಗಿದ್ದು, ಈ ಡಿಸ್‌ಪ್ಲೇಯು 2560 x 1600 ಪಿಕ್ಸೆಲ್‌ 2.5K ರೆಸಲ್ಯೂಶನ್ ಮತ್ತು 120Hz ರಿಫ್ರೆಶ್ ರೇಟ್‌ ಬೆಂಬಲಿಸಲಿದೆ. ಕಾರ್ಯನಿರ್ವಹಣೆ ವಿಭಾಗದಲ್ಲಿ, 8 GB RAM ಮತ್ತು 256 GB ಸ್ಟೋರೇಜ್‌ನೊಂದಿಗೆ ಸಂಯೋಜಿಸಲಾಗಿರುವ ಮೀಡಿಯಾಟೆಕ್ ಡೈಮೆನ್ಸಿಟಿ 8020 ಪ್ರೊಸೆಸರ್ ಹೊಂದಿದೆ.

Honor Pad V8 launched as the first Dimensity 8020 chipset-powered tablet - Gizmochina

ಕ್ಯಾಮೆರಾ ವಿಭಾಗದಲ್ಲಿ, Honor Pad V8 ಟ್ಯಾಬ್ಲೆಟ್ ಹಿಂಭಾಗದಲ್ಲಿ ಎಲ್‌ಇಡಿ ಫ್ಲ್ಯಾಷ್ ಇರುವ ಡ್ಯುಯಲ್‌ ಕ್ಯಾಮೆರಾ ಸೆಟ್‌ಅಪ್‌ ಹೊಂದಿದೆ. ಇದ 13 ಮೆಗಾಪಿಕ್ಸೆಲ್ ಸಾಮರ್ಥ್ಯದ ಮುಖ್ಯ ಲೆನ್ಸ್ ಜೊತೆಗೆ 2 ಮೆಗಾಪಿಕ್ಸೆಲ್ ಸಾಮರ್ಥ್ಯದ ಡೆಪ್ತ್ ಲೆನ್ಸ್‌ಗಳಿಂದ ಶಕ್ತವಾಗಿದೆ. ಸೆಲ್ಫಿ ಮತ್ತು ವೀಡಿಯೊ ಕರೆಗಳಿಗಾಗಿ 5 ಮೆಗಾಪಿಕ್ಸೆಲ್ ಕ್ಯಾಮೆರಾ ಅಳವಡಿಸಲಾಗಿದೆ. ಇನ್ನು ಈ ಟ್ಯಾಬ್‌ 7,250mAh ಸಾಮರ್ಥ್ಯದ ಬಿಗ್‌ ಬ್ಯಾಟರಿ ಹೊಂದಿದ್ದು, ಇದು 22.5W ಫಾಸ್ಟ್ ಚಾರ್ಜಿಂಗ್ ಬೆಂಬಲ ಹೊಂದಿದೆ. ಜೊತೆಗೆ ಕ್ವಾಡ್ ಸ್ಪೀಕರ್‌ಗಳು ಸಹ ಇವೆ.

Honor Pad V8 First Premium Mid-Range Tablet With Dimensity 8020 Chipset, 2.5K Display Launched: Price, India Availability Timeline

Honor Pad V8 ಟ್ಯಾಬ್ಲೆಟ್ ಬೆಲೆ ಎಷ್ಟು?
ಹೊಸ Honor Pad V8 ಟ್ಯಾಬ್ಲೆಟ್ ಇದೀಗ ಚೀನಾ ಮಾರುಕಟ್ಟೆಯಲ್ಲಿ ಮಾತ್ರ ಪರಿಚಯಗೊಂಡಿದ್ದು, 8GB RAM + 128GB ಮತ್ತು GB RAM + 256 GB ಎರಡು ಸ್ಟೋರೇಜ್‌ ಮಾದರಿಗಳಲ್ಲಿ ಕ್ರಮವಾಗಿ 1,799 ಯುವಾನ್ (ಅಂದಾಜು 21,000 ರೂ.) ಹಾಗೂ 1,899 ಯುವಾನ್ (ಅಂದಾಜು 22,000 ರೂ) ಬೆಲೆಗಳಲ್ಲಿ ಬಿಡುಗಡೆಯಾಗಿದೆ. ಇನ್ನು ಭಾರತ ಸೇರಿದಂತೆ ಜಾಗತಿಕ ಮಾರುಕಟ್ಟೆಯಲ್ಲಿ Honor Pad V8 ಟ್ಯಾಬ್ಲೆಟ್ ಬಿಡುಗಡೆ ಯಾವಾಗ ಎಂಬ ಕುರಿತು ಈ ವರೆಗೂ ಕಂಪೆನಿಯಿಂದ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ.