ದೇಶದಲ್ಲಿ ಅಲ್ ಖೈದಾ ಉಗ್ರವಾದಿ ಗುಂಪಿಗೆ ಯುವಜನರ ಸೇರ್ಪಡೆ ; ಆಪರೇಶನ್ ಸಿಂಧೂರ ವಿರುದ್ಧ ಕಾರ್ಯಾಚರಣೆ, ಗುಜರಾತಿನಲ್ಲಿ ನಾಲ್ವರು ಶಂಕಿತ ಉಗ್ರರ ಸೆರೆ

ಬ್ರೇಕಿಂಗ್ ನ್ಯೂಸ್

Dharmasthala Case, SIT Meeting, Anucheth, Jitendra Kumar Dayama: ಧರ್ಮಸ್ಥಳ ಪ್ರಕರಣ ; ಮಂಗಳೂರಿನ ಐಜಿ ಕಚೇರಿಯಲ್ಲಿ ನಾಲ್ವರು ಐಪಿಎಸ್ ಅಧಿಕಾರಿಗಳ ತುರ್ತು ಸಭೆ ; ಬೆಳ್ತಂಗಡಿಯಲ್ಲೇ ಎಸ್ಐಟಿ ಕಚೇರಿ | DIG Anucheth Mangalore, SIT Dharmasthala: ಎಸ್ಐಟಿ ತಂಡದ ಡಿಐಜಿ ಅನುಚೇತ್ ಮಂಗಳೂರಿಗೆ ; ಧರ್ಮಸ್ಥಳ ಪ್ರಕರಣದ ಬಗ್ಗೆ ತನಿಖೆ ಆರಂಭಿಸಿದ ತಂಡ | ಹದಗೆಟ್ಟ ಸುರತ್ಕಲ್‌ - ಬಿ.ಸಿ. ರೋಡ್‌ ಹೆದ್ದಾರಿ ನಿರ್ವಹಣೆ ಎನ್‌ಎಚ್‌ಎಐಗೆ ಕೊಡಿ ; ಸಚಿವ ನಿತಿನ್ ಗಡ್ಕರಿಗೆ ಸಂಸದ ಬ್ರಿಜೇಶ್ ಚೌಟ ಮನವಿ |

ದೇಶದಲ್ಲಿ ಅಲ್ ಖೈದಾ ಉಗ್ರವಾದಿ ಗುಂಪಿಗೆ ಯುವಜನರ ಸೇರ್ಪಡೆ ; ಆಪರೇಶನ್ ಸಿಂಧೂರ ವಿರುದ್ಧ ಕಾರ್ಯಾಚರಣೆ, ಗುಜರಾತಿನಲ್ಲಿ ನಾಲ್ವರು ಶಂಕಿತ ಉಗ್ರರ ಸೆರೆ

24-07-25 12:01 pm HK News Desk ಕ್ರೈಂ

ನಿಷೇಧಿತ ಅಲ್‌ಖೈದಾ ಭಯೋತ್ಪಾದಕ ಸಂಘಟನೆ ಜತೆ ನಂಟು ಹೊಂದಿರುವ ಆರೋಪದ ಮೇರೆಗೆ ನಾಲ್ವರು ಶಂಕಿತ ಉಗ್ರರನ್ನು ಗುಜರಾತ್ ಉಗ್ರ ನಿಗ್ರಹ ದಳ (ಎಟಿಎಸ್) ಬಂಧಿಸಿದೆ.

ಅಹ್ಮದಾಬಾದ್, ಜುಲೈ 24 : ನಿಷೇಧಿತ ಅಲ್‌ಖೈದಾ ಭಯೋತ್ಪಾದಕ ಸಂಘಟನೆ ಜತೆ ನಂಟು ಹೊಂದಿರುವ ಆರೋಪದ ಮೇರೆಗೆ ನಾಲ್ವರು ಶಂಕಿತ ಉಗ್ರರನ್ನು ಗುಜರಾತ್ ಉಗ್ರ ನಿಗ್ರಹ ದಳ (ಎಟಿಎಸ್) ಬಂಧಿಸಿದೆ.

ಬಂಧಿತರನ್ನು ದಿಲ್ಲಿಯ ಮೊಹಮ್ಮದ್ ಪೈಕ್, ಗುಜರಾತ್‌ ನ ಅಹಮದಾಬಾದ್ ಮೂಲದ ಮೊಹಮ್ಮದ್ ಫರ್ದೀನ್, ಅರಾವಳಿ ಜಿಲ್ಲೆಯ ಸೈಫುಲ್ಲಾ ಖುರೇಶಿ ಮತ್ತು ಉತ್ತರಪ್ರದೇಶದ ನೋಯ್ಡಾದ ಜೀಶನ್ ಅಲಿ ಎಂದು ಗುರುತಿಸಲಾಗಿದೆ.

'ಬಂಧಿತರು 'ಭಾರತ ಉಪಖಂಡದಲ್ಲಿ ಅಲ್‌ಖೈದಾ' (ಎಕ್ಯೂಐಎಸ್) ಸಂಘಟನೆ ಜತೆಗೆ ಗುರುತಿಸಿಕೊಂಡಿದ್ದರು. ಇವರು ಮೂಲ ಸಂಘಟನೆ ಅಲ್‌ಖೈದಾ ಜತೆಗೆ ನಿರಂತರವಾಗಿ ಸಂಪರ್ಕ ಹೊಂದಿದ್ದರು. ಹಲವು ದಿನಗಳಿಂದ ಬಂಧಿತರ ಮೇಲೆ ಕಣ್ಣಿಡಲಾಗಿತ್ತು. ಖಚಿತ ಮಾಹಿತಿ ಮೇರೆಗೆ ಬಂಧಿಸಲಾಗಿದೆ ಎಂದು ಭಯೋತ್ಪಾದನೆ ನಿಗ್ರಹ ದಳದ ಡಿಐಜಿ ಸುನೀಲ್ ಜೋಷಿ ಮಾಹಿತಿ ನೀಡಿದ್ದಾರೆ.

ಇವರು ಜಾಲತಾಣದಲ್ಲಿ ಪರಸ್ಪರ ಸಂಪರ್ಕ ಹೊಂದಿದ್ದರು ಅಲ್ಲದೆ, ಪಾಕಿಸ್ತಾನಿಗಳ ಜೊತೆಗೆ ನಿರಂತರ ಕನೆಕ್ಷನ್ ಇಟ್ಟುಕೊಂಡಿದ್ದರು. ಭಾರತದಲ್ಲಿ ಆಪರೇಶನ್ ಸಿಂಧೂರ್ ವಿರುದ್ಧ ಯುವ ಜನರನ್ನು ಎತ್ತಿಕಟ್ಟುವುದು, ಆಮೂಲಕ ದೇಶದ ಆಂತರಿಕ ಭದ್ರತೆಗೆ ಅಪಾಯ ತರುವುದು, ಅಲ್ಲದೆ ದೇಶದಲ್ಲಿ ಷರಿಯಾ ಕಾನೂನು ತರುವ ಉದ್ದೇಶ ಹೊಂದಿದ್ದರು. ದಾಳಿ ನಡೆಸಿದ ವೇಳೆ ಮೊಹಮ್ಮದ್ ಪೈಕ್ ಮನೆಯಲ್ಲಿ ಜಿಹಾದಿ ಚಟುವಟಿಕೆ ಪ್ರಸಾರದ ಕುರಿತ ಪುಸ್ತಕ ಸಾಮಗ್ರಿಗಳು ಪತ್ತೆಯಾಗಿವೆ. ಸದ್ಯ ಅಲ್ ಕೈದಾ ಅಫ್ಘಾನಿಸ್ತಾನ ಮತ್ತು ಪಾಕಿಸ್ತಾನದಲ್ಲಿ ಸಕ್ರಿಯವಾಗಿದ್ದು ಭಾರತದಲ್ಲೂ ಪ್ರತಿಗಾಮಿ ಚಟುವಟಿಕೆಗಾಗಿ ಸಂಘಟನೆಯನ್ನು ಬೆಳೆಸುವ ಬಗ್ಗೆ ಟಾರ್ಗೆಟ್ ಇರಿಸಿದ್ದರು.‌

2024ರ ಮೇ 20ರಂದು ಅಹಮದಾಬಾದ್‌ನ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ನಾಲ್ವರು ಶಂಕಿತ ಐಸಿಸ್ ಉಗ್ರರನ್ನು ಎಟಿಎಸ್ ಬಂಧಿಸಿತ್ತು. 2023ರಲ್ಲಿ ಅಲ್‌ಖೈದಾ ಜತೆ ಸಂಪರ್ಕ ಹೊಂದಿದ್ದ ನಾಲ್ವರು ಬಾಂಗ್ಲಾದೇಶಿ ಪ್ರಜೆಗಳನ್ನು ಬಂಧಿಸಲಾಗಿತ್ತು. ಬಂಧಿತರು ಜಾಲತಾಣದಲ್ಲಿ ಸಕ್ರಿಯರಾಗಿದ್ದರು. ವಿವಿಧ ವೇದಿಕೆ ಮತ್ತು ಆ್ಯಪ್‌ ಗಳ ಮೂಲಕ ಆಲ್ ಖೈದಾ ಸಂಘಟನೆಯ ಸಿದ್ಧಾಂತದ ಪ್ರಚಾರದಲ್ಲಿ ತೊಡಗಿದ್ದರು ಎನ್ನಲಾಗಿದೆ.

In a major counter-terror operation, the Gujarat Anti-Terrorism Squad (ATS) has arrested four suspected operatives allegedly linked to the banned terrorist organization Al-Qaeda in the Indian Subcontinent (AQIS). The suspects have been identified as Mohammad Paik from Delhi, Mohammad Fardeen from Ahmedabad, Saifullah Qureshi from Aravalli district in Gujarat, and Zeeshan Ali from Noida, Uttar Pradesh.