ಕಸ್ಟಮ್ಸ್ ಅಧಿಕಾರಿಗಳ ಸೋಗಿನಲ್ಲಿ ಬೆಂಗಳೂರಿನಲ್ಲಿ ವಂಚನೆ ; ಮಂಗಳೂರಿನಲ್ಲಿ ಆಸ್ತಿ ಖರೀದಿಸಿ ಸಿಕ್ಕಿಬಿದ್ದ ದಂಪತಿ !

ಬ್ರೇಕಿಂಗ್ ನ್ಯೂಸ್

Zakariya Jokatte, Mangalore: ಮಂಗಳೂರಿನಲ್ಲಿ ಸ್ಕಿಲ್ ಡೆವಲಪ್ಮೆಂಟ್ ಸೆಂಟರ್, ಶಿಕ್ಷಣಕ್ಕಾಗಿ ಯುನಿವರ್ಸಿಟಿ ಕಟ್ಟುವ ಗುರಿ ಇದೆ ; ಸೌದಿಯಲ್ಲಿ ಅಲ್ ಮುಝೈನ್ ಉದ್ಯಮ ಸಮೂಹ ಕಟ್ಟಿದ ಝಕರಿಯಾ ಜೋಕಟ್ಟೆ ಮನದಾಳ | Udupi BJP, Kishore Kumar: ಉಡುಪಿ ಬಿಜೆಪಿಯಲ್ಲಿ ಬಡಿದಾಟ ಏಕೆ ? ಪಕ್ಷದ ಶಿಸ್ತಿನ ಸಿಪಾಯಿ ಕಿಶೋರ್ ಕುಮಾರ್ ಇಳಿಸಿದ್ಯಾರು? ಮೊಗವೀರ ಕೋಟಾಕ್ಕಾಗಿ ನಿಷ್ಠರನ್ನು ಹಣಿಯಲು ಹೊರಟರೇ ಪ್ರಬಲರು? | Journalist Vijay Kotian, Brand Mangalore Award: ಪತ್ರಕರ್ತ ವಿಜಯ ಕೋಟ್ಯಾನ್ ವರದಿಗೆ 'ಬ್ರ್ಯಾಂಡ್ ಮಂಗಳೂರು' ಪ್ರಶಸ್ತಿ |

ಕಸ್ಟಮ್ಸ್ ಅಧಿಕಾರಿಗಳ ಸೋಗಿನಲ್ಲಿ ಬೆಂಗಳೂರಿನಲ್ಲಿ ವಂಚನೆ ; ಮಂಗಳೂರಿನಲ್ಲಿ ಆಸ್ತಿ ಖರೀದಿಸಿ ಸಿಕ್ಕಿಬಿದ್ದ ದಂಪತಿ !

25-11-22 12:02 pm Bangalore Correspondent ಕ್ರೈಂ

ಕಸ್ಟಮ್ಸ್‌ ಅಧಿಕಾರಿಗಳ ಸೋಗಿನಲ್ಲಿ ಹಣ ವಸೂಲಿ ಮಾಡುತ್ತಿದ್ದ ಜೋಡಿಯನ್ನು ಬೆಂಗಳೂರು ಪೊಲೀಸರು ಬಂಧಿಸಿದ್ದಾರೆ. ಬಂಧಿತರನ್ನು ದರ್ಬಿನ್‌ ದಾಸ್‌ ಅಲಿಯಾಸ್‌ ಮೋಹನ್‌ ದಾಸ್‌ ಮತ್ತು ಆತನ ಪತ್ನಿ ಧನುಷ್ಯ ಅಲಿಯಾಸ್‌ ರಾಚೆಲ್‌ ಎಂದು ಗುರುತಿಸಲಾಗಿದೆ.

ಬೆಂಗಳೂರು, ನ.25: ಕಸ್ಟಮ್ಸ್‌ ಅಧಿಕಾರಿಗಳ ಸೋಗಿನಲ್ಲಿ ಹಣ ವಸೂಲಿ ಮಾಡುತ್ತಿದ್ದ ಜೋಡಿಯನ್ನು ಬೆಂಗಳೂರು ಪೊಲೀಸರು ಬಂಧಿಸಿದ್ದಾರೆ. ಬಂಧಿತರನ್ನು ದರ್ಬಿನ್‌ ದಾಸ್‌ ಅಲಿಯಾಸ್‌ ಮೋಹನ್‌ ದಾಸ್‌ ಮತ್ತು ಆತನ ಪತ್ನಿ ಧನುಷ್ಯ ಅಲಿಯಾಸ್‌ ರಾಚೆಲ್‌ ಎಂದು ಗುರುತಿಸಲಾಗಿದೆ.

ಇಂದಿರಾನಗರದಲ್ಲಿ ನೈಲ್‌ ಬಾಕ್ಸ್‌ ಅಕಾಡೆಮಿ ನಡೆಸುತ್ತಿರುವ ಸ್ನೇಹಾ ಕೆ. ಭಾಗವತ್‌ ಎಂಬವರನ್ನು ಈ ಜೋಡಿ ಕಸ್ಟಮ್ಸ್‌ ಅಧಿಕಾರಿ ಹೆಸರಿನಲ್ಲಿ ವಂಚಿಸಿತ್ತು. ಸ್ನೇಹಾ ಕೆ. ಭಾಗವತ್‌ ನಡೆಸುತ್ತಿದ್ದ ಅಕಾಡೆಮಿಗೆ ಧನುಷ್ಯ ಟ್ರೇನಿಂಗ್‌ ಪಡೆಯಲು ಸೇರ್ಪಡೆಯಾಗಿದ್ದಳು. ಆಕೆ ತನ್ನ ಪರಿಚಯ ಮಾಡುತ್ತ, ತನ್ನ ಪತಿ ದರ್ಬಿನ್‌ ದಾಸ್‌ ಕೆಂಪೇಗೌಡ ಇಂಟರ್‌ನ್ಯಾಷನಲ್‌ ಏರ್‌ಪೋರ್ಟ್‌ನಲ್ಲಿ ಕಸ್ಟಮ್ಸ್‌ ವಿಭಾಗದಲ್ಲಿ ಕೆಲಸ ಮಾಡುತ್ತಿದ್ದಾರೆ. ಸೀಜ್‌ ಆಗಿರುವ ಚಿನ್ನದ ಒಡವೆಗಳು ಕಸ್ಟಮ್ಸ್‌ನಿಂದ ಕಡಿಮೆ ಬೆಲೆಗೆ ಅವರಿಗೆ ಲಭ್ಯವಿದೆ. ಅವುಗಳನ್ನು ನಿಮಗೂ ಕೊಡಿಸಬಹುದು ಎಂದು ನಂಬಿಸಿದ್ದಳು.

ಈ ನಂಬಿಕೆಯ ಮೇರೆಗೆ ಬೇರೆ ಬೇರೆ ದಿನಾಂಕಗಳಲ್ಲಿ ಸ್ನೇಹಾ ಕೆ. ಭಾಗವತ್‌ ಅವರಿಂದ ಒಟ್ಟು 68,00,000 ಲಕ್ಷ ರೂಪಾಯಿಗಿಂತ ಹೆಚ್ಚಿನ ಹಣವನ್ನು ನಗದು ರೂಪದಲ್ಲಿ ಧನುಷ್ಯ ಪಡೆದುಕೊಂಡಿದ್ದಳು. ಆದರೆ, ಚಿನ್ನದ ಒಡವೆಗಳನ್ನು ಮಾತ್ರ ಕೊಡಿಸಿರಲಿಲ್ಲ. ಅಷ್ಟೇ ಅಲ್ಲ, ಮೊಬೈಲ್‌ ಸ್ವಿಚ್‌ ಆಫ್‌ ಮಾಡಿಕೊಂಡು ಸಂಪರ್ಕ ಕಡಿದುಕೊಂಡಿದ್ದಳು. ಇಷ್ಟರಲ್ಲಿ ಸ್ನೇಹಾಗೆ ಮೋಸ ಹೋಗಿರುವುದು ಅರಿವಿಗೆ ಬಂದಿದೆ. ಕೂಡಲೇ ಅವರು ಕೊಡಿಗೇಹಳ್ಳಿ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಿಸಿದ್ದರು.‌

Chennai Customs official held at Bengaluru airport with nearly Rs 75 lakh in hand baggage- The New Indian Express

ಇನ್ನೊಂದು ಪ್ರಕರಣದಲ್ಲಿ, ದೇವನಹಳ್ಳಿಯ ಯೂರೋ ಕಿಡ್ಸ್‌ ಶಾಲೆಯ ಶಿಕ್ಷಕಿ ಶ್ವೇತಾ ಎಂಬವರನ್ನು ಸಂಪರ್ಕಿಸಿದ ದರ್ಬಿನ್‌ ದಾಸ್‌, ತಾನು ಏರ್‌ಪೋರ್ಟ್‌ ಕಸ್ಟಮ್ಸ್‌ ವಿಭಾಗದಲ್ಲಿ ಕೆಲಸ ಮಾಡುವುದಾಗಿ ಹೇಳಿಕೊಂಡಿದ್ದ. ಅಲ್ಲಿ ಕೆಲಸ ಕೊಡಿಸುವುದಾಗಿ ನಂಬಿಸಿ ಶ್ವೇತಾ ಅವರಿಂದ 96,750 ರೂಪಾಯಿ ಪಡೆದುಕೊಂಡಿದ್ದ. ಆದರೆ ಕೆಲಸ ಕೊಡಿಸಿರಲಿಲ್ಲ. ಹಣ ಪಡೆದುಕೊಂಡ ಬಳಿಕ ತಲೆಮರೆಸಿಕೊಂಡಿದ್ದ. ವಂಚನೆಗೆ ಒಳಗಾದ ಶ್ವೇತಾ ದೇವನಹಳ್ಳಿ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಿಸಿದರು.

ಕಡಿಮೆ ಬೆಲೆಗೆ ಚಿನ್ನಾಭರಣ, ಐಫೋನ್‌, ಲ್ಯಾಪ್‌ಟಾಪ್‌, ಗ್ಯಾಜೆಟ್ಸ್‌ ಕೊಡಿಸುತ್ತೇನೆ ಎಂದು ಹಲವರ ಬಳಿ ಬೇರೆ ಬೇರೆ ದಿನಾಂಕಗಳಲ್ಲಿ ನಗದು ಮತ್ತು ಆನ್‌ಲೈನ್‌ ಮೂಲಕ ಹಣ ಪಡೆದುಕೊಂಡಿರುವ ಆರೋಪ ಈ ಜೋಡಿಯ ಮೇಲಿದೆ.

Honey trap' gang arrested | Deccan Herald

ಉಡುಪಿಯಲ್ಲಿ ಬಂಧನ

ವಿವಿಧ ಪ್ರಕರಣಗಳಲ್ಲಿ ತನಿಖೆ ನಡೆಸುತ್ತಿದ್ದ ಪೊಲೀಸರು ದರ್ಬಿನ್‌ ದಾಸ್‌ ಮತ್ತು ರಾಚೆಲ್‌ ಜೋಡಿಯನ್ನು ಉಡುಪಿಯಲ್ಲಿ ಬಂಧಿಸಿದ್ದಾರೆ. ಈ ಜೋಡಿ ಇತ್ತೀಚೆಗೆ ಮಂಗಳೂರಿನ ಮೇರಿಹಿಲ್ಸ್‌ ನಲ್ಲಿ ಬಾಡಿಗೆ ಮನೆ ಪಡೆದಿತ್ತು. ಅಲ್ಲಿ 34.5 ಲಕ್ಷ ರೂಪಾಯಿ ನಗದು, 106.965 ಗ್ರಾಂ ತೂಕದ ಚಿನ್ನಾಭರಣ ಪತ್ತೆಯಾಗಿದ್ದು, ಪೊಲೀಸರು ವಶಪಡಿಸಿಕೊಂಡಿದ್ದಾರೆ.

Kodigehalli police arrested a couple for allegedly cheating several persons in the city on the pretext of supplying them gold and gadgets seized by customs officials at Kempegowda International Airport. The accused are Dharbin Das alias Mohan Das alias Mohan Thas, 35, and his wife Rachel alias Dhanushya, 32, both from Tamil Nadu.