16 ವರ್ಷದ ಬಾಲಕಿಗೆ ಸೋದರರಿಂದಲೇ ಗ್ಯಾಂಗ್ ರೇಪ್ ; ತಡೆಯಲು ಬಂದ ಅಜ್ಜಿಯನ್ನೂ ರೇಪ್ ಮಾಡಿದ ಕಿರಾತಕರು !

ಬ್ರೇಕಿಂಗ್ ನ್ಯೂಸ್

ನೀಟ್ ಪರೀಕ್ಷೆಗೆ ಒತ್ತಡ ಹೇರಿದ್ದಕ್ಕೆ ತಂದೆಯನ್ನೇ ಕೊಂದ ಮಗ ; ತಂಗಿಯ ಎದುರಲ್ಲೇ ದೇಹವನ್ನ ತುಂಡು ತುಂಡಾಗಿ ಕತ್ತರಿಸಿ ಡ್ರಮ್ ಗೆ ತುಂಬಿದ ಕಟುಕ, ಕಥೆ ಕಟ್ಟಲು ಹೋಗಿ ಪೊಲೀಸರ ಕೈಗೆ ತಗ್ಲಾಕೊಂಡ ನರರಾಕ್ಷಸ ! | ವಂದೇ ಮಾತರಂ ಕಡ್ಡಾಯ ಕ್ರಮಕ್ಕೆ ಜಮಾತೆ ಉಲೆಮಾ ಹಿಂದ್ ವಿರೋಧ ; ಏಕಪಕ್ಷೀಯ, ನಿರಂಕುಶ, ಸಂವಿಧಾನ ವಿರೋಧಿ ಎಂದ ಉಲೆಮಾ ಅಧ್ಯಕ್ಷ ಮೌಲಾನಾ ಅರ್ಷದ್ ಮದನಿ | ಮೋದಿ ಹೆಸರಲ್ಲಿ ಹತ್ತು ನಮೋ ಕುಟೀರ ನಿರ್ಮಾಣ ಯೋಜನೆ ; ಅಡ್ಕ ಭಗವತಿ ಕ್ಷೇತ್ರದ ದರ್ಶನ ಪಾತ್ರಿಗೆ ಏಳನೇ ಮನೆ ಶಿಲಾನ್ಯಾಸದಲ್ಲಿ ಸಂತೋಷ್ ಬೋಳ್ಯಾರ್ |

16 ವರ್ಷದ ಬಾಲಕಿಗೆ ಸೋದರರಿಂದಲೇ ಗ್ಯಾಂಗ್ ರೇಪ್ ; ತಡೆಯಲು ಬಂದ ಅಜ್ಜಿಯನ್ನೂ ರೇಪ್ ಮಾಡಿದ ಕಿರಾತಕರು !

25-08-22 02:18 pm HK News Desk ಕ್ರೈಂ

16 ವರ್ಷದ ಅಪ್ರಾಪ್ತ ಬಾಲಕಿಯನ್ನು ಸಂಬಂಧದಲ್ಲಿ ಸೋದರರೇ ಆಗಿರುವ ಯುವಕರು ಸೇರಿ ಗ್ಯಾಂಗ್ ರೇಪ್ ನಡೆಸಿದ್ದಲ್ಲದೆ, ಹೊಡೆದು ಸಾಯಿಸಿದ ಘಟನೆ ಮಧ್ಯಪ್ರದೇಶದಲ್ಲಿ ನಡೆದಿದೆ.

ಭೋಪಾಲ್, ಆಗಸ್ಟ್ 25: 16 ವರ್ಷದ ಅಪ್ರಾಪ್ತ ಬಾಲಕಿಯನ್ನು ಸಂಬಂಧದಲ್ಲಿ ಸೋದರರೇ ಆಗಿರುವ ಯುವಕರು ಸೇರಿ ಗ್ಯಾಂಗ್ ರೇಪ್ ನಡೆಸಿದ್ದಲ್ಲದೆ, ಹೊಡೆದು ಸಾಯಿಸಿದ ಘಟನೆ ಮಧ್ಯಪ್ರದೇಶದಲ್ಲಿ ನಡೆದಿದೆ. ಜಬಲ್ ಪುರ್ ಜಿಲ್ಲೆಯ ಮಾಂಜಿ ಎನ್ನುವ ಗ್ರಾಮದಲ್ಲಿ ಘಟನೆ ನಡೆದಿದ್ದು, ಬಾಲಕಿಯ ನೆರವಿಗೆ ಬಂದ ಅಜ್ಜಿಯನ್ನೂ ರೇಪ್ ಮಾಡಿದ್ದಾರೆ.

ಬಾಲಕಿ ತನ್ನ ಹೆತ್ತವರ ಜೊತೆ ಮುಂಬೈನಲ್ಲಿ ವಾಸವಿದ್ದು ಆಗಸ್ಟ್ 11ರಂದು ಜಬಲ್ ಪುರದ ಅಂಕಲ್ ಮನೆಗೆ ಬಂದಿದ್ದಳು. ಈ ವೇಳೆ, ಆಕೆಗೆ ಸೋದರ ಸಂಬಂಧಿಗಳಾಗಿರುವ ಯುವಕರು ಸೇರಿ ಅತ್ಯಾಚಾರ ನಡೆಸಿದ್ದಾರೆ. ಸರಣಿ ಅತ್ಯಾಚಾರ ನಡೆಸಿದ್ದಲ್ಲದೆ, ಹಲ್ಲೆಯನ್ನೂ ನಡೆಸಿದ್ದಾರೆ. ಆಗಸ್ಟ್ 13ರಂದು ಮೊದಲಿಗೆ ರೇಪ್ ಮಾಡಿದ್ದು ಆನಂತರ ವಾರ ಕಾಲ ಹಲ್ಲೆಗೈದು ಸರಣಿ ಗ್ಯಾಂಗ್ ರೇಪ್ ನಡೆಸಿದ್ದಾರೆ. 19ರಂದು ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಿದ್ದು, ಮರುದಿನ ಸಾವನ್ನಪ್ಪಿದ್ದಳು. ಆನಂತರ ಜಬಲ್ ಪುರದಲ್ಲಿಯೇ ಬಾಲಕಿಯನ್ನು ದಫನ ಮಾಡಲಾಗಿತ್ತು.

ಈ ಮಧ್ಯೆ ಮುಂಬೈನಿಂದ ಬಂದ ಬಾಲಕಿಯ ತಂದೆಗೆ ಹಲ್ಲೆಗೊಳಗಾಗಿದ್ದ ಅಜ್ಜಿಯೇ ಮಾಹಿತಿ ನೀಡಿದ್ದು ಯುವಕರು ತನ್ನ ಮೇಲೂ ರೇಪ್ ಮಾಡಿದ್ದಾಗಿ ಹೇಳಿದ್ದಾರೆ. ಬಾಲಕಿಯ ಮೇಲೆ ರೇಪ್ ಮಾಡಿ, ಹಲ್ಲೆ ನಡೆಸಿರುವ ಬಗ್ಗೆಯೂ ತಿಳಿಸಿದ್ದು, ಅದರಂತೆ ತಂದೆ ಪೊಲೀಸರಿಗೆ ದೂರು ನೀಡಿದ್ದಾರೆ. ಪೊಲೀಸರು ಕೇಸು ದಾಖಲಿಸಿಕೊಂಡು ಆಗಸ್ಟ್ 23ರಂದು ಬಾಲಕಿಯ ಶವವನ್ನು ದಫನ ಮಾಡಿದ ಜಾಗದಿಂದ ಅಗೆದು ತೆಗೆದಿದ್ದು, ಪರೀಕ್ಷೆಗೆ ಕಳುಹಿಸಿದ್ದಾರೆ. ಅಲ್ಲದೆ, ಅಜ್ಜಿಯನ್ನು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿದ್ದು, ರೇಪ್ ಆಗಿರುವುದು ದೃಢಪಟ್ಟಿದೆ. ಪೋಕ್ಸೋ ಕಾಯ್ದೆಯಡಿ ಕೇಸು ದಾಖಲಿಸಿರುವ ಪೊಲೀಸರು ಒಬ್ಬನ್ನು ಬಂಧಿಸಿದ್ದಾರೆ.

A 16-year-old girl died after being gang-raped and brutally beaten by her two cousins in the Ranjhi area of Madhya Pradesh’s Jabalpur district. The victim’s grandmother, who came to the girl’s aid, was also raped by one of the accused, police said.