ಸ್ಪಾಟ್ ಫಿಕ್ಸಿಂಗ್ ; ಭಾರತದ ಉದ್ಯಮಿಯಿಂದ ಬ್ಲಾಕ್ಮೇಲ್ ಆಗಿದ್ದೆ ಎಂದ ಜಿಂಬಾಬ್ವೆ ಮಾಜಿ ನಾಯಕ ಬ್ರೆಂಡನ್ ಟಯ್ಲರ್ ಗೆ ಐಸಿಸಿ ನಿಷೇಧ ಬರೆ

ಬ್ರೇಕಿಂಗ್ ನ್ಯೂಸ್

UT Khader, Mangalore, Tulu Academy: ತುಳು ಕಲಿತ ವಿದ್ಯಾರ್ಥಿಗಳಿಗೆ ಮೀಸಲಾತಿ ; ತುಳು ಸಾಹಿತ್ಯ ಅಕಾಡೆಮಿ ಗೌರವ, ಪುಸ್ತಕ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮದಲ್ಲಿ ಸ್ಪೀಕರ್ ಯುಟಿ ಖಾದರ್ ಆಶಯ | Bangalore crime, Fraud, Bank Manager: ಮನೆ ಮಾರಿ ವೃದ್ಧ ದಂಪತಿಗೆ ಬಂದಿತ್ತು 1 ಕೋಟಿ ; ಅಜ್ಜಿಯನ್ನ ಪುಸಲಾಯಿಸಿ ಅಕೌಂಟ್ ನಿಂದ 50 ಲಕ್ಷ ಎಗರಿಸಿದ ಕಳ್ಳಿ, ಬ್ಯಾಂಕ್‌ ಮ್ಯಾನೇಜರ್ ಸೇರಿ ನಾಲ್ವರು ಪೊಲೀಸರ ಬಲೆಗೆ | Yatnal, Pramod Muthalik: ' ಬಾಂಬ್ ಹಾಕಿ ಹೊಟ್ಟೆ ತುಂಬಿಸಿಕೊಳ್ಳುವ ಸ್ಥಿತಿ ಇದೆ, ಪಾಕಿಸ್ತಾನ ಜೈ ಎನ್ನುವವರು ಅಲ್ಲಿಗೇ ಹೋಗಲಿ ; ದೇಶದ್ರೋಹ ಕಲಿಸುವ ಮದರಸಾಗೆ ಅನುದಾನ ಕೊಟ್ಟಿದ್ದರಿಂದಲೇ ಇಂಥ ಸ್ಥಿತಿಯಾಗಿದೆ ' |

ಸ್ಪಾಟ್ ಫಿಕ್ಸಿಂಗ್ ; ಭಾರತದ ಉದ್ಯಮಿಯಿಂದ ಬ್ಲಾಕ್ಮೇಲ್ ಆಗಿದ್ದೆ ಎಂದ ಜಿಂಬಾಬ್ವೆ ಮಾಜಿ ನಾಯಕ ಬ್ರೆಂಡನ್ ಟಯ್ಲರ್ ಗೆ ಐಸಿಸಿ ನಿಷೇಧ ಬರೆ

28-01-22 10:24 pm HK Desk news ಕ್ರೀಡೆ

ಕ್ರಿಕೆಟ್ ಬೆಟ್ಟಿಂಗ್ ವಿಚಾರವನ್ನು ಮುಚ್ಚಿಟ್ಟ ಆರೋಪದಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಸಮಿತಿ(ಐಸಿಸಿ)ಯು ಜಿಂಬಾಬ್ವೆ ತಂಡದ ಮಾಜಿ ನಾಯಕ ಬ್ರೆಂಡನ್ ಟಯ್ಲರ್ ಅವರಿಗೆ ಮೂರು ವರ್ಷ, ಆರು ತಿಂಗಳ ವರೆಗೆ ಎಲ್ಲ ಮಾದರಿಯ ಕ್ರಿಕೆಟ್ ಆಟದಿಂದ ನಿಷೇಧ ವಿಧಿಸಿದೆ.

ನವದೆಹಲಿ, ಜ.28 : ಕ್ರಿಕೆಟ್ ಬೆಟ್ಟಿಂಗ್ ವಿಚಾರವನ್ನು ಮುಚ್ಚಿಟ್ಟ ಆರೋಪದಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಸಮಿತಿ(ಐಸಿಸಿ)ಯು ಜಿಂಬಾಬ್ವೆ ತಂಡದ ಮಾಜಿ ನಾಯಕ ಬ್ರೆಂಡನ್ ಟಯ್ಲರ್ ಅವರಿಗೆ ಮೂರು ವರ್ಷ, ಆರು ತಿಂಗಳ ವರೆಗೆ ಎಲ್ಲ ಮಾದರಿಯ ಕ್ರಿಕೆಟ್ ಆಟದಿಂದ ನಿಷೇಧ ವಿಧಿಸಿದೆ.

ಇತ್ತೀಚೆಗೆ ಬ್ರೆಂಡನ್ ಟಯ್ಲರ್ ತನ್ನನ್ನು ಭಾರತದ ಉದ್ಯಮಿಯೊಬ್ಬ ಕ್ರಿಕೆಟ್ ಬೆಟ್ಟಿಂಗ್ ವಿಚಾರದಲ್ಲಿ 2019ರಲ್ಲಿ ಬ್ಲಾಕ್ಮೇಲ್ ಮಾಡಿದ್ದ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ಹೇಳಿಕೊಂಡಿದ್ದರು. ಕೊಕೇನ್ ಸೇವಿಸಿದ್ದ ಸಂದರ್ಭದ ಫೋಟೋ ಮುಂದಿಟ್ಟು ಆತ ಬ್ಲಾಕ್ಮೇಲ್ ಮಾಡಿದ್ದ. ಸ್ಪಾಟ್ ಬೆಟ್ಟಿಂಗ್ ಬಗ್ಗೆ ಒಪ್ಪಿಕೊಳ್ಳುವಂತೆ ಒತ್ತಡ ಹೇರಿದ್ದರು ಎಂದು ಹೇಳಿಕೊಂಡಿದ್ದರು. ಆದರೆ, ಈ ಬಗ್ಗೆ ಮಾಹಿತಿ ಹೊರಬಿಟ್ಟ ಬ್ರೆಂಡನ್ ಟಯ್ಲರ್ ಗೆ ಐಸಿಸಿ ನಿಷೇಧದ ಬರೆ ಹಾಕಿದೆ.

ಐಸಿಸಿ ನಿಯಮದ ನಾಲ್ಕು ನೀತಿಗಳನ್ನು ಟಯ್ಲರ್ ಉಲ್ಲಂಘಿಸಿದ್ದಾರೆ. ಐಸಿಸಿ ಏಂಟಿ ಕರಪ್ಶನ್ ಕೋಡ್ ಮತ್ತು ಐಸಿಸಿ ಏಂಟಿ ಡೋಪಿಂಗ್ ಕೋಡ್ ಕೂಡ ಉಲ್ಲಂಘನೆ ಮಾಡಿದ್ದಾರೆ. ಮೂರು ವರ್ಷಗಳ ನಂತರ ಇಚ್ಚಿಸಿದರೆ ಜುಲೈ 28, 2025ರಲ್ಲಿ ಮತ್ತೆ ಅಂತಾರಾಷ್ಟ್ರೀಯ ಕ್ರಿಕೆಟ್ ನಲ್ಲಿ ಆಡಬಹುದು ಎಂದು ಐಸಿಸಿ ಹೇಳಿಕೆಯಲ್ಲಿ ತಿಳಿಸಿದೆ.

ಸ್ಪಾಟ್ ಫಿಕ್ಸಿಂಗ್ ವಿಚಾರದಲ್ಲಿ ತನಗಾದ ಕಿರುಕುಳದ ಬಗ್ಗೆ ಇತ್ತೀಚೆಗೆ ಮಾಹಿತಿ ನೀಡಿದ್ದ ಟಯ್ಲರ್, ಒಂದು ದಿನ ಸಂಜೆ ಪಾರ್ಟಿ ಆಯೋಜಿಸಲಾಗಿತ್ತು. ನಮಗೆ ಬಹಿರಂಗವಾಗಿಯೇ ಅವರು ಕೊಕೇನ್ ಆಫರ್ ಮಾಡಿದ್ದರು. ಅವರ ಒತ್ತಡಕ್ಕೆ ಬಿದ್ದು ಕೊಕೇನ್ ಸೇವನೆ ಮಾಡಿದ್ದೆ. ಆದರೆ ಮರುದಿನ ನಮ್ಮನ್ನು ಹೊಟೇಲಿನಲ್ಲಿ ಕೂಡಿಹಾಕಿದ್ದ ತಂಡ, ನಮ್ಮ ವಿಡಿಯೋ ಚಿತ್ರೀಕರಿಸಿ ಕೊಕೇನ್ ಸೇವಿಸಿರುವುದನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಾಕುತ್ತೇವೆ. ಇಲ್ಲದಿದ್ದರೆ ಸ್ಪಾಟ್ ಫಿಕ್ಸಿಂಗ್ ನಡೆಸಲು ಸಹಕರಿಸಬೇಕು ಎಂದು ಒತ್ತಡ ಹಾಕಿದ್ದರು.

ಆದರೆ ನಾನು ಯಾವುದೇ ರೀತಿಯ ಮ್ಯಾಚ್ ಫಿಕ್ಸಿಂಗ್, ಸ್ಪಾಟ್ ಬೆಟ್ಟಿಂಗ್ ನಲ್ಲಿ ಶಾಮೀಲಾಗಿಲ್ಲ. ನನ್ನಿಂದ ತಪ್ಪುಗಳಾಗಿದ್ದರೂ, ನಾನು ಯಾವುದೇ ಮೋಸ ಮಾಡಿಲ್ಲ. ಕ್ರಿಕೆಟನ್ನು ತುಂಬ ಪ್ರೀತಿಯಿಂದ ಆಡಿದ್ದೇನೆ. ಬೆದರಿಕೆ ಇದ್ದರೂ ಅದಕ್ಕೆ ಸೊಪ್ಪು ಹಾಕದೆ ಕ್ರಿಕೆಟನ್ನು ಆಡಿದ್ದೆ ಎಂದು ಜನವರಿ 24ರಂದು ಹೇಳಿಕೆಯಲ್ಲಿ ತಿಳಿಸಿದ್ದರು.

Former Zimbabwe (Zimbabwe) captain Brendon Taylor (Brendan Tayl) has been sentenced to three-and-a-half years ban from all forms of cricket by the International Cricket Committee 's (ICC) Anti-Corruption Unit (anti-corruption unit), for failing to immediately inform him about the invitation to do spot fixing (Spot Fixing). In a media release on Friday, the ICC accepted Taylor Kuda's ban sentence and the sentence will begin from January 28. He is also accused of violating the Doping Rule (Doping Code).