Tokyo Olympics: ಮೀರಾಬಾಯ್ ಚಾನು ಗೆದ್ದ ಮೆಡಲಿನ ಬಣ್ಣ ಬಂಗಾರಕ್ಕೆ ಬದಲು?!

ಬ್ರೇಕಿಂಗ್ ನ್ಯೂಸ್

Mangalore Jail, Suicide, POSCO: ಮೂಡುಬಿದ್ರೆಯಲ್ಲಿ ಅಪ್ರಾಪ್ತ ಬಾಲಕಿಗೆ ಲೈಂಗಿಕ ಕಿರುಕುಳ ; ಪೋಕ್ಸೋ ಕೇಸಿನಲ್ಲಿ ಬಂಧಿತನಾಗಿದ್ದ ಆರೋಪಿ ಜೈಲಿನಲ್ಲಿ ಆತ್ಮಹತ್ಯೆ | Reservation for Muslims, Siddaramaiah, BJP: ಸರ್ಕಾರಿ ಗುತ್ತಿಗೆಗಳಲ್ಲಿ ಮುಸ್ಲಿಮರಿಗೆ ಮೀಸಲಾತಿ ; ವಿಧೇಯಕ ತರಲು ಸಿದ್ದರಾಮಯ್ಯ ಸಂಪುಟ ಒಪ್ಪಿಗೆ, ಧರ್ಮಾಧರಿತ ಮೀಸಲು ಸಂವಿಧಾನ ವಿರೋಧಿ ಎಂದು ಬಿಜೆಪಿ ಟೀಕೆ | Mangalore CCB police, Drugs, crime: ರಾಜ್ಯದಲ್ಲೇ ಅತಿ ದೊಡ್ಡ ಡ್ರಗ್ಸ್ ಬೇಟೆಯಾಡಿದ ಮಂಗಳೂರು ಸಿಸಿಬಿ ; ರಾಜಧಾನಿ ದೆಹಲಿಯಲ್ಲಿ ಎಂಡಿಎಂಎ ಡ್ರಗ್ಸ್ ತಯಾರಿಸಿ ದಕ್ಷಿಣ ಭಾರತಕ್ಕೆ ರವಾನೆ, ಆಫ್ರಿಕಾ ಮೂಲದ ಪ್ರಜೆಗಳಿಬ್ಬರ ಸೆರೆ, 75 ಕೋಟಿ ಮೌಲ್ಯದ 38 ಕೆಜಿ ಡ್ರಗ್ಸ್ ವಶಕ್ಕೆ |

Tokyo Olympics: ಮೀರಾಬಾಯ್ ಚಾನು ಗೆದ್ದ ಮೆಡಲಿನ ಬಣ್ಣ ಬಂಗಾರಕ್ಕೆ ಬದಲು?!

26-07-21 04:04 pm MYKHEL: Sadashiva ಕ್ರೀಡೆ

ಭಾರತದ ಮಹಿಳಾ ವೇಟ್ ಲಿಫ್ಟರ್ ಮೀರಾಬಾಯಿ ಚಾನು ಟೋಕಿಯೋ ಒಲಿಂಪಿಕ್ಸ್‌ನಲ್ಲಿ ಚಿನ್ನದ ಪದಕ್ಕೆ ಮುತ್ತಿಕ್ಕುವ ಸಾಧ್ಯತೆಯಿದೆ.

ಟೋಕಿಯೋ: ಭಾರತದ ಪಾಲಿಗೆ ಶುಭ ಸುದ್ದಿಯೊಂದು ಕೇಳಿ ಬರುವುದರಲ್ಲಿದೆ. ಎಣಿಕೆಯಂತೆ ನಡೆದರೆ ಭಾರತದ ಪಾಲಿಗೆ ಟೋಕಿಯೋ ಒಲಿಂಪಿಕ್ಸ್‌ನಲ್ಲಿ ಚಿನ್ನದ ದಿನವೊಂದು ಕಾಣಸಿಗಲಿದೆ. ಅದೇನೆಂದರೆ ಭಾರತದ ಮಹಿಳಾ ವೇಟ್ ಲಿಫ್ಟರ್ ಮೀರಾಬಾಯಿ ಚಾನು ಟೋಕಿಯೋ ಒಲಿಂಪಿಕ್ಸ್‌ನಲ್ಲಿ ಚಿನ್ನದ ಪದಕ್ಕೆ ಮುತ್ತಿಕ್ಕುವ ಸಾಧ್ಯತೆಯಿದೆ. ಯಾಕೆಂದರೆ ಚಿನ್ನ ಪದಕ ಗೆದ್ದಿರುವ ಚೀನಾದ ಲಿಫ್ಟರ್ ಉದ್ದೀಪನಾ ಮದ್ದು ಸೇವನಾ ಪರೀಕ್ಷೆಗೆ ಒಳಪಟ್ಟಿದ್ದಾರೆ ಎನ್ನಲಾಗುತ್ತಿದೆ.

ಜುಲೈ 24ರಂದು ನಡೆದಿದ್ದ 49ಕೆಜಿ ವಿಭಾಗದ ಮಹಿಳಾ ವೇಟ್ ಲಿಫ್ಟಿಂಗ್‌ನಲ್ಲಿ ಮೀರಾಬಾಯಿ ಚಾನು ಬೆಳ್ಳಿಯ ಪದಕ ಗೆದ್ದಿದ್ದರು. ಆದರೆ ಆವತ್ತು ಬಂಗಾರ ಗೆದ್ದಿದ್ದ ಚೀನಾದ ಲಿಫ್ಟರ್ ಹೌ ಝಿಹುಯ್ ಡೋಪಿಂಗ್‌ ಟೆಸ್ಟ್‌ಗೆ ಒಳಗಾಗಿದ್ದಾರೆ. ಅವರ ಫಲಿತಾಂಶ ಪಾಸಿಟಿವ್ ಬಂದರೆ ಚಾನುಗೆ ಬಂಗಾರದ ಪದಕ ಒಲಿಯಲಿದೆ.

ಚಿನ್ನ ಗೆದ್ದಿದ್ದ ಚೀನಾ ಸ್ಪರ್ಧಿ ಹೊರಕ್ಕೆ?

ಟೋಕಿಯೋ ಒಲಿಂಪಿಕ್ಸ್‌ನಲ್ಲಿ 49 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಮೀರಾಬಾಯ್ ಚಾನು ಸ್ನ್ಯಾಚ್‌ನಲ್ಲಿ 87 ಕೆಜಿ ಮತ್ತು ಕ್ಲೀನ್ ಆ್ಯಂಡ್ ಜರ್ಕ್‌ನಲ್ಲಿ 115 ಕೆಜಿ ಭಾರ ಎತ್ತುವ ಮೂಲಕ ಬೆಳ್ಳಿಯ ಪದಕ ತನ್ನದಾಗಿಸಿಕೊಂಡಿದ್ದರು. ಇದೇ ವಿಭಾಗದಲ್ಲಿ ಚೀನಾದ ಹೌ ಝಿಹುಯ್ ಚಿನ್ನದ ಪದಕ (94kg+116kg) ಜಯಿಸಿದ್ದರು. ಆದರೆ ಈಗ ಚೀನಾ ಸ್ಪರ್ಧಿ ಡೋಪಿಂಗ್‌ ನಡೆಸಿರುವ ಅನುಮಾನದಿಂದ ಆ್ಯಂಟಿ ಡೋಪಿಂಗ್ ಅಥಾರಿಟಿಯ ಅಧಿಕಾರಿಗಳು ಝಿಹುಯ್ ಅವರನ್ನು ಡೋಪಿಂಗ್ ಪರೀಕ್ಷೆಗೆ ಒಳಪಡಿಸಿದ್ದಾರೆ. ಇದರಲ್ಲಿ ಝಿಹುಯ್ ಉದ್ದೀಪನಾ ಸೇವಿಸಿದ್ದು ಕಂಡುಬಂದರೆ ವೇಟ್ ಲಿಫ್ಟಿಂಗ್‌ನಲ್ಲಿ ಚಿನ್ನ ಗೆದ್ದ ಆ ಸ್ಪರ್ಧೆಯಿಂದ ಝಿಹುಯ್ ಅಮಾನತಾಗುತ್ತಾರೆ ಎಂದು ವರದಿಯೊಂದು ಹೇಳಿದೆ.

ದಾಖಲೆ ಬರೆದಿದ್ದ ಚಾನು

ಮಣಿಪುರದ ರಾಜಧಾನಿ ಇಂಪಾಲ್‌ನ ಪೂರ್ವ ಭಾಗದ ನಾನ್‌ಪೋಕ್ ಕಾಕ್ಚಿಂಗ ಎಂಬ ಪುಟ್ಟ ಹಳ್ಳಿಯಲ್ಲಿ ಹುಟ್ಟಿದ ಮೀರಾಬಾಯಿ ಟೋಕಿಯೋ ಒಲಿಂಪಿಕ್ಸ್‌ನಲ್ಲಿ ಭಾರತಕ್ಕೆ ಮೊದಲ ಪದಕ ಗೆಲ್ಲುವ ಮೂಲಕ ಇಡೀ ದೇಶವೇ ಹೆಮ್ಮೆಪಡುವಂತಾ ಸಾಧನೆ ಮಾಡಿದ್ದರು. ಅಷ್ಟೇ ಅಲ್ಲ, ಒಲಿಂಪಿಕ್ಸ್‌ ಇತಿಹಾಸದಲ್ಲಿ ವೇಟ್ ಲಿಫ್ಟಿಂಗ್‌ನಲ್ಲಿ ಪದಕ ಗೆದ್ದ ಎರಡನೇ ಭಾರತೀಯೆ ಎಂಬ ದಾಖಲೆಗೂ ಕಾರಣರಾಗಿದ್ದರು. ಲಿಫ್ಟಿಂಗ್‌ನಲ್ಲಿ ಒಲಿಂಪಿಕ್ಸ್ ಮೊದಲ ಪದಕ ಗೆದ್ದ ಭಾರತೀಯೆ ಎಂಬ ದಾಖಲೆ ಕರ್ಣಂ ಮಲ್ಲೇಶ್ವರಿ ಹೆಸರಿನಲ್ಲಿದೆ. 2012ರ ಲಂಡನ್ ಒಲಿಂಪಿಕ್ಸ್‌ನಲ್ಲಿ ಮಲ್ಲೇಶ್ವರಿ ಭಾರತಕ್ಕೆ ಕಂಚು ಗೆದ್ದಿದ್ದರು.

ವರದಿ ಸುಳ್ಳಾ, ನಿಜವಾ?

"ಮಹಿಳಾ ವೇಟ್ ಲಿಫ್ಟಿಂಗ್ ಮುಗಿದ ಬಳಿಕ ಬಂಗಾರ ಗೆದ್ದಿದ್ದ ಚೀನಾ ಲಿಫ್ಟರ್ ಹೌ ಝಿಹುಯ್ ಅವರು ಟೋಕಿಯೋದಲ್ಲೇ ಉಳಿಯುವಂತೆ ಮತ್ತು ಅವರಿಗೆ ಉದ್ದೀಪನಾ ಪರೀಕ್ಷೆ ನಡೆಸುವುದಾಗಿ ಉದ್ದೀಪನಾ ವಿರೋಧಿ ಸಂಸ್ಥೆ ಹೇಳಿತ್ತು. ಅದರಂತೆ ಝಿಹುಯ್‌ಗೆ ಖಂಡಿತಾ ಉದ್ದೀಪನಾ ಪರೀಕ್ಷೆ ಮಾಡಲಾಗಿದೆ," ಎಂದು ಮೂಲವೊಂದು ಎನ್‌ಎನ್‌ಐಗೆ ಮಾಹಿತಿ ನೀಡಿದೆ ಎನ್ನಲಾಗಿದೆ. ಆದರೆ ಈ ವರದಿಯನ್ನು ಕೆಲವರು ಸುಳ್ಳು ಎಂದು ತಳ್ಳಿಹಾಕುತ್ತಲೂ ಇದ್ದಾರೆ. ಸ್ಪೋರ್ಟ್ಸ್ ಅಥಾರಿಟಿ ಆಫ್ ಇಂಡಿಯಾ (ಸಾಯ್) ಕೂಡ ಈ ಬಗ್ಗೆ ಯಾವುದೇ ಪುರಾವೆಯಿಲ್ಲ ಎಂದು ವರದಿಯನ್ನು ತಳ್ಳಿ ಹಾಕಿದೆ. ಅಂದ್ಹಾಗೆ, ಸ್ಪರ್ಧೆಯ ವೇಳೆ ಮೀರಾಬಾಯ್ 87+115 ಕೆಜಿಯಂತೆ ಒಟ್ಟು 202 ಕೆಜಿ ಭಾರತ ಎತ್ತಿದ್ದರೆ, ಝಿಹುಯ್ ಅವರು 94+116 ಕೆಜಿಯಂತೆ ಒಟ್ಟು 210 ಕೆಜಿ ತೂಕ ಎತ್ತಿದ್ದರು.

(Kannada Copy of Mykhel Kannada)