ಪೂರ್ವ ಚೀನಾದಲ್ಲಿ 132 ಮಂದಿಯಿದ್ದ ವಿಮಾನ ಪತನ ; ಪರ್ವತಕ್ಕೆ ಡಿಕ್ಕಿ ಶಂಕೆ, ಬೆಂಕಿ ಹೊತ್ತಿಕೊಂಡು ದುರಂತ

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

ಪೂರ್ವ ಚೀನಾದಲ್ಲಿ 132 ಮಂದಿಯಿದ್ದ ವಿಮಾನ ಪತನ ; ಪರ್ವತಕ್ಕೆ ಡಿಕ್ಕಿ ಶಂಕೆ, ಬೆಂಕಿ ಹೊತ್ತಿಕೊಂಡು ದುರಂತ

21-03-22 04:54 pm HK Desk news ದೇಶ - ವಿದೇಶ

ಚೀನಾದ ಪೂರ್ವ ಭಾಗದ ಗ್ವಾಂಗ್ಝಿ ಝುವಾಂಗ್ ಎನ್ನುವ ಪ್ರಾಂತ್ಯದ ಪರ್ವತ ಪ್ರದೇಶದಲ್ಲಿ 133 ಪ್ರಯಾಣಿಕರನ್ನು ಹೊತ್ತುಕೊಂಡು ತೆರಳುತ್ತಿದ್ದ ಬೋಯಿಂಗ್ ವಿಮಾನ ಪತನಗೊಂಡಿದೆ.

ನವದೆಹಲಿ, ಮಾ.21 : ಚೀನಾದ ಪೂರ್ವ ಭಾಗದ ಗ್ವಾಂಗ್ಝಿ ಝುವಾಂಗ್ ಎನ್ನುವ ಪ್ರಾಂತ್ಯದ ಪರ್ವತ ಪ್ರದೇಶದಲ್ಲಿ 133 ಪ್ರಯಾಣಿಕರನ್ನು ಹೊತ್ತುಕೊಂಡು ತೆರಳುತ್ತಿದ್ದ ಬೋಯಿಂಗ್ ವಿಮಾನ ಪತನಗೊಂಡಿದೆ. ವಿಮಾನಕ್ಕೆ ಸಂಪೂರ್ಣ ಬೆಂಕಿ ಹೊತ್ತಿಕೊಂಡಿದ್ದು ಎಷ್ಟು ಮಂದಿ ಸಾವಿಗೀಡಾಗಿದ್ದಾರೆ ಎನ್ನುವ ಮಾಹಿತಿ ಲಭ್ಯವಾಗಿಲ್ಲ.

ಸೋಮವಾರ ಮಧ್ಯಾಹ್ನ 1.11ಕ್ಕೆ ಕುನ್ ಮಿಂಗ್ ನಗರದಿಂದ ಗ್ವಾಂಗ್ಝು ನಗರಕ್ಕೆ ತೆರಳುತ್ತಿದ್ದ ವಿಮಾನ 2.22ರ ಸುಮಾರಿಗೆ ಪರ್ವತಗಳ ನಡುವೆ ದುರಂತಕ್ಕೀಡಾಗಿದೆ. ಮಧ್ಯಾಹ್ನ 3.05ಕ್ಕೆ ವಿಮಾನ ಗ್ವಾಂಗ್ಝು ನಗರಕ್ಕೆ ತಲುಪಬೇಕಿತ್ತು. ರಕ್ಷಣಾ ಕಾರ್ಯಾಚರಣೆ ನಡೆಯುತ್ತಿದ್ದು ಎಷ್ಟು ಮಂದಿ ಸಾವಿಗೀಡಾಗಿದ್ದಾರೆ ಎನ್ನುವ ಮಾಹಿತಿ ಇಲ್ಲ.

ಚೀನಾದ ವಿಮಾನಗಳು ಜಗತ್ತಿನಲ್ಲೇ ಅತ್ಯಾಧುನಿಕ ಎನ್ನುವ ಹಿರಿಮೆ ಹೊಂದಿದ್ದು, ಪತನಕ್ಕೀಡಾಗಿರುವ ವಿಮಾನ ಆರು ವರ್ಷದ ಹಳೆಯದಾದ ಬೋಯಿಂಗ್ 737 ವಿಮಾನವಾಗಿದೆ. ಯಾವ ಕಾರಣದಿಂದ ದುರಂತಕ್ಕೀಡಾಗಿದೆ, ದುರಂತ ಹೇಗೆ ಸಂಭವಿಸಿದೆ ಎನ್ನುವ ಮಾಹಿತಿಯಿಲ್ಲ. ಪರ್ವತಗಳ ನಡುವೆ ಬಿದ್ದಿರುವುದರಿಂದ ಮಂಜಿನಲ್ಲಿ ಕಾಣದೆ ಪರ್ವತಕ್ಕೆ ಡಿಕ್ಕಿಯಾಗಿರುವ ಶಂಕೆ ವ್ಯಕ್ತವಾಗಿದೆ. ಪ್ರಾಥಮಿಕ ಮೂಲಗಳ ಪ್ರಕಾರ, ವಿಮಾನದಲ್ಲಿ 132 ಮಂದಿ ಪ್ರಯಾಣಿಕರು ಇದ್ದರು ಎನ್ನಲಾಗುತ್ತಿದೆ. ಈ ಪೈಕಿ 9 ಮಂದಿ ವಿಮಾನ ಸಿಬಂದಿಯಾಗಿದ್ದು, 123 ಮಂದಿ ಇತರೇ ಪ್ರಯಾಣಿಕರು ಎನ್ನುವ ಮಾಹಿತಿಗಳಿವೆ.

A China Eastern Airlines 600115.SS aircraft with 133 people on board crashed in mountains in south China on Monday while on a flight from the city of Kunming to Guangzhou, state media reported.