UPI Transaction Limit: ಯುಪಿಐ ಪಾವತಿ ಮಿತಿ ಹೆಚ್ಚಳ ; ಒಂದೇ ಬಾರಿಗೆ ಐದು ಲಕ್ಷ, ದಿನಕ್ಕೆ ಹತ್ತು ಲಕ್ಷ ರೂ. ವರ್ಗಾವಣೆ, ನಿರ್ದಿಷ್ಟ 12 ಉದ್ದೇಶಕ್ಕೆ ಮಾತ್ರ ! ಸೆ.15ರಿಂದ ಹೊಸ ನೀತಿ ಜಾರಿ

ಬ್ರೇಕಿಂಗ್ ನ್ಯೂಸ್

Udupi cyber fraud crime; ಷೇರು ಟ್ರೇಡಿಂಗ್ ಹೆಸರಿನಲ್ಲಿ 75 ಲಕ್ಷ ಸೈಬರ್ ವಂಚನೆ ; ಸುರತ್ಕಲ್, ಬಂಟ್ವಾಳ ನಿವಾಸಿಗಳ ಖಾತೆಗೆ ಹಣ ವರ್ಗಾವಣೆ ಪತ್ತೆ, ನಾಲ್ವರನ್ನು ಬಂಧಿಸಿದ ಉಡುಪಿ ಪೊಲೀಸರು | ಮುಂಬೈಗೆ 14 ಲಷ್ಕರ್ ಉಗ್ರರ ಎಂಟ್ರಿ ಬೆದರಿಕೆ ! 400 ಕೆಜಿ ಆರ್ ಡಿಎಕ್ಸ್ ಸ್ಫೋಟಿಸಿ ಕೋಟಿ ಜನರ ರಕ್ತ ಹರಿಸುತ್ತೇವೆ ! ಗಣೇಶ ವಿಸರ್ಜನೆ ಸಿದ್ಧತೆ ನಡುವಲ್ಲೇ ಸಂಚಲನ | Sonia Gandhi, Dharmasthala: Who Killed the Women in Dharmasthala? ಹೆಣ್ಮಕ್ಕಳನ್ನು ಕೊಂದವರು ಯಾರು? ಮಹಿಳಾ ಸಂಘಟನೆಗಳಿಂದ ಸೋನಿಯಾ ಗಾಂಧಿಗೆ ಪತ್ರ, ಎಸ್ಐಟಿ ತನಿಖೆ ಬಗ್ಗೆ ಸಂಶಯ, ಡಿಕೆಶಿ ಹೇಳಿಕೆ- ಮಾಧ್ಯಮ ವರದಿ ಬಗ್ಗೆ ಆತಂಕ |

UPI Transaction Limit: ಯುಪಿಐ ಪಾವತಿ ಮಿತಿ ಹೆಚ್ಚಳ ; ಒಂದೇ ಬಾರಿಗೆ ಐದು ಲಕ್ಷ, ದಿನಕ್ಕೆ ಹತ್ತು ಲಕ್ಷ ರೂ. ವರ್ಗಾವಣೆ, ನಿರ್ದಿಷ್ಟ 12 ಉದ್ದೇಶಕ್ಕೆ ಮಾತ್ರ ! ಸೆ.15ರಿಂದ ಹೊಸ ನೀತಿ ಜಾರಿ

06-09-25 10:34 am HK News Desk ದೇಶ - ವಿದೇಶ

ಡಿಜಿಟಲ್ ಪಾವತಿಗೆ ಜನ ಹೆಚ್ಚೆಚ್ಚು ಒಗ್ಗಿಕೊಳ್ಳುತ್ತಿರುವುದು ಮತ್ತು ಇಷ್ಟಪಡುತ್ತಿರುವ ಹಿನ್ನೆಲೆಯಲ್ಲಿ ಗ್ರಾಹಕರಿಗೆ ಅನುಕೂಲ ಒದಗಿಸಲು 'ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮ'ವು ಯುಪಿಐ ಪಾವತಿ ಮಿತಿಯನ್ನು ಮತ್ತಷ್ಟು ಹೆಚ್ಚಳ ಮಾಡಿದೆ. ಸೆಪ್ಟೆಂಬರ್ 15ರಿಂದ ಹೊಸ ನಿಯಮ ಜಾರಿಯಾಗಲಿದ್ದು ಎಲ್ಲ ಬ್ಯಾಂಕುಗಳಿಗೆ ಈ ಕುರಿತು ಸುತ್ತೋಲೆ ಕಳುಹಿಸಲಾಗಿದೆ.

ನವದೆಹಲಿ, ಸೆ.6: ಡಿಜಿಟಲ್ ಪಾವತಿಗೆ ಜನ ಹೆಚ್ಚೆಚ್ಚು ಒಗ್ಗಿಕೊಳ್ಳುತ್ತಿರುವುದು ಮತ್ತು ಇಷ್ಟಪಡುತ್ತಿರುವ ಹಿನ್ನೆಲೆಯಲ್ಲಿ ಗ್ರಾಹಕರಿಗೆ ಅನುಕೂಲ ಒದಗಿಸಲು 'ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮ'ವು ಯುಪಿಐ ಪಾವತಿ ಮಿತಿಯನ್ನು ಮತ್ತಷ್ಟು ಹೆಚ್ಚಳ ಮಾಡಿದೆ. ಸೆಪ್ಟೆಂಬರ್ 15ರಿಂದ ಹೊಸ ನಿಯಮ ಜಾರಿಯಾಗಲಿದ್ದು ಎಲ್ಲ ಬ್ಯಾಂಕುಗಳಿಗೆ ಈ ಕುರಿತು ಸುತ್ತೋಲೆ ಕಳುಹಿಸಲಾಗಿದೆ.

ಇದರಂತೆ ಇನ್ನು ಮುಂದೆ ಗ್ರಾಹಕರು ಒಮ್ಮೆಲೇ ಯುಪಿಐ ಮೂಲಕ 5 ಲಕ್ಷ ರೂ. ವರೆಗೆ ಹಣ ವರ್ಗಾವಣೆ ಮಾಡಬಹುದು. ಮತ್ತು 24 ಗಂಟೆ ಅವಧಿಯಲ್ಲಿ ಒಟ್ಟು 10 ಲಕ್ಷ ರೂ. ವರೆಗಿನ ಮೊತ್ತವನ್ನು ಯುಪಿಐ ಮೂಲಕ ಪಾವತಿಸಿ ಬ್ಯಾಂಕ್ ವಹುವಾಟು ಮಾಡಬಹುದು. ಆದರೆ, ಇದು ವ್ಯಕ್ತಿಯಿಂದ ವರ್ತಕರು ಅಥವಾ ಕಂಪನಿಗಳಿಗೆ ಮಾಡುವ ಪಾವತಿಗಳಿಗೆ ನಿರ್ದಿಷ್ಟ 12 ವ್ಯವಹಾರಗಳಿಗೆ ಮಾತ್ರ ಅನ್ವಯವಾಗುತ್ತದೆ.

ವ್ಯಕ್ತಿಯಿಂದ ವ್ಯಕ್ತಿಗೆ ಕಳುಹಿಸುವ ಹಣಕ್ಕೆ ದೈನಂದಿನ ಗರಿಷ್ಠ 1 ಲಕ್ಷ ರೂ. ಮಿತಿ ಮುಂದುವರಿಯಲಿದೆ. ಸದ್ಯಕ್ಕೆ ಷೇರು ಮಾರುಕಟ್ಟೆ, ವಿಮೆ ಮತ್ತು ಸರಕಾರಿ ಇ-ಮಾರ್ಕೆಟ್ ಪ್ಲೇಸ್, ಕ್ರೆಡಿಟ್‌ ಕಾರ್ಡ್ ಬಿಲ್ ಪಾವತಿ ಸೇರಿದಂತೆ ಒಟ್ಟು 12 ವರ್ಗಗಳಿಗೆ ಹೆಚ್ಚುವರಿ ಪಾವತಿ ಮಿತಿ ಅನ್ವಯವಾಗಲಿದೆ. ಇದರಂತೆ, ಒಬ್ಬ ವ್ಯಕ್ತಿ ಗರಿಷ್ಠ ಎಂದರೆ ಒಂದು ಬಾರಿಗೆ ಐದು ಲಕ್ಷದಷ್ಟು ಮೊತ್ತವನ್ನು ಯುಪಿಐ ಮೂಲಕ ನಿರ್ದಿಷ್ಟ ಉದ್ದೇಶಕ್ಕೆ ಪಾವತಿ ಮಾಡಬಹುದು. 24 ಗಂಟೆ ಅವಧಿಯಲ್ಲಿ 10 ಲಕ್ಷ ರೂ. ವಹಿವಾಟನ್ನು ಯುಪಿಐನಲ್ಲಿಯೇ ಮಾಡಬಹುದಾಗಿದೆ. ಕ್ರೆಡಿಟ್ ಕಾರ್ಡ್ ಮಿತಿಯನ್ನೂ ಹೆಚ್ಚಿಸಲಾಗಿದ್ದು ಒಂದೇ ಬಾರಿಗೆ ಐದು ಲಕ್ಷ ಪಾವತಿ ಹಾಗೂ ದಿನದಲ್ಲಿ 6 ಲಕ್ಷದಷ್ಟು ಮೊತ್ತ ಪಾವತಿಸಲು ಅವಕಾಶ ನೀಡಲಾಗಿದೆ. ಹೊಸ ನೀತಿಯನ್ನು ಸೆ.15ರಿಂದಲೇ ಜಾರಿಗೆ ತರಲು ಬ್ಯಾಂಕ್ ಗಳಿಗೆ ಸೂಚಿಸಲಾಗಿದೆ.

In response to the growing adoption and popularity of digital payments, the National Payments Corporation of India (NPCI) has announced an increase in the transaction limits for Unified Payments Interface (UPI) payments. The new rules will come into effect from September 15, and all banks have been notified accordingly. As per the revised guidelines, users will now be able to transfer up to ₹5 lakh in a single UPI transaction, and a total of ₹10 lakh within a 24-hour period.