ಒಲಿಂಪಿಕ್ಸ್ ನಲ್ಲಿ ಅಶಿಸ್ತು ; ಭಾರತಕ್ಕೆ ಮತ್ತೊಂದು ಪೆಟ್ಟು, ಕುಸ್ತಿಪಟು ಅಂತಿಮ್‌ ಪಂಘಲ್ ಗೆ ಮೂರು ವರ್ಷ ನಿಷೇಧ ಬರೆ !

08-08-24 11:15 pm HK News Desk ದೇಶ - ವಿದೇಶ

ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಅಶಿಸ್ತಿನ ಆರೋಪದ ಹಿನ್ನೆಲೆಯಲ್ಲಿ ಭಾರತೀಯ ಕುಸ್ತಿಪಟು ಅಂತಿಮ್‌ ಪಂಘಲ್ ಅವರನ್ನು ಮೂರು ವರ್ಷಗಳ ಕಾಲ ಭಾರತೀಯ ಒಲಿಂಪಿಕ್ ಸಂಸ್ಥೆ (ಐಒಎ) ನಿಷೇಧಿಸಲು ನಿರ್ಧರಿಸಿದೆ.

ನವದೆಹಲಿ, ಆಗಸ್ಟ್ 8: ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಅಶಿಸ್ತಿನ ಆರೋಪದ ಹಿನ್ನೆಲೆಯಲ್ಲಿ ಭಾರತೀಯ ಕುಸ್ತಿಪಟು ಅಂತಿಮ್‌ ಪಂಘಲ್ ಅವರನ್ನು ಮೂರು ವರ್ಷಗಳ ಕಾಲ ಭಾರತೀಯ ಒಲಿಂಪಿಕ್ ಸಂಸ್ಥೆ (ಐಒಎ) ನಿಷೇಧಿಸಲು ನಿರ್ಧರಿಸಿದೆ.

ಪಂಗಲ್ ಅವರ ನಡವಳಿಕೆಯನ್ನು ಕೂಲಂಕುಷ ಪರಿಶೀಲಿಸಿದ ನಂತರ ಕ್ರೀಡಾಸ್ಫೂರ್ತಿ ಮತ್ತು ಶಿಸ್ತಿನ ಮಾನದಂಡಗಳನ್ನು ಎತ್ತಿಹಿಡಿಯಲು ಸಂಸ್ಥೆ ಈ ನಿರ್ಧಾರ ತೆಗೆದುಕೊಂಡಿದೆ.

ಮಹಿಳೆಯರ 53 ಕೆಜಿ ವಿಭಾಗದ ಆರಂಭಿಕ ಪಂದ್ಯದಲ್ಲಿ ಸೋತ ನಂತರ ಪಂಗಲ್ ಪ್ಯಾರಿಸ್ ಒಲಿಂಪಿಕ್ಸ್‌ನಿಂದ ಹೊರಬಿದ್ದಿದ್ದರು. ಪ್ರಮುಖ ಶಿಸ್ತಿನ ಉಲ್ಲಂಘನೆಗಾಗಿ ಅಂತಿಮ್‌ ಪಂಗಲ್‌ ಮತ್ತು ಅವರ ಸಂಪೂರ್ಣ ಪರಿವಾರವನ್ನು ಪ್ಯಾರಿಸ್‌ನಿಂದ ಗಡೀಪಾರು ಮಾಡಲಾಗಿತ್ತು.

ಆಟ ಮುಗಿದ ಬಳಿಕ ಕ್ರೀಡಾಗ್ರಾಮದಲ್ಲಿ ಇರದೇ ತನ್ನ ಕೋಚ್‌ ಭಗತ್‌ ಸಿಂಗ್‌ ಮತ್ತು ಸ್ಪಾರಿಂಗ್‌ ಪಾಲುದಾರ ವಿಕಾಸ್‌ ತಮಗಿದ್ದ ಹೋಟೆಲ್‌ಗೆ ಹೋಗಿದ್ದಾರೆ. ಕ್ರೀಡಾಗ್ರಾಮದಲ್ಲಿ ಉಳಿದಿದ್ದ ತಮ್ಮ ವಸ್ತುಗಳನ್ನು ಹಿಂಪಡೆಯಲು ತನ್ನ ಐಡಿ ಕೊಟ್ಟು ಸಹೋದರಿಯನ್ನು ಕಳುಹಿಸಿದ್ದೇ ಈಕೆಗೆ ಮುಳುವಾಗಿದೆ.

ಅಂತಿಮ್‌ ಪಂಗಲ್‌ ಅವರ ವಸ್ತುಗಳನ್ನು ತರಲು ಹೋಗಿದ್ದ ಸೋದರಿಯನ್ನು ಪೊಲೀಸರು ಅರೆಸ್ಟ್‌ ಮಾಡಿದ್ದರು. ಅಂತಿಮ್ ಪಂಗಲ್‌ಗೆ ನೀಡಲಾಗಿದ್ದ ಪಾಸ್‌ನಲ್ಲಿ ಅವರ ಸಹೋದರಿ ಕ್ರೀಡಾ ಗ್ರಾಮ ಪ್ರವೇಶಿಸಿದ್ದರು.

Antim Panghal is most likely to be banned for three years after allowing her sister's entry into the athletes' village through her accreditation card, Wrestler Panghal caused an embarrassment to the Indian Olympic Contingent and as a result, IOA will be taking disciplinary action against her. She might receive a three-year ban by IOA. "The decision will be formally announced after she reaches India," the contingent source said.