ತಾಯಿಯನ್ನೇ ಕೊಲೆಗೈದು ದೇಹದ ಭಾಗ ಫ್ರೈ ಮಾಡಿದ್ದಾತನಿಗೆ ನೇಣು ಶಿಕ್ಷೆ ; ಮಗಳ ಮದುವೆಗೆ ತೆರಳಲು ಹೈಕೋರ್ಟ್ ಒಪ್ಪಿಗೆ

ಬ್ರೇಕಿಂಗ್ ನ್ಯೂಸ್

ಪ್ರಧಾನಿ ಮೋದಿ ಅಸ್ಸಾಂನಲ್ಲಿ ಇರುವಾಗಲೇ 5.8ರ ತೀವ್ರತೆಯ ಭೂಕಂಪ ; ಉತ್ತರ ಬಂಗಾಳ, ಭೂತಾನ್ ನಲ್ಲೂ ಕಂಪಿಸಿದ ಭೂಮಿ, ವಾರದ ಅಂತರದಲ್ಲಿ ಎರಡನೇ ಕಂಪನ ! | Udupi, Surat Murder, Arrest: ವೃದ್ಧ ದಂಪತಿಯನ್ನು ಕಟ್ಟಿಹಾಕಿ, ಅಡ್ಡಬಂದ ಸೆಕ್ಯುರಿಟಿ ಗಾರ್ಡ್ ಹತ್ಯೆಗೈದು ಚಿನ್ನಾಭರಣ ದರೋಡೆ ; 19 ವರ್ಷಗಳ ಬಳಿಕ ಮೋಸ್ಟ್ ವಾಂಟೆಡ್ ಕ್ರಿಮಿನಲ್ ಉಡುಪಿಯಲ್ಲಿ ಗುಜರಾತ್ ಪೊಲೀಸರ ಬಲೆಗೆ‌ | Bommai, SIT, Dharmasthala, Bommai: ನಿರೀಕ್ಷೆಗೆ ತಕ್ಕಂತೆ ಎಸ್‍ಐಟಿ ತನಿಖೆ ನಡೆಯುತ್ತಿಲ್ಲ ; ಷಡ್ಯಂತ್ರ ಮಾಡಿದವರನ್ನು ಮುಟ್ಟಬೇಡಿ ಎಂದು ರಾಜಕೀಯ ಒತ್ತಡವಿದೆ, ಅದಕ್ಕೆ ಅಧಿಕಾರಿಗಳಿಗೆ ಧೈರ್ಯ ಇಲ್ಲ, ಬೊಮ್ಮಾಯಿ ಕಿಡಿ |

ತಾಯಿಯನ್ನೇ ಕೊಲೆಗೈದು ದೇಹದ ಭಾಗ ಫ್ರೈ ಮಾಡಿದ್ದಾತನಿಗೆ ನೇಣು ಶಿಕ್ಷೆ ; ಮಗಳ ಮದುವೆಗೆ ತೆರಳಲು ಹೈಕೋರ್ಟ್ ಒಪ್ಪಿಗೆ

21-02-23 09:53 pm HK News Desk ದೇಶ - ವಿದೇಶ

ತನ್ನ ತಾಯಿಯನ್ನೇ ಕೊಲೆಗೈದು ಆಕೆಯ ದೇಹದ ಭಾಗಗಳನ್ನು ಫ್ರೈ ಮಾಡಿ ತಿಂದಿರುವ ಆರೋಪದಲ್ಲಿ ನೇಣು ಶಿಕ್ಷೆಗೆ ಗುರಿಯಾಗಿ ಜೈಲಿನಲ್ಲಿರುವ ವ್ಯಕ್ತಿಗೆ ಮುಂಬೈ ಹೈಕೋರ್ಟ್, ಮೂರು ದಿನಗಳ ಕಾಲ ಮಗಳ ಮದುವೆಯಲ್ಲಿ ಪಾಲ್ಗೊಳ್ಳಲು ಅವಕಾಶ ನೀಡಿದೆ.

ಮುಂಬೈ, ಫೆ.21: ತನ್ನ ತಾಯಿಯನ್ನೇ ಕೊಲೆಗೈದು ಆಕೆಯ ದೇಹದ ಭಾಗಗಳನ್ನು ಫ್ರೈ ಮಾಡಿ ತಿಂದಿರುವ ಆರೋಪದಲ್ಲಿ ನೇಣು ಶಿಕ್ಷೆಗೆ ಗುರಿಯಾಗಿ ಜೈಲಿನಲ್ಲಿರುವ ವ್ಯಕ್ತಿಗೆ ಮುಂಬೈ ಹೈಕೋರ್ಟ್, ಮೂರು ದಿನಗಳ ಕಾಲ ಮಗಳ ಮದುವೆಯಲ್ಲಿ ಪಾಲ್ಗೊಳ್ಳಲು ಅವಕಾಶ ನೀಡಿದೆ.

ಕೊಲ್ಲಾಪುರ ಮೂಲದ ಸುನಿಲ್ ರಾಮ ಕುಚುಕೊರವಿ ಎಂಬಾತನಿಗೆ ಕಳೆದ 2021ರ ಜುಲೈನಲ್ಲಿ ಹೈಕೋರ್ಟ್ ನೇಣು ಗಂಬಕ್ಕೇರಿಸಿ ಸಾಯುವ ವರೆಗೂ ಹಗ್ಗದಲ್ಲಿ ನೇತಾಡಿಸುವ ಶಿಕ್ಷೆಯನ್ನು ಪ್ರಕಟಿಸಿತ್ತು. ಅತ್ಯಂತ ಅಪರೂಪದ ಪ್ರಕರಣ ಆಗಿರುವುದರಿಂದ ಸಮಾಜಕ್ಕೆ ಸಂದೇಶ ಹೋಗಬೇಕು ಅನ್ನುವ ನೆಲೆಯಲ್ಲಿ ಈ ರೀತಿಯ ಘೋರ ಶಿಕ್ಷೆಯನ್ನು ನೀಡಲಾಗಿದೆ ಎಂದು ನ್ಯಾಯಾಧೀಶರು ಹೇಳಿದ್ದರು.

ಆರೋಪಿಯ ಮಗಳಿಗೆ ಮದುವೆ ನಿಶ್ಚಯವಾಗಿದ್ದು, ವಾರದ ಮಟ್ಟಿಗೆ ಪೆರೋಲ್ ಮೇಲೆ ಕಳುಹಿಸಲು ಅವಕಾಶ ನೀಡಬೇಕು ಎಂದು ಕೈದಿಯ ಪರವಾಗಿ ಯುಗ್ ಮೋಹಿತ್ ಚೌಧರಿ ಹೈಕೋರ್ಟಿನಲ್ಲಿ ವಾದ ಮಂಡಿಸಿದ್ದರು. ಸುನಿಲ್ ರಾಮ್ ಅಂತಹ ವ್ಯಕ್ತಿ ಆಗಿರಲಿಲ್ಲ. ಅಪರಾಧ ಹಿನ್ನೆಲೆಯವರೂ ಅಲ್ಲ. ಆತನ ಸಾಯಿಸುವ ಹಿಂದಿನ ಉದ್ದೇಶ ಏನಿತ್ತು ಅನ್ನೋದು ಗೊತ್ತಿಲ್ಲ. ತಲೆನೋವಿನ ಕಾರಣಕ್ಕೆ ಲಿಕ್ಕರ್ ಸೇವನೆ ಮಾಡುತ್ತಿದ್ದ. ಬುದ್ಧಿ ಸ್ಥಿಮಿತ ಇಲ್ಲದ ಸಂದರ್ಭದಲ್ಲಿ ಕೃತ್ಯ ಎಸಗಿದ್ದಾನೆ ಎಂದು ವಕೀಲರು ಹೇಳಿದರು. ಎಎಸ್ ಗಡ್ಕರಿ ಮತ್ತು ಪಿ.ಡಿ ನಾಯ್ಕ್ ಅವರಿದ್ದ ನ್ಯಾಯಪೀಠವು, ವಾರದ ಮಟ್ಟಿಗೆ ಪೆರೋಲ್ ನೀಡಲು ನಿರಾಕರಿಸಿತು. ಆದರೆ ಮೂರು ದಿನಗಳ ಮಟ್ಟಿಗೆ ಪೊಲೀಸ್ ಭದ್ರತೆಯಲ್ಲಿ ಮದುವೆಯ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲು ಅವಕಾಶ ಒದಗಿಸಿತು.

ಬಿಪಿಎಲ್ ಕುಟುಂಬ ಆಗಿರುವುದರಿಂದ ಪೊಲೀಸರನ್ನು ಕರೆದೊಯ್ಯಲು ಹಣ ತೆರುವುದು ಸಾಧ್ಯವಿಲ್ಲ. ಅದನ್ನು ವಿನಾಯ್ತಿ ಮಾಡಬೇಕೆಂದು ವಕೀಲರು ಕೇಳಿಕೊಂಡಿದ್ದಕ್ಕೆ ಒಪ್ಪಿದ ನ್ಯಾಯಾಧೀಶರು, ಫೆ.23ರಿಂದ 25ರ ವರೆಗೆ ಬೆಳಗ್ಗೆ 9ರಿಂದ 6ರ ವರೆಗೆ ಜೈಲಿನಿಂದ ಪೊಲೀಸರ ಸುಪರ್ದಿಯಲ್ಲೇ ಮದುವೆ ಕಾರ್ಯಕ್ರಮಕ್ಕೆ ಒಯ್ಯಬಹುದೆಂದು ತಿಳಿಸಿದರು. ದಿನವೂ ಪೊಲೀಸರೇ ಆತನನ್ನು ಕರೆದೊಯ್ದು ಮತ್ತೆ ಜೈಲಿಗೆ ತಂದು ಬಿಡಬೇಕೆಂದು ನಿರ್ದೇಶನ ನೀಡಿದ್ದಾರೆ.

The Bombay High Court has permitted a man convicted for killing his mother and frying her organs, to attend the wedding of his daughter under police escort. In July 2021, Kolhapur man Sunil Rama Kuchkoravi was sentenced to be hanged by the neck till he was dead, for the offence of murder, subject to confirmation by the High Court. The judge had also remarked that the case was the rarest of rare as it shook the social conscience of society.