ಮಹಾಲಯದಲ್ಲಿ ದೇವರ ದರ್ಶನಕ್ಕೆ ಹೊರಟಿದ್ದಾಗ ಬೋಟ್ ಪಲ್ಟಿ ; ಮಕ್ಕಳು, ಮಹಿಳೆಯರು ಸೇರಿ 24 ಸಾವು

ಬ್ರೇಕಿಂಗ್ ನ್ಯೂಸ್

Vittal Gowda, Mangalore, Dharmasthala: ವಿಠಲ ಗೌಡ ಬಗ್ಗೆ ಆರೋಪಿಸಿದ್ದ ಸ್ನೇಹಮಯಿ ವಿರುದ್ಧವೇ ಪೊಲೀಸ್ ದೂರು ; ಸೌಜನ್ಯಾ ಹೋರಾಟ ದಾರಿ ತಪ್ಪಿಸುವ ದುರುದ್ದೇಶ, ಯಾರ ಪಿತೂರಿಯಿಂದ ದೂರು ನೀಡಿದ್ದೆಂದು ತನಿಖೆಗೆ ಒತ್ತಾಯ | ನಾನು ಶಿವಭಕ್ತ ; ನಿಂದನೆಯ ವಿಷವನ್ನು ಕುಡಿದು ಜೀರ್ಣಿಸಿಕೊಳ್ಳಬಲ್ಲೆ, ಆರ್ ಜೆಡಿ -ಕಾಂಗ್ರೆಸ್ ಟೀಕೆಗೆ ಅಸ್ಸಾಂನಲ್ಲಿ ಪ್ರಧಾನಿ ಮೋದಿ ತಿರುಗೇಟು | Mangalore Protest: ರಸ್ತೆ ನಮ್ಮ ಹಕ್ಕು, ಭಿಕ್ಷೆಯಲ್ಲ ; ತೆರಿಗೆ, ಟೋಲ್ ಕಟ್ಟುತ್ತೇವೆ, ಒಳ್ಳೆ ರಸ್ತೆ ಕೊಡಿ, ಟ್ರೋಲ್ ಮಾಡುವ ಬದಲು ಜನಪ್ರತಿನಿಧಿಗಳನ್ನು ಪ್ರಶ್ನಿಸಿ, ರಸ್ತೆ ಗುಂಡಿ ವಿರುದ್ಧ ಬೀದಿಗಿಳಿದ ವಿದ್ಯಾರ್ಥಿಗಳು, ಯುವಜನರು |

ಮಹಾಲಯದಲ್ಲಿ ದೇವರ ದರ್ಶನಕ್ಕೆ ಹೊರಟಿದ್ದಾಗ ಬೋಟ್ ಪಲ್ಟಿ ; ಮಕ್ಕಳು, ಮಹಿಳೆಯರು ಸೇರಿ 24 ಸಾವು

25-09-22 10:03 pm HK News Desk ದೇಶ - ವಿದೇಶ

ಮಹಾಲಯ ಅಮಾವಾಸ್ಯೆ ಹಿನ್ನೆಲೆಯಲ್ಲಿ ದೇವಸ್ಥಾನ ದರ್ಶನಕ್ಕಾಗಿ ನದಿ ದಾಟಲು ದೋಣಿಯಲ್ಲಿ ಸಾಗುತ್ತಿದ್ದಾಗ ದೋಣಿ ಮಗುಚಿ ಬಿದ್ದು 24 ಮಂದಿ ದುರ್ಮರಣಕ್ಕೀಡಾದ ಘಟನೆ ಬಾಂಗ್ಲಾ ದೇಶದಲ್ಲಿ ನಡೆದಿದೆ.

ನವದೆಹಲಿ, ಸೆ.25: ಮಹಾಲಯ ಅಮಾವಾಸ್ಯೆ ಹಿನ್ನೆಲೆಯಲ್ಲಿ ದೇವಸ್ಥಾನ ದರ್ಶನಕ್ಕಾಗಿ ನದಿ ದಾಟಲು ದೋಣಿಯಲ್ಲಿ ಸಾಗುತ್ತಿದ್ದಾಗ ದೋಣಿ ಮಗುಚಿ ಬಿದ್ದು 24 ಮಂದಿ ದುರ್ಮರಣಕ್ಕೀಡಾದ ಘಟನೆ ಬಾಂಗ್ಲಾ ದೇಶದಲ್ಲಿ ನಡೆದಿದೆ.

ಪಂಚ್ ಗರ್ ಜಿಲ್ಲೆಯ ಕಾರತೋಯಾ ನದಿಯಲ್ಲಿ ದುರಂತ ಸಂಭವಿಸಿದೆ. ಔಲಿಯಾ ಘಾಲಿ ಘಾಟ್ ಪ್ರದೇಶದಿಂದ ಬಾಧೇಶ್ವರ್ ದೇವಸ್ಥಾನಕ್ಕೆ ತೆರಳಲು ನದಿಯನ್ನು ದಾಟುವುದಕ್ಕಾಗಿ ದೋಣಿಯಲ್ಲಿ ತೆರಳುತ್ತಿದ್ದರು. ಮಹಾಲಯ ಅಮಾವಾಸ್ಯೆ ಪುಣ್ಯ ದಿನದಂದು ದುರ್ಗಾ ದೇವಿಯನ್ನು ಪೂಜಿಸುವುದು ಬಂಗಾಳದಲ್ಲಿ ವಿಶೇಷ. ಹೀಗಾಗಿ ಬೋಡಾ, ಪಂಚ್ ಪೀರ್, ಮರಿಯಾ, ಬಂಘಾರಿ ಪ್ರದೇಶದ ಹಿಂದುಗಳು ದೇವಸ್ಥಾನಕ್ಕೆ ತೆರಳುತ್ತಿದ್ದರು.

ದೋಣಿಯಲ್ಲಿ ಸಾಮರ್ಥ್ಯಕ್ಕಿಂತ ಹೆಚ್ಚು ಜನರನ್ನು ತುಂಬಿಕೊಂಡು ಹೋಗುತ್ತಿದ್ದ ಕಾರಣ ನದಿಯಲ್ಲಿ ಮಧ್ಯದಲ್ಲಿರುವಾಗಲೇ ಮಗುಚಿ ಬಿದ್ದಿದೆ ಎನ್ನಲಾಗುತ್ತಿದೆ. ಹಲವರು ಈಜಿ ದಡ ಸೇರಿದ್ದರೆ, ಇನ್ನೂ ಹಲವರು ನದಿಯ ನೀರಿನಲ್ಲಿ ಕೊಚ್ಚಿ ಹೋಗಿದ್ದಾರೆ. ಮಕ್ಕಳು, ಮಹಿಳೆಯರು ಸೇರಿ 24 ಮಂದಿಯ ಶವ ಸಿಕ್ಕಿದೆ ಎಂದು ಅಲ್ಲಿನ ಜಿಲ್ಲಾಧಿಕಾರಿ ಮಹಮ್ಮದ್ ಝಹರುಲ್ ಇಸ್ಲಾಮ್ ತಿಳಿಸಿದ್ದಾರೆ. ಈಜಿ ದಡ ಸೇರಿದವರ ಪ್ರಕಾರ, 30ಕ್ಕೂ ಹೆಚ್ಚು ನದಿ ನೀರಿಗೆ ಬಿದ್ದು ನಾಪತ್ತೆಯಾಗಿದ್ದಾರೆ. ಈ ಪೈಕಿ 24 ಮಂದಿಯ ಶವ ಸಿಕ್ಕಿದೆ ಎಂದು ಸ್ಥಳೀಯ ಪೊಲೀಸರು ತಿಳಿಸಿದ್ದಾರೆ.

ಬಾಂಗ್ಲಾದಲ್ಲಿ ನದಿಗಳನ್ನು ದಾಟಲು ಹೆಚ್ಚಿನ ಕಡೆ ದೋಣಿಗಳನ್ನೇ ಬಳಸುತ್ತಾರೆ. ಢಾಕಾ ಇನ್ನಿತರ ನಗರ ಪ್ರದೇಶಗಳಿಗೆ ತೆರಳುವುದಕ್ಕೂ ದೋಣಿಗಳೇ ಆಸರೆ. ಆದರೆ ಹೆಚ್ಚಿನ ದೋಣಿ, ಬೋಟ್ ಗಳು ಅಸುರಕ್ಷಿತವಾಗಿದ್ದು, ಪ್ರಯಾಣಕ್ಕೆ ಸೂಕ್ತವಾಗಿಲ್ಲ ಎಂದು ಅಲ್ಲಿನ ನೌಕಾಪಡೆ ತಿಳಿಸಿದೆ.

At least 24 people drowned and several more went missing after a boat capsized on the Karatoya river in the northern district of Panchagarh in Bangladesh on Sunday.The accident took place in Auliar Ghat area under Maria Union Parishad of Boda Upazila (an administrative region in Bangladesh functioning as a sub-unit of a district). According to rescued passengers and locals, people from the Hindu community from Boda, Panchpir, Marea and Banghari areas were going from Aulia Ghat towards Badheshwar temple to offer prayers on the occasion of Mahalaya--an auspicious occasion in the Hindu calendar marking the arrival of Goddess Durga.