18ನೇ ವಯಸ್ಸಿಗೆ ಕಮರ್ಶಿಯಲ್ ಪೈಲಟ್ ; ವಿಜಯಪುರ ಮೂಲದ ಸಮೈರಾ ಹುಲ್ಲೂರು ದೇಶದ ಅತಿ ಕಿರಿಯ ಪೈಲಟ್ ಸಾಧನೆ

ಬ್ರೇಕಿಂಗ್ ನ್ಯೂಸ್

KMC Hospital Mangalore, Attavar, Surgery: ಅಪಘಾತದಲ್ಲಿ ಕಾಲು ಮುರಿದಿದ್ದ 200 ಕೇಜಿಯಿದ್ದ ವ್ಯಕ್ತಿಗೆ ಸಂಕೀರ್ಣ ಶಸ್ತ್ರಚಿಕಿತ್ಸೆ ; ಅಪಘಾತದಲ್ಲಿ ಕಾಲು ಮುರಿದಿದ್ದವರು ಕೆಲವೇ ದಿನಗಳಲ್ಲಿ ಸ್ವಸ್ಥ, ಕ್ಲಿಷ್ಟಕರ ಸಮಸ್ಯೆ ಭೇದಿಸಿದ ಮಂಗಳೂರು ಕೆಎಂಸಿ ವೈದ್ಯರು | ದೆವ್ವ ಬಿಡಿಸುವುದಾಗಿ ಹೇಳಿ ಕೊಲಿನಿಂದ ಹಲ್ಲೆ, ಚಿತ್ರಹಿಂಸೆ ; ಮಸಣ ಸೇರಿದ ಮಹಿಳೆ | Heart Attack Case, Karnataka: ಹಠಾತ್ ಸಾವುಗಳನ್ನು "ಅಧಿಸೂಚಿತ ಕಾಯಿಲೆ" ಎಂದು ಘೋಷಣೆ ; ಹೃದಯಾಘಾತ ಪ್ರಕರಣಗಳಲ್ಲಿ ಮರಣೋತ್ತರ ಪರೀಕ್ಷೆ ಕಡ್ಡಾಯ, 15 ವರ್ಷ ಮೇಲ್ಪಟ್ಟವರ ನಿಯಮಿತ ತಪಾಸಣೆಗೆ ಸೂಚನೆ |

18ನೇ ವಯಸ್ಸಿಗೆ ಕಮರ್ಶಿಯಲ್ ಪೈಲಟ್ ; ವಿಜಯಪುರ ಮೂಲದ ಸಮೈರಾ ಹುಲ್ಲೂರು ದೇಶದ ಅತಿ ಕಿರಿಯ ಪೈಲಟ್ ಸಾಧನೆ

04-12-24 08:10 pm HK News Desk ಕರ್ನಾಟಕ

ವಿಜಯಪುರ ಜಿಲ್ಲೆಯ ಯುವತಿ ಸಮೈರಾ ಹುಲ್ಲೂರ ಎಂಬಾಕೆ ತನ್ನ 18ನೇ ವಯಸ್ಸಿಗೆ ಕಮರ್ಶಿಯಲ್ ಪೈಲಟ್ ಲೈಸೆನ್ಸ್ ಪಡೆಯುವ ಮೂಲಕ ಈ ಸಾಧನೆ ಮಾಡಿದ ದೇಶದ ಅತ್ಯಂತ ಕಿರಿಯ ಪೈಲಟ್ ಎಂಬ ಹೆಗ್ಗಳಿಕೆ ಪಡೆದಿದ್ದಾರೆ.

ವಿಜಯಪುರ, ಡಿ.4: ವಿಜಯಪುರ ಜಿಲ್ಲೆಯ ಯುವತಿ ಸಮೈರಾ ಹುಲ್ಲೂರ ಎಂಬಾಕೆ ತನ್ನ 18ನೇ ವಯಸ್ಸಿಗೆ ಕಮರ್ಶಿಯಲ್ ಪೈಲಟ್ ಲೈಸೆನ್ಸ್ ಪಡೆಯುವ ಮೂಲಕ ಈ ಸಾಧನೆ ಮಾಡಿದ ದೇಶದ ಅತ್ಯಂತ ಕಿರಿಯ ಪೈಲಟ್ ಎಂಬ ಹೆಗ್ಗಳಿಕೆ ಪಡೆದಿದ್ದಾರೆ.

ಸಮೈರಾ ಅತಿ ಕಿರಿಯ ವಯಸ್ಸಿನಲ್ಲೇ ಅಭೂತಪೂರ್ವ ಸಾಧನೆ ಮಾಡಿರುವುದು ಕುಟುಂಬದಲ್ಲಿ ಸಂಭ್ರಮ ಮೂಡಿಸಿದೆ. ವಿಜಯಪುರ ಜಿಲ್ಲೆಯ ಗೋಲಗುಮ್ಮಟ ಸಮೀಪದ ನಿವಾಸಿಗಳಾದ ಅಮೀನ ಹುಲ್ಲೂರು-ನಾಝಿಯಾ ಹುಲ್ಲೂರು ದಂಪತಿಯ ಮಗಳು ಸಮೈರಾ ಹುಲ್ಲೂರು ಈ ದಾಖಲೆ ಮಾಡಿದಾಕೆ.

Samaira Hullur, India's youngest commercial pilot at 18

ಸಮೈರಾ ತನ್ನ ಪ್ರಾಥಮಿಕ, ಪ್ರೌಢ ಹಾಗೂ ಪದವಿ ಪೂರ್ವ ಶಿಕ್ಷಣವನ್ನು ವಿಜಯಪುರದಲ್ಲಿ ಪೂರ್ಣಗೊಳಿಸಿದ್ದು, ನಂತರ ದೆಹಲಿಯಲ್ಲಿ 6 ತಿಂಗಳು ಪೈಲಟ್ ತರಬೇತಿ ಮುಗಿಸಿದ್ದಳು. 25ನೇ ವರ್ಷಕ್ಕೆ ಪೈಲಟ್ ಆಗಿರುವ ಕ್ಯಾಪ್ಟನ್ ತಪೇಶ್ ಕುಮಾರ್ ಅವರೇ ನನಗೆ ಪ್ರೇರಣೆ ಎಂದು ಸಮೈರಾ ತನ್ನ ಹೇಳಿಕೊಂಡಿದ್ದಾಳೆ. ಸಮೈರಾ 18ನೇ ವರ್ಷಕ್ಕೆ ಪೈಲಟ್ ಆಗುವ ಮೂಲಕ ತಪೇಶ್ ಅವರನ್ನು ಮೀರಿಸಿದ್ದಾರೆ.

ಸಮೈರಾಳ ಸಾಧನೆಗೆ ಜಿಲ್ಲೆ, ರಾಜ್ಯ ಹಾಗೂ ದೇಶದ ಹಲವಡೆಯಿಂದ ಶುಭಾಶಯಗಳು ಹರಿದು ಬರುತ್ತಿವೆ. ಹೆಣ್ಣು ಮಕ್ಕಳೆಂದರೆ ಕಡೆಗಣಿಸುವವರಿಗೆ ಸಮೈರಾ ಸಾಧನೆ ಮಾದರಿ ಎನ್ನುವಂತಿದೆ.

Samaira Hullur from Vijayapura has obtained a commercial pilot licence at the age of 18. Her father Ameen Hullur, an interior designer, has said that she is the youngest in India to clear all tests and get the licence.